Adoolessa 2,2016  Yuunibarsiitii Wallaggaatti barattooti waraqaa eebbaa dhorkatamani!

Odeessi Qeerroo yuunibarsiitii wallaggaa akka addeessetti yuunibarsiitichi barattoota erga eebbifamanii waraqaa dhowwatee jira.Barattooti kun afaan qawwee jalaa hafanii kan eebbifaman yeroo ta’u, guyyaa eebba isaanii maatiin isaanii fi hawaasi eebba barattootaa kanarratti argame reebamuun kan yaadatamudha!

Yeroo ammaa kana barattooti kun waan nyaataniifi bakka bulanis dhabuun rakkachaa akka jiran beekameera!

Adoolessa 1,2016

Qellem Wallaggaa,Anfillootti Alaabaan fannifame. Odeessa Qeerroo magaala Anfilloo Muggii irraa addeessuun kaleessa Waxabajii 30/2016 Muggi Bulchiinsa magaalichaa fi bakka addaa Gabaa Dafinoo jedhamee waamamutti alaabaan fannifamee oolee buleen har’a poolisiin Wayyaanee Aannicharra jiru buusuun gabaafame. Alaabaan ABO yeroodhaa yerootti irra deddebiin magaala Anfilloo, Muggiitti fannifamuu fi guyyaa gabaa sanbata darbe gaba kamisaa bakka jedhamee waamamutti dhaadannoon dhageesifamuu fi waajjirri OPDO diigamu fi barreefamni sirna mootummaa Wayyaanee balleessaa jedhus barreeffameen poolisoonni wayyaanee guyaya kaasun olii fi gadi fiiguun kan beekames uummanni yeroo kana walgayii wayyaanee diiguu fi walumaa galatti sirna mootichaa magaalicha keessaa balleessuuf qabsoo Qeerroon taasisaa jiruu fi guyyuudhaan alaabaan fannifamuunis ergamtoota Wayyaanee kaabinoota tahanii jiraatan yaaddessuu odeessi Qeerroo adeessa.
Haaluma kanaan amanamaa fi ilmaan oromoo aanicharraa kan hiisisaa jiru waajira nageenyaa aanicha Israael Fayisaa kan jedhamu WBOn aanicha keessa seenera jechuun humna waraanaa mootummaan akka aanicharra qubachiisu iyyannoo taasisaa jira.
Barruuwwan hedduunis faca’a jiru. Alaabanis manneen barnootaa fi waajjiralee garagaraatti fannifamuun FXG aanichatti itti fufaa
jiraatuun Qeerroon gabaasee jira. Uummanni ifatti mootummaa wayyaanee hin feenu jedhees walgayii tahurrattis dubbatuu  itti fufe.

Adoolessa 01,2016) Yeroo ammaa kanatti FXGn Haramaayaa keessatti belbelaa jira. Alaaabaan ABO/Alaabaan Oromoo magaalaa keessatti ol baatee belbeltee mul’atteetti. Basaasotni wayyaanee heddumminaan magaalaatti bobbaafamanis tarkaanfileen adda addaa irratti fudhatamaa jiran. Hojjetaan mootummaa hundi kan diina faana hiriire gara waraana wayyaaneetti baqachaa jiraachuunis gabaafamaa jira.

Godina Arsii  dodolatti qondaalota mootummaa kan akka Bakar Shaalee salphisee galche ummanni aanaa Dodolaa kan gandoota Shanirraa walitti yaa,e gaafilee jaarsonni gaafatan keessaa

1,mootummaan keessan ummata oromoo irratti sababa maalitiif miidhaa addaa addaa geessaa jiraa?

2,lafa keenna irratti maaf jibbamna maaf tumamna maaf duunaa?

3, barattoonni oromoo adamsamanii maaf ajjeefamii

4?isin hanga yoom nu bulchuuf karoora baafattan? fi kanneen kana fakkaataniin cinqaa oolee jira