Adoolessaa 3-4/2016 Godina Lixa Shaqggar  Amboo: Aanaa Xuqur Incinnii Magaalaa Dirree Incinniitti Goototni Qeerroon Daragaggootni Barattootni Oromoo fi uummatni Oromoo walitti Dhufuun Warraaqsaa Biyyoolessaa Oromiyaa FXG Marsaa 6ffaa  bifa adda ta’een dhoosuun mootummaa faashistii abbaa irree wayyaanee dura Dhaabbatan. Yakka Ajjeechaa Duguginsa Sanyii (Genocide) Godinaalee Bahaa Oromiyaa Harargee Awwadayi ,  Arsii Lixaa Shaashaamannee, fi Bakkoota hedduutti Yaakka Waraanaa Agaaziin Rawwatamaa jiru gadi jabeessuun balaaleffatan.
Tarkaanfiin Ajjeechaa Duguuginsa Sanyii Waraanaa Agaaziin uummata Oromoo Oromiyaa golee garaagaraa keessatti fudhatamaa jiruu kufaatii abbaa irraa kan saffisiisuu fi mootummaa wayyaanee fi aangawootaa biyyatti gaafatamaa seeraa fi seenaa jala kan galchu malee gaaffii uummata  Oromoo deebii kan hin taa’ee fi Warraaqsaa Biyyooleessa Oromiyaa takkaa dhaabuu kan hin dandeenye ta’uu ifaadha!!
Warraaqsiii Biyyoolessaa Oromiyaa FXG Marsaa 6ffaan Godinaalee Bahaa Oromiyaa Finiinfamaa jiruu Daran Jabaachuun Giddugaleessa Oromiyaa Finfinnee fi Naannoo Ishee dabalatee  Godinaalee dhihaa Oromiyaa  guutummaa Godina Lixa Shaggar Amboo fi Aanoota godina lixa Shaggar jalatti argamaan, Godina Horroo Guduruu Wallaggaa, Godina Bahaa Wallaggaa fi Lixa Wallaggaa keessatti Itti Fufee Jiraachuu Fi Barruun Warraaqsa FXG Marsaa 6ffaas Godinicha keessa belbelaa jiraachuun Mootummaan Abbaa irree Wayyaanee taa’umsaa fi dhaabii hanqatee halkanii guyyaa dhiphinaa fi Muddaama ulfaatatti seenee jiraachuun ibsame jira.
Haaluma Walfakkaatuun  Lixa Shaggaar Aanaa Xuqur Incinnii Magaalaa Dirree Incinniitti bifa adda ta’een Warraaqsii Biyyoolessaa Oromiyaa FXG marsaa 6ffaan kan dhoofame yoo ta’u, Godinichuma Aanota Akka Tokkee Kuttaayee, Gudar, Amboo Mana Barumsaa liibaan Maccaa sadarkaa 2ffaa, Giincii, Jalduu , Meettaa Roobii, Gindabarati, Adaa’aa Bargaa, Midaa Qanyiitti Sochiin uummataa fi dargaggootaan jabaachuu irraa mootummaan wayyaanee soda fi Muddama guddaa seenuun human waraanaa dabalataan uummatarratti bobbaasuun duulaa hidhaa, sakkattaa’aa fi hiraarrasaa guddaa waraanatti dhimma bahee raawwachaa jiraachuun yakka waraanaa uummataarratti dalagaa jiraachuun ibsamera.

Adoolessa 4,2016 Godina Arsii magaalota Siree,Darrabbaa,fi Indato keessatti halkan kana waraanni Agaazii ummata magaalarraa gara baadiyyaa galuuf deemufii ummata magaalaa keessa deddeemu sakkata’aa kan jiran yoo ta’uu ummata karaarra deemu hanga boorsaa isaanii kiisaa guuranii sakkatta’uutti jiraachun beekame.

Damee Boruutiin

Waraanni Wayyanee guyyaa hundaa Oromoota sammuu qaban adamsee ukkaamsuu, ajjeessuu fi mana hidhaati dararuu irraa darbee uummata Oromoo nagaa dhowwachuudhaan akka goolaa jiru gabaasaa Qeerroo irraa hubachaa jirra. Keessattuu hammeenyi bartootaa Oromoo irra gahaa jiruu dhaga’uunu garaa nama hammeessa. Warri ukkamaman yaroo dhumasana akka ajjefaman mamii qabaachuu hin qabnu. Qotee bulaa, hojjetaa, barataa fi artistiin Oromoo uukkaman duba kan quba itti qabutu jira. Qubni cituu malee fala biraa hin qabu.

Qeerroon nagaa eegduu TPLF tokko shan diigee of ijaaree warra quba ilamaan Oromoo itti qabanii ficcisisaa jiran kana hubachuu ni dadhaba jedhee hin yaadu. Warra garaa malee sammuu hin qabnee kanaan ilmaan Oromoo dhumuu fi biyyi Oromoo saamamuun fudhatama hin qabu. Tooftaan TPLF inni duraa Oromoota qara tahan fixxuu dha. Warri qara tahan yoo dhuman isa hafe gowwosaniis tahe dorsiisudhaan hin bitna abdii jedhuu qabu. Kunis kan madduu tuffii fi oftulummaa Wayyaannee irraa akkeeka ka’e akka tahe ifa jira. Akka amma deemaa jiru kanatti yoo qabsoon kun kan itti fufu tahe humni injifachuuf deemu gara kamitti akka madaalaa deemu hubachuun rakkisaa miti.Iyyii Iyya Labsi

Adoolessa 3,2016 Magaalaa Shaashamannee keessatti qondaaltota mootummaa Wayyaanee Shifarraaw Shugguxee fi Warqinaa Gabayyoo dhagaa bu’uuraa Yuunivarsiitii Madda Walaabuu damee Shaashamannee jiaaruf yeroo kaayanitti Qeerron sagalee dheekkamsaatin isaan salphisee jira.

Kana malees Godina Arsii dhihaa magaalaa qoree keessatti namoota nagayaa qabdee hidhaa jiraachun dhagahame, mootummaan Wayyaanee waan qabatuuf waan gadhiisu wallaalee jira namoonni hidhaman kuni namoota hojii humnaatin magaalattii keessa jiraatan yoo ta’uu sababa ummata hiriiraf kakasaa jirtu jedhuun qabamanii kan hidhaman isaanis

1, Abdii Ibraahim abbaa maatii fi ujoollee sadihii

2, Fiqaaduu Shibbiruu abbaa maatii ilma tokko kan qabu,

3 Abdulaxiif Ahmad abbaa ujoollee sadihii,

4,Misbahaa Awwal maatii hin qabu dargaggeessa

Kuni kanaan osoo jiruu Seeruu Abbaas keessattis reebichi fi ummata bahaa gala dhoorgun waraana Wayyaanee akkuma itti fufetti kan jiru yoo ta’uu halkan saa’atii tokko booda ummanni magaalaa keessa deddeemuu hin dandeenne.

Godina Arsii bahaa magaalaa Diksiisa hamdaa keessatti kantiibaan magaalaa hamdaa diksiis obbo Kaamil H/ Sulxoo bosona ummataa fi qabeenya biyyattii magaalaa Hamdaa cirsiisee lafa liiziin gurguruuf akka qopheesse fi ummanni kanaaf dubbate caraan isaa hidhamuu qofa jedhu jiraattoonni kuni akkanaan osoo jiruu humni addaa halkan edaa uf eeggannoo cimaa akka kenneef dhagamee jira.

                                                                                                                          Noolee Buttaatiin!

Uummati Oromoo aadaa jiruuf jireenyaa hawaasummaa,dinagdee,falaasamaa,siyaasaa kan mataa ofii qaba! Falaasama addunyaa keenyaa keessatti biyyoonni guddatanii dhaga’ama gonfatanis warra waan ofitiin guddate,itti boonee fi ittiin jiraate,warra of ta’edha!

Oromoon falaasama fayyaa hawaasa isaa eeguu keessatti Many’ee hedduu itti gargaarama! Many’een caba fayyisa! Many’een luka loonii gara jalaa qorii olittii fi buusa olii gadi kan jiru harka loonii irraa fudhatama! Namni cabe many’ee kanatu kennamaafi! Namni cabe akkuma Many’ee soorateen dafee fayya! Ancootee “guboo”wajjin immoo ni caala!

Qaama namaa irratti Many’een bakkaa bakkatti  ciqilee buusaas ni jedhama.egaa namni tokko yoo cabee miidhame,”buusaatu bu’e many’ee malee maaltu fayyisa jedhamaafi!

Manniho? Jechuun keessan hin hafu ta’a manni bakka aara galfi ilma namaati! Qarooma addunyaa keennaa keessattis mana akka itti ijaarratantu ammayya’aa fi wayyaawaa deeme male namni fi uummati mana malee jiraatu hin jiru

Dhalli namaa addunyaa keessatti holqaa qabee hanga gamoo har’a ijaaraa jiru keessatti wayyeessaa kan deemee fi yeroo ammaa kana dhala namaatiif bu’uura jireenyaa basic need jedhameetu jira.itti dablataafi beeyladoota manaa dabalatee dirqama kan dhala namaaf barbaachisu ta’ee jira Manni Keenya Many