Maandhee Leenca Gaara Muul’ataa  gamtaa Qeerroo YSTA(Yuuniversitii Adaamaa)

      Gaaddisa ABO,Sochii Dargaggoota Biyyoolessaa Diimookiraasiifi Bilisummaa Oromoo(Qeerroo) Onkololeessaa 27/10/2013

Sagantaa keenyaa yaadannoo sammuu gootota haqaa,walabummaa biyyasaanii Oromiyaa fi Bilisummaa Oromoof  kumaatama,dhiiraa fi dhalaan aarsaa (kitima)lubbuu kaffalaniif daqiiqaa muraasaf yaaddannoo sammuu gochuun kan eegallee yeroo tahu,itti fufnee irbuu(waadaa )Oromummaa afuura OROMUMMAAN haaressinee jirra.

Itti fufee haasawa  sagantaa duunqoo qabsiisuu kabaja maandhee gaara muuldhataa kan waggaa 3ffaatu qabsiisame. Haasawatu taasifame walitti qabaa mandhichaa   Jaal Marii Hordofaa Gadaati.

Kaayyoo fi muuldhata ,ABO  adda durummaan fudhachuun, kaayyoon ABO kaayyoo ganamaa  ifaa fi gabbataa walabummaa Oromiyaa fi Bilisummaa Oromoof  hundeeffaa fi bu’ureeffama sirriin kan aangeffaamii fi aanjeffamee qabsoo gita hin qabne diina irraatti toofta qabsoo sasalphaa irraa hanga duula hidhannootti dhaaba  haqummaa fi eenyummaa Oromoof wareeggama lubbuu buuse,buusaa jiruufi hanga dhumaatti buusu tahu manni marii hoo’aa fi gammachuun badhaadhe irraatti darbarsee jira

Tarkaanfii ABO erga qabsoo hidhannootti galee buuse,dhimmoota Afaanii, Aadaa fi seenaa, abbaa biyyummaa waliin wal qabatee bu’aan dhaloonni qubee xiqqaattus argan  dafqa ABO tahuu firaa miti diinnii akka ragaa bahu illeen ifaan irraatti dubbannee oollerra.

Qabxiin itti aanu  hojiilee Maandheen keenyaa gamtaa qeerroo Leenca Gaara Muul’ataa yuuniversitii Adaamaa waggoota lamaan darbee raawwatee tokko tokko kaasne irraatti marii baldhaa geggessinee jirra. Kannen guyyoota kan  FDG  sadasaa 9 fi guyyaa gootota Oromoo Amajjii 1 kabajuufi barrulee qeerroo mooraa keessaatti bakkee adda addaatti  maxxaansuun diinaa raasuufi ilmaan sabaa hamillee kaasun dabarsaa tureerra. Ayyaanlaallattuu,galttuu fi fakkaattuu diinaa waliin ergama diinaa dhimmaa Oromoo itti bobba’an tokko tokko dhaabaf saaxiluufi duraa dhaabbachaa hojii sabboonummaa dabarsaa tureerra.walumaa gala dhimma Oromoo fi Oromiyaa gaafa rakkoos ta’ee gaafa gammachuuf akka quba wal qabannuuf jaarmiyaa dhaabbatee tahuu asuma fuulleen gabaabsee ibsuun barbaada. Guca gaaddisa Oromoo,dhaaba dhiigaa ABO irraa gaaffii inni gaafatu kamiifi  deebii akka taanu  walii gallee,itti galuu  keenyaas cimsinee hubachiisu barbaadna. Dhumarraatti bara kanatti hojii boonsaa fi fooyyee qabu dhimma qaboo  irraatti waadaa Oromummaan haaressani marii keenyaa kan goolabne tahuu sin hubachiisna.

Injifannoon Uummata Oromoof!

Gadaan Gadaa Bilisummaati!

Oromtittii  Toltuu Tufaa

Madda;– http://www.Gadaa.com 

Waamicha FDG Oslo Norway

 HDn ABO Jaal Dawud Ibsaa irratti ni argamuu!!!

ABOni Kutaa Iskandinevia akkuma aadaa isaatti guyyaa FDG Sadaasa 9/ 2013 Magalaa Oslo, Norway akka kabajuu Fulbaana 16/ 2013 waamicha  dabarsuun isaa beekamaa dha. Ammas waamicha kana haaroomsun ilmaan Oromoo kutaa Iskandinevia fi Awurophaa bakka addaa addaatti argamtan akkasuma biyyoota Awuroophaa ala ta’an keessa jiraattan akka irratti argamtan kabajaan isin afeerra.  Akkuma kanan dura ibsaa bahe keessatti beeksifne qophii seminaaraa fi galgaala aadaa qabna. Seminaarri keenyas kan itti xiyyeeffatu akeeka gotooti ilmaan Oromoo qabsoo keessatti bifa addaa addaan bakka adda addaatti  irratti wareegaman fiixaan baasuuf tumsa barbaachisu gochuuf oromoo irraa maaltu akka eegamu mari’achuuf gahee keenya gumaachuu taha. Mata dureen seminaaraa akka armaan gadii ti.

1. Haala Qabsoon bilisummaa Oromoo keessa jiruu fi Oromoo irraa maaltu eegama
2. FDG tooftaa qabsoo keessaa isa tokkoo tahee, itti milkaa’uuf haalli guutamuu qaban maali?
3. Mannii hidhaa Waayyaanee afaan Oromoo dubbata, Oromoo hidhuun  oromoo jiilchee qabsoo bilisummaa dhiisisaa?
4. Qooda shamarran Oromoo qabsoo hidhannoo keessatti

Qophii FDG, 2013 kana irratti HD. ABO Jaal Dawud Ibsaa qamaan irratti argamuun ibsaa haala qabsoon ABOnni geeggefamu latu.

Akkuma aadaa turettis qophii galgala aadaa guyyaa kana ni jiraata.

Artistoota: Galagala aadaa irratti bo’aarsuuf qophii irra jiran artistoota oromoo bebbeekamoon akka armaan gadii ti

1. Ilfinesh Qannoo
2. Hayiluu Kitaabaa
3. Hawwii H. Yesuus
4. Daangaa H. Yesuus
5. Yohaannis Abaatee
6. Asaantii Hajii

Bakki walgahii Galma:
Det Chilenske kulturhus.
Veitvetvn  8, Oslo

Guyyaa: Sadasaa 09/2013.

Akkaataa bakka galmaa gahan: Oslo Center bus 31 Grorud jedhu fudhattanii bakka Veitvet jedhutti buutu.
Baabura (Metro) lakkoobsa shan Vestli jedhu- gara bahaatti (East bound) qabatanii Veitvet buutu

Yeroo Sa’aa 11:00 akka Oslootti

Koree qindeessittu.

Sadaasa 1,2013 Jimmaa

Gabaasaa: Onkololessa 31/2013 Galgala Yuuniversiitii Jimmaa mooraa qonnaa keessaatti Qophiin anaa dhufuu baratootaa Oromoo haaraaf godhame irratti goototni baratootaa Oromoo barattoota wagga jalqabaaf haarayaa gara Yuuniversitii Jimmaatti dhufan simachuuf walleelee warraaqsaa fi sagalee wallee diddaa sirna bulchiisa Wayyaanee dhageessisuun dhichisanii kanneen haaraa dhufan simatan.

Qophiin kun dura bu’ummaa gumii guddina fi dagagiina afaa, aadaa fi seenaa uummataa Oromootiin kan qophaa’ee haala miidhagaa ta’een simannan baratoota Oromoof godhame.

Qeerroon Yuuniversitichaas barattoota haaraa simataman kanaaf dhaamsa jaabannee kan wal cinaa dhaabbannee rakkoo walxaxaa fi garbummaa bar dhibbaa uumataa keenya irraa kan qolannu akka taanuuf baga carraa kana argattaanii sagalee uummata Oromoo taatan,jajjabaadha, nuti ijoollee Oromooti! Biyyi keenyaas Oromiyaa dha , malee kan eenyuu mitii, kutaa,Amantii, gandaan uumataa keenyaa qoqodanii warrii uummataa keenyaa bitaa turan ammas toftaa dulloomaa kana yeroo fayyadamanitti gurraa
keessan itti hin qabiina nuti ilaaman Oromooti, biyya Oromiyaa qabna. Jechuun wallee tokkummaa jedhuu fi faarsuu WBO fi ABO faarsuun sagantaa miidhagaa gaggeefachuun gabaafame.

Gabaasa Sadaasa 1,2013 Haromaya ,Diddaan barattootaa Impaayera Itoophiyaa keessatti guyyaa irraa gara guyyaatti jabaachaa jira. Yuunivarsiitii Haramaayaa fi Debre Berhan keessatti diddaan barattootaa dhalachuun mootummaa Wayyaanee muddama keessa seensisee jira.
Haaluma kanaan Yuunivarsiitii Haramaayaa damee saayinsii fayyaa keessatti Onkoloolessa 28,2013 irraa eegalee barattootni Oromoo gaaffiilee mirgaa cunqursaa Afaan Oromoo irratti gaggeeffamaa ture dura dhaabbachuun gaaffiilee mirgaa hedduu kaasanii jiran. Baajata mootummaan Wayyaanee barattootaaf ramadame dhimma siyaasaaf oolchuu irraas akka of qusatu barattootni gamtaan bulchinsa mooraatti gaaffii dhiyeessanii jiran. Yuunivarsiitii Dabra Behaan keesssattis gaaffiileen wal fakkaataan finiinuu irratti argama. Mootummaan Wayyaanee Impaayera Biyyattii keessatti gaaffiilee mirgaa jala deemtotaa ishee mudde dura dhaabbachuuf baajata olaanaa ramadaa akka jirtus saaxilmee jira.