Amajjii 16,2013 Miizaan Teeppii

Garbummaan mootummaa wayyaaneen gaggeeffamaa jiru yeroo kamuu caalaa jabaachuu isaa fi dura dhaabbachuun yeroon isaa amma jechuun qeerroon Yuunivarsiitii Teeppii walitti dhufuun dhimma QBO irratti marii erga gaggeessanii booda ibsa ejjennoo lafa kaawatanii jiran.Mootummaan wayyaanee wayita keessa isaa irraa amantii dhabee fi abbaa irrummaan isaa mirkanaaetti gumaatni adda durummaan nurraa eegama jechuun qeerroon marii gaggeessee jira.Marii isaaniis eebbaan kan jalqaban ibsa ejjennoo armaan gadii baasuun waadaa walii seenanii jiran.Ibsi ejjennoos:-

1. Hidhaa, Dararamaa, Ajjeechaa, Ukkamsanii gara dabarsuu, Arraabsoo, Tuffii, Jibbinsaa , fi Gabrummaa Ummataa Keenyaa irraattii Mootummaan Abbaa Irree Wayyaanee gochaa jiruu cimsinee ni balaaleffaanna.

2. Roorroo Diinaan Uummata Oromoo fi Biyyaa Keenyaa Oromiyaa irratti dalagamaa jiruu dhabamsiifnee Ummataa Oromoo bilisoomsuuf irree tokkoon jabaannee ni hojjeenna.

3. Gaaffiin Barattootaa Oromoo kallattii Garaagaraan gaafatamaa ture gaaffii keenya, Ummaanni Oromoo hangaa Bilisummaa isaa gonfatutti gaaffii mirgaa hiree murteeffaannaa uummata keenyaa jabeessinee itti fufna.

4. Uummaanni Oromoo Mootummaa wayyaanee qabeenya ilmaan oromoo saamaa fi samsiisaa,ilmaan Oromoo barnotaa irraa Ajjeeesisaa fi hiisisaa jiruuf gibiraa fi galiiwwan mootummaa wayyaaneef tahan akka hin kaffalle ilmaan oromoo ni barsiisna.

5. Filannoo kijibaa Mootummaan Abbaa irree biyyaa keessaatti gaggeessaa jiru saaxiluun mootummaan wayyaanee abbaa irrummaa tahuu addunyaatti akka beekamu jabeessinee ni hojjenna.

6. Hidhamtootni siyaasaa biyyattii keessatti maqaa shorokeessummaan hidhaman haal duree tokko malee akka gadhiifaman gumaata nurraa eegamu ni baana.

7. Mootummaan Wayyaanee hanga aangoo irraa buutti wareegama barbaachisaa kaffallee waadaa keenya tikfachuun ilmaan oromoo ni ijaarra,ni barsiifna,gaaffii mirgaaf ni qopheessina. Kan jedhan yoommuu tahan mootummaan wayyaanee dhiibbaa barattoota oromoo irratti geessisaa ture yaadachuudhaani.

Amajjii 15,2013 Haromayaa

Barattootni oromoo Yuunivarsiitii Haramaayaa Gumii waaqeffanaa Haroo haramaayaa aadaa fi amantii keenya guddisuuf eeyyama hin gaafannu jechuun shira mootummaa wayyaanee dura dhaabbatan.Mootummaan wayyaanee Gumii waaqeffannaa Haroo Haramaayaa bara 2009 dhaabbate isin QBO tarkaanfachiisaa jirtu malee dhimma waaqeffannaa gaggeessaa hin jirtan jechuun uummata naannoo waaqeffannaan kun itti gaggeeffamu irratti kakaasuu fi barattoota gara waaqeffannaa kanaa deemanis maqaa miseensa ABO yakkaa jira.Miseensotni Gumii waaqeffannaa Haroo Haramaayaa aadaa fi amantii isaanii barsiisuuf mootummaa wayyaanee irraa eeyyama akka fudhatan wayita dirqisiifamanitti nuyi aadaa fi amantii keenya barsiisuuf eeyyama hin barbaanu jechuun mootummaa wayyaanee jala dhaabbatanii jiran.Waardiyootni mooraa Yuunivarsiitii Haramaayaa ilmaan oromoo gara bakka waaqeffanaa kanaa deeman akka dhorkan dirqamni itti kennamus barattoota waliin tahuun dirqama wayyaanee fashalsanii jiran.

JAN. 25 * DC * RALLY FOR HUMAN RIGHTS, AGAINST INJUSTICE

Amajjii 15,2013 Finfinnee

Yuunivarsiitii Finfinnee keessatti gaaffiiwwan mirgaa gaafataman mootummaan Wayyaanee maqaa shororkeessummaan shakkuun barattoota Oromoo 28 himata Gaarii Tolliinaan waamaman mana murtiitti dhiyeesse.Guyyaa haraa mana murtii Gullallee dhageettii haqaa fi himataatti dhiyeessuun beellama torbaan Jimaataatti qabuun barattootni barnoota isaaniitti akka hin deebine gochaa jira.Dabni mootummaa wayyaanee ilmaan Oromoo irratti taasifamaa jiru daran jabaachaa kan dhufe yoommuu tahu yeroo ammaa daran rakkisaa fi hammaataa tahee jira.Mootummaan wayyaanee tika mootummaa wayyaaneen ilmaan Oromoo fi habashaa walitti buusuun shira xaxe jalaa miliquuf ilmaan oromoon isintu kana godhe,ABOtu isinii kaffalee kana akka gootan taasise jechuun rakkisaa jiru.Ilmaan Oromoo mana hidhaa keessattis ABO mirgi namaa akka kabajamu malee akka dhiitamu dhaaba barbaadu miti jechuun ifaan mootummaa Wayyaanee qaanessanii jiran.

Y.G (2005)

Ummati Oromoo Biyya keessa jiru , hiraarrii dhala Namaa irratti hin raawwatamneetu irratti raawwatamaa jiraachuu guyyuu dhaga’amaa jirra. Wayyaaneen abdii kutannaan , miidhaan Ummata kana irraan ga’a jirtu , guyyuu dabalaa deemuu hundatu taajjabaa jira. Waggoota 21 dabran kana miidhaan gama hundaan Ummata Oromoo irra ga’aa jiru, kan baroota dhibbaa dachaa ,dachaan caala. Namummaan keenya, Sabummaan keenya, Qabeenyaan keenya, aadaan keenya Barbadeeffamaa jira. Dhalooti itti aanu beekumsaan, Ogummaan , Barnootaan, Namummaan hegareen isaa akka karaa hin qabanneef shirri waggaa 50tu of irraa baasuu hin dandeenyetu irratti hojjatamaa jira. wayyaanoonni fi waa’eellan isaanii , Biyya Itoophiyaa jedhamtu kana yoo xiqqaate waggaa 50f bulchuu fi yoo itti milkaa’aniif bara baraaf Ummatoota Biyyatti hacuucanii bituuf karoora lafaa qaban irraa ka’nii , sadarkaa 1ffaatti Ummata Oromoo fi qabasoo isaa irratti xiyyeeffatanii hojjachaa jiran.

LOON ABBAAN GAANFA CABSEE, ORMI IJA JAAMSA !.docx

(Qeerroo, Naqamtee, 14 Amajii 2013) Mootummaan Wayyaanee akkuma barattetti ummata Oromoo lafa irraa buqqisuuf saganteeffataa akka jiru saaxialame; umamti immoo lafa keenya irratti dhumana malee irraa hin kaanu!” jechaa jira.

Qeerroon maddeen amanamoo wabeeffatee akka gabaasetti, mootummaan Wayyaanee abbootii warraa gara kuma saddeetii olii Arjoo fi Dhedheessaa keessaa buqqisuuf kan bara darbe akeekkatee diddaa ummataatiin fashalee ture irra deebi’ee hojii irra oolchuuf kaabineewwan OPDO addaddaa waliin irratti maryachaa jira.

Akka karoora kanaatti, mootummaan Wayyaanee ummata Oromoo kuma 25 ta’u, lafa heektara kuma 75 ol ta’u irraa  buqqisuuf akeeka baafattee jirtu hojiitti hiikuuf akka jirtu baramee jira.

Haata’uutii, bara darbe kaampaaniin pirojeekticha hojjachuuf walii galtee seenee ture diddaa ummataa fi fincila Qeerrootiin rifatee waan dhiisee baheef gidduutti addaan cite ture.

Yeroo ammaa kanatti immoo saganticha itti fufuuf mariin adeemsisamaa akka jiru kan saaxilan maddeen Qeerroo, haalli isaas OPDO keessatti mormii kaasaa akak jiru beekamee jira.

Miseesnoti OPDO dhimma kana irratti dhoksaan maryachaa kan jiran yoo ta’u, hedduun isaanii “saganticha yeroo ammaatti itti fufsiisuun kun barbaachisaa miti,”haa jedhan iyyuu malee ummata lafa irraa buqqisuu fi madda galii gabbifachuuf akeeka kan qabu mootummaan wayyaanee jabeessee itti fufee akka jiru hubatamee jira.

Ummatis haala kana irratti walmaryachaa akka jiru kan ibnse Qeerroon, keessayyuu, Qonnaan bultooti fi Qeerroon akkaataa itti mirga isaanii kabachiifatan irratti marii bal’aa gochaa akka jiran beekameera.

Amajjii 14,2013 Jimma

Baratooti Oromoo Mooraa Yuunivarsiitii Jimmaa sochii Fincilaa Diddaa Garbummaa [FDG] egalee jiruu jabeessuun itti fufan.Baratootni Oromoo halaa yeroo ilmaan Oromoo fi Oromiyaa akkasumas rakkinaa biyyaattiin keessaa seentee jirtu ilaalchisuun wamicha FDG bifa haaraa ta’een waraqaa warraaqsaa mooraa Yuniversitii fi magaalaa Jimmaa kaasaa facaasaa akka jiran gabaasi nu dhaqabe addeessa.

Mootummaan abbaa irree Wayyaanee humna waraanaatiin mooraa Yuunivarsiitichaa eegaa kan ture daran jabeessuun yeroo ammaa kana ammoo humna waraanaa mooraa Yuunivarsiitii Jimmaa Afranitti jechuun Mooraa isaa Main Campus, mooraa Economics fi Business, Mooraa Qonnaa, fi Mooraa saayinsii fi Teekinologii tti Humna Waraanaa fi basaastotaa isaa ol seensisuun sirna baruu fi barsiisuu goolaa jiraachuun beekamaa dha.

Qeerroon Yunversitiilee haala kana jabeessanii mormuun irree jabeeffachuu fi uummata keenya daran dammaqsuu irraan FDG kan wal irraa hin cinne Oromiyaa mara keessatti gaggeessuun irree mootummichaa laaffisuun sirna walabummaa biyyaa mirkanneessuun murteessaa ta’uu isaa kan ibsu waraqaalee heddumminaan akka facaasaa jiran beekame. Kana malees Qeerroon yunversitii Jimmaa sochii Wayyaanotaa fi baasasota wayyaanee mormuun mirgii abbaa biyyuummaa saba keenyaa kabaajamuu qabaa jechuun barsiisotaa, baratootaa fi hojjeetootaa Mooraa Yuunivarsitii Jimmaa fi Ummaataa Oromoo hundaaf Waamichaa FDG dabarsuun gaaffii ilmaan Oromoo yeroo si’anaa kaasuu qabanii fi jiruuf jireenyaa Ummatichaa irraatti hudhaa ta’ee jiruu barreessuun Ummataaf bakka hundaattii faacaasaa jiraachuu irra darbee  garagalchaa gaffiiwwaan kanaas Dr Fiqiree Lammeessaa Peresedentii Yuunivarsiitii Jimmaa, Akkasumaas Mootummaa Naannoo Oromiyaatiif jechuun Qeerroon Mooraa Yuunivarsiitii Jimmaa Biroo staffi barsiisotaa, Laabiraarii Baraatotaa fi bakkeewwaan beeksisni adda addaa itti maxxanfamuu hundatti maxxanssuun diddaa isanii jabeessuun itti fufani jiraachuun gaca’uu qeerroon naannicha irraa gabaasa.