Odeessa Qeerroo Shaggar Kaabaa Aanaa Sulultaa irraa Ebla 2/2015 Sport Fiigichaa fi Tapha Kubbaa Miillaan Wal Dorgommii Taasifame godina Shaggar Kaabaa aanaa Caancoo fi Sulultaa Gidduutti hara Ebla 2 barattoota garee lamaanuun gaggeeffameen sirbootni qabsoo fi dhaadannoon Qeerroo fi barattoota bakka lachuu irraa walitti dhufaniin dhageessiffame. Barattoota dorgoommii fiigichaa fi tapha kubbaaf aanaa lameen irraa walitti dhufanin hara ganama irraa kaasee naannoo mana barumsaa aanaa Sulultaa sadarkaa 2ffaatti sirbootni qabsoo fi dhaadannoo dhageessisaa oolan, uummata wal dorgommii ilaaluuf dhufe hirmaachisuudhaan diina garaa guban, uummannis barattoota waliin tahuudhaan dhaadannoo dhageessisan, keessattuu sirboota qabsoo uummata kakaasuu fi akkasuma waraqaalee garagaraa irratti halluu alaabaan tolfameen naannoo mana barumsaa keessaa fi alaan maxxansuun uummatatti agarsiisan, ergamtootni wayyaanees haala uummataa fi barattootaa sodaachuun inaaffaan itti dhagayamuudhaan naannicha irraa fagaatan. Sirbootaa fi dhaadannoowwan dhageessiifamaa oolan – Siifan lolaa yaa oromoo narra hin gortuu. – Eenyu isheen daangaa oromoo lixxu irra ejjettee mormaa ishee hin kuttuu, – Oromiyaan kan oromooti! – Habashootaaf hin bitamnu, wayyaaneen gabroonfataadha! – Bilisummaaf wareegamuun sabaaf dhaabbachuudha, barabaraniis yaadatamuudha! – Gumaa barattoota keenya waggaa darbee haa deebisnu! – Oromiyaa yaa dachee badhaatuu siif wareegamna! – Qonnaan bulaa keenya lafa isaa irratti mirga ha qabaatu! – Kan hidhame haa bahu, Kan jedhu dhaadannoolee fi walleewwam qabsoo garagaraa dhageesisuun uummata qonnaan bulaa daawwiif dhufes hirmaachisan. Galgala kana kanumaan wal qabatee barattoota adda durummaadhaan dhaadannoo dhageesisuu fi wellisiisaa turan gara deemanitti tikaan hordofamuu akka eegalan walumaa galatti aanaa Sulultaa irraa Qeerroon gabaasee jira.

k2

k3

k4

Gabaasa Qeerroo Ebla 2,2015 Naqamte

Rakkoo Zayitaa fi Shukkaaraa Magaalaa Naqamte

Mootummaan Wayyaanee Zayita,Shukkaara,Saamunaa fi meeshaalee guyya guyyaan uummati barbaadu harkatti galfatee uummati rakko guddaa keessa jira. Yeroo ammaa kanatti magaalaa Oromiyaalee adda addaa keessatti uumanni Oromoo Shukkaaraa fi Ziyita nyaataa akkasumas waanneen jireenyaaf barbaachisoo ta’an akka fedhee fi bakka fedheen yeroo barbaadetti bitatee fayyadamuu hin dandayu. Hiriira guyyaa guutuu dhaabisisuun darabee galee mootummaa irraa raabsii bittaa eeggataa jira.

Suurri as irratti maxxanfame kun akka fakkeenyaatti Ebla 2,2015  magaala Naqamtee keessa hanqina zyitaa fi sukkaaraa mudateen uummati, hoteelonni fi manneen nyaata cufamuuf jedhutti hiriira galee uumanni bitachuufuu yerootti dadhabee deebi’u gahee jira. Haalli kun magaalota Oromiyaa kanneen kaan keessattis wal fakkaataa dha.

Kunis kan muldhisu mootummaan Wayyaanee gara kufaatiitti waan deemuuf akka fedhetti uumata hagabsee fi dhiheessii barbaachisu irraa kutee abdii kutachiisuuf sochii godhu ta’uu jaajjabdoonnii fi jiraatoti ni dubbatu.

By Beekaa Dhugaasaa

Put Lipistik on a Pig.docx

Kora OSA 2015 Auroppaatti Gaggeefame Irratti Haasaa Hunde Qabeessaa Dr,Gammachuu Magarsaan Taasisanii fi Qophiilee Adda Addaa

SEENAA Y.G (2005) —kutaa 2 ffaa

Barru har’atti odoo hin ceenee , Barruu kiyya kutaa 1ffaa ilaalchisee Namni tokko yaada dhuunfaatti naa katabeen kan naaf qoode dubbiftootaaf dhiheessuun barbaada. Namni kun yaada dabalataa kanatti aanu naaf gumaachee jira. Akkas jedhe/jedhan, hiikkaa “HAYYUU”jedhuuf keesse kun dhugaadha. Waan itti idaate tokkollee hin qabdu. “Oromoon Hayyummaa kan Namaaf kennu, Dhimma Oromoon wal qabatee beekumsa qabanii fi hojii hojjataniin malee, beekumsa saba biraa ykn hammayyaa kanaan miti. jechi “Hayyuu” jedhu, jecha Qaalii Qabeenyaa Oromoo ta’eedha. Bara dhibbaa oliif gadaan hin turre. Ittiin bulaas hin jirru. Hayyuun jechumaan hafaaree ? jedhanii kan gaafatan jiru ta’a. Gadaa keessa dabruun Hayyummaaf bu’ura. Gadaan ammoo hin jiru. kanaaf haala keessa jirru irraa , warra dhimma ummata isaanii waliin umurii guutuu fi umurii walakkaa ol itti dabrsan kanaaf maqaa kabajaa gochuu ni dandeenya. Gadaa keessa jiraachuuf haalli mijachuu yoo dide illee, Dhimma Oromoo keessa jiraachaa jiru waan ta’eef. Hayyuummaan, Pirofesarummaa fi Dokitarummaa caalaa Oromoof qaalii ta’uu isaa beekuun fardiidha.

GOGAA LAAFAATTI MARU !!!! kutaa 2ffaa.docx

By Dr, Baro Keno Deressa | April 1, 2015

My intention with this paper is not to write the history of Finfinne (Addis ababa) and Brussel, But to oppose the puppet of TPLF with so called diaspora Oromo and to emphasize the total absence of democracy and humanity under TPLF rule. The second message is to call all true Oromo’s to stop infighting and focus on bitter struggle with concrete message.

The history of Finfinne (Addis Ababa) in a way reflects the way the Oromo people were conquered, robbed off their land and properties, reduced to serfs and slaves, and kept under inhuman subjugation. Prior to colonization of Oromia, the present day Addis Ababa had an Oromo name – Finfinne.

The name attests the abundance of hot springs (“hora” in Oromiffa) at the heart of the city. The area was solely inhabited by Oromo clans of Gulale, Eekka, Galan, Abbichu.

During the late 18^th and early 19^th Century, the neighbouring Amhara community were wedging incessant predatory raids and looting expeditions against these people. Some of these barbaric raids were documented by Major W. C. Harris a British diplomatic mission in his book “The Highlands of Aethiopia (1844)”.

More:- Finfinne versus Brussels

Qophii Addaa fi Hiikamuu Obbo Baqalaa Garbaa

Gabaasa Qeerroo Godina Matakkal Waambara, Ebla 1,2015

Oromoon maccaa hanga daangaa Sudaanitti fulla’ee jiraachaa kan ture ta’uun ni beekama .Warreen sirna gadaa Maccaa keessatti durumaan ykn Oromduroo ta’anii laficha irra jiraatan GABAROO yeroo jedhaman warri hanga Oromoo itti ykn Macca lakka’atanii darban WALAANNAA jedhamu,Oromoonni kanneen abbaa biyyaa fi abbaa dachii ilmaan  Oromiyaa ta’uun isaanii beekamaa dha.

Akka bulchiinsa Wayyaanee yeroo ammaa itti Oromiyaan qoqqoodinsa federaalizimii sobaa ta’een ijaarame lafa godina Wallaggaa naannoo Beenishaangul Gumuz jedhee erga moggaasee Uummanni Oromoo bulchiisa Gumuzii keessa jiraatan abbaa biyyummaa dhabuun seenaa,aadaa,afaanii fi eenyuummaa isaanii dhabaa jiru.

Mootummaan Wayyaanee yeroo sabaa fi sablammooti Gumuz naannoo jedhamee moggafame keessatti Oromoonni naannoo san jiraatan dachiin isaanii fi eenyummaan isaanii naannoo Gumuziif kutamee kennamuun osoo hin jaallatiin sabummaan isaanii akka jijjiramu guddisee qoodaa fi dhibbaa guddaa itti fidaa jira.

Akka bulchiisa Feederaala Wayyaanee yeroo ammaatti Oromootni Oromiyaan ala godinaalee adda addaa keessatti amxakamanii akka iraatan ta’an dhiibbaan guddaan waan irra jiruuf daddafiin birmatnaa akka barbaadan ta’uu beekama.

Oromoonni naannoo Gumuz keessatti dhibbentaa(%)  25n yeroo ta’an kanneen kunis Bulchiisa Gumuz godina Matakkal aanaaleen

1. Wambaraa
2. Ggaalessaa
3. Dibaaxii
4. Bulanii
5. Naannoo Hawwii Zooni

Kanneen jiraatan dhibbaan adda addaa irratti ta’u keessaa :-

• Akka sabaatti hin ilaalaman
• Afaan Oromoon hin baratan jedhuun Amaariffaan barsiifamu
• Bu’uuraaleen misoomaa isaaniif hin hojjetamu fkn daangaa Oromiyaan akka wal hin qunnamsiifamne taasisaman
• Aadaa ofii ibsachuu hin danda’an fkn booqaa birraa ayyaana masqalaa irratti dhaabbati raadiyoo fi TV Oromiyaa aadaa Oromoota Matakkal waraabuun dhorkamaa dha.

Yeroo ta’u uumanni Oromoo waliigalatti Oromoota Matakkal rakkoo fi dhibdee Wayyaaneen irraan gahaa jirtu hubachuun barbaachisaa ta’uu Qeerroon dhaama.

Gabaasa Qeerroo Naqamte, Ebla 1,2015

Wallagga Naqamte, Dargaggoonni Oromoo Godinaalee Adda Addaa Keessaa Walitti Dhufuun Sochii Warraaqsa Bilisummaa Jabeessuu fi Itti Fufuu Irratti Mariyatan.

Jaallan bakka bu’oota sochii Qeerroo Bilisummaa godinaalee adda addaa irraa walitti dhufuun dhimmoota qabsoo bilisummaa Oromoo fi akkaataa FDG jabinaan itti fufee galii kaayyoo walabummaa Oromiyaan gahamu irratti mariyatanii jiru.

Dargaggoonni Oromoo magaalota akka Amboo,Mandii,Gimbii,Dambi Dolloo fi Naqamate keessaa walitti dhufanii magaalaa Naqamtee irratti marii firii qabeessaa fi haala qabsoon bilisummaa Oromoo jabinaan itti fufu fi guyyaa gootota Oromoo Ebla 15 bifa wal fakkaataan akkaataa Oromiyaa guutuutti kabajatan irratti mariyachuu Qeerroon gabbaase.