Category Archives: Oduu/News

WAAQATTI HIMADDHU!

Aside

Taammanaa Bitimaa irraa
 Barreessaa dhugaa baasa!
                              Yaa Irreecha olka’ii dubbaddhu
                              Bishooftuu olka’ii dubbaddhu
                              Yaa Oromoo olka’ii dhubbaddhu
                              Oromiyaa oka’ii dubbaddhu
                              Waan barana taate
                              Waan yeeyyiin si goote
                              Addunyaatti iyyaddhu
                              Waaqatti himaddhu!

Continue reading →

FXG Barattoota Yuniversitii Wallaggaa Itti Fufuu Irraan Kan Ka’e Barattooti Hedduun Waraana TPLFn Qabamaa Jiru.

Aside

img_20161130_080519Mudde 1,2016, Fincila xumura garbummaa ji a kana guutuu mooraa Yuunversiitii Wallaggaa keessatti finiinaa jiruun wal qabatee baratoonni Oromoo Yuunversiiticha keessaa butamanii ukkaamffamaa akka jiran oduun qeerroo moorichaarraa miliqxee nugeesse ifa gooti.
Mootummaan sirni kufaatii sirni bittaa isaa jala ga,e fincila xumura garbummaa guutummaa oromiyaa keessatti finiinaa jiruun rifaatuu guddaa keessa seenuudhaan waan qabee gad lakkisu walaaluun ilmaan oromoo oromummaa isaaniif quuqaman mooricha keessaa butee dhabamsiisuu itti fufee jira.
Warraaksa biyyoolessaa yuunversiitii wallaggaa keessatti finiinaa jiruun wal qabatee baratoonni oromoo maqaa fxg mooraa yuunversiitii wallaggaa keessatti finiinaa jiru isintu qindeessaa jira jedhuun mooraa yuunversiitichaa keessaa butamanii achi buuteen isaanii dhabamaa jira.
Hanga ammaattis guutummaa mooraa yuunversiitii wallaggaa keessaa sababii oromoo ta,an duwwaaf yakkamanii mooricha keessaa butamanii kan dhabaman baratoota saddet yemmuu ta,an baratoonni afur immoo mooricha keessaa butamanii akka hidhamaniif barbaadamaa akka jiran beekamee jira. Continue reading →

Jimmaa Yuunibarsiitii Mooraa Kitoo Furdisaa Keessatti Doorisiti Waraana Wayyaanee TPLF Daran Hammaachuun Beekame.

Aside

Sadaasa 30,2016
Mormiin guddaa mooraa Jimmaa Yuunibarsiitiitti erga finiinee asitti sabboontotni ilmaan Oromoo haala akkaan ulafaataa keessatti dararaa
hammaataa mana hidhaa Xoollay keessatti irra dhaqqabaa jira.Gama biraan barattoota hedduu torbee darbe humna Command Post n qabaman
eessa buutee isaani hamma ammaa hin baramin ka jiru yoo ta’u.Barattoota hafani doorsisuun hidhannoo guutuun keessa socho’anii
hidhuun akkan gadi jabaatee jira.
Odu biraan Wallagaa Yuunibarsiitii keessatti barattootni humna hidhannoon socho’u dura dhaabbatanii erga mormii dhageessisanii asitti haalli sochii achi keessa Oromoo yoo taatee qofaaf hanga reebamuuf ukkanfamuu waan na m geessisuuf yaaddeessaadhaa jedhu

Warraaqsi FXG Mooraa Yuniverstii Wallaggaa Keessatti Itti Fufee Jira.

Aside

qeerroo1Sadaasa 29,2016 Warraaksi biyyoolessaa mooraa yuunversiitii wallaggaa keessatti hidda gadi jabeeffachuun gootowwan qeerroo mooraa yuunversiitii wallaggaatiin finiinuu itti fufee jira.
Mooraan Yuunversiitii Wallaggaas hoomaa federaalaan dhuunffatamuun baratoonni jumlaan reebamuu fi hidhamaa akka jiran beekamee jira.
Humni federaalaas sadaasa 29 halkan keessaa naannoo sa,a 7:30 irratti  baratoota moorichaa kanneen damee fb baratan doormii itti cabsuudhaan reebicha humnaan olii baratoota moorichaa irratti raawwachaa bulee jira.
Reebicha humni federaalaa baratoota moorichaa irratti gara laafina tokko malee raawwachaa bule kanaanis baratoonni moorichaa heeddumminaan miidhamanii akka jiran beekamee jira.
Diddaa mooraa yuunversiitii wallaggaa keessatti finiinaa jiru kanaan wal qabatees baratoonni moorichaa sababii oromoo ta,an duwwaaf mooricha keessaa heeddumminaan butamanii achi buuteen isaanii dhabamaa akka jiru maddeen keenya qeerroo mooraa yuunversiitii wallaggaa irraa nuqaqqaban ifa godhanii jiru Warraaksi mooraa yuunversiitii wallaggaa keessatti dhohee kunis magaalaa naqamtee keessatti no baballata sodaa jedhuun mootummaan garboonffataan wayyaanee sadaasa 30/11/2016 guutummaa yuunversiitii wallaggaa fi naannoo ishee irratti humna federaalaa jumlaan dabaluun baratootaa fi uummata naannoo sanaa doorsisaa akka jiru bira ga,amee jira.