SEENAA  Y.G(2005)

Gootummaan ummata Oromoo, guyyaa irraa gara guyyaatti dabalaa jira. Gootummaan Oromoo gabrummaan cabee hin hafnee. Gabrummaa jala jiraatee Ijoollee Bilisummaa manatti ol galchitu horateera. Diina waggaa 150 ol irratti duulee bayyaannatee, eenyummaa isaa Biyya abbaa isaa irratti kabachiisuuf sadarkaa xumuraa irra ga’eera. Beekumsaa fi dandeettii, ykn shiraa fi hammeenyi diinaan , eenyummaa isaa ganamaa irraa mulqee, Ummata Seenaa  fi eenyummaa hin qabnee hin taasifnee. Gabrummaa jala taa’ee , bu’ura walabummaa fi Bilisummaa isaa akka hin buqqaaneetti gadi dhaabeera. Ummata gadi fageessee yaadee, haa bultu dubbiin jedhee tarkaanfataa jiraateen, Ummata gabrummaaf dhalatee godhanii kanneen yaadan akkaan dogoggoruu isaanii har’arra dhaabbatanii ni argan. Ummata kana Sirbaa fi aadaa ykn Afaan isaa dubbannaan maal isa barbaachisa ? jedhanii kanneen herreegani fi humnaan cabsuuf yaalan, boolla gadi fagoo ofii qotaa akka jiraatan har’arra ga’anii arguu hin hafan. Bishaan ho’ee bakka isaa ga’ee malee hin danfu. Danfuu bishaanii ijaan osoo arguu kan harka isaa itti erguu, badiin kanuma isaatii. Maal si godhaa ? jedhee kan jajjabeessees akkasuma. Continue reading →

Continue reading →

Fulbaana 3,2016
Qabsoon Oromoon mootummaa Waayyaanee hubdeen galagalchaa jiraachuun argamaa jira Qabsoo karaa nagaa Qeerroo idil addunyaatiin hogganamu keessatti sagalee tokkoon yaada walii fudhatee hanga diina isaa rifaasisutti har’aan gahee jira.Kunimmoo hangam uummatichi beekaa ta’uusaa addunyaaf ragaa bahaa jira.
Adeemsa kanaan gidduu kana duula gabaa lagannaa akka gaggeeffamuuf labsii labsamaa jiru waliif dhaga’uun Uummanni magaalaa Naqamtee haalaan hojirraa oolchuuf guyyaa sadii asitti baankii qabeenyummaan isaa kan diinaa ta’e Baankii Daldala Itiyoophiyaa keessaa maallaqa qaban baasaa jiru. Kunimmoo dinagdee mootummaatti kuffisuurra darbee hanga waan sochii diinagdee  sochootu dhabdutti gahuuf karaa jabaa saaqa,adeemsi haala beekumsa addunyaa ammaan gaggeeffamaa jiru kun qabsoo biyya Hindii Mataammaa Gaandiin durfamaa turee waliin akkasuma,qabsoo gurrachota Ameerikaa mirga isaaniif duula taaksii lagannaa gaggeessaa turan waliin wal fakkaataadha. Kanarraa walii dhageenyee bakkayyuu dinagdee mootummaa onsuun qabsoo omishaa fi diinagdee mootummaa lagannaa kana akka galmaan geenyu gochi Uummanni Magaalaa Naqamtee hanga baankittiin haguugamtutti maallaqa baafachuun wal sardaa turan ragaa amansiisaa nuuf kenna.Qabsoon nama barateen gaggeeffamu haala kanaan diina mataa jaanjessa.

Fulbaana 3,2016 #Qeerroo_News Yeroo Ammaa Kanatti Manni Hidhaa Qilinxoo Magaalaa Finfinnee Kan Hidhamtootni İlmaan Oromoo fi Sabootni Cunqurfamoon biyyatti walumaagalatti 7000 Olitti Lakkaa,aman keessatti argaman İbiddaan Barbadeeffamaa jiraachuu Maddeen Keenya Gabaasan!!
Uummatni Maatiin Hidhamtootaas Akka Gara ilmaan isaanii fi Firootta isaanii hidhamanii jiranitti Darbanii hin baraarreef dhorkamaa jiru, Waraanni wayyaanees dhukaasaa guddaa banaa jira , Waraanni guddaan Bishooftuu irraa Gara Finfinneetti Socho,aa jiraachuu Maddeen Qeerroo Bilisummaa Oromoo Finfinneerraa Gabaasan. Gabaasaa Guutuun Walitti deebina!!