በፍንፍኔ ከተማ መቀሌን ያያችሁ?

(ቄሮ ዘጋቢ፣ፍንፍኔ  ህዳር 28 ፣ 2012) ህወሃት ለሁለት በተከፈለበት ወቅት ከነ አቶ ተወልደ ቡድን ጋር በመወገኑ ከሥልጣን ተባሮ የነበረውና ቦኋላ ንሰሃ ገብቶ የመለስ ዜናዊን ቡድን በመቀላቀል ድህረ ምርጫ 97 የፍንፍኔ ከተማ ከንቲባ ሆኖ ለመሾም የበቃው ኩማ ደመቅሳ በፍንፍኔ ከተማ ውስጥ እየታየ ያለው የኑሮ ውድነት ከባድ ፈተና ሆኖብናል በማለት አስታወቀ።

እንደ ኩማ ደመቅሳ አነጋገር ከተማውን ለከባድ ችግር ዳርጎታል የተባለው የኑሮ ውድነት መንስኤው አገዛዙ የዘረጋው ዘረኛ ድርጅታዊ መዋቅር እና የተሳሳተ የኢኮኖሚ ፖሊሲ ሳይሆን በኢኮኖሚ የበለጸጉ አገሮች በገጠማቸው ቀውስ የተነሳ ነው። መለስ ዜናዊ ላለፉት 5 እና ከዚያም በላይ አመታት አገሪቷ በተከታታይ የሁለት አሃዝ እድገት አስመዝግባልች በማለት ባዶ ድስኩሮችን ለፕሮፖጋንዳ ፍጆታ በሚያሰማባቸው ወቅቶች አሁን የሚሳበብበት የአለም የኢኮኖሚ ቀውስ ምንም አንድምታ እንዳልነበረው ሲገለጽ የሰነበተ ቢሆንም ኩማ ደመቅሳና ሌሎች የበታች ባለሥልጣናት ግን የአለቃቸውን ቃል በመጻረር ችግሩን በሌሎች አገር ከተከሰተው የኢኮኖሚ ቀውስ ጋር ለማመሳሰል ሲባዝኑ ይስተዋላል።

በኩማ ንግግር ከተንጸባረቀው አንዱ “የአቅም ግንባታና የመልካም አስተዳደር እጦት ችግር እየተባባሰ መሄድ ሲሆን በአገር ሃብት ዘረፋና በሙስና የተዘፈቀው የወያኔ አገዛዝ በመንግሥታዊና አገልግሎት ሰጪ ተቋሞች ለፖለቲካ ሥር ዓቱ ታማኝነትንና ታዛዥነትን መስፈርት በማድረግ ምንም አቅምና ችሎታ የሌላቸውን ሰዎች ሲያሰማራ ቆይቶ አሁን ችግሩ የአገዛዙን የስልጣን ዕድመና ሂሊውና የሚፈታተንበት ወቅት ላይ ሲደርስ ማንን ለመወንጀል ወይም በማን ላይ ለማላከክ መወትወት እንደጀመረ የታወቀ ነገር የለም።

የፍንፍኔ ከተማ ከንቲባ ሆኖ የተሾመውን ኩማ ደመቅሳን ጨምሮ የዛሬ 20 አመት ባዶ እጃቸውን ፍንፍኔ የገቡት አብዛኛዎቹ የወያኔ ባለሥልጣኖች ዛሬ ላካበቱት ሃብት መሠረቱ የፍንፍኔን የከተማ መሬት በሚሪት እየወሰዱ አሳልፎ በመቸብቸብ የተገኘ እንደሆነ፤ የነርሱንም ዱካ ተከትለው ዛሬ በአቅም ማነስ እየተወነጀሉ ያሉት ካድሬዎች በሙሉ በዘረፋውና በሙስናው እንደተሰማሩ ህዝብ ጠንቅቆ ያውቃል።

ይሁንና የመቄሌ ከተማ ደግሞ በእድገት ላይ እድገት እያስመዘገበች መሆኑ ከሰሞኑ ዘገባዎች ለማወቅ ተችሏል። አገዛዙ የዘረጋው ዘረኛ ድርጅታዊ መዋቅር እና የኢኮኖሚ ፖሊሲ ዉጤት የሆነው የመቄሌ ከተማ እድገት ዉጤት  እጅግ አስደናቂ ነው። ዝርዝሩን ከ PDF ይመልከቱ Mekele_Town

Oromiyaa Gidduugalaa, Aanaa Ammayyaatti Barataan Oromoo Humnoota Wayyaaneen Ajjeefame

(Gabaasa Qeerroo,Sadaasa 28,2011 Finfinnee) Oromiyaa giddu galaa Aanaa Ammayyaa keessatti Barataan Oromoo Xurunaa Dhaabaa jedhamu humnoota Wayyeeneen ajjeefamuun gabaasame.

Oduun Qeerroo Aanaa Ammayyaa irraa nu dhaqqabe akka hubachiisetti, barataa Xurunaa Dhaabaa, Sabboonaa fi umurii ijoollummaa isaan kanaan qaroo quuqaan saba isaa ijoollummaan keessa bule ture.  Walumaa gala odeeffata ajjeefamuu barataa Xurunaa Dhaabaa gabaasa Qeerroo irraa akka armaa gadiiti.

Sadaasa 14/2011 barataa  Xurunaa Dhaabaa barataa kudhaa 7ff  Ajjeefte. Akkaataa barataan Kun itti galaafatame

Wayyaaneen Dhoksaan  Humna nama Ynaataa ta`e   leenjiftee akka Ummata Oromoo saamanii fi Barattoota Oromoo akka ajjeessan, dhoksaan ukkamsaan akka dhabamsiisaniif humna Addaa qaama Feederaalaan  leenjisee bobaasuu isaa ammaan  dura odeessa duraan wal hubachiisuu keenya  ni yaadatama.

Akkuma kanaan barataan kun  Aanaa Ammayyaa ganda Agmsoo jedhamutti   mana barumsaa  ba`ee  guyyaa Jimaataa  gara warra isaatti galuuf utuu deemaa jiru  duuka bu`uun  Hordofanii ukkamsuun qabanii akka malee dhaananii Qophee fi  Uffata irraa baasuun Qullaa isaa du`eera jedhanii Kumxaa/Mutaantaa  jalatti ufate du`aa irratti dhiisanii  Bosona keessatti gatanii deeman.

Ukkamfamee dhabamuu isaa fi humna mootummaan Dhaanamee  kan du`aa ta`u isaa argee ummatni aanaa Ammayyaa itti dirmatee Hospitaala geessee Barataa Xurunaa Dhaabaa Lubuun isaa du`aa  irraa dandamachuu hin dandeenye. Maatiin isaas Lubbuu ilmoo isaa Hospitaalatti baraarachuu hin dandeenye.Gaddaan  guutamanii, gaara gubatanii iyyaa fi wareerruun reeffa fudhatanii ofirra  deebiyan. Lubuun dabrite.

Waan kana  kan argee fi dhaga`e ummatni Oromoo aana Ammayyaa keessa Jiraatu waajjira Poolisaa Aanaa Ammayyaatti Hiriira ba`ee gaaffii gaafate Mucaa keenya barumsaaf ergine   ukkamstanii nu jalaa ajjeeftan.  Ilmaan keenya mana barumsaa nagaan ba`anii galuu fi baratanii  warra gargaaruun afee lubbuu isaaniif waabii dhabne. kaan  mana barumsaatii humna qawween nu jalaa ukkaamsitanii dhabamsiiftu. kaan baadiyaya keessati jala deemtanii  Karaatti eegadii ukkamsitanii ajjeeftu. Biyya  nagaa fi tsagabbiin  hin jirre keessa jiraanna. Biyya mootummaan  hin jirre keessa  jiraanna.
Hattamaan Qaamni Barataa  kana ajjeessee fi  sababni inni itti galaafatame  qoratamee akka ifa nuuf ta`uu fi deebiin  sirnaa fi heera qabeessa ta`e akka nuuf kennamu jedhanii gaafannaan.
Waan kana/ummata kana  ABO tuu nurratti kakaase. ABO tuu nutti isin erge  ABO tuu duubaan jia jechuun  waajjirri Poolisa Aanaa Ammayyaa gaaffii Ummataa qoosaa fi salphisaan ilaaluun  ummatatti qoosaniiru.

Ummatni haarii fi dala`nsuun guutame hanga ammaatti gaaffii isaa fi diddaa fincila isaa itti fufee jira.
Dhimmuma barataa du`e kanaan kan wal qabateen Hanga  guyyaa odeessi kun  nu dhaqqabeetti Barsiisotni 40 ol ta`an Kan mana barumsaa Ammayaa barsiisan hojii barsiisummaa dhaabaniiru.Nuus  ta`e barattootni keenyas  bor nagummaa isaanii fi lubbuu isaaniif waabii maalii qabu jechuun gaaffiiseeraa gaafachaa jiru. Barattootnis  hin barannu jedhanii barumsa isaanii dhaabaniiru.
Manni barumsaa cufamee jira.

Ummatni Oromoo Aanaa ammayyaa jiruYaa Saba keenya Oromoo! Biyya nagaa fi tasaggabbiin  hin jirre, biyya  mootummaan hin jirree kan  badii tokko malee nama ajjeesuu fi kan  qabeenya ummataa saamuu, samsiisu malee nagaa  biyyaa fi ummataa eegsisuu kan hin jirre keessa akkamiin jiraannaa?

Mirga sabummaa keenyaa sarbamnee, qee fi qabeenya keenya irraatti ajjeefaamaa, ilmaan keenya mana barumsaatii ukkamsaanii ajjeesaa fi gara dhabamsiisaa akkamii fi haga yoomiitti du`aa jiraannaa? Kan jedhuun ummanni aanaa sanii qabsoo hanga wareegamaatti kaffaltii gaafattu gaggeessuuf murteeffachuu qeerroon gabaasa.

Tolaan dhabnaan, kaanee qawween mirkanfanna

(Qeerroo, Arbaa Miinci, 27 Sadaasa 2011) Shororkeessummaa ni balaaleffannaa; mirga haqaa fi dimokiraasii immoo dhugoomsuuf ni falmanna,” jechuun Qeerroon Un Arbaa Minci ibsan.

“Hojiin wayyaaneen mooraa Arbaa Minci keessatti hojjechaa jirtu kan nama gaddisiisu yoo ta’ellee nuti akkuma sabboontota Oromoo kan biroo FDG taasisnu irraa yoomillee boodatti  hin deebine,” kan jedhe ibsi barattoota Arbaa Minci kun, dhaabbiin hundee qabsoo keenyaa karaa nagaa mirga keenya kabachiifachuu dha,” jedhee jira.

“Haata’uutii, gartuun Wayyaaneen mirga keenya sarbaa waan jirtuuf akkuma barattoota Oromoo kaaniittti   harka wal qabannee qabsoo keenya ni finiinsina,; akkuma faaruun jedham san tolaan dhabnaan, kaanee qawween mirkanfanna'” jedhanii jiru.

Bilisummaa uummata Oromoo maraaf! Jaalleewwan qabsoo university Arbaa Minci

Gaaffiin Bilisummaa Deebii Qajeelaan Malee Sossobbii fi Ololaan Hin Dhaabbatu

(Qeerroo, Finfinnee, 27 Sadaasa 2011)Mootummaan wayyaanee yaaddoo warraasqa uummataan qabamee jiru bakkoota garagaraatti keesaa’uu dhaabbilee barnoota ol’aanoo keessatti dhimma Federaalizimii fi nageenyaa jedhuun barattootaa fi hojjattoota wal-gahii waamus itti milkaa’uu akka hin dandeenye gabaasame.

Gabaastoti Qeerroo akka dhaamanitti, bakka walgahiin itti deemsisame maratti gaaffiin sardaa fi durguddaa kan dhimma Wayyaaneen waamteen faallaa ta’e dhiyaachaa jira.

Keessaayyuu, gidduu kana walgahiin barattoota Uni.Finfinnee kan maqaa barattoota haaraa waliin wal-barsiisuu jedhuun galma aadaa fi turiizimii Itiyyoophiyaatti waamame mata duree kennameen ala olola wayyaanoti baniisa wal-gahii irratti mata duree Federaaliziimii fi nageenyaa jedhuun dhiyeessan barattooti mormanii jiru.

Akka gabaasa nu dhaqqabeetti, qondaalonni wayyaanee haasaa dhimma federaalizimii fi nageenyaa irratti dhiyeessan gaaffii barattootaa mata dureen waamicha keessanii kana miti,maliif mata dureen waamicha keessanii qabxii kana ta’uun dursa nuuf hin ibsine? Yaaddoon nageenyaa maali? Federaalizimiin Oromiyaaf maali?kanneen jedhaniin akka yaadametti otuu hin milkaa’iin hafee jira.

Haaluma walfakkaatuun, manneen barnootaa biyyattii keessatti ololli walfakkaataa kennama akan jiru yoo ta’u, bakka iyyuutti dabballooti Wayyaaneen qaana’anii akka deebi’aa jiran hubatamaa jira.

Hidhaa fi biyya irraa aryatamuu gaazexeessitoota biyyattiin walqabatee dhiibbaa wayyaanee irratti godhamaa jiru kabeebsuufis, wayyaanonni dabballoota isaanii walitti qabanii ololaa akka jiranis beekamee jira.

Mirga lammii dhiituu fi sarbuun akn beekamtu Wayyaaneen amma immoo karaa miidiyaa to’attee jirtuu, “mirga lammii fi heera biyyaa” waan jedhu irratti shubbisaa jirti.

Haala kana irratti hayyuun siyaasaa tokko yaada nuuf qoodaniin, “kan lammii hidhaa jiruu fi sagalee lammii biyyaa ukkaamsaa jiru Wayyaanee ta’ee otuu jiru, kanneen ukkaamsamanii mana hidhaatti dararamaa jiran akka waan mirga lammii fi heera biyyaa dhiitaniitti dhiyaachuun ummata tuffachuu dha,” jechuun hubachiisanii jiru.

Ummati har’a tuffatame kun garuu sagalee guddaa ittiin mootummaa kamuu gargalchu akka qabu kan yaadachiisan hayyuun, kun “gaafa diddaa fi fincilli ummataa dhowe garuu akka har’aa barooduun akka hin jiraanne waan biyyoota ollaatti ta’aa jiruu fi seenaa keessaa beekuun nama hin dhubu; gaaffii bilisummaa deebii qajeelaan malee sossobbii fi ololaan hin dhaabbatu” jedhanii jiru..

Walgahiin Wayyaanee Maqaa ABO jedhamu lagachuuf fi abaaruuf jecha Yaamame,ABO Farsuu fi Ittiin Dhadachuun Xumurame.

Gabaasa Qeerroo,Wallagam naannoo Qeello.Sadaasa 25,2011

Walgahii lukkeeleen Wayyaanee OPDOn torban tokkoof nammeen barumsaa sadarkaa ol-anaan Qeelloo cufuun barattootii fi ummanni naannoo san jiran akka ABO abaaraniif barnoota kennaan turan diddaa ummataa fi Qeerroo Bilisummaa naannoo san jiraataniin xumurri isaa ABO faarsuu fi ittiin dhadachuun akka xumurame gabaasi Qeerroo Wallagga naannoo Qeelloo irraa nu gahe addeessa.

Walagahiin kun kan gaggeeffame,ergamtoota Wayyaaneen kanneen tahanii aangawummaa OPDO qabaniin yeroo tahu,jarreen kunis:-

  1.  Barsiisaa Assabaa Taaddasaa Dabballee OPDO /Itti gaafatamaa Mana barnootaa aanaa    Eebantuu  Supervisor/
  2. Barsiisaa Bayyanaa Roorroo Dabballee OPDO  Itti aanaa dura ta`aa (I/D )Mana barumsaa Qeelloo
  3. Bariisaa Algaa Nagaashi Dura ta`aa Mana  barumsaa Qeelloo
  4. Bariisiisaa Asaffaa Warqinaa

    Yeroo tahan akeeki walgahii kanaa fi waan walgahii kana irratti ummataaf dhiheessan keessaa:-

Fiilmii dharaa Wayyaanee bara 1995/6  Qopheessitee ABO ittiin maqaa  yakkuuf  faxuulaa turte sana Amma akka haaraatti  barreeffamaan afarsuu fi labsuun barattoota ittiin doorsisuuf yaalan.

ABO  namni  maqaa dha`e ni ajjeefama. Murtii kana Mootummaa Federaalaatuu labse. ajaja kana dabarseera. ABO  kan  deggeeree fi waayee ABO  kan  lafaa kaasuu, ni ajjeefaamtu.  jechuun sodaa ajjeechaa fi doorsisaa Maqaa du`aan kan   Barattoota kana iraarsaa ture   Barsiisaa Bayyanaa Roorroo dha. Barattoota Sodaachisuuf itti bookisaa furii itti dabranii oomaa yaadaa fi qalbii barattootaa  jijjiiruu hin dandeenye.

Barattootni ABO-n Qaama keenya! ABO-n qaamaa fi qalbii keenya Keessa jira! ABO waraqaa irraatti barreessinee, afaaniin odeessinee califna  utuu hin ta`iin ABO Qaama/Qoma keenyaa fi Adda keenya irratti /Qaama keenya Keessatti TUMANNEE/MALLATTOO ABO jedhu bafrreeffanne isintti hojiin mul`ifna jedhanii Itti dubbataniiru.Akeekaa fi kaayyoon ABO bilisummaa sabaa fi walabummaa biyyaaf kan dhaabbattee fi qabsaa`u dha. Nuus  isa deggeerra. Fiilmii sobaa fi oduu dharaa tamsaasuun maalummaa ABO  yakkuu hin dandeessan. jedhanii dura dhaabbannaa isaanii itti mul`isaniiru jechuun soda tokko malee gamtoominaan ejjennoo isaanii ibsatanii jiru.

Kana malees goototni barattoota mana barumsaa Qeelloo keessa jiran roorrisaa fi ololaa ergamtoota diidaan utuu hin jilbeeffatiin Akkuma  dhaadatanii fi jedhanitti guyyaa wal ga`iin  lammattaa itti fufe ABO/WBO jechuun qaama isaaniirratti mallattoo/TUMATANII/TAATTOO/ Godhatanii  walga`iirraatti argamuun Sodaa tokko malee  diddaa isaanii ergamtoota/dabballoota OPDO tti mul`isaniiru.

Wal ga`iin OPDO guyyaa 7f barattoota mana barumsaa irraa  ugguree ABO jibbaa , ABO balaalleffaa dhaa kan jedhuu saganteeffatamee dhufe ABO faarsuu f i ABO  dhaaba haqaa fi dhugaan Saba Oromoof dhaabbatee fi Oromoo fi Oromiyaa Bilisa baasu!  Gantuu fi ayyaan laallattoota Ergamtoota diinaaf  hin abboomanu jechuun diddaa fi fincilaan Walgii sana  fudhatama dhabasiisanii ergamee bultoota Wayyaanee qaanessuun of irraa deebisanii akka jiran Qeerroon gabaasa.ergamtoota sanas  qaanessanii salphisanii isIni dabbaloota Ergamtoota Diinaati malee Barsiisota keenya miti  jechuun qaanessaniiru.

Akka walgahiin kun xumurameen barattoota mallattoo tumaa ABO qaama keessan irraa qabdu ummata nurratti kakaaftan sababa jedhuun kanneen reebichaan mana hidhaa jiran keessaa barattooti maqaan isaanii

1.Assabaa Dassuu barataa Kutaa 10
2.Gaaddisaa Dassuu Barataa Kutaa 8
3.Taarikuu Abdiisaa Barataa Kutaa  8

Jedhaman akka keessatti araman gabaasaan Qeerroo dabalee ibsa.

Fincilli diddaa gabrummaa naannoolee Oromiyaa adda addaa keessatti deemu mara rakkoolee networkiin gahaa hin jirreef guutuutti gabaasuu hanqannu illee dargaggoonni Oromoo diinaaf guyyaa tokko gadi jedhanii akka hin ooliin beekamaa dha.

Qabsoon itti fufa! Gabarummaan ni kufa!

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Irreechaa fi Diddaa Qeerroo Bilisummaa

(Qeerroo, Finfinnee, 23 Sadaasa 2011) Maddi Oduu Qeerroo Onkoloolessa 2, 2011 akka gabaasee turetti, humnooti tikaa fi poolisooti wayyaanee namoota hedduu ayyaana Irreechaa irratti argaman irraa vedio fi kaameera fudhachuun, akka sabboontonnii kun aadaa isaanii kabajachuuf itti boonuu hin qabnee gochuuf yaalan illee diddaa fi heddummina ummataa ukkaamsuu dhaabuun hin danda’amne.

Mootummaan TPLF Ayyaanaa Irreechaa irraatti ummata  doorsisuu fi sodaachisuuf humna waraanaa kumaatamaan lakkaayamu bobbaastu illee sagalee ummataa ukkaamsuu akka hin dandeenye gabaasaan Qeerroo bakka addaddaatti bobbaafaman dhaamanii turan iyyuu yeroon gabaasa Viidiyoo fi sagalee nu gahuu waan dadhabeef haga ammaatti ummataaf otuu hin dabarsiin turree jirra.

Amma garuu dhaamsi viidiyoo dargaggoota Oromoo kun nu gahee jira; Qeerroon dhaamsa kana ijaa fi gurra dhala Oromoofi hawaasa addunyaan gahuu keessatti tattaaffii olaanaa godhee jira.

Akka aadaa fi sirna diddaa karaa nagaa finiinuutti, fincilli kamuu mallattoon, sagaleen, suuraan, weedduun, sirbaan, yookaan dubbiin ibsamuu danda’a. Haala kanaan yoo xiinxalame, diddaan Qeerroo kun diddaa mudaa hin qabne, kana guutumatti karaa nagaan taasifamee dha; diddaa mootummaa haga funyaaniitti hidhate kutannoon dura dhaabbachuu dha.

Keessaayyuu, Qeerroon sirbaan dhaamsa diddaa dabarsaa oolaniin sagalee isaanii dhageessisanii jiru. Akka fakkeenyaatti, lafa Oromoo maqaa investment tiin saamamaa jiru kanaaf akkas jechuun dhaamaa oolanii jiru. “ Yaa Oromoo Oromoo qulqulluu; Qonnee nyaanna qe’ee hin gurgurruu!”  kan jedhu cinattis, dhaamsi Oromiyaan Qeerrootti dhaammatte sagalee Qeerrootiin jamaaf ibsamaa oole.

Kan biraa immoo, kan guyyaa Irreechaa  irra deddebi’amee jedhamaa oole; haala bilchina ta’een haala sirba aadaa fakkaatun akkasi jedhanii  kallacha qabsoo ummata Oromoo kan ta’e ABO faarsaa oolanii jiru.

      “Yaa iyyoolee yaa iyyoolee

      Ya abaaboo daraari;

      Yaa iyyoolee yaa iyyoolee

    Yaa WBO koo taraari!

    Yaa ABO koo daddaraari!”

Diddaan Qeerroo kun waan mootummaan Wayyaanee balaaleffatuu fi dhagayuu hin feene ifatti itti himuu dabalata.Yeroo ammaa kanatti Wayyaaneen maqaa ABO waamuu dhiisii itti aggaamuunuu yakka ta’uu isaa halkanii guyyaa ololaa jirti. Kun garuu Qeerroo Bilisummaaf hin liqinfamu. Bilisummaan waan fedhan filachuuf bilisummaa qabaachuu dha. Qeerroon Bilisummaas kanaaf of kennuu isaa waltajjiitti himaa fi ibsaa jira.

Akka gabaasota addaddaa irraa hubachuun danda’amettti, ayyaana Irreechaa baranaa irratti baayyinni uummataa kan bara darbeerra dabaleera;  80% ol dargaggoota ta’uu hubatamee jira.

Hayyuun seenaa fi aadaa Oromoo tokko dhimma kana irratti yaada kennaniin, haalli amma adeemaa jiru seexessaa dha. “Amma akka agarrutti, Qeerroon human guddaan ka’aa jirti. Barana Irreeffattooti harki caalan  Qeerroo dha.”

Dargaggooti heddummachuun hiikaa akkamii akka qabu illee yeroo ibsan, “kun dhaamsa guddaa dabarsa. Sababni isaa dargaggoonni eenyummaa ofiitti deebi’uu jechuu egereen biyyaa fi sabaa utubaa lalisu argachuu isaa ibsa.

Kana malees, Qeerroon  waltajjii bal’aan tokkummaadhaan fedhii isaanii kana itti guuttatan Arsadii akka ta’e waliig galaa jiru. kana waan ta’eef godinaalee Oromiyaa mara irraa saganteeffatanii dhufan. Kun immoo, dhaloonni ammaa rakkoo har’a Oromoon keessa jiru kana dhabamsiisuuf abdachiisaa ta’uu agarsiisa,” jedhanii jiru.

Sochii Qeerroo fi Irreecha Oromiyaa Keessaa Kan Bara 2011

Daraggoonni Oromoo Sochii Qabsoo Bilisummaa Oromoo fi guddina hawaasa keessatti qooda guddaa qabaachuun isaanii wal nama hin gaafachiisu. Baroota dheeraaf handhuura ykn wiirtuu diddaa hawaasa Oromoo tahanii eenyummaa Oromoo fi mirga abbaa biyyummaa kabachiisuuf jecha wareega guddaa kafalaa asiin gahan. Seenaa saba keenyaa irraa akka hubannuttis, bara baraan qabsoo diddaa gabrummaa irratti qooda dargaggoonni keenya kennan kan biyyootaa fi saboota kamiinuu gaditti miti. Har’as taanaan dhalooti keenya sabboontoti kunneen wareega hedduu ulfaataa fi boonsaa itti kafalan jiran.

Yeroo ammaa kanas  sochii Qeerroon Bilisummaa Oromoo finiinaa jiru keessatti hirmaatuun  guutummaa Oromiyaa fi biyyoota alaa dabalatee dargaggooti Oromoo sochii boonsaa finiinsaa jiran.Sochii finiinsaa jiran keessattis hojiilee boonsaa galmeessuun akka qabsoon Oromoo daran guddatee  akka qaanqee faca’uun qaamota hawaasa keenyaa mara bira gahu gochuutti jiran.  Sochiin boonsaa dhaloota Qubeetiin finiinaa jiru kun yeroo irraa gara yerootti dagaagaa dhufuun isaa immoo sirna gata bittuu Wayyaanee guddoo rifaasisee akka sihiin tarkaanfii gara jabinaan guutame fudhattu ishii taasisaa jira. Kanas ta’ee, Qeerroon Oromiyaa qabeenya Oromiyaa tiksuu fi saamicha gara malee ummata keenya irra gahu dura dhaabatanii warraqsaa belbelchaa jiru.

Sochiilee Qeerroon godhan kana ukkaamsuuf jecha Wayyaanoti University fi manneen barnootaa keessa seenanii namoota 1000n  kumaan lakkaawaman qabanii hidhan;kaan biyyaa arihan; kaan bakka buuteen isaanii hin beekkamiin jira. Dargaggooti Oromoo garuu roorroo fi hidhaa akkasumas hiraarsaa fi ajjeechaa diinaaf otuu hin jilbeeffanne sanaafis qabsoo diddaa garbummaa finiinsuutti jiru; qabsoo roga maraan finiinus maddisiisuun akka qabsoo Oromoo daran jabaatu gochaa jiru. Dhugaadha, haala biyya san keessa jiruu fi adeemsa qabsoo guyyuuu godhamaa jiru kana bifa si’anaaheen addunyaaf qaqqabsiisuun rakkisaa ta’ee jira. Ammoo, dhiibaa diinaa fi boodatti hafiinsa biyyattii keessa jiru bira taruunis akka sagaleen qabsoo dhagayamu gochuu keessatti adeemsi jiru yeroo irraa gara yerootti  wayyaa’aa jira. Kana keessattis, sochiin dargaggooti Oromoo taasisaa jiran guddaa dha.

Yeroo ammaa kanattis sochiin Qeerroo biyya keessaa finiinaa kan jiru yoo ta’u, ayyaana Irreechaa Oromiyaa, Harsadiitti, Onkoloolessa 2, bara 2011 kabajame irratti diddaa fi fincilli Qeerroon godhan kan akka fakkeenyaatti ka’uu maluu dha. Yeroo sanatti gabaasa barruun dhiyaate irraa akka hubatamutti bara kana kanneen hirmaatan keessaa harki 80 dargaggoota ta’uun ifaa dha.  Dargaggooti kunneen, egaa, ayyaana kana kabajachuu cinatti, akka aadaa, sirnaa fi naamusa diddaa garbummaatti gaaffii fi fedhii isaanii sirbaan, dhaadannoon, akkasumas geerrarsaa fi weedduudhaan ibsachaa oolanii jiru.

Darggaggooti margaa fi keelloo qabatanii Malkaa bu’an kunneen akka sabaatti garbummaan kan isaaniif hin malle ta’uu ibsachuun cinattis, garbummaa keessaa bahuuf immoo gaheen isaanii olaanaa ta’uu yeroo ibsatanis, “nuti dargaggoon Oromoo otuu jirruu biyyi keenya garbummaan hin dhaalamtu; garbummaan akka nu dhaalettis hin hafu!” jechaa oolan. Diinni meeshaa haga funyaaniitti hidhatee isaan marsee jira. Isaan garuu, “meeshaa waraanaa sodaannee garbummaatti harka hin laannu!” jedhan. Diddaa fi fincila kanaanis dhibdee saba isaanii hudhee qabe ifaan ibsachuun diinummaa Wayyaanee illee ummataaf saaxilan. Sirbaa fi weedduunis akka sagaleen diddaa isaanii  baadiyyaa fi magaalaalee Oromiyaa keessatti faca’u godhanii jiru.

Dargaggoo Girmaa Nagaasaa, polisoota Wayyaaneen reebamee
Dargaggoo Girmaa Nagaasaa, polisoota Wayyaaneen reebamee

Qeerroon Oromiyaa akka aadaa fi sirna diddaa garbummaatti sagalee isaanii ibsachuun kun, sirna wayyaanee dimokiraatawaa of fakkeessaa jiru irraa golgaa banee abbaa irrummaa ishii ifatti saaxile. Wayyaaneenis ammala aguuggatte jalaa baatee Qeerroo karaa nagaa gaaffii isaanii ibsachaa oolan qabdee hidhuu fi hiraarsuun amala abbaa irrummaa ishii mul’ifte.

Dargaggooti Oromoo garuu, hamma mirgi saba Oromoo mirkanaawee gaaffiin hiree ofii ofiin murteeffachuu deebi’ee bilisummaa goonfannutti qabsoon itti fufa jedhanii Irreecha bara 2011 irratti waadaa guddaa walii seenuun warraqsaa guddaa deemsisan.

Wayyaaneen humna Qeerroo Bilisummaa Irreecha 2011 irratti sodaachuun daandiilee irra keellaa tolchitee sakata’a gochuun alaabaa ABO irraa guuraa turte,haalluu diimaa magariisa diimaa qabu mara irraa funaante,T.Shertii Ka’I Qeerroo jedhu mara warra maxxanfatee deemaa ture irraa baafatte.

Kanas tahu, Qeerroon Universitilee fi kutaalee biyya Oromiyaa adda addaa irraa dhufan osoo hin jilbeefatiin walleelee warraaqsaa waliisuun ABO fi WBO akkasumas gootota Oromoo faarfachaa guyyaa san dabarsan. Akka sagantaan ayyaanichaa xumurameen garuu, Wayyaanee fi ergamtooti Wayyaanee kanneen wallee warraaqsaa wallisan heddumminaan qabdee hiite; manneen hidhaa keessattis reebichaa fi hiraarsaa olaanaa irraan gahuun akka isaan qabsoo irraa jiilanii lagatan gochuuf yaalii olaanaa goote.

Dargaggooti Oromoo, garuu “Callisuu keenyaan kan fayyadamu warra nu garboonfatee dha. Otuu falamnnuu du’uu malee teenyee du’uun hiree keenya hin ta’u!” jechuun hidhaa fi hiraarsaan duuba BILISUMMAAN akka jiru mirkaneessuutti jiru. Kanneen kaan poolisoota Wayyaanee waliin walitti bu’uun mana hidhaatti  geeffaman,guyyaa gaafa irreecha 2011 hanga nama 500 kan tahan qabamanii hidhaa geeffaman,san keessaa hamma tokko gadi lakkifamanii kaan amma illee bakka bu’an hin beekamu.

Dargaggoota keessaa Qeerroo Girmaa Nagaasaa fi ibbaantama reebicha suukkanneessaa irraan gahan, yeroo kanatti humni Qeerroo bakkoota adda addaa irraa walitti qabame harka wal qabatee wal hin gurgurruu, kaayyoottii haa jabaannuu, tokkuummaa haa cimsinuu,mirga keenyaa haa falmanuu jechuun waadaa waliin haaromsatani jiru. Dhiichisaa fi raaruulee warraaqasaa fuula dura isiniif dhiheessinus illee dhiichiisa qeerroon  quuqqaa isaa ittin ibsatedha fi dhiichiisa sochii qabsoof godhamedha..

Wal hin gurgurru,Kaayyotti haajabaannu! tokkummaa haachimsinu(Waadaa Dargaggootaa)
Wal hin gurgurru,Kaayyotti haajabaannu! tokkummaa haachimsinu(Waadaa Dargaggootaa)

 Walumaa gala Qeerroon wal gurmeessuun harka wal qabatanii tokkummaa faarsaa, ABOs faarsaa yeroo jiranitti Wayyaanonni Kaameeraa ittiin suuraa kaasan gartuu Qeerroo irraa ifatti saamanii jiru. Haata’uutii, Qeerroon suuraalee fi viidiyoo guyyaa sanii keessaa garii isaa malaa fi tooftaa dursee baafateen of harka galfatee jira. Suuraan kun, fakkeenyaaf,   waadaa dargaggooti tukkummaa isaanii eeggachaa fi tifkachaa diddaa isaanii itti fufuuf murteeffatan kan mul’isuu dha. Video dargaggooti waraabbatan illee wayyaaneen  humnaa irraa fudhatanis, malaa fi tooftaa adda addaan kan wal gurmeessan Qeerroon Oromiyaa  Viidiyoo waraabamee saamame  keessaa haga tokko gola wayyaanee keessaa baasanii gara addunyaatti mul’isuuf akka jiran dhaamsi barruu kana waliin kutaa Qunnamtii Qeerroo dhaqqabe ni addeessa.

Waadaa tokkummaa
Waadaa tokkummaa fi kaayyoo

Yeroo ammaa kanattis, Wayyaaneen sochii Qeerroo dhaamsuuf jecha duula olaanaa gaggeessaa jirti. Haata’uutii, Qeerroon Bilisummaa kutannoo fi murannoodhaan diddaa isaanii finiinsuutti jiru. KAnneen sochii isaanii karaa nagaa finiinsuu dadhabn immoo qabsoon silas, fulaa hedduun finiinti waan ta’eef karaa malchiisuun of ijaaranii diina ofiraa kaasuutti jiran.Suuraalee guyyaa san kaafaman keessaas kan humnooti tikaa Wayyaaneen yeroo Qeerroo qabuuf ari’aa turan mul’isus Qunnamtii Qeerroo harka galee jira.

Kanas tahu, Qeerroon guyyaa gaafasii  ykn Irreecha Bishooftuu bara 2011 itti sochii godhe jala jalaan video isaa ummataaf ni dhiheessa. Kan Saamamee nurraa fuudhames guyyaa tokko injifannoon harka keenyatti waan deebi’uuf abdiin qabsoo keenya finniinsaa eegganna.

Gadaan Gadaa Bilisummaati!

Injifannoon Ummata Oromoof!

Magaalaan Finfinnee Dhukaasaan Jeeqamte.

Gabaasa Qeerroo Finfinnee,Sadaasa 21,2011

Magaala Finfinnee naannoo Faransaay jedhamutti  edana galgala keessaa sa’aa 12 hanga sa’aa 2 itti dhukaasi utuu wal irraa hin citiin girrisaa ture. Kutaan magaalaa sanii hammi tokko hamma jeeqamee baqachuuf dirqamutti dhukaasi kun deemsifamaa ture. Namoonni naannoo san irraa akka gabaasanitti dhukaasi galgalaan akkanatti baname kun waan magaalaan Finfinnee weeraramte fakkeesse. Oduun naannoo san irraa gabaafame akka addeessutti Wayyaanee irraa hangi nama 60 du’uutu gabaafama. Weerrarri akkanaa kun eenyuun akka tahee fi eenyu akka bane yoo hin beekamiin illee dhukaasi kun loltoota Wayyaanee irratti tahuu hubatamee jira. Odeessa guutuu fuula dura gabaasa qeerroo irraa hubanna.

Qabsoon itti fufa! Gabroomsaan ni kufa!

Barattooti Oromoo University Dirree Dawaa Guyyaa FDG Haala Qindaawaan Kabajatan.

Gabaasa Qeerroo Dirree Daawaa,Sadaasa 21,2011

Guyyaan FDG University Dirree Daawwaattti Kabajame

Guyyaan FDG University Dirree Daawwaattti Kabajame

Akka qeerroon Dirree Dawaa gabaasetti,barattooti Oromoo Universitichaa sirna qindaayaa taheen maadhee Qeerroo qaanqee bilisummaa Oromoo jedhu jalatti gurmaahanii kabajatanii jiru. Maadheen kun haala sochii qabsoo bilisummaa Oromoo fi waraaqasa dargaggootiin Oromoo( Qeerroon) gaggeessaa jiru irratti bal’inaan erga marihataniin booda waadaa qabsoo Oromoof qaban maqaa Qeerroon guyyaa yaadannoo Sadaasa 9,2011 kana irratti galanii jiru.

Maadheen kun haala kamiinuu tahe finciloota Oromiyaa guutuu keessatti dargaggoonni Oromoo deemsisaa jiran irratti gahee isaanii akka bahanii fi gaaffii mirgaaf jecha wareegama barbaachisu akka kafaluuf qophii tahan beeksisaniiru.

Kana malees qeerroon University Dirree Daawwaa ibsoota ejjennoo qabxii shan qabu baafatanii jiru

  1. Sabboontota fi barattoota Oromoo manneen barnootaa fi bakka adda addaa irraa hidhuu,ari’uun hamma dhaabbatu qabsoo fincila diddaa gabrummaa itti fufna.
  2. Ayyaana OPDOn kabajju kanneen akka ayyaana walqixxummaa sabaafisablammootaa waan nu hin illalleef ammaan booda ayyaanota akkasii irratti gadda keenya ni agarsiifna, fincila keenyas itti fufna.
  3. Lukkeelee diinaa sabboontota Oromoo basaasan irratti karaa dandeenyeen tarkaanfii fudhanna.
  4. Waamicha tokkummaan dargaggoota Oromoo ykn Qeerroon nuuf godhu hundaa battala ofitti fudhannee dirqama keenya ni baana.
  5. Ibsa Dhaaba keenya (ABO) ni deeggarra,humnaafidandeettii qabnuun cina hiriirra.

Kun kana tahee osoo jiruu yeroo ammaa kana keessatti Sadaasa 18,2011 irraa kaasee mootummaan Wayyaanee dargaggoota University Dirree Daawwaa keessaa barataa jiran isin Qeerroo waliin jirtu qeerroo gurmeessaa jirtu sababa jedhuun waan qabatamaa tokkoon malee yaamee doorsisaa akka jiru qeerroon gabaasa. Dhimma kana irratti gabaasa dabalataa duubaan akka gabaafamu ni beeksifna.

Qabsoon itti  fufa! Gabrummaan ni kufa!

 

Barataan University Adaamaa Efreem Beekumaa Humna Tikaa Wayyaaneen Ukkamfame.

Gabaasa Qeerroo University Adaamaa Sadaasa 20,2011

Baatii Sadaasa 2011 kana keessa barataan qaroo fi jabaa akkasumas barattoota biratti jaallatama guddaa kan qabu Efrem Beekumaa, boqonnaa yeroo gannaaf maatii isaa dhiha Oromiyaa Najjoo turee barnoota isaaf gara University Adaamaatti yeroo deebi’etti,humnoonni tikaa Wayyaanee yeroo adda addaatti sochii dargaggoota Oromoo duubaan jirta sababa jedhuun isa qorachaa turuun beekamaa dha. Qormaata kanaan booda ragaa barataa kana irratti dhabnaan gartuun tika Wayyaanotaa garii University Adaamaa seenuun barnoota isaa irraa qabanii hanga har’aa bakka buuteen isaa wallalamee akka jiru qeerroon Adaamaa irraa gabaasa.

Barataa Efreem Beekumaa

Ammaan dura barattoota yeroo gannaaf maatii isaanitti galan keessaa barataa Zemachuu Mokonnin fi kanneen kaan hedduu University Adaamaatti hin deebi’iin akka jiran waan hubatamee dha.Barataan Zamaachuu Mokonnin maatii isaa dubbisuuf magaalaa Dambi Dolloo yeroo deemetti humni Waraana Wayyaanee gaaffiif barbaadamta sababa jedhuun fuudhanii deeman,booda mana hidhaa Ma’ikalaawwii Finfinnee keessa  gaaffii tokkoon malee hanga ammaatti hidhamee akka jiru qeerroon gabaasee jira.

Hidhamuu barataa Efreem Beekumaa kanaan aaran barattooti University Adaamaa jiran barataan kun akka daddaffiin gadhiifamee barnoota isaatti deeb’uuf jecha bulchiinsa mooraa University kanaatti, iyyannoo dhiheessuun gaafatanii jiru .Barataa Efreem Beekumaas tahe kanneen kaan sabboonummaa isaaniin yoo hidhaman iyyuu Fincilli Diddaa Gabrummaa akka dhaabbachuu hin dandeenye qeerroon Adaama jiran kana waliin gabaasanii jiru.

Barataa Zamaachuu Mokonnon

Barattooti Oromoos tahe ummanni Oromoo kumaatamaan hidhamus kumaatami biroo ammo kan qabsoo bilisummaa kan itti fufu dhalachaa waan buluuf Wayyanonni hidhuu fi biyyaa ari’uun furmaata siyaasaa argamsiisuu akka hin dandeenye ofii isaanii ragaa ofitti bahu dandayu.

Qabsoon itti fufa ! Gabroomsaan ni kufa!

Mooraa University Hawaasaa Keessatti lukkeewwan Wayyaanee irratti tarkaanfiin fudhatame.

Gabaasa Qeerroo, University Hawaasaa Sadaasa 19,2011

Sadaasa 17 bara 2011 guyyaa keessa sa’atii 11;00wd humni addaa garee Barii Burraaqaa jedhamu mooraa University Hawaasaa keessatti lukkeelee Wayyaaneen kanneen barattoota Oromoo yeroo adda addaatti hiisisaa fi qabsiisaa turan irratti tarkaanfii laalessaa fudhate.

Basaasota Wayyaanee fi kanneen lukkee tahuuf barattoota Oromoo yeroo dheeraaf dararaa turan kana irratti tarkaanfiin tahe haala sababa hin beekamnee fi yeroo hin eegamnetti akkasumas namoota hin beekamneen tarkaanfichi raawwatee jira, rakaanfii kana irratti ergamaan diinaa tokko guutummaatti ilakaan isaa fuula duraa miidhamee adaba hojii isaatii argachuun beekame. Kanneen hafan nama lama ammo reebichaa hadoochaa taheen adabbiin kennameefii jiraachuu gabaasi Qeerroo University Hawaasaa addeessa.

Kun kana tahee osoo jiruu ergamtooti diinaa mooraa sanitti argaman kaan leeyyoon guutamanii halkan kaleessaa osoo hin rafiin of eeggachaa buluun isaanii beekame. Gochaa kanattis kan rifate humni poolisa diinaa mooricha doorsisuu yaalu illee human hin beekamne kana argachuu akka hin dandeenye qeerroon gabaasee jira.

Qabsoon itti fufa! Gabrummaan ni kufa!

Guyyaan Yaadannoo Finicila Diddaa Gabrummaa(FDG) Godina Shawaa Lixaa Keessatti Kabajame.

Gabaasa Qeerroo Ejeree,Sadaasa 17,2011

Godina lixaa shawaatti maadheewwaan ijaarsa Qeerroo Bilisummaa jalatti argaman armaan gadii Sadaasa 9/2005  kan bara 2011 haala qindoomina jabaa fi mirqaansaa taheen kabajatan.Maqaa maadheewwaanii kunis;

1. Maadhee Gumaa Goototaa,

2. Maadhee Gaadisaa Lammii,

3. Maadhee Dargaggoota Oromoolakkofsa 120 fi

4. Mmaadhee Gumaabas Jaagamaa Badhaanee ‘A’ fI B’

Jedhamaan ergaa haala qabsoo Oromoo yeroo fi fincila diddaa gabrummaa Oromiyaa keessatti deemsifamuu qabu irratti bal’inaan erga marii’atanii boodaa kabajaa ayyaana Sadaasa 9/2011 haalotaa itti aanuu kanaa raawwaachuun kabajatan

  • Qabsoo finical diddaa gabrummaa hamma kaayyoon keenya bakkaan gahutti itti fufna.
  • Biyyaa fi qabeenyi Oromiyaa gurguramaa osoo jiruu ammos Oromoo qe’ee irratti dhalate irraa buqisanii godaansisuu jabeessinee morminya. Oromiyaa diina harkaa buusuuf jecha wereegama barbaachisu ni kafalla.
  • Oromoota badiin tokkoon malee manneen hidhaa Wayyaanee keessatti dararamaa jiran akka gadi lakkifamaniif qabsoo FDG ciminaan itti fufna.
  • Waareegama jaallan qabsoo bilisummaa Oromoof kafalan bakka itti gochuuf jecha akeeka isaanii bakkaan gahuuf qophii taane.
  • Kaayyoo keenya bakkaan gahuuf qabsoo Qeerroo bilisummaa Oromoo “KA’I QEERROO” jalatti eegalle itti fufna.


Universitoota Keessaaa fi Bakka Adda Addaatti Guyyaan Fincila Diddaa Gabrummaa Sirna Addaan Kabajame.

Gabaasa Qeerroo Finfinnee

Sadaasa 14,2011 Godinaa Lixaa Shawaa Univerisity Amboottii guyyaan yaadannoo FDG  sadaasaa 9/2005 Sabboontotaa baratootaa Oromoo Univerisity Ambootiin kabajamee,Akkasummaas Sabboontotaa baratoota Oromoo mana barumsaa Amboo Sadarkaa 2ffaa fi mana barumsaa Caarii Amboo sadarkaa 1ffaatti guyyaa kana sabboontonnii mana isaanii ooluun kabajatan.Sabboontonnii kuni sabboonticha Oromoo barataa Jaagamaa Baadhaanee fi sabboontotaa Oromoo FDG irraattii wareegamaan yaadachuun wayita kabajatan,gaariin isaanii maatii Jaagamaa biratti argamuunii fi bakka awwalchaa isaa dhaquun kabajatani,

Haaluma wal fakkaatuun guyyaan sadaasa 9/2005 sabboontotaa baratoota Oromootiin Univerisity Finfinnee mooraa kiiloo 6 fi Univerisity Wallaaggaatti guyyaa gaddaa ol aanaa ta’uun akkaa kabajamee jirachuu gabaasi Qeerroo University Finfinnee gabaase.

 

Yaa Jaagamaa Badhaanee

Gumaan kee hin bane..

Tarree gallee kaanee

Gumaa baasuuf qophoofnee.

 

(Barattoota Uni)

 

Gootowwan Qeerroon Oromoo Guyyaa FDG Anaalee Adda addaa Keessatti Kabajatan.

Gabaasi Qeerroo magaalaa Amboo akka ibsutti, dargaggoonni anaalee lixa Shawwaa haala howwaa fi gammachiisaa taheen Guyyaan fincila diddaa gabarummaa(GFDG)  kabajachuun beekame.

Dargaaggooni  aanaa Amboo, Aanaa Gudar,Aanaa Abunaa, aanaa Gincii fi Gindabarat keessatti Sadaasa 13,2011 sirna howwaan wayita kabajatan, Dargaggoonni kun bakkoota adda addaa Universty lee adda addaa irraa kabajaa guyyaa kanaaf jecha walitti dhufuun kabajaa kana irrattis dhimmoota qabsoo bilisummaa Oromoo fi itti fufa finciloota Qeerroo irratti maree bal’aa deemsisanii jiru.

Qeerroleen aanaa adda addaatti kabajatan kunniin,maadheelee isaanii  University adda addaa irraa anoleetti ergachuun yeroo kabajatan,bakkoota sirni kun kabajamaa ture sanitti telefoonaan walitti bilbiluun guyyaa FDGn nagaan akka gahan gammachuu isaanii walii ibsaa turanii jiru.

Qabsoon karaa nagaa mirga ofii kabachiisuu fi bilisummaa ummata ofiif akkasumas walabummaa Oromiyaaf jecha fincilli diddaa gabrummaa akka itti fufuu fi hireen murteeffannaa ummata Oromoo akka mirkanaawuuf jabeessanii akka irratti hojjetan dargaggoonni sirnicha irratti argaman ibsanii jiru.

Gabaasi dhimma kanaa akka guutuutti qindaayeen bakka bakka irraa gabaafama.

Qabsoon itti fufa! Gabrummaan ni kufa!

A Chronological Review of Oromian Students Revolt Against Subjugation

By Daandii Qajeelaa

(Qeerroo, Finfinnee, 13 Sadaasa 2011) The month of November is special for Oromians. During this month Oromians all over the globe commemorate the historical Oromian student movement, known as Fincila Diddaa Gabrummaa (meaning, Revolt Against Subjugation), that was first lit on November 9, 2005 at Ambo High School, located about 80 miles west of Finfinne (Addis Ababa), and which engulfed the entire Oromian schools like a wild fire.

Ka'i Qeerroo

The movement lasted nearly two years, uninterrupted, but largely unreported and unnoticed by the international media, and continued to this day, taking several different forms, the main goal being to restore freedom, justice, and democracy for the biggest and yet most marginalized nation in Ethiopia: the Oromo.

In April 2011, the Oromian student movement underwent a qualitative change. Inspired by the Arab Spring, Oromian youth all over the globe came together by forming a coordinating body for civil disobedience known as the National Youth Movement for Freedom and Democracy (NYMFD) aka Qeerroo. In Afan Oromo “Qeerroo” literally refers to an unmarried young person. It can also mean simply a young person.

Several Oromo students who were graduated with first degree from different universities were denied job opportunity due to the usual allegation that they have been supporters of OLF, the Oromo Liberation Front. Among them are 400 who got their degree in environmental health, 240 in pharmacy, and 250 in medical laboratory. For more details read the following PDF  document: Oromian Students Movement in 2011

Sabboontichi Oromoo Barsiisaa Damissoo Waaqwayyaa Reebicha Wayyaaneen Wareegaman.

Gabaasa Qeerroo Ona Limmuu,Sadaasa 12,2011

Godinaa wallaaggaa Baahaa Onaa Limmuu Gaaliillaattii Barsiisaa Mana Barumsaa Limmuu Galiilaa sadarkaa 2ffaa Kan ta’an barsiisa Damisoo Waaqwayyaa Daararamaa human warrana diinaatiin baatii fulbaanaa 2,2011 keessaa qabamanii waajiraa poolisaa Onichaattii akka malee reebamnii midhaa guddaa isaan irraan ga’ameen lubbuun isaanii Sadaasa 11,2011 biyya lafaa kanaa irraa boqotan, barsiisaa Damisoo Waaqwayyaa abbaa ijoollee 9 ti,Umriin isaanii gannaa 45 dha, guyyaa har’aa Sadaasa 12,2011 sirnnii awwaalchaa isaanii Onaa Limmuu Gaaliilaattii gaggeeffaama jira. Sirna awwaalchaa isaanii irraattii baratoonnii 3000 olii fi barsiisonnii, akkasummaas uummaannii 4000 walumaagalattii namoonnii 7000 ol irraattii argamanii jiruu, sirna awwaalcha isaanii irrattis sabboontoti Oromoo dhadannoo adda addaa dhageeessisuu fi quuqamaa fi aarii mootummaa Wayyaanee irraa qabanis ifatti dhageesifataa turan.

Barsiisaa Damissoo Waqwayyaa sochii Qeerroon bilisummaa Oromoo gaggeessaa turan irratti qooda sabboonummaa isaanii kennanii hidhamuu barattootaa,hidhamuu qotee bulaa Oromoo irratti sirna mootummaa Wayyaanee dura waan dhaabbataa turan. Sabboonummaani fi wareegama barsiisaan Damissoo ummata Oromoof kafalan bara bara akka urjii samii ifsee seenaa Oromoo keessatti yaadatamee hafa.

Gabaasaan qeerroo dabalataan akka ibsutti sirnnaa awwaalchaa barsiisaa Damissoo Waqwayyaa irraatti jirattonnii godinaa wallaaggaa bahaa Onootaa sadii jechuun Heebentuu, Giddaa Ayyaanaa fi Limmuu Galiilaa irraa waliitti ba’anii sirna awwaalcha isaa si’a raawwatan dararamnii diinaa dubaatti nu hin deebisuu, gumaa barsiisaa keenyaa ni baafnaa, kaayyoo isaa galmaan ni geenyaa dhaadannoo jedhuu qabatanii, akkasumas walaloowwaan gootummaa barsiisaa kanaa fi qabsoo sabaa kanaa faarsuu dhiyaateera, Barattoonnii Oromoos addaatti ‘KA’II QEERROO” waliittii dirmaadhuu wamichaa abbaa kee dhaga’ii,wamichaa haadhaa kee dhaga’ii jechuun dhaadatanii dhaadachiisanii sabboonaa barsiisaa Oromoo kana awwalataniiru, poolisoonnii Wayyaanee Oromoo tahan naannoo kanatti argamanis haala ummati Oromoo awwaalcha kana irratti boo’uu fi dhadannoo warraaqsaa arganii ummata waliin dhaabatanii gadda isaanii agarsiisuu fi sochii Qeerroon agarsiisan cinaa akka dhaabatanitti yaada tokko tokko mata mataan dargaggoota quunamuun akka kennan qeerroon gabaasa. Haallii kunis wayyaanee tigrootaa fi alagoota akka rifaase jiru beekamee jira.

Wareegama sabboontota Oromoon Qabsoon keenya bakkaan ni gaha!

http://www.youtube.com/user/marsaaabo#p/a/f/0/5ZQwuu5I99k

Guyyaan Fincila Diddaa Gabrummaa(FDG) University lee Jimmaa keessatti Sirna Gaariin Kabajame

(Gabaasa Qeerroo magaalaa Jimmaa Sadaasa 12,20011) Nuti barattootiin Oromoo kanneen University fi kolleejjota Jimmaa keessaa barannu sabboonummaa keenyaan walitti dhufuun guyyaa yaadannoo FDG Sadaasa 12 bara 2011 sirna ho’aan kabajjannee jirra. Guyyaa kana haalli ergamtoota diinaa fi lukkeeleen sabboontota bakka tokkotti wal gahanii yoo suufaa oolan illee qindoomninaa fi jabina Qeerroo bilisummaa Oromoo irraan kan ka’een akka barbaachisaa tahetti sirna kana kabajachuu danda’amee jira.

Sirna kana irratti sabboontoti shammarran Oromoo faaruu alabaan yeroo sina kana yoggaa banan sabboontoti bakka sanatti argaman hedduun bo’ichaa fi iyya akkasumas dhadannoo injifannoo ummata Oromoof! Barabaraan gabrummaa bannee hin teenyu! WBOn goota keenya! ABOn haajiraatu! Gadaan gadaa bilisummaati! Kan jedhuu fi waanneen kana fakkaataniin tokkummaan sagalee dhageessisaa turuun beekamee jira.

Kabjaa sirna kanaa irratti shaamaan gootota wareegamaniif erga qabsiifameen booda haala ummata keenyaa fi qabsoo Qeerroon bilisummaa biyya keessaa gaggeessaa turan eessa irraa gara kamitti kan jedhu wal duraa duubaan ka’ee dubbatamee jira. Erga haasaa fi mareen ta’ee booda ejjennoo qabsoo keenya itti fufnaa fi dhaaba keenya ABO ni degerra qajelfama isaa hamma wareegamaatti bakka geenya. Sochii dargaggoota Oromoo(Qeerroo) hanga kaayyoon keenya bakka gahutti itti fufna. Golee Oromiyaa hunda keessatti araddaalee fi onoota hundattiWayyanee fi jalee isii rakkoo itti taanee akka injifannu murteeffannee jirra kan  jedhu fudhachuun nagaa fi milkiin xumuramee jira.

Qabsoon itti fufa ! Gabrummaan ni kufa!

Raayyaa Qeerroo Bilisummaa

Qeerroon Bilisummaa akka Oromoon bilisoomuuf karaa maraan tattaaffii gochaa jira; dhugaa keenya mirkaneeffachuuf karaa mara hojjachuun barbaachisaa dha.

"Nuti, Qeerroon Oromoo, seenaa wareegama qabsaa’ota Bilisummaa Oromoo haga yoonaatti galmeeffameef bakka guddaa kennaa, nutis akka dhaloota haaraatti wareegama bilisummaa baasuuf kaanee jirra."

Dhaamsa Qeerroo Bilisummaa

Qabsoon itti fufa! Garboonfataan ni kufa!!

Qeerroo nagaadhaa ?

Hi,
Nagaan haa dursu!
Dhalooti keenya akka dheebuu bilisummaan gubataa jiru kanatti, egereen dhaloota keenyaas hiree akkanaan akka dhaalamu hayyamuu hin qabnu. Nuti, kufnee lattuu egereef xurree banuu qabna, Dhugaadha, dhalooti kamuu hirkattuu dhaloota darbee akka ta’u namuu hin hawwu ta’a. Ammoo, kan har’a hin facaafne egere haamuun rakkisaa dha; kana biraan waanti facaasanis kan egere waan gaarii baasu ta’uu isaa mirkaneeffachuun nurraa eegama.

Bakka jirrutti dhallota imaanaa nyaatu otuu hin taane dhaloota imaanaa baasu ta’uunn dirqama lammummaa ti.
Haa qabsoofnu, ni bilisoomna!!

"Nuti, Qeerroon Oromoo, seenaa wareegama qabsaa’ota Bilisummaa Oromoo haga yoonaatti galmeeffameef bakka guddaa kennaa, nutis akka dhaloota haaraatti wareegama bilisummaa baasuuf kaanee jirra."

Dhaamsa Qeerroo Bilisummaa

Qabsoon itti fufa! Garboonfataan ni kufa!!

University Haramayaatti Guyyaan Yaadannoo Fincila Diddaa Gabrummaa(FDG) Sirna Ho’aan Kabajame.


(Sadaasa 10/2011 Gabaasa Qeerroo, Dirree Dhawaa) Guyyaan Fincila diddaa Garbummaa yuunivarsiitii Haramaayaa fi naannoo ishee keessatti haala ho’aan ayyaaneffatame.

Guyyaa kana ganama irraa kaasamee hanga galgalaatti sabboontotni Oromoo yuunivarsiitii keessaa fi naannoo ishee uffata gurraacha uffachuunii fi uffata galagalchanii uffachuun jibbinsa mootummaa Wayyaaneef qaban ifatti agarsiisanii jiru.Haaluma wal fakkaatuun sabboontotni Oromoo walitti dhufuun guyyaa kana irratti marii cimaa  gaggeessanii jiru.

Kana maless, dhaadannoo qabsoo malee bilisummaan hin jiru (No freedom without struggle) jedhuun qabsoo daran jabeessuuf waadaan walii galameera. Shamarran Oromoos doormii isaanii keessatti kan ayyaaneffatan yoommuu ta’u gahee isaan irraa eegamu ba’uuf waadaa galaniiru.

Guyyaa kana jala deemtotni Wayyaanee beektee barattootni Oromoo akka hin ayyaneffatne yaaltus haala ulfataa ta’e keessatti mirga keenya falmachuuf eenyuyyuu eeyyama hin gaafannu jechuun sabboontoti Oromoo GFDGn ayyaaneffatamee jira.Haalli qindoomina ayyaana kanaa fi hirmaatnaan sabboontotaa kunis Wayyaanee fi lukkeewwan ishee daran kan rifaasise ture.

Ayyaana kana irratti barattootni Oromoo walitti dhufanis ibsa ejjennoo armaan gadii kana baafachuun milkiin xumurameera.
1.Mirga keenya falmachuu irraa duubatti hin deebinu
2.Dhaabota siyaasaa Oromoo dhimma Bilisummaa Oromiyaa irratti hojjatan   wajjiin yoomuu ni hiriirra
3.Sochii warraaqsaa dhaloota haaraatiin finiinaa jiran waliin haala kamuu keessatti ni hiriirra!
4.Hidhamuu fi arii’atamuu barattoota Oromoo ni mormina
5.Dirqama fincila diddaa garbummaa irratti darbu kamiyyuu fudhannee gahee keenya ni baana
6.Qe’ee isaa irraa saamamuu,arii’atamuu ilmaan Oromoo ni mormina
7.Dhaaba keenya cinaa dhaabbannee qabsoo hadhaa’aa ni gaggeessina
8. Humnoota Bilisummaa Oromiyaaf qabsaa’an ni jajjabeessina

Kan jedhani tahuu gabaasaan Qeerroo Dirree Dawaa irraa gabaasee jira.

Injifannoon uummata Oromoof!!

Faanni Warraaqsa Qeerroo Oromoo Badiyyaa fi Magaalaa Oromiyaa Ejjeechuun Wayyaanee Maraache.

(Gabaasa Qeerroo Magaalaa Gimbii, Sadaasa 7,2011) Yeroo ammaa kana diddaa gabrummaaf jecha dargaggooti Oromoo badiyaa fi magaalaalee Oromiyaa keessa jiraatan marti harka wal qabatanii sirna irreen bulaa Wayyaanee dura dhaabbachuun FDG qabsiisaa jiru. Dargaggooti Oromoo addatti baratooti Oromoo University lee fi Kolleejjota jiran keessatti fincila diddaa gabarummaa gaggeessaa yeroo turanitti hidhaan ajjeechaan akkasumas arihatamuun irra gahaa ture, kana irra darbee summii nyaachifamanii miidhaan guddaa irra gaheera. Barattooti Oromoo gochaalee diinaa kanaan osoo hin dhaabbatiin yeroo boqonnaa isaanii ganna mana barnootaa irraa galanitti qoteebulee Oromoo fi hojjetee bulaa akkasumas qaama hawaasa Oromoo hunda dammaqsanii diddaa gabrummaf akka warraaqan gochuu irratti qooda guddaa taphatan. Sochii dargaggootaa kanatti kan rifate mootummaan Wayyaanee barattoota akkasumas hojjettoota jimlaatti qabee mana hidhaatti geessaa  ture. Barattooti hedduun hanga har’aa University leetti osoo hin deebi’iin hafanii bakka buuteen isaanii wallaalamee jira.

Haaluma kanaan yeroo ammaa kanas, baatii Sadaasa 2011 kana keessa hojjettoota Oromoo faana warraaqsa kan ABOn durfamu Oromiyaa baadiyyaa fi magaalaa keessa geessitan,alaabaa Oromoo qoteebulaa fi ummataaf raabistan,barattootii fi hojjettooti mobaila isaanii irratti alaabaa ABO akka tolfatan gootaniittu jechuun bakka jiran irraa adamfamanii kanneen hidhaman keessaa:-

  1. Obba Caalaa lafiti dhaloota isaa Innangoo kan tahe bakki hojii Waajjira qonnaa irraa
  2. Obbo Addisuu lafi dhaloota isaa Amboo waajjira Finance  anaa Gullisoo kan hojjetu
  3. Obbo Tafarii lafti dhaloota isaa Finca’aa waajjira albuudaa fi energy kan hojjetu
  4. Obbo Admaasuu Lammii lafa dhaloota Wallaga Bahaa
  5. Caalaa Baqqalaa lafti dhaloota isaa Ambo

Kanneen jedhaman mana hidhaa Godina Gimbiitti argamutti ergamuun akka maatii fi firoota irraa fagaatanii hidhamanii namni hin argine taasifamanii jiru. Hojjettooti Oromoo kun sabboonummaa isaanii irraan kan ka’e badiin tokko malee mootummaan Wayyaanee akka aadaa isaa waan hidheef jecha dheekkamsaa fi diddaa hojjetoota naannoo adda addaa jiranii kaasuun isaa akka hin oollee gabaasi Qeerroo magaalaa Gimbii addeessa.

Qabsoon itti fufa !Gabrummaan ni kufa!

 

“Sochiin Qeerroo Har’aa, Itti Fufa Qabsoo Mirkaneessa.”

YAAYYAA GAMMADAA (2005)

Kutaa 2ffaa

Addunyaan keenya har’aa , ragaa qabatamaa waliin dhaamsi Ummatoota cunqurfamoo fi warra cunqursaa ta’aniif dabarsaa jirtu, hegareen addunyaa keenyaa , Ummatoota cunqurfamoof Bilisummaa , warra cunqursitootaaf ammoo, kufiinsa salphinaatii. Kana malees, warra meeshaa amma funyaaniittii hidhatee fi Abbaa irrummaan, ummatoota dhiitaa jiraanna warra jedhaniif , humni kamuu ykn masaraan mootummaa sibiila sibiila caaluun ijaaramus, humna ummataa dura dhaabbachuu akk ahin dandeenye mirkaneesse jira.Kana qofaa odoo hin taane, humnni Addunyaan nu harka jirti warra jedhanittis maxxananii, tajaajiltummaan wawwaatanis , tarkaanfii Ummatoota irraa nama baraaru akka hin dandeenye , shakkii tokko malee qabatamaatti kan nutti mul’iseedha.Abdiin addunyaa keenya irratti guyyuu daawwachaa jirru, Ummatoot aItoophiyaa addatti , Ummata Oromoo Abbootiin irree irratti walfuraniif fakkenya guddaadha. Sirni wayyaanee waggoota 20f humnaan aangoo qabatee jirus, sodaan isaa inni guddaan, Fincila Ummatootaa ,sirnoota waggoota dheeraaf, maatii fi gosaan Ummatoota hiraarsaa jiraatan haaxaa’ee fi dursitoota kaleessa waan Ummatoonni isaaniin jedhan dhaga’uu didanii qaanii itti haguuggatan kanadha.

Wayyaaneen ega aangotti ol ba’ee , mormiin Ummatoonni addatti , Ummati Oromoo isa irratti gaggeessu, yeroo itti dhaabbate hin qabu.Hiwaatonnis siyaasa kijibaa gaggeessaniif adda durummaan kan sodaatan, Gaaffii ummata Oromoo waan ta’eef, waggaa 20 guutuu waan danda’an hundaan Ummata kana jilbeenfachiisuuf yaalaa jiran. Ilmaan oromoo gaaffii mirga umamaa fi siyaasaa kaasan hedduunis hammeenya wayyaaneen , gara laafina tokko malee dhumaniiru. Kumoota 60n kan lakkaa’aman manneen hidhaa ifaa fi dhoksaa keessatti dararamaa jiran. Kumoota dhibbaan kan lakkaa’aman , Biyyaa ba’anii jiran. Miliyoonaan kanneen herregaman ammo jireenya gadadoof saaxilamanii jiran.Shirrii wayyaanee inni guddaan Ummata Oromoo humna waraanaa dhabsiisuun,karaa jireenyaa, Dingdee, Qor-qalbii, siyaasaa , Barnootaa , Namummaa, karaa hundaa cabsitee bara baraaf akka lafaa hin kaane taasisanii jilbeenfachiisuudha. Wayyaaneen Ummata Oromoo cabsuudhaaf shirri ol aanaa Dargaggoota irratti gaggessitu , hunda irra ulfaataa ta’us, Dargaggoonni Oromoo shiraa fi hammeenya diinaa kanaaf jilbeenfatanii hin beekan.

Addatti Dargaggoonni fi Barattoonni Oromoo , Fincilli diddaa gabrummaa bifa gara garaan gaggeessan guddachaa deemee, har’a gurmaa’iina Qeerroon hogganamee wayyaaneef yaaddoo Ulfaataa ta’ee jira. Wayyaaneen seenaa ishee saamicha qabeenyaa har’aan dagattee jirtu, guyyuu wanni of irratti hojjachaa jiran , hegaree dhaloota isaaniif kan yaadaan hin fakkaatu. Qabeenyaa saaman jiraachisuuf jecha, dhaloota har’aa irratti badiin gaggeessaa jiran , Immiyyee Itoophiyaa isaanii eessatti oofaa akka jiru, kan hubatan hin fakkaatan. Wayyaanoonni quufa isaanii turfachuuf hammeenyi hojjataa jiran , Ilmaan cunqurfamoo, keessattu, Qeerroo Oromoo dhalchee injifannoo Ummata oromoo dhiheessaa jiraachuu dagachuu hin qaban. Sochiin Ummatoota miidhaan itti heddummaatee , Dargaggoo Tuniziyaa ibiddaan of gubeen eegale, warra Addunyaan nu harka jirti jedhaniifu abidda itti umaa jiraachuu hubachuu qaban. Haqa Ummata miidhamee ukkaamsuuf , warra humna qabna jedhan jala goruuf yaaluun, sochii qeerroo gonkuma dhaabuu akka hin dandeenye hubachuu barbaachisa. Humni Ummatootaa yennaa jabaatu Addunyaa, keessattu warra haqa Ummatootaa irra dhaabbatanii dantaa isaaniif dhaabbatanitti hirkadheen jiraadhaan , dhaloota har’aa harka qullaa , Taankii dura dhaabbatuuf murate , dhaabuu hin danda’u. Fincilli Diddaa gabrummaa fi sochiin qeerroo har’aa , adeemsa qabsoo dhaloota har’aa hangam jabaachaa jiraachuu kan nu akeekuudha.

Dargaggoonni Oromoo kaleessa Fincila Diddaa gabrummaan, har’a ammoo , Sochii qeerroon wayyaanee raasaa jiran, Injifannoo Ummata Oromoo shakkii tokko malee akka mirkaneessan mamiin hin jiru. Ummatoonni biros sochii kana cinaa dhaabbatanii Injifannoo waloof hojjachuun akkaan barbaachisaa ta’uu hubachuu barbaachisa. Wayyaaneen qabsoo keenya gufachiisuuf Ummatoota nu irratti daboo kadhachaa fi shiraan akka wal dhabnu taasisaa jiraachuu hubachuu qabana. Kana fashalsuuf

garaa bal’annee , siina of irraa hanqisuuf jecha , kan keessa keenyaa keessa keenyatti qabanne, Ummatoota biro hawwachuu qabna.Sababaan, Wayyaaneen diina Ummatoota hundaa waan taateef. Wayyaaneen har’a maqaa Ummatootaan haa kakatu malee, Mirga abbaa Biyyuummaa Ummatootaa addatti kan ummata oromoo hin barbaadu.

Har’a wayyaaneen gonkumaa ummataaf dubbachaas ta’ee hojjachaa hin jiru. Qabeenyaa saaman karaa itti jiraachisan qofaa yaadaa jiran. Kun ammo kan ta’uu danda’u , qabsoo Ummatootaa dhabamsiisu qofaan ta’a. kana booda bara-baraaf jiraanna jedhanii murteeffataniiru. Naannoon keenya , wareegama irraa barbaachisu kafalee , dhaloota itti aanuuf dabarsaa jira. Mirga ofii kan tolaan namaa kennu gonkumaa hin jiru. Har’a wal irratti ilaaluun eessaanu nu hin ga’u. keessattu Ilmaan Oromoo Biyya ambaa keessa jiraatan, sochii qeerroo kana milkeessuu qofaa odoo hin taane, Qabsoo Oromoo Addunyaa dhageesisu keessattu , sadarkaa dhuunfaa eegalee tattaaffii mataa siaa taasisu qaba.wayyaaneen qabsoo ykn gaaffii Ummatootaa ukkaamsuuf, Biyya keenya warra alaatti akka matta’atti qabsiisaa ykn kennaa jira. Guutummaatti tajaajiltummaan jiraachuuf murteeffatees hojjachaa jira. Gaaffiin dhaabbilee Bilisummaa saba isaaniif qabsaa’aan gaaffii jala galchuu fi shororkeessummaan galmeesisuuf, Qabeenyaa Biyyaa akka saaman , Biyyattii keessatti dantaa ol aanaa akka qabaatan taasisu irratti argama. Dachee keenya abbootii keenya irraa buqisee, warra alaattii gurguraa jira. Walii gala wayyaaneen jibba nuuf qabu daran hammeessee jira.

Nu ajjeeseera. Nu hidheera. Biyyaa nu godaanseera. maatii keenya diigeera. Dhalota gubeera. Shamarran gudeedeera. Beerran keenya salphiseera. Maaguddoo keenya miidheera. Qabeenyaa keenya chaayinaa fi arabatti gurguraa jira. Walii gala dachee irraa nu dhabamsiisuuf hojjataaa jira. Humna akkasiif callisuun dabeessummaadha. Dhalooti hegareen isaa itti dukkanaa’ee ,wayyaanee jalatti jilbeenfatee akka jiraatuuf irratti hojjatamaa jiru , sochii isaa bakka jiru finiinsuu qaba. Wayyaaneen ,Biyya Abbaa keenyaa irra taa’ee, galmee shororkeessaa keessa nu galchuuf yaaluun isaa qofti , hammeenya Ummata Oromoof qabu akka gaaritti kan ibsuudha. Odoo danda’ee , akka biyyoota biroo xiyyaara nama malee balali’uun osoo hin hafnee akka tumamnu barbaada. Diina

akkasiif nama mijeeffatu of irratti ilaaluun , qaanii isa dhumaati.
Diina mana nama seenee abbaa namati ta’uu irra dabree, akka itti dhuma namaaf malu callisani ilaaluun , namummaan gadidha. Ummati Oromoo bakka maraa jiru , odoo hin jaallannee, humna isaa gamteeffachuun murteessaa ta’aa dhufee jira. Hojjataan , daldalaan, beekaan , barsiisaan hundumtu sochii Dargaggootaa kaleessa eegalamee fi har’a qeerroon gaggeeffamu cinaa dhaabbachuu qaba. Canqursaan hanga jirutti , qabsoon farra cunqursaa jiraachuun darqama. Bilisummaan Biyya keessa hin jirre , mana dhunfaa ofii keessatti qabaachuun hin danda’amu. Dargaggoo oromoo maqaa maayikiroo xixiqqaan qabsoo irraa daguu wayyaanee irraa of haa eeggannu. Biyya ofii irratti , qee’ee ofii irraa buqqa’anii ,Warshaa cunqursitootaa keessatti qacaramuun , gonkumaa mirga ta’uu hin danda’u. waggaatti barattoonni kumoota 70n lakkaa’aman, koleejoota barnoota ga’ummaa hin qabne keessaa eebbifamuun , dhaloota hegaree irratti maaltu hojjatamaa aka jiru haa hubannu. Dhaloota sabootaa domsaa , kan hiwaatootaa Biyya alaatti barsiisaa jiraachuun , bor maal akka nu yaadan dagachuun gawwummaadha. dhaloota har’aa qabsoo irraa dhaabuuf shirrii gaggeeffamu hundumtu ni hongaawa.

Dhuma irratti , har’a nu hidhan . nu ajjeesan . nu hiraarsan. Hiyyuummaa keessattii nu adaban. Abbootii keenya, obbolaa keenya ,
haadholii keenya gargar facaasan. Qabeenya keenyaaf jedhanillee nu miidhan. Kan kaleessa nu waliin guddate har’aa hidda dhahatee nu miidha. Inni har’af dantaan mo’mee jedhes , nu hiraarsa ta’a. Dachee keenya irraa nu buqqisanii ofiis qubatanii ta’a. kanarra waan hamaas nu irratti gaggeessu ta’a.

Kun hundi garuu , akka nu jabeessaa jiru , gumaa nu keessatti uumaa akka jiru , hiwaatoonni hubachuu qaban. Rorroon har’a qeerroo dhalchite, boru gara jabiina akka isaanii nu keessatti gadi dhaabee,rakkoo hama ofitti fiduuf taa’an. Mana ofitti ajjeefamuu fi hiraaruun dhaabbachuf akka deemuu fi kanas ofi irraa kaasuuf filmaati dhummaa akka itti aanu hubachuu qaban. Qabeenyaan har’a tuulame , yakka Ummata keenya irratti hojjatameen duuba akka jiru hubachuu barbaachisa. Waliin jireenye hagaree, hammeenya har’aa irratti akka hundaa’uu hubachuu qaban. Qabsoon keenya bifa hundaa itti fufa. Riqicha diinaa ni dhabamsiifna. Dhaloota hegareef dukkana hin hawwinu. Gabrummaan nu irratti ni dhaabbata. Sochiin Qeerroo har’aa , Imaanaan wareegamtootaa dhageettii argachuu mirkaneessa. Kanaaf , Qabsoon Abbootii keenyaan eegalamte itti fufti.
ITTI FUFA …

Fincilli Diddaa Garbummaa Yaadannoo itti Fufa Qabsoo Bilisummaa Oromoo ti!

(Oduu Qeerroo, Finfinnee, 6 Sadaasa 2011) Sadaasa 9: guyyaa gaddaa waan taheef dhala Oromoo kan tahe hundi bakka jirutti guyyaa kana gaddaan yaadachuun seenaa FDG akka kabaju ABO dhaamsa dabarse.

ABO guyyaa yaadannoo FDG bara 2011 ilaalchisee dhaamsa Qeerroo Bilisummaf dabarseen  akka hubachiisetti, guyyaan kun itti fufa qabsoo diddaa garbummaa Oromoo, addatti immoo FDG kan sadaasa 9, bara 2005 bifa sirnaa fi tartiiba qabuun qinfamee labsame irratti wareega kaffalame kan itti yaadatamuu dha.

”Ulee hammeenyaa mootummaan Wayyaanee ummata Oromoo irratti ol fudhate karaan itti jalaa bahuu dandeenyu didnee fincillee mirga keenya deebifachuu duwwaadha,” kan jedhe ibsi ABO kun, jagnooti keenya baroota dabran osoo mirga ummata Oromoof jedhanii falmaa irra jiranii harka diinaatti kufan yaadachuu qabna,” jedhee jira.

Dhaamsi ABO itti dabaluunis, ummati Oromoo mirga abbaa biyyummaa isaa mirkaneeffachuuf ABO jalatti qindaawee qabsoo hidhannoo fi siyaasaa geggeessaa jiruun wareegama ulfaataa kaffalaa akka jiru yaadachiisee, wareegamni isaanii bilisummaatti nu geessuu kan danda’u yoo gumaa isaanii baafnee dha jedhee jira.

Guyyaa yaadannoo kanas diddaa daran jabeessuun, jagnooti keenya FDG irratti kufan daqiiqaa tokkoof yaadachuun, Sirna yaadannoo irratti faaruu gootowwaani “ Maal dhaamanii” jedhu faarfachuun, Sabboontota sababa FDGtii fi QBOtiif jecha hidhaa jiran gaafachuu fi  Gumaata addaa walitti qabuun hidhamtootaaf kennuun  ayyaanicha yaadachuun akka danda’amu ABOn dhaamee jira.

Dhaadannoolee guyyaa kana dhaadatamuu malan keessaas ” Mirga keenya falmachuuf eenyuun illee eehama hin gaafannu!, Mirgi hiree murteeffannaa ummata Oromoo haa kabajamu!,  Hidhamtooti siyaasaa Oromoo haa hiikaman!, Barattooti Oromoo hidhaman haa hiikaman! Fi kkf ” kan jedhu hundee yoo ta’u, Qeerroon Oromiyaa  bakka jiran maratti qabsoo diddaa garbummaa waan jabeessu mara akkaataa isaaniif aanja’een akka finiinsan dhaamsi darbee jira.

 

 

የወያኔ አገዛዝ በንፁህ ዜጎች ላይ ሁለተኛ ዙር እስር ለማካሄድ እቅድ እንዳለው ተጋለጠ

(Qeerroo News, Nov 5, 20110) የመለስ ወያኔ አገዛዝ የእስር ጥቃቱን በዋነኛነት በኦሮሞ፣ ኦጋዴንና አማራ የተቃዋሚ ፓርቲ አባላትና ደጋፊዎች እነዲሁም ተወላጆች ላይ ለሁለተኛ ዙር ሊያካሄድ ዝግጅቱን ያጠናቀቀው መሆኑ ታውቅዋል።

ይህ እቅድ ወያኔ ከሀምሌ ወር 2011 ጀምሮ እየተገበራቸው ካሉት ግዙፍ እኩይ ድርጊቶች ኢምንቱ እነደሆነ የታወቀ ሲሆን ይህም ሀገር ውስጥ የሚገኙ የተቃዋሚ ሀይላትን ከሀገር ጠራርጎ የማውጠት አላማን የተንተራሰ  ዘዴ ነው።

መለስ ዜናዊ በቅርቡ በፓርላማ ስብሰባው ላይ  በሰጠው መግለጫ መንግስት በርካታ ዜጎች ላይ እስር ለመፈፀም መረጃ እየሰበሰበ እነደሆነ በግልፅ  ተናግርዋል፣«  ከአሸባሪ  ቡድኖች ጋር  እየሰሩ ያሉና ግንኙነት ያላቸው ሰዎች እንዳሉ እናውቃለን፣ ከማሰራችን በፊት ጥቂት ተጨማሪ ማስረጃዎችን ብቻ ነው የምንፈልገው ፣በመቻኮል  ሁሉንም ነገር ማበላሸት አንፈልግም» ነበር ያለው።

ይህ ቀጣዮ የጅምላ እስር እቅድ ያነጣጠረው ስጋት ሊሆኑ ይችላሉ እነዲሁም መረጃን በማቀበል ይሰራሉ ብሎ የጠረጠራቸውን  በመንግስት መስራቤቶች ውስት ተቀጥረው የሚሰሩ ሰዎችንና  አገዛዙን የሚነፍቁ የመገናኛ  ብዙሀኖችንም እነደሚያካትት ታውቅዋል።

የወያኔ አገዛዝ እነኚህን አካላት በትሮጃን ሆርስ ቫይረስ ነው የመሰላቸው፣ የወያኔን አገዛዝ  ስራ በማጋለጥ ውድቀቱን የሚያፋጥኑ። ከዚሁ ጋር በተያያዘ ወያኔ በፍትህ ሚኒስተር  መስሪያ ቤት አንድ ግብረ አበር ቡድን ያቋቋመ ሲሆን አላማውም በፍትህ መኒስቴር መስሪያቤት ውስጥ በፖለቲካ እስረኞች ላይ የሚደርሰውን ኢሰብአዊ ድርጊትና ስልጣንን በመጠቀም የሚፈፀመውን ወንጀል በተመለከተ ለዜና አውታሮች መረጃዎችን የሚያቀብሉ ግለሰቦችን በቁጥጥር ስር ለማዋል ነው።

የውስጥ ምንጮች እንደገለፁት ይሄው ቡድን በዋነኛነት በኦሮሞ የህግ ኤክስፐርቶች ላይ እነዲሁም በአሁኑ ወቅት ወደአሜሪካ ተሰደው የሚገኙት ከዚህ ቀደም የፍትህ ሚኒስተር ዳየሬክተር የነበሩትን የአቶ ለገሰ አለሙ ጉዋደኞች ላይ ያነጣጠረ ነው፣ ይህ ቡድን እነዢህን ግለሰቦች መረጃውን ለዜና አውታሮች ወይም ደግሞ ለአቶ ለገሰ  ስለማቀበላቸው በምርመራ መልክ መጠየቃቸውም ታውቅዋል።

ከዚህም ባለፈ “አቶ ለገሰ በኢትዮጵያ መንግስት በጥብቅ የሚፈለግ ግለሰብ ነው፣ ግለሰቡ እጃችን ሲገባ በዚህ ተግባር ከተሳተፋችሁ ለክህደታችሁ  ከፍላችሁ የማትጨረሱት እዳ ነው የሚከተላችሁ” የሚል ማስፈራሪያ ከባለስልጣናቱ እንደደረሰባቸውም ገልፀዋል።

ወያኔ ይህን ግብረአበር ቡድን ለማቋቋም የተገደደው ከ ፍትህ ሚነሲተር በተደጋጋሚ ወጥተው በተለያዩ የዜና አውታሮች በታተሙት ሚስጢራዊ ዜናዎች ሲሆን ይህም  በኦሮሞዎችና ሌሎችም ግለሰቦች ላይ የሀሰት ክስ በመመስረትና ለእስር በመዳረግ እነዲሁም ቶርች በማድረግ ትልቅ ሚና ሲጫወቱ የነበሩ የወያኔ አባለትን ያጋለጠ በመሆኑ ነው።

ሆኖም የወያኔ ጋዜጠኞች ሰሞኑን የቄሮ ዘገባን ለማስተባበል አስበዉ ሳይሳካላቸዉ የቀረ መሆኑ ተስተዉሏል::

 

Oduu Gaddisiisaa, Gabaasa Qeerroo magaalaa Amboo irraa

Odeessaa addaa Obboo Guutuu Shanfee jiraataa Godina wallaaggaa Bahaa Onaa Jimmaa Raaree Magaalaa Waayyuu keessaa kan jiratan mucaan isaanii barataa univeristy Jimmaa waggaa tokkoffaa kan ture barataa Darajjee Guutuun  bara 2011keessaa fincila diddaa gabrummaa Qeerroon qabsiiseen wal qabatee humnota  mootummaa Wayyaaneeen  qabamee mana hidhaa qaallititti hidhame jira, abbaan isaa Obboo Guutuu Shanfee mucaa isaanii badiin tokkoon malee mana hidhaa qaallittiis eelaa reebichaan dararamee hidhaa jiru gaafachuuf akka lakko. habashattii gafaa guyyaa 18/2/2004 gara magaalaa Finfinnee deemani. Mucaa isaanii barataa Darajjee  hidhaatti dararamaa jiru  gaafatani deebi’anii,mucaa isaanii kan  koolleejjii Amboo barattuu biros waan qabaniif haal isheen itti jirtus  arguuf jecha Ambotti maqanii gafa guyyaa 19/2/2004  mucayyoo arganii bira bulanii, haala gochaa mootummaan Wayyaanee barattootaa fi qotee bulaa Oromoo akkasumas haala walii gala ummata Oromoo irratti hojjechaa jirtu guddoo waan isaan arseef eelaan aarii kanaas amma maatii isaanii keessa galee mucaa isaanii hidhaatti waan galcheef fi gochaan diinaa kun waan baay’ee isaan aarseef achuma Ambootti mucaa isaanii biratti halkan sana lubbuun isaanii dabartee du’an. arii irraan kan ka’ees of ajjeesan jechuudha.

Haala kanaan reeffii isaanii gara mana isaanii maagaala Waayyuuttii deebi’ee gale. Sirni awwalcha isaanii gafa guyyaa 20//2/2004 raawwate, Ummaanniis akka malee humnaa ol ba’ee isaan awwaale. Ummanni Oromoo heddumminaan awwaala isaa irratti argamanis “Jarrii Wayyaanee kun akkuma nu qabdetti,akkuma mucaa kee qabdettii sii nyaatee,gumaa saba keenyaa ni baana” jechuun uummanni boo’ee boochisee awwalate, ekeraan isaanii Gaaddisa Waaqaa haaboqotu, maatii isaaniif rabbii jajjabinaa haa kennuu.

Barattooti Oromoo Saddeet Barumsa Irraa Aryataman

( Gabaasa Qeerroo, Mizaan Teeppii,Sadaasa 2, 2011) Mootummaan Wayyaanee diddaa fi fincila barattoota Oromoo balleessuuf barattoota Oromoo Oromummaan yakkitee hidhuu fi barnoota irraa ari’uu itti fufte.
Gabaasaan Qeerroo akka ibsetti, yeroo ammaa kana sochii diddaa fi fincila Qeerroo babal’ataa jiru dhaamsuuf Wayyaaneen tooftaa ittiin ilmaan Oromoo laaffiftu  bifa haaraan baafattee socho’aa jirti.
Mirga Oromummaa fi abbaa biyyummaaf seenaa qabsoo Oromoo keessatti qooda guddaa kan qaban baratooti kun yeroo ammaas sochii Qeerroo Bilisummaa waliin walitti hidhatee barattoota doorsisuu fi hiraarsuun mootummaa Wayyaanee itti fufee jira.
Akka kanaan barattoota Oromoo University Miizaan Teeppii baratan keessaa barattoota saddeet badiin tokkoon malee maqaa ABOf fi fincila diddaa gabrummaan yakkuun mana barnootaa irraa arihamanii jiru.
Kanneen kunis:-
1.Barataa Sitinaa Nagaasaa Biology department  irraa lafiti dhalootaa  Haroo Sabuu
2.Barataa Moominaa Danuu Biology department  irraa lafiti dhalootaa  Haroo Sabuu
3.Barataa Furgaasaa Physics Department irraa lafiti dhalootaa Ambo
4.Barataa Abboomaa  Chemistry Department irraa lafti dhalootaa Amboo
5.Barataa Miikiyaas Dheeressaa  construction department irraa  lafti dhalootaa Dambi Doolloo irra
6.Barataa Fufaa Caalaa Muummee Biology department
7.Barataa Caalaa construction department  irraa
8.Barataa Rashaad survey department  irraa  tahuu gabaasti Qeerroo University Miizaan Teeppii hubschiisee jira.
Barattootiin Oromoo Impaayera Ethiopia keessatti argaman, hireen isaanii hidhamuu, biyyaa arihamuu, reebamuu,hojii dhabuu fi doorsifamuu kkf erga tahee baroota hedduun lakkaayamuun beekamaa dha.