Gabaasa Qeerroo Finfinnee

Mootummaan Wayyaanee hoj-dhabdoota dirree waraanaatti erguuf maqaa hojii argattuutin galmeessaa jira. Mootummaan wayyaanee yeroo ammaa hidhattoota isaa duraa irraa amantaa waan dhabaa jiruuf humna waraana biyyattii keessatti baayinaan oomishuu karoorfatee kae uummata irratti waraana ijaarrachuuf sochii itti fufee jira.

Aangoo isaa irra turuuf humna waraanaa malee tooftaa fi shiroonni inni baroota isaa keessatti dalagaa yoonaan isa gahe yeroo kana haamilee dhabsiisee kufaatii isaaf yaaddessaa waan itti taheef humna waraanaatti amanuun filannoo isaa tahuu hubatee sobaan dargaggoota biyyattii ganda tokko irratti hanga nama 13 hoji argattu, mootummaan hojii isiniif kenna jechuudhaan sossobee galmeessaa jira. Sabboontooni caasaa mootummaa keessaa qaban yeroo ammaa kana ilmaan Oromoo bakka jiranitti rakkoo keessa jiran irratti dachaan yoo isaan qaqqabellee deemanii akka hin galmoofneef dhaamsa dabarsaa jiruu.

Gabaasa Qeerroo.docx

(Ibsa ABO Gabaasaa Amnesty International Deggaruun)

Mootummoota darara suukanneessaan ummatoota humnaan bulchan irratti raawwatan keessaa mootummaa Wayyaanee kan dursu hin jiru. Dhufaatii isaa bara 1991 irraa eegalee waggoota aangoo irra ture kanneen keessatti kan ifatti fixee fi dhoksaan dhabamsiise, jireenya irraa mancaasee kadhattummaaf dabarse kenne lakkoobsaan kaa’uun mootummaa abbaa irree kanaafuu hin laaffatu. Mootummaa “Humnaan bitaa jiraatuu” imaammata godhatuun raggaafatee bittaa isaa gara jabinaan itti fufee jiru, gochaa suukanneessaa fi faashistummaa raawwadhus “maaltu ana gaafata?” tuffii jedhuun ifatti raawwatu addunyaan irra deddeebi’ee kan ifatti arge dha.

ABOn mirgi ummatni Oromoo akka kabajamuuf durummaan qabsaa’uun akeeka isaa tahullee yeroon inni itti miidhaan ummatoota cunqorfamoo Empaayera Itophiyaa irra geessifamu dantaan sobamee callisuun bira hin tarre. Dura dhaabbatuun balaaleffateera. Saaxiluun abaareera. Fixiinsa gara jabinaa fi diinummaa ummatoota Sidaamaa, Gambeellaa, Ogadeniyaa fi Amaara dabalatee kanneen biro irratti raawwatame ifatti balaaleffatuun kanneen mootummaa shororkeessaa kana duuba goruun jajjabeessanii fi tumsan akka hariiroo isaanii gamaaggaman yaadachiisuun gahee isaa bahatee jira. Fuula duraafis kun kan itti fufu taha. Haa tahu malee iyyatni ummatoota cunqurfamoo bilisummaa fi dimokraasiif falmanii hawaasa addunyaa irraa deebii fi tarkaanfiin quubsaa fudhatamuu dhabuun mootummaan Wayyaanee sodaan alatti tarkaanfii suukanneessaa ummatoota irratti fudhatu akka itti fufuuf onnachiisee shororkeessummaa moootummaan durfamu akka itti fufetti jira.

Ibsa ABO Sadaasa 10-11-14.pdf

OLF Press Release 10-11-2014.pdf

Akkuma Sadaasa 7 irraa kaanee gabaasaa turre godinaalee oromiyaa bakkoota adda addaatti qophii jala bultii Sadaasa 9 FDG yaadannoo isaan wal qabatee Qeerroon uummata keessatti yaamicha qabsoo dhimma bahuudhaan, waraqaalee garagaraa kan maxxanfamaa turan naannolee oromiyaa wal duraa duubaan akka kanaa gadiitti nuufata manneen barnootaa fi uummataan kan kabajamee oole, godinaalee:

1. Lixa Shagaar aanaalee Amboo, Gudar, Miidaqany,Gincii, Jalduu,Ijaajjii, Calliyaa,fi Baakkoo keessatti Sadaasa 7 irraa kaasuudhaan magaalaa manneen barnootaa fi yuuniversitii akkasuma naannoo koolejjitti dua barataa Jaagamaa Badhaaneen wal qabsiisanii waraqaa hedduun maxxanfamee kan ture,akkasuma dhaadannooleen garagaraa waajjiraalee mootummaatti maxxanfamanii kan jiran akkasuma diddaan ciminaan akka itti fufu rakkoo uummata Oromoof hojjetaan,barataan qote bulaa,daldalaan iyyaa iyya dabarsaa jechuudhaan barruu xixiqqaan magaalota kanneen akka Amboo keessatti darbatamaa kan tureedha. Barattootni Yuuniversitii hunduu walitti dhufuudhaan guyyaa kana kabajanii kan oolan yoo tahu,akka lixa shaggara aanaalee olitti xuqaman kana keessatti FDG Sadaasa 9 kabajuudhaan wal qabsiisanii waamicha diddaa uummanni kaasuu qabu irratti dhaamsa dabarsuu, barruulee xixiqqa gandoota keessa faffacsuudhaan waamicha FDG dabarsuu irratti hojii cimaa hojjechuudhaan kan darbaniidha, waraabbiiwwan gama kanaan jiran hunduu kan dhiyaataniidha.

Wallagga Lixaa,Horru Guduruu fi Wallagga Bahaa,Akkasuma Qellem Wallaggaa Keessatti- Aanaanee godinoota kana keessatti argaman caasaa Qeerrootiin akkasuma maneen barnootaa sadarkaa tokkoffaa irraa kaasanii hanga qophaayinaatti koollejjiwwan dabalatee haala hooaan guyyaan kun kabajamee kan oolee fi waraqaan Qeerroon godinoota kana irratti haa maxxanfamuuf dhaame sochii diinaan wal qabatee hanga karoorfame tahuu baatullee, waraqoonni manneen barnootaatti akka maxxanfaman gabaasni kan dhiyaataa jiru, akkasuma uummata gidduutti waraqaan kan maxxanfamee jiru, akka lixa Wallaggaa irraa gabaasni dabalataa nu qaqqabee jirutti manneen amantaallee dhiisani namootni yaadannoo guyyaa kanaa irratti hirmaachuudhaan dhaamsa Qeerroo waliif dabarsaa kan oolan tahuu isaa gabaasni nu gahee jira,akkasuma Qellem Wallaggaa Dambi — Guutummaa gabaasa kanaaf:-

Gabaasa Yaadannoo Guyyaa FDG Sadaasa 9.docx

Yaadatnoo FDG Sadaasa 9

Godina lixa Shaggar aanota garaagaraa fi dhabbilee barnoota keessatti bifa haala miidhagaa ta’een Sadaasni 9 guyyaan yaadannoo FDG marsaan 9ffaa kabajamee jira. Guyyaa kaleessaa Sadaasa 9/2014 goototni barattootni Oromoo Yuunivarsiitii Amboo yaadannoo FDG  marsaa 9ffaa kabajamaa jiru sababeeffachuun walga’ii guddaa gaggeeffatan milkiin  xummuratan .

Goototni barattootni Oromoo Yuunivarsiitii Amboo dungoo diimaa magariisa diimaa qabsiifachuun suuraawwaan gootota Oromoo qabsoo bilisummaa Oromoo warraaqsa FDG irratti warreegaman waliif raabsuun, seenaa gootota ilmaan Oromoo qabsoo bilisummaa Oromoo irratti wareegamani waliif dubbisuun itti fufinsa FDG fi kayyoo gototni Oromoo irratti wareegamaa jiran galmaan ga’uun bara mootummaa abbaa irree wayyaaneetti xummura gochuu qabna jechuun marii bal’aa haala FDG fulduratti finiinsuuf jiran haalan qindeeffachaa fi qophii dursa  barbaachisu  irratti yaada waliif kaasuun akeeka abdachiisa ta’e lafa kawwachuun walga’ii isanii milkiin xummuratan. Kana malees guyyaa kaleessa haala Sadaasni 9, guyyaan yaadannoo FDG marsaa 9ffaan Uummata Oromoo Ambootiin bifa adda ta’een kabajame, uummatni cufti bakka jiru hundatti guyyaa kana yeroo yaadatu hojii dhaabuun walitti dhufuun marii garaagaraa qabsoo FDG fulduraaf taasisuun kabajachuu gabaasan nu qaqqaba jiru ni addeessa.

Barruuleen warraqsaa fi dhaadannoo qabsoo bilisummaa Oromoo fi gootota qabsoo bilisummaa Oromoo irratti wareegaman faarsuu bakka hundatti bittinneeffamuu fi uummataaf raabsamuun kabajame. Mootummaan abbaa Irree Wayyaanee EPRDF sochii jiru irraa rifatuu guddaa keessa galuun human waraanaa guddaa bobbaasuun Magaalaan Amboo fi yuunibarsiitiin Amboo waraanaan eegamaa jirti.

Godinuma kana aanota kanneen akka Amboo, Gudar,Midaa Qanyii,Xiiqur Incinnii,  Calliyaa Geedoo, Ijaajjii, Jalduu, Gindabarat, Gincii, Meettaa Roobii, fi Adaa’aa Bargaatti sadaasni 9 guyyaan yaadannoo FDG marsaa 9ffaan haala ajaa’ibaan kabajame,goototni barattootni manneen barnootaa Amboo sadarkaa 2ffaa fi qophaa’ina, fi barattootni m/b Carii Amboo sadarkaa 1ffaa  sadaasa 9, guyyaayaadannoo FDG marsaa 9ffaa barnoota dhaabuun qabsoo bilisummaa Oromoo irratti marii bal’aa gochuun  haalan kabajatan.

Nuti barattootni saabboontotni Oromoo mooraa Yuuniversitii Dabra Markos jirru, hojii mootummaa Wayyaanee Yuunversiitiilee Naannoo Oromiyaa alaa keessaatti raawwatu akka afaan Oromoo hin dubbatamnee fi aadaan Oromoo hin callaqisne gufuu ta’aa turuu isaanii ni hubanna.

Yuuniversitiilee garagaraa Oromiyaa ala jiran keessattis shira habashootaan kan akka yuuniversitii Goojjam, Bahardar, Maqalee, Aksum fi kkf keessatti barattootni Oromoo hedduun utuu jiranii darbanii afaan isaaniin dubbachuu dadhabaa turaniiru. Yeroo ammaa bu’aa qabsoo Oromoonni kumaatamaan irratti wareegamaaniin argame tiksuu fi bakkaan ga’uuf gaaffii barataan Oromoo mootummaa Wayyaanee dura dhaabbachuun gaafataa jiraniin kumaatamnii hidhaatti darbamanii, kaan ariiyatamanii kaan wareegamanii darbaniiru.

Keessattuu barataan Oromoo yuuniversitiilee naannoo habashaa keessa jirru(naannoo Oromiyaan ala) gumiiwwan aadaa fi afaan Oromoo guddisuun achi haa hafuuti mooraa yuuniversitii akkanaa keessatti dubbachuunuu akka yakkaatti ilaalama. Haa ta’u malee nuti barattoonni sabbontota Oromoo yunversiitii Dabra Maarqos keessa bara 2014 kana keessa jirru yeroo rakkoo tahe kana keessa darbamuun walitti dhufnee eega marii’annee booda gumii guddina afaanii fi aadaa Oromoo mooraa kana keessatti hundeeffachuun bakka itti barataan Oromoo wal arguu fi wal yaadatu tokko gadi dhaabbachuu keenya yeroo ibsannu gammachuudhaani.

Guutummaan eejjetnoo kanaa:- Barattoota Y. D. Maarqos.doc