Bitootessa 10,2015 gabaasa Qeerroo waraqaan waamichi abbaa biyyummaa fi gochaa gar-jabeenyaa mootummaan Wayyaanee ummata Oromoo irratti gaggeessaa jiru dura dhaabbachuuf waraqaan dhaaddannoo mata duree IYYAA IYYA DABARSAA.WARAABESSI ILMAAN OROMOO NYAACHUU BARE ABBAAY TSAHAAYYEE GUYYAAN YUUSE  jedhu manneen barumsaa,waajjiraalee fi gaandoota baadiyyaa tokko tokko keessatti haala hoowaa ta’een ummata keessa raabsame bakkoota muldhatoo ta’an itti ammo maxxanfamee jira, keessattuu tuffii fi ilmaan Oromoo ajjesiisuf hiisisuu keessatti gahee guddaa kan qabu hoogganaa Wayyaanee Abbaayi Tsahaayyee fi ergamtootni isaa OPDO irratti ummatni keenya bakka jiruu akka dura dhaabbatu waamicha dabarsa

Qabiyyeen barruulee kanaas akka armaa gadii ta’a

1. Abbay Tsahaayyee yakka duguuginsa sanyii ummata Oromoo irratti raawwachaa jiruuf itti gaafatamuu qaba.
2. Mirgi bilisummaa ummata Oromoo fi saboota cinqurfamoo kabajamuu qaba.
3. Abbummaan lafaa ummata keenyaaf mirkanaa’uu qaba.
4. Hiree uumata Oromoo Wayyaaneen hin murteessu ofiif mirteeffanna
5. OPDOn of hooggani hin dandeenye ummata Oromoo bakka hin buutu
6. Biyyaa fi Qabeenya uumata Oromoo irratti Wayyaaneen abbaa ta’uu hin dandayu.
7. Hidhamtoonni siyaasaa ilmàan Oromoo haal duree tokko males mama hidhaa irraa bahuu qabu.
8. Ajjeechaa gar jabeenyaa ilmaan Oromoo irratti  raawwatameef, ABBAAYI TSAHAAYYEE, MUKTAAR KADIR, DAMMAQAA MOKONNONI fi fakkaattonni isannii itti gaafatamuu qabu
9. Master pilaanin finfinnee haal duree tokko malee dhaabbachuu qaba.
10. Uummata oromoo hiyyoomsuf lafa isaa irraa buqqisuu fi gibira humnaan olii sassaabun haa dhaabbatu.
11. Osoo dhiigni ilmaan Oromoo dhangala’e hin qoorin Abbaay Tsahaayyee ummata oromoo likkiitti galchina jedhee nutti dhaadati dura has dhaabbannu
12. ,Oromoof kan hojjetu fakkaatee ergama wayyaanee galmaan gahuuf ilmaan Oromoo ficcisiisaa kan jiru OPDO haa balaaleffannu.
13. Ummatni Oromoo mirgaa lafa isaa humnaan dhabe filannoo sobaatin otoo hin taane qabsoon deeffata .kan jedhuudha waraqaaleen kun haaluma walk fakkaatun godina shawaa bahaa aanaa fantaallee iddoowwan, magaala mataa haraa,magaalaa Haroo qarsaa, Mag/Harpo adii, Martii, Haroo huubaa ,Qararri, Ilaala,Dhagaa hujufaa,Xuxxuuxii,Nuqusa,Harangamaa,Maarigaa,Dirree Sadeem,Baddannoo,Turoo,Gidaara,Gaara diimaa,Buses,Godoo,Weebaa,Kapii 1,2,3,Faatee,Leedi,Saara,Galchaa,Bantii,Ajoo tarree,Ajoo,Jaarraa nuunnuu,Qobboo,Yaayya,Baalcii,Dhimbibaa,Harramurii ,Gololcha ,Qacaacaluu baadiyaalee jedhamuu fi kkf keessatti haala hoo’aa ta’een waraqaan warraaqsaa kun bifa lamaan facaafamuu fi maxxanfee jira .sochiin Qeerroon naannichaa godhe kun ergamtoota wayyaanee daran yaaddoo keessa galche .dhuma irratti ilmaan oromoo iddoo garagaraa irra jirtan gochaa diinni ummata Oromoo irratti gochaa jiru dura haa dhaabbannu .gabaasa Qeerroo naannichaa gabaasa.
14. 

Bitootessa 10,2015 Tullu Boolloo

Wargamaa Wayyaane

FDG yeroo irraa yerootti ka’uun wal qabatee sochii dargaggoota Oromoo duubaan jirtu sababaa jedhuun hojjettoota mootummaa fi miseensota OPDO gara garaa maqaa ABOn yakkamaa jiru,haala kanaan hojjettooti fayyaa buufata fayyaa magaalaa Tullu Boolloo keessa  hojjetan maqaa dirqiin kaardii filannoo fudhachuu diddan jedhuun yakkamanii dararaan irraa gahamaa jira,gama biraan sochii warraaqsaa naannicha jiruun wal qabsiisanii yakka  adda addaa irratti akka funaanu kan ramadame gaafatamaan fayyaa naannichaa fi sirna mootummichaaf amanamaa ta’ee kan hojjetu Tsegaye Hundeessaa jedhamu hojjettoota sabboontota ilmaan Oromoo yakka tokko malee akka hojii irraa arihaman taasisaa jiraachuu Qeerroon naannicha irraa gabaasa.

 Bitootessa 10,215 Odeessa Qeerroo Shaggar Lixaa

alaabaa

Warraaqsa Bilisummaa gootota barattoota Oromoon yeroo irraa gara yerootti mootummaa Wayyaanee raasaa jiru jabaachaa fi daran ciminaan soss’aa kan dhufe humni warraaqsaa,mootummaa Wayyaanee haalaan akka yaaddessee fi naasuu guddaa itti fidee jiru beekamaa dha.

Bitootessa 2015 keessa guutummaa Shaggar Lixaa keessatti warraaqsa Qeerroon Bilisummaa socheesen wal qabatee mootummaan Wayyaanee soda guddaan waan itti buleef jidduu kana bulchitoota Federaalaa irraa naannoo Oromiyaa heeraan ala seenuun kaabinoota OPDO hojii irraa arihaa akka jiranii fi sochii warraaqsa bilisummaa kana duubaan ABO itti hidhatee kan hojjetaa jiru isini sababa jedhuun hojii irraa arihuutti argamu.

Bitootessa 9,2013 Shaggar Lixaa Aanaa Abunaa irraa hojjettoota 3 hojii irraa arhiman keessaa:-

1. Shifarraa Mokonon, Hojin Fayinanasi
2. Baacaa Lameessa ,Hojin Humnaa namaa
3. Girmaa Baacaa,hojiin Gageessaa hojii

Kanneen ta’an yeroo tahu,haalli kun gara fuula duraattis mootummaan Wayyaanee naannoolee biro irraa waan itti fufuuf Oromoon bakka jiruu gamtaan ka’ee warreen dhimma bulchiisa Oromiyaa keessa seenanii akka fedhanitti hojjettoota hojii irraa arihan dura akka dhaabbatan taasisuun falmaa yerooti.

Bitootessa 10,2015 Gabaasa Qeerroo Sibuu Siree

Maqaa investment n namooti Oromiyaa erga dhufuu jalqabanii bulbbulee akkuma jiru godina Wallagga bahaa aanaa Sibuu Siree lafa qubannaa hindootaattii fi Waayyuu Tuqaa keessatti abbootiin qabeenyaa biyya alaa maqaa maqaa investment n Oromoota dhibbaatamaan  lafa irraa fudhatan dura qonnaan bultooti Oromoo dura dhaabbachuun akka laficha gadhiisan gaafachaa jiru.

Baatii darbe keessa diddaan qonnaan bultoota Oromoo naannuma kana irratti waan ka’eef mootummaan Federaalaa poolisoota guurrachuun inversteroota biyya alaa irra goree uumata qonnaan bulaa reebaa fi abbootiin qabeenyaa illee dabalanii akka reeban ta’aa ture. Haalli kun hammaachaa waan dhufeef Bitootessa 7 2015 irraa jalqabee hamma guyyaa har’aatti qonnaan bultooti Oromoo gamtaan ka’uun lafa irraa saamame falmachuu fi abbootiin qabeenyaas dachii isaanii akka gadhiisanii bahan akeekachiisanii jiru.

Kana malees konkolaatonni gurguddaa wal harkisu biyyee biyya Oromoo kan qonnaaf ta’uu fi daggalla naannoo irraa gubuun biyyee jaa jiru qotuun gara hin beekamneetti geessaa jiru, haala kanaan Qeerroon aanaa Sibuu Siree jiraatan konkolaatota biyyee biyya Oromoo guuranii bakka hin beekamnetti geessaa turan dura dhaabbachuun akka fe’amee hin deemnee taasiaa jiraachuu Qeerroon naannicha irraa gabaasa.

Abdii Baalee Oromiyaan kan qophaaye.

Akkam nagaa jirtuu,ilmaan Oromtichaa,
Ilmi Baarentumaa fi ilmi Boorantichaa,
Jaallan qabsoo Sabaa,dhamni hangaftichaa,
Baga nagaa taatan,xiqqaa fi guddaan jechaa,
Anis nagaan qabaa galata rabbiif galchaa,
Waa dubbachuun fedhaa,xinnoo na ofkalchaa!!!

Qeerroo Qeerransa koo,si gaaddisni Sabaa,
Sanyii ABO dhaa,goota biyyaaf Abbaa,
Jabaadhu,bakkayyuu,hamileen kee jabaa,
Qabsoo ati gootuun,diina mataan cabaa,
Itti fufi qabsoo,barri numa darbaa!!!!!!!!!!!!!!!!

Inni keessaa fi alaa,kan kallattii hundaa,
Booranaa fi Baarentuu,ilmaan Abbaa Gadaa,
Hayyoonni Oromoo,warri fuune waadaa,
Jabaadhaa,bakkayyuu,dhalooñni nuun aadaa,
Ofirraa haa kaafnuu,Wayyoonata duudaa!!

Harmee Haadha Gootaa

Gabaasa Qeerroo Naqamtee,Bitootessa 9,2015, Dhaabbanni Ethio Telecommunication jedhamu Oromiyaa godinoota adda addaa fi naannoolee Beeneshangul Gumuz tajaajila bilbilaa dhorkachaa jira. Addatti Wallagga lixa keessaa fi naannoon Beeneshangul gum, tajaajila bilbilaa fi bittaa SIM akka hin arganne guutummaatti dhorkaa jira,haalli kunis uumanni Oromoo technology fayyadamuun mootummaa irratti wal kakaasaa jira sababaa jedhuun jiraattoti bilbilaa fi SIM kaardii argatanii akka hin bitannee sababaa dhorkeef jecha jiraattoti konkolaataan hamma magaalaa Naqamtee deemanii akka bitatan taasifamaa jira.

Haala kanaan hiriitti tajaajila bilbila bituu daran hammaachaa jira,jiraatoti godina adda addaa irraa gara magaalaa Naqamtee dhufuuf illee geejjibi gahaa akka hin jirre Qeerroon addeesse.

Bitootessaa 7,2015 Godina Jimmatti FDG goototni Qeerroon barattootni Oromoo dhaabbilee barnoota olaanoo yuunibarsiitii Jimmaa, Koolleejjii barsiisota Jimmaa fi dargaggoota Oromoo magaalaa Jimmaan qabsiifame gara uummatatti tarkaanfachuun aanota Godina Jimmaa addaa addaa keessatti sochiin warraaqsaa itti fufe.

Sochiin warraaqsaa FDG mootummaa Wayyaanee haala yaaddeessa keessa galchee jiru, jabaachuun gara manneen barnoota sadarkaa 1ffaa fi 2ffaatti balbal’achaa jiraachuu gabaasaan keenya addeessee jira.
Iyyannoon hoggantootni sochii warraaqsaa FDG kan gaaffii mirga abbaa biyyummaa akka waliigalatti gaaffii 14 of keessa qabu yeroo amma kana guutummaa Oromiyaa irraa tamsaasuun Oromoon bakka jiru hundaa harka wal qabatee sagalee tokkoon akka falmatuuf hogganootni sochii warraaqsaa FDG karaa nagaa gaggeessa jiran bakka hundaa qaqqqabsiisuun ilmaan Oromoo wal duukaa hiriirsisuuf qophii dursaa xummuruun sochii warraaqsaa kan eegalani jiran ta’uu beeksisan.

Goototni sabboontonnii Oromoo sadarkaa garaagaraa irratti argaman bakka jiran hundaa uummata qindeessuu fi sochii warraaqsa FDG tti makaamaa jiraachuu irraa Mootummaan Wayyaanee muddama guddaa keessa seenuun barsiisota manneen barnoota sadarkaa 2ffaa fi sadarkaa 1ffaa maqaa qorannoo jedhuun dararaa jiraachuu irra darbuun barsiisota ilmaan Oromoo nagaa isin sochii warraaqsa FDG qindeessaa jirtu jechuun mana hidhatti darbaa jiraachuun ifa ba’ee jira.

Godina Jimmaa keessatti manneen barnoota sadarkaa 2ffaa fi tokkoof Magaalaa Jimmaa, Aanaa Mannaa , mana barumsaa Yabbuu sadarkaa 2ffaa, Aanaa Goommaa mana Barsumsaa Ceecoo sadarkaa tokkoffaa kutaa 1ffaa hanga 8ffaa, Mana baraumsaa Aggaroo sadarkaa 2ffaa fi 1ffaatti barsiisotni fi barattootni shakkamuun guyyuu maqaa qorannoo jedhuun dararamaa jiraachuun ibsamera.

Sabboontotni Barsiisotni Oromoo sochii warraaqsaa keessatti hirmattan jechuun mana hidhatti darbamaa jiraachuun ibsame jira. Haala kanaan M/B Ceecoo sadarkaa 1ffaa fi kutaa 1ffaa hanga 8ffaa kanneen barsiisan barsiisotni oromoo mana hidhaatti darbamaa jiraachuun ibsamera. Sababaa kanaan barsiisaa 1. Sisaay Bayanee kan keessatti argamu barsiisotni Oromoo 3 mana barumsaa Ceecoo sadarkaa 1ffaa hanga kutaa 8ffaa barsiisan ukkanfamamanii mana hidhatti darbamuun dararama jiraachuun ibsamera. Kana Malees sochii uummataa qindeessuu fi sochii warraaqsa FDG keessaa jirtu jedhamuun kadhimamtoonni Paartii mormituu KFO (OFC) lama magaalaa Aggaroo keessatti halkan edaa bitootessaa 7/2015 halkan keessaa sa;aa 4:00 irratti tarkaanfiin reebichaa humnoota poolisootaa fi hidhattoota Mootummaa abbaa irree wayyaaneetiin reebamuun
gabaafamera. Kaadhimamtootni paartii mormituu Oromoo kun:
1.Mohaamed Abbaa Magaal Dinagdee abbaa maatii
2. Saabir Tamaam Sheiharabi kanneen jedhaman utuu dorgomtoota
Poortii mormituu karaa nagaa wayyaanee waliin sochii godhu keessatti hirmaachuun dorgomtoota ta’anii utuu jiranii mirgi isaanii irraa mulqamee mana galmaa isaniitti reebamanii, manni galmaa isaanis dhagaadhaan kan reebamee maca’ee ta’uun ibsamera. Dorgomtootni poortii mormituu kunsi filmaaticha gadhiisanii akka bahaniif dirqisiifamuun daraaraan irra qaqqaba kan jiruu fi sochii warraaqsaa FDG eegalamee jiruun raafama keessa seenuun Mootummaan wayyaanee uummata keenya irratti yakka dalagaa jiraachuu beeksiise.
Hoggantootni sochii warraaqsaa FDG biyyaa Dimookiraasiin hin jirree keessatti filmaata sobatti hiriiruun bu’aa tokko illee kan hin fidne ta’uu hubachuun uummatni Oromoo mirgoota Dimookiraasiin qabuu fi namummaa kabachiifachuuf harkaan walqabatee gara warraaqsaa FDGtti akka makamu gadi jabeessuun waamicha gochuun FDG bakka hundatti haala walfakkattuun kan itti fufu ta’uu hubachiisera.