Fulbaana 26,2016

Dargaaggoo Ifaa Adisuu

Dargaggoo Ifaa Addisuu badii tokkoon alatti qabsaa’ota Qeerroo Bilisummaa gidduutii ajjeechaa gara jabinaan qaamonni TPLF lubbuu kan baasan ta’ullee awwaalcha gootaa argatee jira.

Dargaggoo kun Nama umurii isaa keessatti Waayyaaneef buchulloota ishee hudhee qabaa ture yoo ta’u du’a gara jabinaatiin Jaallan waliin qabsaa’aa ture cinaa lubbuun darbullee;Awwaalchi Ifaa uummata kumaan lakkaahamuun kan gaggeeffame yoo ta’u,dhaadannoowwaan ciccimoof okkora jabaadhaan gaggeessan godhameefii jira.

Duuti dargaggoo kanaa uummata magaalaa Naqamtee hedduu kan aarsee finiinse yoo ta’u yeroo dhiyoo gidduutti gumaa Ifaa akkaa baafatan walii dhaadannoo isaanii har’aan ibsataniiru.

Kanuma sababeeffachuun humnoonnoonni mootummaa hidhannoo guutuudhaan magaalaattii keessa lakkoofsaan olitti kan deddeebi’aa oolan yoo ta’u,guutummaan magaalaa Naqamtee qaamota hidhannoo guutuun socho’aniin kirkiraa ooltee jirti.

https://vimeo.com/183443766

Fulbaana 26,2016 Suuraan dargaggoo kanaan gadiitti argitan kun Maqaan isaa Abubakar Nuuree jedhama. Dhalatee kaninni guddates magaalaa Naqamtee keessaa naannoo Dargee bakka jedhamu yoo ta’u sababii Oromoo ta’e duwwaaf  magaalaa Naqamtee keessaa hojii isaa idilee hojjechaa utuu jiru poolisoonni Oromiyaan TPLF f ergamanii fi deeninnatiidhaan qabamee erga qabameen boodas reebamaa fi lafarra harkifamaa bakka hojiisaatii butamee achi buuteen isaa dhabamee jira.
Dargaggoon Abubakar nuuree nama Oromummaasaatti boonuu fi Oromummaasaaf jedhees nama dii aaf hin jilbeenffanne akka ta’e jiraattonni naanno sanaa eeruu nuuf kennanii jiru. Dargaggoon kun hiriyyoota isaa heedduu waliin butamee akka dhabamees jiraattonni magaalaa naqamtee nuti dubbisne tokko tokko nuuf eeranii jiru.
Kanneen dargaggoo Abubakar waliin magaalaa Naqamtee keessaa achibuuteen isaanii dhabames:

Dargaggoo Amaanu’eel Beekkataa. Dargaggoon kunis dhalatee kaninni guddate magaalaa Naqamtee keessaa naannoo kutaa magaalaa jiituu mana barumsaa qophaayinaa Naqamtee cinatti kan argamuudha.

Dargaaggoo Ifaa Adisuu 

Dargaggoo Hundee fi dargaggoonni heedduun maqaansaanii ammaaf hin beekamnes Oromoo sababa ta’an duwwaaf  magaalaa Naqamtee keessaa butamanii dhabamaa akka jiran Maddeen keenya magaalaa Naqamtee irraa nu qaqqaban ifa godhanii jiru.

Eda galgala jiraataa naannoo Boordii irratti tarkaanfii gara jabinaa diinni fudhattullee maatiif hiriyoonnisaa qabsoo Ifaa Addisuun belbessaa ture
du’e lafa qabsiisuuf muranno guddaadhaan waadaa seenanii jiru Addatti haati Ifaa sa’aatii hospitaalaa baasanii ilma isaanii reeffa mana galchuuf jedhanitti bohichaa watwaatnaa ulfaataa keessa seenanii hanga maraatanif konkolaataan rukutuuf ka’utti kan gahan ta’ullee dhaadannoo “mucaako diinni si nyaatee” ,jechuun aariif dhikkifata isaanii ibsataa turaniiru.

https://youtu.be/XzxhQVVdpxE

Beeksisa

Barattooti Oromoo  guutummaa  Oromiyaa keessaa yeroo ammaa barnootaaf qophaawaa jiran marti yeroo mana barnootaatti deebi’an sadarkaa duraatti diddaa sirna TPLF f qaban waan ittiin muldhisan keessaa  wanneen lama lagatuuni:-

1. Faaruu Alaabaa OPDO(TPLF) kan naannoo Oromiyaa gutummaatti hin faarfatamu.
2. Barnoonni civics(lammummaa) Biyyattii keessatti hojii irra oolaa waan hin jirref hin baratamu.

Qeerroo Bilisummaa Oromoo

Fulbaana 24,2016

Fulbaana 24,2016
Godina Wallagga bahaa Aanaa Guutoo giddaa Magaalaa Ukkeetti Leenjiin barsiisotaa kan torban lamaaf ture har’a Barsiisonni keenya
injifannoodhaan Xumuraniiru…Guyyaa walga’iin kun eegale irraa kaasuun barsiisonni mana barumsaa ukkee sadarkaa 1ffaa fi 2ffaa
Mootummaa nama nyaata kana hadheeffatanii mormuudhaan Mujula kana hin dubbifnu jechuun harkatti didanii Mormii bifa callisuutiin
Xumuraniiru. Haalli kun waan garaa isaan gubeef Sabboona Barsiisaa Akkawaaq Jalduu kan jedhamuun Gaaffii qabdaa, hindubbattuu jedhanii
gaafannaan Sababan Dubbadheefan Xoollayitti hidhame jedhee deebiseef..

Fulbaana 24,2016/ Warraakasa biyyoolessaa baatii 11 Oliif akka abidda saafaatti finiinaa tureen kan rifate mootummaan garboonffataau murna bicuu Wayyaanee aangoo isaatti fayyadamuun ilmaan oromoo sabboontota ta’aniifi tajaajiltoota wangeelaan maaliif uummataaf kadhattu jechuun magaalaa Naqamtee keessaa jumlaan mana adabaatti guuraa jira.
Haaluma kanaan  mootummaan  abbaa irree(TPLF) yakka isaa  ajeechaa fi doorsisni inni ummaata biyyaatirraan gahaa ture itti xinnaannaan amma immoo abbooti amaantii sabaaf kadhataan akkasumas uummata isaaniif kan  quqqamaan yakka tokko malee mana  adabaatti guuraa jira.
Hanga ammaattis tajaajiltoonni waldaa guutuu wangeelaa kan  magaalaa Naqamtee keessa jiran keessaa namoonni heedduun hidhamaa jiru.
Teessoon waldaa guutuu wangeelichaa kan inni keessatti argamus 07 keessa yemmuu ta’u namni tajaajiltoota wangeelaa kanarratti yakka duguuggaa sanyummaa raawwachaa jirus nama maqaansaa Fiqaaduu Takilee jedhamuudha.
Yakkamaan kun Waldaa guutuu wangeelaa keessaa nama tajaajilamuuf deeme fakkaachuun tajaajiltoota kanaan Yaa waaqayyo mootummaa kana nurraa buqqisi jechuun kadhattan jedhee mana hidhaatti guursisaa akka jirus baramee jira.
Bifuma walfakkaatuunis yakkamaan Fiqaaduu Takilee jedhamu kun tajaajiltoota kanaan maqaa meeshaa waraanaa guutummaa magaalaa naqamtee keessatti dhukaafamaa jiru isintu maallaqa walitti qabee bitaa jira maqaa jedhuun tajaajiltoota kana mana hidhaatti guursisaa jira.
Kanumaan wal qabatees tajaajiltoonni maqaan isaanii kanaa gaditti eerame mana hidhaatti kanneen gidduuma kana qabamanii jiran keessaa:

1. Zerihuun Imiru hojiin isaa tajaajilaa guutuu wangeelaa magaalaa Naqamtee.
2. Kennsaa Alemuu hojiinsaa tajaajilaa guutuu wangeelaa.
3. Fayyisaa Tashomee hojiin isaa tajaajilaa guutuu wangeelaa.
4. Kennasaa Darajee Hojiinsaa tajaajilaa guutuu wangeelaa