Monthly Archives: January 2016

Amajjii 21/2016 Warraaqsii Dargaggoota Oromoo Hojii Dhuunfaa fi Dafqaan Bultootaan Magaalaa Finfinnee keessatti Waraana Oromiyaa keessatti ilmaan Oromoo ajjeesaa turee, Ayyaanaa Cuuphaa irratti hiriiree uummata gooluuf dhaabbatu FXG’n dura dhaabbachuu ee

Aside

Amajjii 21,2016 Warraaqsii FXGn Dargaggoota Hojii Dhuunfaa fi Dafqaan Bultootaa Oromoon Magaalaa Finfinnee keessatti Ayyaana Cuphaa irratti Waraana Wayyaanee Oromiyaa keessatti Yakka Waraanaa Rawwachaa jiruu dura dhaabbachuun eegalame daran Jabaachuun itti fufe!, Uummata Ayyaana Cuuphaa Ayyaaneffachuuf baee Poolisootni Wayyaanee Dargaggoota Oromoo irratti Kutaa magaalaa Finfinnee Yakkaa Daandii gara Laga Xaafootti geessuu bakka Karraa jedhamutti dhukaasa baneen Magaalaan Finfinnee sochii dargaggoota Oromoon raafama keessa seente Walitti buinsi guddaan Poolisoota dhalootaan Oromoo taanii fi Tigirootaa gidduutti dhalateen Ayyaanni cuuphaa gara Fincilaatti jijjiraame, Poolisootni dhalootaan Oromoo taaan ilmaan Oromoo hanga qabeenyaa fi namarraan midhaa gahaa hin jirreetti Sagalee diddaa waan Dhageesisaaniif reebuu fi irratti dhukaasuu hin qabnu jechuun waan didaniif poolisoota gidduutti walitti buinsii uumamuun bakkuma Ayyaanaa Cuuphaa kanatti Utuu uummatni ilaaluu Poolisiin Tigiree tokkoo fi Poolisiin dhalootaan Oromoo tokko wal qabachuun wal reebuun, uummatni fi Daraggaggootni gara Poolisii Oromoo goruun Poolisii Tigiree reebuun akka achii ariian madden ijaan arganitu nuuf gabaase. Goototni Dargaggootni Oromoo Wallee Warraaqsaan Haalaan ABO,Oromiyaa fi Goototota dargaggoota Oromoo barakana Warraaqsarratti wareegaman faarsuun hin hafuu gumaan barattootaa keenyaa Beenyaa yabeenyaa hin haftu gumaan barattoota keenyaa, Sifaan Lolaa ABO narra hin gortuu, dargaggoon Oromoo kaatee bosona hin galtuu fi dhaadannoo Oromiyaa, Bilisummaa, Walabummaa , abbaa biyyummaa barbaadna jedhuu sagalee guddaan dhageesisan, Sochii kana dhaabsisuuf poolisiin Federaalaa Finfinnee yaalii guddaa wayita gochaa jiruutti walitti buinsii uumamee Dargaggootni oromoo hedduun poolisootaan reebamuun namootni 15 ukkanfamuun kan qabamanii hidhaman yoo tauu, dargaggootni Oromoos boodarra tarkaanfii of irraa Ittisuu fudhachuun poolisoota hedduu dhagaan tumuun konkolaataa poolisotaa lama dhagaan hojiin ala gochuun warraaqqasii jabaachuun itti fufaa jira, gabaasaan itti fufa.

photo1335
photo1336
photo1337
photo13361
photo13351

Wallagga Bahaa Magaalaan Naqamtee Keessatti FXG Daran Jabaatee Itti Fufuu Qeerroon Gabaase.

Aside

Amajji 22,2016
Guyyaa Kaleessa Magaalaan Naqamte FXG daran finiinsaa turan humna Wayyaanee  Agaazii sodaa tokko malee dhagaan ari’aa turan.dhaadannowwan
*Oromoon Hoolaa Malee lafa hin gurguru
*kallachi keenyaaf gaachanni keenya WBOn haa jiraatu,galtuun tplf haa godaantu
*Finfinneen,Buraayyuun,Sabataan,Galaan keenya
*master plan didneerra ….
Jedhchuun magaalaa keessa dhageessisa turan Humnoonni tika gaazii imimmaneessa darbachuu midhaa irraan ga’uuf
yaalu gurmuu uummataa diigu hin dandeenye.

.

Har’a Amajjii 22,2015 Gootonni Barattooti Oromoo Godina Wallaggaa Lixaa Magaalaa Jaarsoo Keessaatti Haala Qindaawaan FXG Itti Fufanii Jiru.

Aside

Jaarsoo

Guyyaa Har’aa  Amajjii 22, 2016  Godina Wallaggaa lixaa magaalaa Jaarsoottii FXG marsaa 3fffaan haala nama aja’ibuun dhowee jira….
Bartoonnii sadarka 2ffaa fi qopha’inaa Jaarsoo Qormataa hin fudhanuu jechuun guyyaa qormataa gara guyyaa Mormitii deebi’ee qormanis osoo hin fudhatamiin hafee jira Barnonnii Bilisummaa Booda jechun mormii jabaa irra jiru!  12597018_567566113395308_134723715_o 12625650_567564910062095_1453683320_n 12630720_567565610062025_460175274_o

Ayyaanni Cuuphaa Magaala Finfinnee Keessatti Gara FXGtti Jijjiramee Oole,Gootonni Qeerroon ABO Faarsuun Diddaa Isaanii Dhageessifataa Turan.

Video

1

Ayyaanni Cuuphaa Magaala Finfinnee Keessatti Gara FXGtti Jijjiramee Oole Amajii 20,2016 guyyaa ayyaana Cuuphaa jedhamee biyyattiitti kabajamee jira.  Ayyaanni oromiyaa guutuu keessatti  gara Fincilaatti jijjiiramuudhaan FXG gaggeeffamaa oolee jira. Addatti
1.    Magaala Finfinnee kutaalee garagaraa keessatti uummanni haala mijawaa argatuun dhaadannoo isaa dhageesisaa oole. Uummanni lafa jiruu
ayyana sababeessuun wal argee oole WBO fi ABO faarsaa oolee jira. waraabbiin asirratti argamu kan kutaa magaala Finfinnee keessaa Saarisitti daandii gubbaatti bahuun ija diinaa dura dhaabbachuudhaan dhaadannoo dhageesisaa oolaniiru. Bakka  hedduutti uummanni Oromoo ayyaana kana irratti argame ayyaanicha guutummaan guututti gara FXGtti jijjiiree oolee jira.
2.    Naannolee godina addaa Oromiyaa keessatti ilmaan tigrootaa Oromoo irratti dhaadatan kannen mootummaa isaanii deggeran irratti uummanni
tarkaanfii garagaraa adeemsisuudhaan adabee jira.  Ayyaana kana irratti magaalota naannowaa oromiyaa keessaa baasuun ilmaan tigree bakka oolmaa dhabsiisanii jiru.  Uummanni tarkaanfii wal fakkaataas adeemsisee jira.
3.    Godinaalee oromiyaa garagaraa keessatti ayyaana kanaan wal qabsiisuun FXG asdeemsifamee jiruun dargaggoonni hedduun qabamuun
dhagayamee jira. shawaa lixaa kanneen akka Amboo irratti dargaggoonni bahanii akka ayyaana kana irratti hin hirmaanne humna waraana
Wayyaanetiin dhorkamanii jiru. Magaalotaa kanneen biroo keessatti humna waraana wayyaanee ariyuudhaan ayyaanicha gara fincilaatti
naanneessuun uummanni FXG itti fufee ooleera. Qonnaan bulaa fi dargaggoota hedduu irratti hidhaan adeemsifamee jabaatee itti fufee ooleera.

The debate on the situation in Oormia & Ethiopia in the EU parliament and the solution adpted on 21,Jan 2016

Aside

Qeerroon Amboo Akkuma Aadaa Isaaniin Gootummaan Ayyaana Cuuphaa Sababeefachuun FXG Gaggeessuun Loltoota Agaazii Gamtaan Of Irraa Dhorkaa Oolan.

Aside

FXG Gootota Dargaggoota Oromoo Shaashamannee,Amajjii 21,2016

Aside

Godina Addaa Buraayyuu Keessatti Ummanni Daandiitti Bahee Wallee Warraaqsaan ABO fi WBO Faarsaa Oole.

Aside

Amajjii 21,2016 Godina addaa Buraayyutti uummanni daanditti bahuudhaan kaleessa Amajii 20,2015 guyyaa cuuphaatt
– ABOn nu haa bulchu
– Gaachanni keenya WBO dha
– Wayyaanen kanaan booda nun bittu
– Wayaaneef hin jilbeenfannu
– Barri bilisummaa gaheera
– Mirga keenyaaf ni wareegamna
Jechuun humni waraana wayyaanee sodaatee gara dhufetti deebi’ee jira. dhaadannoo kaleessa fi har’a godinaalee addaa oromiyaa, magaala Finfinee fi godinaalee oromiyaa guutummaatti ayyaana kanaan wal qabsiisuudhaan dhageesisaa oolanii jiru. Uummanni oromoo mootummaa Wayyaanee akka hin barbaanne guutummaatti walii galeera.
Shawaa kaabatti salaaletti dandiwwan cufamanii turan. Wayyaanee daaraa irraa dhoofnee, wayyaanee nama goone, wayyaanee beela baasne har’a
ijoollee keenya fixxe yaa wayyaanee yaa kadhattu maaliif biyya keetti hin galtuu? Jechuun sirbootni fi dhaadannoon garagaraa har’a guyyaa
guutuu dhageesifamaa oole.
Naannowwan garagaraatti dargaggootni hedduunis qabamanii jiru. Sirni ayyaana cuuphaas waraana wayyaaneetiin ugguramee jira.
FXG oromiyaa keeysatti itti fufetu jira.

Sirna Ayyaanaa Cuphaatiin Walqabatee FXG Godhameen Poolisiin Federalaa Ummataa Nagaa Irrattii Tarkanfii Fudhatera,Barattooti Oromoo University Wallaggaa 11 Gara Malee Reebamanii Hosptala Naqamtee Seenan.

Aside

FXG Naqamte

Amajjii 21,2016 Sirna Ayyaanaa cuphaatiin walqabatee Mormii cimaa godhamee poolisiin federalaa Ummataa nagaa irrattii tarkanfii fudhatera. Dhukkasaa fi gaziin nama boochisu illee ummaata kara nagaan sirna amantaa isaa hordofaa jiru irrattii fudhatameera. Itti dabalees, Guyyaa Gaafa 21 /01/2016
Mormii cimaan magalaa naqamtee fi barattoota Yuunbersitii Wallaggaa  Keessaattii fininuu eegale jira. Baratoota wallaggaa university nagaan mormii dhageessisuuf bahan irratti  humnoota waranaa mootummaa  baratootni 11 irratti miidhaa hamaa geessisuun yeroo ammaa kana hospitaala naqamtee keessaatti argamu. 12571247_809338852545393_1969020113_n
1. Dhaabasaa Fufa(5th yr civil eng)
2. Miressa shifeeraa Da’oo (pre engineering)
3. Saaron Bayisaa
4. Tolasaa Lataa Desisaa
5. Tamanee Tarekegn
6. Caanaa Odaa Burkuu -5th yr civil engineer12583987_809338579212087_1024700929_n
7. Yasin Malik
8. Bontu Fikadu Tulluu
9. Waktolee Beyenaa
10. Gashuu Gebeyo
11. Habtamuu Belay

Baratootni heddunis osoo yaalii hin argatiin kallattin gara mana hidhatti fudhatamaniru.

“Siifan Lolaa Oromoo Narra Hin Gortuu” Qeerroo Naqamtee Amajjii 21,2016

Aside