Guyyaan Caamsaa 22/2014

Qabsoon FDG Hanga Sirna Wayyaanee Hundeen Buqisu Hin Dhaabbatu!

Kan dhageettii miti kan ijaan arginu kan dhugaan iyyatee addunyaa waammattu yeroo sabni balaan saamamuu lafa isaatii fi dhumaatii ijoollee isaaf gaaffii ol kaafatu maatii salphoo keessatti kan dhalatee guddate kan safuu hin beekne mootummaan wayyaanee uummata guddaa maanguddoo fi ijoollee hin jedhu rasaasaan reebee ajjeesa. Nuti maadhee Iftuu Bariiti,karaan danqaraa qofa tahe kan wajjin maadditti dhiyaatan lama keessaa tokko gurgurataadha,abbaa isaa kan garaaf dabarsee dhala dhalee fi dhalche dabarsee kennaa jira. Nuti uummata keenya waliin,uummata jiraattoota aana Sulultaa,Qote Bulaa aanaa kanaa fi barattoota manneen barnootaa sadarkaa garagaraa jalatti argaman waliin wal taanee hojii mootummaa wayyaanee ni balaaleffanna.

Mootummaan Wayyaanee aangoo isaa irra guyyaa tokko hin turu kan irra bubbulchee achirratti qallabaa jiru dhaaba OPDO kan saba isaaf ilaalcha sabummaa herregee hin beekneedha.Hara mootichi hojii isaatti qaanaaa hin jiru saba biraa keessaa kan dhalate gara dhaaba kanaatti harkisee ogganummaa olaanaa kenneefii diddaa uummata oromoo kan danqaru tolfatee jira,uummanni keenya kan beekuu qabu mootummaan kun mootummaa waltawaatti biyya dimokiratooftuu jedhee addunyaa sobuudhaan keessaan ammoo kaayyoo duguuginsa sanyii oromoo irratti gaggeeffachaa raawwachaa jira, harI bor miti bor waa hedduutu jijjiirama OPDOn hara saba oromoo gurgurataa ilmaan oromoo ficcisiisaa jiru gaafa oromiyaan bilisoomte uummata isaa kana waliin jiraachuun hin hafu bor garuu yaada maalii dhiyeessaa maal jedha kan jedhuuf bortu beeka! Kanaaf nuti akka maadhee Iftuu Bariitti gocha mootummaa wayyaanee balaaleffachuuf ammas uummata keenya waliin hiriiruuf barataan oromoo waa hundaanuu sila miidhame FDG qixa kamiinuu barumsa isaa dhaabee itti fufuu qaba,uummanni keenya bakka hara kauun miidhaa boruu isn irra gahu hambisuudha, hara falmachuun carraa ijoollee keessanii kan boruu mirkaneessuudha. Dhaabni OPDO uummata Oromoo bakka buuu akka hin dandeenye beekuu qabna,isaan kun gariin isaanii buaa dhuunfaatiif akka jiraataa jiran hubachaa:-

1. FDG torbeewwan sadii dura oromiyaa keessatti dhoe bifa haaraadhaan itti fufsiisuuf yeroo fi guyyaa tokkichatti wal beellamnee kauu.
2. Hanga guyyaan beellamaa gahutti miseensota OPDO keessaa kan diddaa fi gaaffii keenya deggeran irraan waan boru danqaraa nutty tahu isaan irraan hubannee hara keessaa ciruudha,
3. Rakkoon saba Oromoo dhaabbilee amantaa fi jaarmayaa Oromoo garagaraa quuquu hin didne,kun eenyuttiyyuu kan dhagaamuudha isa dhageettii miti ijaan utuu arginuu gaafa ni ciru gaafa nu ajjeesu kun bor saba biraallee nu tuffachiisa,FDG kun as dhiyootti bifa haaraadhaan itti fufuuf waamicha keenya maqaa maadhee keenyaa fi saba balaatiin dabarsina.!

Injifannon Uummata Oromoof!

Gadaan Gadaa Bilisummaati!

Waamicha FDG Maadhee Iftuu Barii,Sulultaa Irraa!

Galmee Qeerroo Bilisummaa Oromoo Irraa Barattoota Oromoo Ebla fi Caamsaa 2014 Keessa FDG Ka’een Wal Qabatee Kanneen Mootummaa Itiyopiyaan Qabamanii Hidhamanii Jiran Wal Duraa Duubaan Dhihaate.

Gabatee 2^ffaa

Galmee guutuu argachuuf as tuqi : Galmee Qeerroo Bilisummaa Oromoo Irraa Barattoota Oromoo Ebla fi Caamsaa 2014 FDG keessa hidhamanii ilaala

Caamsaa 21,2014 Dambi Doolloo

Gabaasi Qeerroo magaalaa Dambi Dolloo irraa Caamsaa 21,2014 addeessuun har’a barattootni mana barumsaa Qellem barumsa dhaabuudhaan gara gaaffii keenya bu’uuraa kan deebi’uu dideetti deebina jedhuun mooraa mana barumsaa keessatti wal gayuudhaan diddaa eegaluuf gana sa’a 2:30 irratti waltti qabaman, Lukkeen waraanni wayyaanee eessaa dhufeen isaa fi eenyumaan isaa kan hin beekamne barattoota kana akka amala isaanii reebuuf gara mooraa mana barnootatti ol gamuu yoo eegalan barattootni tokkommudhaan barsiisota dabalatee dhagaadhaan of irraa qolachaa akka turan Qeerroon gabaasee jira, barataan guyyaa guutuu mooraa keessa waraanni wayyaanee mooraa manicha barumsaatti marsanii hamma ammaatti akka jiran gabaasni Qeerroo addeessa. Barattootni hamma dhugaanii ifa bahutti hamma gaaffiin uummata keenyaa deebi’utti barumsa akka hin baranne murtoo dhumaa fi beeksisa baasanii maxxansanii akka jiran gabaasni addeessa.

Gabaasa Qeerroo Adaamaa,Caamsaa 20,2014

Gabaasa Qeerroo magaala Adaamaa Caamsaa 20,2014 akka addeessuun ammaan dura sabboontotni barattootni Oromoo Yuuniversitii Adaamaa irraa hidhaman muraasni isaani tasa bakka buutee isaanii dhabamee ture,akka gabaasaa kanaatti odeeffannaan isaa karaa caasaa mootummaa Waayyaanee irran dhufeen barattoota sadii Yuuniversitii magaalaa Adaamaa irraa adda godhee mootummaan Wayyaanee isin FDG akka magaalattis tahe Yuuniversitii keessatti adda durummaan gaggeessaa turtan,jaarmiyaa Qeerroo Bilisummaa Oromoo gaggeessitu fi sochii qabsoo bilisummaaf dargaggoonni deeman waliin wal qabsiisuun bakka biraatti dhoksaadhaan reebicha hamaa isaan irratti raawwachaa turan. Amma garii isaanii gara mana hidhaa Maa’ikelaawwii bakka lubbuun ilmaan namootaa keessatti dhumte fidani jiru, kan hidhamanis namoota irraa adda baasanii bakka iji namaa hin argine dukkanaan golgalamee jiru keessatti dararamaa jiru. Isaan keessaa barataa Mokonin Kabbadaa kan jedhamu reebichi hamaan isa mudatee Hosptala galee jiraachuu isaa gabaasi maadhee Wayyaanee keessaa nu gahe addeessa. Barattooti Kunis:-

1. Barataa Addunyaa Kiisoo-barataa Yuuniversitii Adaamaa waggaa 4ffaa suuraan isaa fuula kana irratti kan argamu,kanaan duras gabaasnee kan turre,
2. Bilisummaa Daammana-barataa GC kan ture ykn kan barana eebbifamu,
3. Mokonin Kabbadaa kan jedhamaniidha.

Egaa mootummaan Wayyaanee ammas ilmaan Oromoo hidhuu irraa kan boodatti jedhu miti kufaatiin isaa waan hin hafneef kana of oolchuuf mana hidhaa Oromiyaa keessatti baayifatee Oromoo kanneen sabboonummaa qaban hidhuutti sadarkaa maraannaa keessa seenee jira,hidhamuu fi dararamuu barattoota kanaaf barattootni sabbontotni Oromoo mooraa Yuuniversitii Adaamatti argaman hunduu ajjechaa,ariyama manneen barnootaa fi hidhamuu ilmaan oromootiif hawaasni oromoo hunduu akka nu waliin hiriiruuf FDG jabeessu dhaamsa dabarsina jedhu.

addunyaa keessoo 1

addunyaa keessoo 31

http://youtu.be/0yA2iI815rw

Caamsaa 19/2014 Gootichi Oromoo Dargaggoo Milishuu(Abdii) Mallasaa Gargaaraa abbaa isaa Obboo Mallasaa Gargaraa fi harmee isaa Addee Dastaa Taddasaa  irraa bara 1978 Godina Lixa Shawaa aanaa Amboo ganda  Baayyoo fi Qumbiitti  dhalaate. Sabboonaan Oromoo diinaaf hin jilbeeffannee kun  Caamsaa 16/2014 Maagaalaa Adaamaa Keessatti utuu inni hiriyoota isaa ilmaan Oromoo mana hidhaa magaalaa Adaamaa keessatti hidhamanii jiran hiriyaa isaa ‘’Bilisummaa Lammii’’  waliin gaafatee deebi’aa jiruu, rasasa humnoota tikaa wayyaanee irraa itti dhukaafameen rukutamee battalatti du’uu waan dideef humnootni tikaa Wayyaanee gochaa gara jabina fi hammeenya guddaan guutameen lamaan isaanii (Milishuu(Abdii) fi Bilisummaa Lammii)  iyyuu konkolaataan duukaa fiiguun konkolaataa irra baasuun yakki ajjeechaa gara jabinaa ilmaan Oromoo kana irratti raawwatee jira.

Sabboonaan Oromoo Milishuu(Abdii) Mallasaa Gargaaraa umrii ijoollummaa isaa irra eegaluun sochii warraaqsa FDG dargaggootni Oromoo gaggeessan keessatti hirmaachuun gumaacha guddaa taasisaa nama turedha. Sochii FGD Goototni dargaggootni Barattootni Oromoo  yeroo ammaa kana Oromiyaa keessatti gaggeessa jiran keessatti illee himaannaa guddaa gochuun falmii bilisummaa diina waliin utuu gaggeessa jiru, uummata isaaf sabboonaa Oromoo wareegama lubbuu kanfaleedha. Sabboonaan kun yeroo ammaa Magaalaa Adaamaa keessatti hojii daldalaa xixiqqoo itti of jiraachisuu hojjetachaa nama qusannaa tokkoo malee bilisummaa uummata Oromoof kufee ka’ee hojjetudha ta’uu seenaan isaa ni addeessa. Kana malees sabboonaan Oromoo Milishuu(Abdii) Mallasaa Gaargaaraa asi fuldura bara 2009—2011tti Oromummaa isaan  yakkamee Mana hidhaa Maa’ikalawii fi Qaallitiitti hidhamee , dararamaa turuun boodarraa yakka tokko waan hin qabneef  ergaa waggaa sadii oliif dararamaa turee booda karaa mana murtii wayyaanee  yakki isa himachiisuu dhibamuun gadi gadhiifamera.  Mana hidhaa keessas ba’ee sabboonaan Oromoo kun kaayyoo Oromummaa fi bilisummaa saba koof duubatti hin deebi’uu jechuun qabsoo FDG sabboontotni Oromoo biyyaa keessatti gaggeessa jiranitti hirmaachuun hanga wareegama lubbuutti mirga uummata isaa kabachiisuuf arsaa kanfaluu danda’ee jira.

Sirni awwalchaa  sabboonaa jaalatamaa  Oromoo Milishuu(Abdii) Mallasaa Gargaaraa guyyaa kaleessa  caamsaa 19/2014   bakka dhaloota isaa Godina Lixa Shawaa Aanaa Amboo  Magaalaa Meexxii jedhamtu bakka Kosoboo jedhamutti lafa Ilmaan Oromoo  10,000 olitti lakka’amanitti argamanitti rawwateera.

Uummaannii fi dargaggeessi Amboo sirna gaggeessa goota kanaa irratti argaman dhaadannoo gumaan kee  ni baafna, Oromiyaan ni bilisomti, abbaan irree yeroof malee ni kufa, qabsoon itti fufa, gaaffii keenyaaf dhala keenya ajjeessuun deebii ta’uu hin danda’u, Uummaanni Oromoo walitti haa birmannuu, Mootummaa dhala keenya ajjeessaa jiru waliin hin jiraannuu jechuun sagalee guddaan dhaadannoon dhageesisuun gochaa diinumaa mootummaa Wayyaanee balaleffataniru.

Gabaasa Qeerroo Yuuniversitii Jimmaa Caamsaa 20,2014

Mooraan Yuunivarsiitii Jimmaa erga mooraa dabbaallee siyaasaa EPRDF/TPLF/OPDO ta’ee tasgabbii dhabee barattootaa fi loltoota Wayyaanee jidduu rakkooleen ilaalcha siyaasaa haalaan babbaldhatee jira.Moorichis mooraa waraanni bulchu malee bulchiisa mataa isaa kan qabu hin fakkaatu. Baratooti Oromoo qaroo fi barnoota isaanii irratti qabxiilee jajjabaa qaban barnoota irraa kan ari’u bakka bulchiinsa bu’ee Tikoota Wayyaanee dha.

Haala kanaan barattootni Oromoo Yuunivarsiitii Jimmaa guyyaa har’aa Caamsaa 20,2014 Waggaa tokkoof barnoota idilee isaanii irraa ari’aman keessaa:
1. Barataa Falmataa Bayechaa barataa Medicine Waggaa 5ffaa,
2. Barataa Galaanaa Ababaa barataa Governance and Developmental studies Waggaa 3ffaa
3. Barataa Zabbanaa Barasaa barataa Afaan Oromoo Waggaa 3ffaa fi
4. Barataa Abdii Turaa barataa Seeraa Waggaa 5ffaa kanneen waggaa tokkoof barnoota irra arii’ataman yoo ta’u, barattootni lama ammo akeekkachiisa dhumaa itti kennamera.
1.Barataa Israa’el Haptaamuu fi
2.Barataa Huseen Umaar kanneen jedhamanitti immoo akeekkachiisa
dhumaa kennuun gochaan diinuummaa karaa dabbaloota Wayyaanee EPRDF fI TPLF mooraa Yuunivarsiitii Jimmaa ilmaan Oromoo nagaa irratti rawwacha jira.