Gaafa Amajjii 18,2016, Akka gabaasi Qeerroo  ibsutti magaalota Moxee fi Qassoo keessatti alaabaan Wayyaanee erga guggubameefi qabeennaa Wayyaanee irratti tarkaanfiin fudhatamee kaase humni waraanaa aanicha goolaa akka jiru beekamaadha

Barattooti fi jiraattonni ukkaamsamaa utuu jranii ilmaan Oromoo ajjeestanii utuu qarshii gaafattanii barachuu hin dandeenyu jechuun FXG mormii dhaan sagalee isaanii dhageessisaa oolan. Dhumarratti humni waraanaa achii bittimsuu fi Barattoonni hedduun ukkaamsamuus oduun achii nu qaqqabe ifa taasiseera.

Gabaasi Qeerroo Waamaa Adaree Wallewwaan warraaqsa ciccimoo ta’anin
(Hoo baala kusa’e
DH.D.O Maal nurra ka’e
Waayyaanne maal nurra ka’e
Hoo yaa abbaa jiksa
Nafxanyaan maaf nu cunqursa
Hoo yaa abbaa daale
Diqaalicha enyummaasatan wal’ale
Hoo yaa birrole
Homaa hin qabnu kobbee malee
Hoo yaa birrole
Gabronfataadhan kajeele jechuun kan eegalan dhumarratti tarkanfiwwan qabeenyaa diinaaf basaastota,jalewaan TPLF (OPDO) irratti fudhatani Waajjiraalewwan magaalatti keessaa heddusaani barbadeessan.gadhee nama madoo taasisani akka itti fufan waadaan galan keessattu barattootni ukkanfaman hamma gaddhiifanitti,alaabaa keenya hanga fannifanutti itti fufna jedhan.

Godina Wallagaa Magaalaa Giddaa Ayyaanaa FXG.

Amajjii 19,2016 , Barattooti kun yeroo jalqabaaf 24 ka ta’an yoo ta’u,amma barattoota shan kan himataa jiru yeroo ta’u, adeemsi heeraa fi Seeraa kan hin eegamneefi maqaa Oromoo fi ABOtiin yakkamanii murna bicuu TPLF Tigiraayin humatamaa jiru. Barattooti kun amma mana yaalaa dhirkamuun,baay’ee kan miidhaman yoo ta’e illee haamileen oromummaa isaanii mana hidhaa maa’ikelaawwi fi Qilinxootiin utuu hin cabin mana Murtii Wayyaanee kanatti sodaa tokko malee uffata aadaa Oromoo uffatanii dhiyaatan

Himatamtoota Wayyaanee kana keessaa Barataa Magarsaa Warquu dhukkubaa fi dararaa irratti raawwatameen baay’ee hubamee kan jiru yeroo ta’u, Afaan Wayyaanee abbaa alangaa ka ifiin jettu himata irratti dhiyeessite gocha isaanii akka hin taane ibsaniiru.

Nimoonaa(Abbabaa) Urgeechaa yaada gartuu himatamtoota Abbabaafaa jedhaman kana irraa yaada Abbaa Seeraaf dhiyeessan ” maaster pilaaniin finfinnee itti himatamaa jirru mootummaan naannoo Oromiyaa uummati kan itti hin amannee waan ta’eef hojiirra hin oolu aantummaa uummata Oromootiif qabu nan mirkaneessa ” erga jedhee midhaa ga’e jedhuuf mootummaan naannoo Oromiyaa itti gaafatama haa fudhatu nuunis himanni keenya mootummaa federaalaan ilaalamuun hafee gara mootummaa naannoo tti nuuf haa deebi’uu ” yeroo jedhan abbaan seeraa garuu karaa qaama ilaaluu dhiyeeffachuu dandeessu nuun garuu qorannoo seeraa keenya addaan hin kunnu himata isinitti dhiyaateef guraandhala 14-16tti ragaa faccisaa akka dhiyeeffattan jechuun galmicha cufe

1. Barattooti kun,Abbabaa (Nimoonaa)Urgeechaa   Haromaayaatti Barataa Injinrerii
2. Magarsaa Warquu Barataa seeraa waggaa 5 ffaa Yuunibarsiitii haromaayaa
3. Addunnaa Keessoo Barataa Adaamaa Yuunibarsiitii
4. Bilisummaa Daammanaa Yuunibarsiitii Adaamaa

 Yeroo ta’u, wabii kuma kudhaniin alaa kan dhiyaate, Mo’iiboon Baqqalaa Garbaa Yuunibarsiitii Jimmaatti Barataa public health waggaa lammaffaati

Amajii 17,2016
Yeroo ammaa kanatti kaampaasiin yuuniversitii damee Awwaarooo harka diinaatin gubataa akka jiru Qeerroon gabaasaa jira.
Mootummaan shororkaawan mootummaan Wayyanee yeroo amama kanatti badiisa irra waan gaheef dhaabbilee barnootaa fi dhaabbata tajaajila uummataa ibiddaan gubaa akka jiru kan ragaadhaan bira gahamaa hubatamaa dhufedha. Har’a Amajii 17/2016 Amboo, dameen Yuuniversitii Awwaaroo doormiin dhiiraa fi kaaffeen nyaata barattootaa ibiddi humna waraana Wayyaaneen itti qabatee gubataa akka jiru amma sa’a 1 dura Qeerroon gabaasee jira.
FXG shawaa lixaa aanaalee garagaraatti ittisa gandaa fi poolisoota Oromiyaatin kan deggerameen fincila uummataatti makachuun gabaasni nu
gahe addeessa.

Amajii 17,2016
Godina Harargeetti FXG jabeeffamee itti fufe. Mootummaan Wayyaanee duguuggaa sanyii uummata oromoo irratti labses humna waraana isaan
jabeeffachuun itti fufuun isaa FXG kana kan dhadhabsiise osoo hin taanee jabeessee uummata oromoo guutummaatti hirmaachisee jira.

Har’a FxG godina Harargee lixaatti gageeffameen
-Lubbuun hedduun wareegameera.
-Uummanni jumlaadhaan mana hidhaatti guuraamera.
-Rasaasni akka bokkaatti uummata irratti roobaa oola
Kun ammas taanan fincila kan jabeesse malee boodatti kan hambise osoo hin taane uummanni jiraattotni godina harargee keeysa jiraatan fincila kana jabeessuun baadiyaa fi magaalaadhan ka’ee jira. Itti fufa FXG!

Amajjii 17,2016/ Lafa Oromoon wal gahutti wayyaanen kufaatiikoo mariyatu jechaa jira, dhaabbilee amantaa garagaraas cufuu irratti argamaa jira.
Gabaasa godina wallagga bahaa aanaa Giddaa Kiiramuu irraa ibsuun, mootumman wayyaaneen manneen amantaa protestaantii nurrattu kadhattan jechuudhaan manneen manneen amantaa kana bakka sadii aanaa kana keesaa cufsiisuu Qeerroon gabaasee jira. Haaluma kanaan waldoolii amantaa protestaantii kanneen garagaraa keessatti basaastota bobbaasuu mootummaa Wayyaanee saaxilamee jira.

Uummanni oromoo kufaatii keenyaaf waaqa nutti waama jechuudhaan waldoolii amantaa cufsiisuu fi basaasuuf namoota ramadaa akka jiran bira gahamee jira. FXG hanga bilisummaa fi walabummaatti kallatti hundaanuu itti fufa

Hariiroo Jorgootiin.

Yeroo har’aa quufni ilmaan TPLF Tigraay, Oromiyaa keessatti faagaa ba’eeti daangaa cabsee, namni Cooma Quufe Sangaa Adii Manatti Jibba akka Oromoon jedttu sanadha ta’e. Oromiyaan ilmaan isheef hin taane malee dhugumatti biyya dureettiidha. Ilmaan Tigraay kun Oromiyaa biyya dureettii kanafi uummattoota kibbaa akkasumas guutummaa biyyattii erga dargii arihanii itti darbanii gabroonfatanii as, quufanii akka ta’an wallaalanii sadarkaa seeraafi heeraan bitamuu bira darbanii sadarkaa sodaa Waaqaas ta’e heera addunyaatiin jiraachuu tuffachuutti cehanii tuffii maal fiddiitiin, safuu dhabatti qaanii tokko malee farda salphinaa fe’atanii baxaraanummaan garmaaman. Finfinneen lafa Oromiyaati. Sanuu han’uura. Kana Waaqatu godhe. Heerri biyyattis ifatti lafa kaayee jira. Keeyyatni 49/6 kana hin haalle. Hinumaatuu Oromiyaan faayidaa addaa Finfinnee irraa argatuu akka qabdu muree haqa Oromiyaa lafa kaayeera. Haata’u malee wanti ta’aa tureefi ta’aa jiru ammoo faallaa heera mootummaa biyya kanaati. Abbaa biyyummaa Oromiyaa kana mulqaa turani. Gama seeraan heera tumamee taa’e kana hojiirra oolchuuf kan socho’e tokkollee hinjiru. Hamma danda’ametti dhoksaatiin wayta garii ammas ifatti lafa Oromiyaa kana yeroo akka qircaatti hiratan kan argaa turreefi jirudha.Namni Cooma Quufe Sangaa Adii Manatti Jibba