Monthly Archives: February 2017

Oromoof Oromiyaa Hongeessuuf Yaaluun,Burqaa Qilleensaa Argachuun Cuqqaaluuf Jooruun Wal Fakkaata

Aside

Barataa Dachaasaa Deebisaatiin

Barreessaa dhugaa baasa!Orom-biyyaa jaamsanii maqaa biraan moggaasuuf gartuuwwaan baalqajjiin kaleessaa yeroo qaroominni hin qabnes sanyiin Habashootaa yaalaa turuun nii yaadatama.Dhumma lafaaf namasaaf yoomuu duubatti utuu hin jedhin waraana lafoon ofirraa quuraa’ee deebisaa turuun gootowwaan Oromoo darbanii yomuu kan hin dagatamnedha.
Har’as daandii buchulloonni isaanii kaleessaa baasan sanarra gulufuun afaan uummata bal’aaf biyya Uummata Oromoo kana dhuunfatanii irra danbali’uuf waan hin goone hin qaban.”sangaa gaafaa mana hin dhowwatin innuu dadhabee dhiisaa”jedha Oromoon.Habashoota ofirraa deebisuuf gootowwaan kaleessaarraa dhaalmaa fudhatee dhalonnii Qaroon Oromoo har’as falma jabaa keessa jiraachuun waan ifaati.Keessattuu sochii roga maraan Qeerroo Bilisummaa Oromoo Oromiyaa keessatti gaggeessaa tureef itti jiru,Laaqii Wayyaaneen keessaa bahuu hin dandeenyeen qabsiisee jira.Akka horii hongeen huuqqisee dhoqqee Bonaan qabamtee ba’uu dadhabduu,Warraaqsa uummataan finiine kana keessaa bahuun Wayyaaneetti dhagaa guddaa dugdatti fe’ame ta’ee jira.
Continue reading →

Mootummaan Wayyaanee Duula Labsii Waraanaa Ummata Oromoo Irratti baatii 6f Labsee Ture Irratti Baatii 4 Dabaluuf Akka Jiru Saaxilame.

Aside

TPLF

Gurraandhala 6,2017 /Oromiyaa Keessatti Duulli Waraana Uummata Oromoorratti Labsame Ji’a Afur Dabalachuu Qaamonni OPDO Dhoksaan Nuuf Himan Guutummaa biyyattii keessatti falma Qeerroo Bilisummaa Oromoo biyya keessaatti taasisaa jiru sodaa keessa galuun ji’a jahaaf human waraanaan akka Biyyi keenya bultu taasisuun humna bicuu sammuu duufeen dhangalaatu dabarsuu ishee eenyuuf ifaadha.Ajaja ji’a jahaa sana Guutummaa Oromiyaa keessatti tasgabbiin bu’uu waan hin dandeenyeef ji’a afur itti dabalanii akka jiran odeessi OPDO keessatti wal mormisiisaa jiraachuu beekame. Continue reading →

Sagantaan “TV Gaaddisa Dhugaa” Gara Qilleensa Irraatti Deebi’uuf Jedha.

Aside

Godina Arsii Aanaa Seeruu Ganda Elelle Jedhamu Keessatti Ergamtooti Wayyanee Ummataan Adabamaa Jiru. Barattooti Umuriin Xiqqaa Ta’anis Poolisootaan Hidhamaa Jiru.

Aside

Exif_JPEG_420

Gurraandhala 6,2017/ Godina Arsii Aanaa Seeruu Ganda Elelle jedhamu keessatti basaastuu Wayyaanee dargaggoota qabsiisaa jiruu fi hojjataa waajjira Aadaaf turizimii aanaa seeruu Siraaj H/ Abdullaahi Muhaammad jedhamu eda halkan human hin beekamneen dhanamuun miidhami cimaa akka irra gahee jiru gabaafame. Namni kun yeroo amma Hospitaala Roobeetti yaalamaa jira,

Kana malees guyyaa har’aa Wiixata barattoonni M/B Adamtuu faaruu faarfachuu diduu isaanitiin barattoota umuriin daa’ima ta’an  3 Sadih mana hidhaa magaalaa Balee Gasgaaritti darbatamanii jiru,dargaggoonni mana hidhaatitti darbataman

1, Ismaa’il Kadiir barataa kutaa 6ffaa

2, Seeyfuu H/ Jest barataa kutaa 6 fffaa
3,Muhaammad H/ Kamaal ta’uun dhagayame, sababiin barattoonni kuni itti hidhamaniin barruulee warraaqsaa faaruu hin faarfatinaa jedhuufi barnoota lammummaa hin baratinaa jedhu isintuu maxxansee haala baruuf barsiisuu gufachiisutti jira jechuun ta’uunis dhagayameera.

Godina Wallaggaa Aanaa Waamaa Hagaloo Naannoo Laga Mi’eessoo Jedhamutti Poolisooti Wayyaanee Ummata Dararaa Turan Irra Miidhaan Gahuu Gabaafame.

Aside

Billoo BosheeGurraandhala 6,2017,  Waggoota Dhiyoo Asitti Uummata Oromoo Lixa Oromiyaa Ona Waamaa Hagaloo Dararaa Turte Balaa Gurguddaan Saaxilamte. Barattootaa fi barsiisota qareeyyii hidhuuf reebuin beekamtii guddaa onicha keessatti kan qaban Foolisoonni Sadii balaa Konkolaataan tokko yoo ajjeefamu kaawwan hafan du’aaf jireenya gidduu galuu isaanii ofeessi Qeerroo addeessa.
Akka odeessa kanaatti foolisoonni kunneen torbee darbe namoota hidhanii reebaa turan gara magaalaa Naqamtee mana hidhaa Jaatootti dabarsanii utuu galaa jiranii balaan konkolaataa Aanaa Waamaa Hagaloo Laga Mi’eessoo gubbatti irra gahuun Police Gulummaa kan maqaa abbaasaa yeroof hin argatin battalumatti lubbuin darbe.Isaan keessaa waggoota dheeraaf uummata cunqursee humnaan dhahee reebaa fii saamaa kan ture Police Taaddalee fii Police Guddataa kan jedhaman miidhama guddaa irraa fayyuu hin dandeenyerra gahuu isaanii dhagaa’ame.

ONN- Beeksisa Qophii Kaayyoo

Aside

” Qeerroo Isaa Gurmeeffatee” Wallee Warraaqsaa Haaraa Artistoota Oromoo Hawwii H.Qananii fi Abbabaa Dhugaasaa /Gurraandhala 2017

Aside

Continue reading →

Shirootaa fi Afaan Fajjii Wayyaaneen TPLFn Ummata Irratti Xaxamaa fi Deemaa Jiru Gootummaa Qeerroon Fashalaa’ee FXG Itti Fufee Jira.

Aside

CirooGurraandhala 6,2017 /Sirni cunqursaa mootummaa jedhee of yaamu Wayyaanee TPLF yeroo ammaa maqaa haaromsa biyya keenyaaf jedhuun uummata Oromoo gidduutti afaanffajjii uummuuf yaalii akkaan jabaa ta,e gootus shiraa fi kijibni sirna  Wayyaanee deemaa jirtuuf  diddaa Qeerroo fi uummataan golee Oromiyaa mara keessatti Wayyaanee harkatti busha,aa jiraachuu Qeerroon gabaase.
Shiftoonni Wayyaanee kunneen diddaa uummanni Oromoo osoo walirraa hin kutiin waggaa 1 olirra dabarsee gochaa jirutti muffii fi gidiraan akkasumas cinqii keessa kan seenan saamtooni wayyaanee kunneen yeroo ammaa maqaa haaromsa biyya keenyaa gadi faggeenyaan xiinxaluu jechuun uummata oromoo golee oromiyaa mara keessa jiran walga,ii fi doorsisaan gidirsaa jiraachuunis saaxilame jira.

Continue reading →

Hidhamtootni Ilmaan Oromoo mooraa Liinjii Waraanaa Wayyaanee kanneen akka Xoollaayi, Awaash Arbaa fi Bakkoota garaa garaatti hidhamuun hiraarfamaa turan gadhiifamuun gabaafame

Aside

because-i-am-oromoGuraandhala 5,2017 Hidhamtootni Ilmaan Oromoo mooraa Liinjii Waraanaa Wayyaanee kanneen akka Xoollaayi, Awaash Arbaa fi Bakkoota Garaa Garaatti hidhamuun hiraarkanneenfamaa turan wayyaaneen waan qabdee gadhiiftuu dhabuun maqaa leenjii haaromsaa gooneef jettuun hidhamtoota Oromoo muraasa kan gadhiiftee jirtu ta’uun ibsamera. Ilmaan Oromoo hiraarsa diinaa hamaa meessa turtan baga nagaan baatanii maatii fi hiriyoota keessanitti makamtan.

Continue reading →

Oromia News_Network (ONN) Oduu gara garaa, Gur 5, 2017

Aside

Gurraandhala 5,2017  Oromia_News_Network (ONN)Tamsaasa isaa Satalayitii kallattiin Biyyoota Afrikaa Bahaa Addatti immoo Oromiyaa fi Ethiopia irratti fuulleffachuun Kan eegale ta’uu yeroo dhageenyuu gammachuun keenya guddaa ta’uu uummta Oromoo hundaaf ibsina. Addaatti immoo Hoog gantootni Koree_Boordii_Olaanoo ONN uummata Oromoof hojjechuuf Qabsoo bilisummaa Oromoo jabeessuu fi tokkummaa uummata keenyaa mirkaneessuu irratti roga kanaan ga’ee media bahachuuf akka jirani fi Oromoof hojjechuuf fedhii guddaa qabachuufi of kenninsa bu’aa dhuunfaa irratti hin hirkanneen bu’aa uummataafi qabsoo bilisuummaa Oromoo dursuun hojjeechuuf akka jiran Koreen boordii ONN ifatti of beeksisaniru.
Hooggantoota_ONN, Koree Bordii Olaanoo keessa muraasa:
1. Dr Moosisaa Aagaa hogganaa olaanaa ONN.
2. Dr Rundaasaa Asheetee barreessaa olaanaa ONN.
3. Obboo Elemoo Odaa miseensa Hojii rawwachiiftuu Olaanoo ONN
Ifatti Oromoof hojjechuuf onnee guutuun qabsoo bilisummaa Oromoo cina dhaabbachuuf kan jiraniifi haala waliigala dhimma uummata Oromoo fi Oromiyaa irraatti hojjechuuf kan jiran ta’uun hubatameera.