Lixa Oromiyaa Baha Wallaggaa Bakkeewwan Hedduun Fincila Xumura

Aside

Gurraandhala 17,2016 Har’as gootonni Barattoota Oromoo Kan Baha Wallagaa jala jiran erga boqonnaa semisteeraati deebi’anii kanneen akka Mana barumsaa Naqamtee Magaalaa Keessatti argaman,M/Barumsaa Nuunnuu Qumbaa(Nuunnuu,WaamaaAdaree ,Dirree),M/Barumsaa Waamaa Hagaloo(Qassoo,Moxe,Kiillo,Baataa,Aleeluu),M/Barumsaa Qophaa’ina Naqamteef Jiituutti haalaan finiinfamaa jira

Gurraandhala 16,2016 FXG Godina Qellem Wallaggaa Aanaa Jimmaa Horrootti Jabaatee Itti Fufe.

Aside

Gurraandhala 16,2016 FXG godina Qellem Wallaggaa aanaa Jimmaa Horrootti jabaatee itti fufee. Qeerrroo fi kora bittinneessaa Wayyaanee gidduutti fincilli uumamee jiru torban kan lakkaawee jiruudha. Humnoonni badii mootummaa wayyaaneen of jala hiriirsuun uummata hiraarsaa jiran manneen amantaa shira walitti buusa amantaan xaxuu irraa darbee qabeenyaa uummataallee mancaasuutti kaate.
Yeroo ammaa magaalan Jimmaa Horroo fi baadiyaalee keessatti dhukaasni guyyaa guyyaadhaan uummatarratti dhuka’aa jira.
Itti gaafatamaan poolisii aanichaa Tasammaa Waariyoo waraana wayyaanee agaazii fi kora bittinneessaa waliin tahuudhaan miidhaa gaggeessaa jira.
Haaluma kanaan dargaggootni aanaa Jimmaa Horroo hedduun yeroo ammaa hidhamaa jiran. Kanneen torbee kana keessaa aanaa kana keessa qofa irraa hidhaman jajjabeewwanii fi Qeerroon aanichaa hedduu keessaa maqaa nama muraasaa
1. Lataa Wiirtuu
2. Shuumataa Danuu
3. Saamsoon Solomon
4. Miftawu Shoori
5. Maarii Ayyawuu –kan amma reebichi hamaan irratti raawwatee dhukkubsaa jirudha mana hidhaa keessatti
6. Bulii Abdataa
7. Abdulkariim Jamaal- yeroodhaa yerootti kan hidhamaa turee
8. Hasan Jamal-obboleessa Abdulkarim kan qabsoo keessatti yeroo dheeraa qooda fudhataa tureedha
9. Sanbataa Oljirraa-FXG uummata kakaase jechuun raga irratti bahee kan ture kanaan dura manni murtii garuu bilisa isa baaasee kan ture
10. Abbushee Tsaggaa
Namootni kun guyyaa kaleessaa asitti humna waraana wayyaaneen qabamanii dhabamaniiru. FXG aanaa kana keessatti daandiin kan cufamuu yoo tahu humni waraana ofii banaa bula sagaleen uummataa dhaga’amaa jira. uummannis sodaa of duubatti deebisee bilisummaa faarsaa jira.

Godinaalee Bahaa Oromiyaa Godinota Arsii Lixaa, Harargee Bahaa Keessatti Warraaqsii Biyyoolessaa Oromiyaa FXG Daran Jabaate.

Aside

arsii Lixaa Shaashamannee (1)Guraandhala 16/2016 Godinaalee Bahaa Oromiyaa Godinota  Arsii Lixaa, Harargee Bahaa Keessatti warraaqsii Biyyoolessaa  Oromiyaa  FXG daran jabaachuun itti fufuun Walqabatee Manguddoo Ganna 60 dabalatee Ilmaan Oromoo Hedduun waraana agaaziin irratti Baneen Wareegamani Jiru.Godina Harargee Bahaa aanaa  Gaara Muldhataa Magaalaa Gurawaa keessatti warraaqsii Biyyoolessaa Oromiyaa Daran jabaachuun itti fufuun walqabatee Waraanni Mootummaa wayyaanee Daa’immanii fi Manguddoota ajjeesuu aadeeffate, guyyaa har’aa magaalaa Gurawaa keessatti Manguddoo Ganna 60  dabalatee ilmaan oromoo hedduun madeeffamuu fi gariin immoo wareegamuun gabafame jira.kanneen Wareegaman kan yeroof maqaa argannee jirruu keessa

1.       Magguddoo   Juharaa Muusaa   umriin  ganna 60 kan taatee fi
2.       Adam Mohaamed Abdallaa  kanneen jedham kan keessatti argaman ilmaan Oromoo wareegaman, kanneen qaama madoo ta’an immoo heedduu ta’uu maddeen keenya gabaasan.Arsii Lixaa Keessatti daandii Cufame
Godina Arsii Lixaa Magaalaa shaashamannee, shaallaa, Siraaroo fi Kofaleetti Warraaqsii  FXG haan jabaachuun itti fufee Gootummaa Godina Bahaa Oromiyaa fi Kibba Bahaa Oromiyaa Sochoosaa kan oole ta’uun beekame jira. Aanaa Kofaleetti goototni Dargaggootni Qeerroon Barattootni oromoo Mana Barumsaa Kofalee Sadarkaa 2ffaa fi qophaa’ina Waraaqsaa finiinsuun Sirna nama nyaataa Wayyaanee balaaleffachuun Waraana Wayyaanee Agaazii fi Poolisoota federaalaa waliin wal jala dhaabbachuun Warraaqsii Jabaatee kan itti fufe ta’uu Maddeen qeerroo bilisummaa oromoo Gabaasan. Yeroo amma Kana godini Arsii Lixaa fi Harargee Bahaa Waraana Wayyaaneen goolamaa jiraachuun hubatame jira. Daandiiwwaan konkolaataa Bakkoota hedduutti Godina arsii Lixaa fi Oromiyaa Bahaa keessatti cufamuun Haalaan jabaatee itti fufee jira.

Guraandhala 16/2016 Godina Horroo Guduruu Wallaggaa Aanaa Ammuruu Magaalaa Hoborraatti Goototni dargaggoothni Qeerroon Barattootni Oromoo Mana Barumsaa Ammuruu sadarkaa 2ffaa fi Qophaa’ina fi uummataan walta’uun Warraaqsii FXG Daran jabaachuun Itti Fufe.

Aside

Godina Horroo Guduruu Wallaggaa Aanaa Ammuruu keessatti Waraaqsii gaggeeffama ture, Ammas Gootota Dargaggoota Qeerroo Barattoota Oromoo fi uummata Oromoon irraa deebifamee dhoofameen Sagaleen Mormii guddaan Magaalaa Hoborraa keessatti uummatni dhageesisuun itti fufe oleera. Warraaqsii biyyoolessaa Oromiyaa FXG kun aanota Ajkka Jaartee Jardagaa, Hagamsaa, Haratoo Guduruu fi Fincaa’aa fa’atti illeee Babaldhatee Kan itti fufuuf jiru irraa Waraanaa Wayyaanee poolisii Federaalaa fi loltoota Agaaziin eegamaa kan olaan ta’uun beekamee jira. Warraaqsaa aanaa Ammuruutti qabsiifame kana dhaamsuuf humni waraana wayyaanee Agaazii fi Poolisiin Federaalaa humnaa ol gara sanatti Guuuramaa kan jiran yoo ta’uu, Goototni barattootni Oromoo humna waraanaan qabamanii hidhaman illee jiraachuu maddeen keenya gabaasan.Yeroo Amma kanas Magaalaan Hoborraa humna waraanaa guddaan raafama jirachuun hubatame jira.