Hagayya 30,2012 Anfilloo

Gabaasaa Anfilloo addeessuun, Hagayya 28 dua muummicha ministeeraa Obbo Mallas Zeenawwiif gadda ibsuuf jecha konkolaataa bulchiinsa magaalaa irratti huccuu gaddaa ykn huccuu gurraacha uffisuudhaan magaalaa Anfilloo,Muggi keessa deddeebisaa turuudhaan, uummata magaalaa fi gandootaa aanaa Anfiloo sanaaf waamicha godhanii kottaa gadda nama kanaa ibsaa jechuudhaan labsiin gadi dhiifamus uummanni nuti gadda hin qabnu,gadda keenya faafa Laggasaa Wagii wareegame fixxanne jechuudhaan kanneen gadda namichaa kana uummata boosisuuf dhiyaatan yaada isaanii uummanni fesheleessee argamee jira. Dua nama kanaaf uummata Oromoo boosisuuf dirqamni bahus hamma ammaatti godina Wallaggaa keessatti gadda nama kanaaf yaadni uummata irraa dhiyaate jiru akka hin jirree ifaa taee jira. Kunis garagarummaa saba biroo irraa uumuudhaan uummata mootummaa kana jibbu jedhamee kanneen dua isaa kanaaf gaddaa jiran akka uummata Oromoo komataa jiran ifatti mulataa jira. Kanaan kan wal qabate jibbii uummanni Anfilloo mootummaa kana irraa qabu caalatti ifatti bahee jala deemtota mootummaa kanneen taan garaa kuchisiisee jiraachuu gabaasaan Qeerroo Anfilloo gabaasee addeessa.

Hagayya 29,2012 Mattuu

Hagayya 25/2012,Godina Iluu abbaa Booraa aanaa Coraa ganda Abdallaa 01 keessatti diddaanqeerroo dhoe toannaa mootummaa Wayyaanee ala bahe.Mootummaan Wayyaanees dargaggoota naannoo kanaa Jumlaan hidhaa jira.Dargaggootni naannoo kanaa Gaaffiin Keenya gaaffii Bilisummaati,Hawaasni musliimaa gaaffii gaafataniif deebii argachuu qabu,Mallasaan dueef hin gaddinu kanneen jedhan ganda keessa deddeebiuun uummata kakaasuun mootummaan Wayyaanee toachuu dadhabee jira. haala kanaan ummata Oromoo naannoo kanaa sochii dargaggootaan duuba jirtu jedhuun jumlaan mana hidhaatti kanneen guure keessaa

1. Haji Sharif jiraataa naannoo Baddallee kan ture

2. Sheik Saadoo Hajii Adem

3. Sheik Abdulaziz

4. Obbo Hajii Masruu Suraaqaa

5. Dargaggoo Muraad Muzamiil hojii dhabaa

6. Dargaggoo Abdoo Yaaqob hojii dhabaa

7. Dargaggoo Nuurii Jamaal hojii dhabaa

8. Dargaggoo Ibraahim Abdurazaaq hojii dhabaa

9. Dargaggoo Qaadii Shifarraa hojii dhabaa

10. Dargaggoo Muunir Adam hojii dhabaa

Yoommuu tahan qeerroon naannoo kanaa hidhaan jabaatus qabsoon akka daran jabaatu ifaan ibsaa jiran.

Hagayya 29,2012 Gimbii

Godina Wallagga Lixaa aanaa Gimbii ganda Gabaa Sambataa keessatti Poolisiin Oromiyaa dargaggoota Oromoo yeroo dheeraaf rakkisaaa fi reebaa ture Ashannaafii Girmaa jedhamu harka uummataan reebame.Poolisiin Wayyaanee Ashannaafii Girmaa yeroo dheeraaf dargaggoota Oromoo isin Miseensota ABOti jechuun mana hidhaatti guuraa kan ture dha.Poolisiin kun akeekkachiisni yeroodhaa yerootti irra deddeebbiin wayita kennamu irraa hin deebiu yeroo jedhutti uummatni naannoo kanaa reebuun of irraa ittisuuf dirqamanii jiran.Reebicha irra gaheenis Hospitaala Gimbii seenee jira.Mootummaan wayyaanee miseensa keenya kan reebe dargaggoota naannoo kanaati jechuun dargaggoota doorsisaa jira.Odeeffata uummata naannoo kanaaf kennuun kan reebsise poolisii Ajajaa shantamaa Tasfaa Ushaa magaala Naqqamteedhaa maqaa seelii diinaan gara Gabaa Sambataatti kan jijjiirte dha jechuun mana hidhaatti ukkaamsanii jiru.

Haaluma Wal fakkaatuun diddaan qeerroon gaggeeffamu Godina Wallagga lixaa dhuunfachaa jira.Aanaa Ayiraa Gullisoo keessatti qeerroon mootummaa wayyaanee cinqaa jira.Basaastotni mootummaa wayyaanee

1. Obbo Taliilaa Jaarmanaa hojjetaa finance bulchinsa magaalaa

2. Obbo Tashoomee Akaaluu dura taaaa DH.D.U.O aanaa Gullisoo

Diddaa qeerroon gaggeeffamu dura dhaabbachuu dhadhabuun waraanni mootummaa wayyaanee dargaggoota bakka argetti akka qabuu fi maqaa dargaggootaa kennaa jiru.Namootni kun hojii keessan irraa hin dhaabbattan taanaan qaaniin akka Poolisii Ashannaafii Girmaa akka isaan dhaqqabu dhaammatanii jiru.

(Qeerroo, Wancii, Hagayya 28,2012 ) Godinaa  Shawaa Kibba Lixaa Aanaa Wanciittii dabbaalloonnii wayyaanee sirnnichaaf amanamoo ta’aan shiraa garaagaraa ilmaan Oromoo irraattii dalaguu har’aa illee hin dhiisne.

Haata’uu malee yeroo ammaa kanaa Waajiraa OPDO kessaa Caasaa Qeerroo jiru akka gabaasetti Wayyaaneen OPDO keessaan ilmaan Oromoo sabboontota ta’an yakkuu fi gabaasa kijibaan akka isaan hidhaman guchuu irratti dabballoonni wayyaanee gabaasa galchaa jiru.

Dhuma mootummaa wayyaanee jala OPDOn gariin waan sirni mootummichaa kufaa jiru arguu dadhabanii amma illee sabboontota irratti shira hojjechuu hin dhaabne.

Haala kanaan waraqaan waajjirri OPDO sabboontota irratti barreesse akka kanatti maxxaneen ibsa.
Namni maqaan isaa Dirribaa Rgaaggaasaa Awwaaqii jedhamu dhaaba ABO, Mufatootaa, Mormitootaa fi Kiraayii sassaabdotaa jechuun shiraa xaxuun chaappaadhaan deeggaaree sabboontota gara waajira Wayyaaneetti gabaasa. Gochaan isaa kunis yeroon hin dhaabbatu itti fufa taanaan sabboontoti ittisatti akka seenan gabaasu

Yeroo ammaa dabballoonni Wayyaanee du’aatii Mallas Zeenaaf ummata humnaan akka booyanii fi gadda ta’aan baadiyyaa irraa hamma magaalaatti yeroo rakkisaa jiranidha. haala kanaan diddaa dabboontoti muldhisan ammoo magaalota gara garaa keessatti Alaabaa ABO fannisuun hawwii bilisummaaf qaban muldhisuu fi diddaa qaban agarsiisaa jiru. Akka kanaan Alaabaan ABO magaalota Finfinnee,Sabbataa,Adaamaa,Amboo, Baakkoo fi bakkoota adda addaatti balali’uun ummata gammachiise. Alaabaa fi waraqaan ykn barruun warraaqsaa itti fufiinsaan bakkoota adda addaatti faca’uutti jiraachuun qeerroon gabaasa.

Hagayya 27,2012 Amboo
Godina shawaa lixaa aanaa Abuunaa Gindabarat,Kaachisii fi Baabbichaa keessatti fincilli uummataa dhoe.Mootummaan wayyaanee naaannoo kanatti humnaan dua Mallasaaf gaddaa jechuun wayita yaasaa jirutti qeerroon naannoo kanaa gamtaan dhaadannoo Mootummaa abbaa irreetti aduun dhihe,Oromiyaan ni bilisoomti kanneen jedhan dhaadachuun waraanaa fi kaabinoota wayyaanee waliin wal dhabdeetti seenanii jiran.Qeerroon naannoo kanaa yeroodhaa yerootti gaaffii mirgaa dhiheessaa tureen mana hidhaatti ukkaamsamaa kan ture yoommuu tahumirga abbaa biyyummaa ni mirkaneeffatna jechuun gamtaan uummata waliin irbuu seenanii jiran.ilmaan oromoo marti hiree murteeffannaaf akka kaus jabeessanii dhaamanii jiran.

Haaluma wal fakkaatuun Godina Wallagga bahaa Magaala Naqqamtee keessatti waraqaaleen hubannoo siyaasaa uummataaf tahanii fi waamichi qaboo hedduumminaan maxxanfaman.Qabsoo uummata oromoon gaggeeffamu galmaan gahuuf hundi dirqama akka baanus qeerroon naannoo kanaa dhaamee jira.Suuraa Muummicha Ministeera Wayyaanee magaala kana keessatti gurguramuu jalqabe dura dhaabbachuun uummatni hiree murteeffannaaf akka kau dhaamanii jiran.