Qellem Aanaalee Garagaraa Keessatti FDG Kae, Uummanni Godinaalee Jimmaa, Iluu Abbaa Booraa, Wallagga Lixaa Keessaa FDGn Bilisummaa Gonfanna Jechuudhaan Kae. Gabaasa Qeerroo Amma Nu Gahe! Qellem,aanaalee garagaraa keessatti kanuma filannoo dhugaa hin taaneef reebicha namoota irra gaheef uummanni mootummaa wayyaanee balaaleffachuudhaan fincila kaasee jira. aanaalee kanneen akka Anfilloo, Sayyoo gandoota fi buufataalee filannoo garagaraatti fincilli kaeen namootni baayeen reebamuu fi hiehdmauun kaleessa irraa kaasee hanga haaatti itti fufe, uummanni gadi bahee mootummaan Wayanee silumayyuu hattuudha, uummanni osoo hin filatiin of filate aangoo irra hin jiraattu jechuudhaan nun bulchitu jechuun uummanni diddaa qabsiisee jira. Barattootni man barumsaa barachuu lagachuudhaan mootummaa wayyaanee baleellaffachuu mulisuudhaan diddaa kaasaa jiru magaalota Dambi Doolloo keesssa sababa sodaa kanaaf wayyaaneen humna waraana isaa qubachiise, aanaa Qeebbee, Canqaa fi Qaaqee keessattis hara Fincilli kaee jira. Mootummaan wayyaanee aangoo isaa irraaa buqqisuuf kadhaa hin deemnu, kaanee mirga keenya haa falmannu, FDG kaanee itti fufna jechuudhaan qonnaan bulaan, barataan wal kaasee jira, Barumsi kennamuun dhaabbateera, kan kennamus uummataan cufamaa jira,godina wallagga lixaa, Qellem, Jimmaa,Iluu Abba Booraa keessatti kn baratu barumsa dhaabee, kan hojjetu hojii isaa dhaabee, kan daldalus daldala dhaabee FDG wal hin cinnee itti fufuudhaan uummanni kutatee kaee jira, Maqaa filannootiin yeroo ammaa kana namootni hedduun hidhamaa jiru, reebamaas jiru kanas doaadhaaf boodatti osoo hin jedhin kan hidhame hidhaadhaa bahuun fincilaan kan milkaau tahuu wal hubachiisuudhaan hara ganama irraa kaasee Qellem aanaalee garagaraa keessatti FDG kaee jira.

Caamsaa 25,2015 Gabaasa Qeerroo

FDG Yuuniversitiilee keessatti jabaatee itti fufeera.Caamsaa 24,2015  akkuma gabaafame Bulee Horaa irratti sabboontoni Oromoo tarkaanfii hanga qaama mootummaa irratti fudhatuun fincila kaasan haala uummata boonsuun diddaan eegale waraana mootummaa bakka sochoosee korojoo sobaa wayyaanee ibiddaan gubuu fi ciruudhaan ergamtoota wayyaanee mooricha keessaa ariyanii baasan, mufii
guddaadhaan Wayyaaneen humni waraana isaa barattoota irratti dhukaasa akka banuu taasise,halkan edaa mooraan yuuniversitii Bulee Horaa dirre qabsoo taatee bulte, uummata keessaa FDG irratti kan hirmaatan barattoota waliin kan dhaabbatan uummata jiraattota naanno Yuuniversiti irrattis akkasuma dhukaasni baname rasaasni akka bokkaa uummataa fi barataa irrattis roobus keenya dhumiinsi baranuma
bilisummaanis baranuma jechaa dhaadannoo fi kutannoodhaan barattotni Yuuniversitii Bulee Horaa waraana mootummaa dura dhaabbatanii jiru.
Madda Walaabuu yuuniversitii keessattis barattootni kaleessa fincila kaasaniin filannoon isaanii lakkoofsa sagalee malee hafe, korojoon
isaaniis halkan edaa bakkka eegamu jeequmsa barattootni kaasaniin gatii dhabsiisan. Har’a namootni baayeen bakka garagara irraa
qabamanii fe’amaa jiru gara Finfinneetti, shawaa kabaa onoolta garagaraa keessatti halkan edaa mootummaa wayyaanee kana booda aangoo
irratti feenu jechuudhaan uummanni gadi bahee FDG kaasee jira daandiin garagaraas cufamanii jiru, tarkaanfiin hidhattootaa fi milishoota
gandaa irrattis uumataan fuhatamaa jira keessattuu aanaa Kuyyuu, Gabra Gurraachaa fi Sulultaa keessatti hidhattootni uummata waliin
dhaabbatee mirga isaa hin falmanne uummataan tarkaanfiin fudhatamaa jira,kaan hidhatootni uummata waliin dhaabbatanii mootummaa wayyaanee dura dhaabbataa fincila gaaffiin uummata oromoo haa kabajamu, ilannoo kijibaan hin gowomfamnu, bilisummaa barbaanna, gabummaan nugahu, saamamamuun haa dhaabbatu, nu gaheera nugaheera.. jechuudhaan uummata mirga isaa falmachuudhaaf rafee hin bulle, hanga ammaa FDG godina kana keessattis itti fufeetu jira.

Caamsaa 25,2015 Godina Bahaa Wallaggaa AANAA HAROO LIMMUUtti Uummatni Oromoo fi Qeerroon Bilisummaa Oromoo wal ta’uun Filannoo kijibaa fi waliin dhahaa itti fakkeessii  Wayyaanee irratti FDG dhoosuun waraana Wayyaanee Dura Dhaabbatan., ilaamn Oromoo nagaan afur rasaasaan wayyaaneetiin madeeffaman.

Godina Baha Wallaggaa AANAA HAROO LIMMUUtti FDG Qeerroon bilisummaa Oromoo uummata Oromoo waliin ta’uun filannoo kijibaa wayyaanee irratti finciluun Wayyaaneen abbaa  Dimookiraasii sobaa,abbaa filannoo  filannoo sobaa kan halkan dabballeen motuummaa Wayyaanee korojootti ofiin of filaa bulee hin barbaadnu, filannoo waliindhaa dura bilisummaan uummata Oromoo mirkanaa’ee walabummaan biyya keenyaa mirkanaa’ee mootummaa mataa keenyaa hundeeffachuu qabna jechuun uummatni fi dargaggootni Oromoo jechuun sochii warraaqsaa FDG  jabeessuun mootummaa wayyaanee haalan Yaaddessuu maddeen Qeerroo bilisummaa Godina Wallaggaa Bahaa magaalaa Neqemtee irraa gabaasan.

Mootummaan abbaa irree wayyaanee sochii uummataa kanatti weeraruun waraanaa fi poolsoota federaalaa uummatatti gadhiisuun Uummataa nagaan karaa nagaa fi dimookiraasii mirga isaaf falmachaa jiruu irratti dhukaasuun ilmaan Oromoo nagaa shan rasasaan madeessuun ibsame jira. ilmaan Oromoo badii tokko malee  HAROO LIMMUU irraa madeeffaman kunis:

Caamsaa 25/2015 Oromoo tokko ajjeefame. AANAA MIDAA QANYIItti uummatni Filannoo fakkeesii fi gowwomsaa Wayyaanee hin fudhannuu, korojoon wayyaanee dabballootaan itti guutamaa ture, filmaatichi akka walii galaatti umrii abbaa irree kan dheeressuu malee kan gabaabsuu mitii gaaffii mirga abbaa biyyummaa isin gaaffachaa jiruuf deebiin nuuf kennamuu qaba jechuun Qeerroon goototni barattootni Oromoo UUmmata waliin tauun karaa nagaa fi dimookiraasii utuu qabeenyaa fi mirga nama dhuunfaatti hin buiin mirgii keenyaa nuuf haa kabajamuu jechuun sagalee mormii waan dhageessisan qofaaf waranni wayyaanee dhukaasa irratti banuun ilmaan Oromoo nagaa rasaasaan reebee ajjeese jira. Kanneen rasaasaan reebaman keessa : . Obboo Giddiisaa Camadaa ganda Galaan Gumjee, kan ajjeefamee yoo tauu, qotee bulaan Oromoo mirga isaa kabachiifachuuf wareegama qaalii kanfalaa jira. mormiin uummataa haalaan jabaatee itti fufee jira.

Caamsaa 25, Godinaalee Bahaa wallaggaa fi Godina horroo Guduruu Wallaggaatti Uummatni oromoo fi qeerroon dargaggootni Oromoo FDG kaachisuun filannoo Waliin dhahaa wayyaanee dura dhaabbachuun falmachaa jiru.
Godina Bahaa wallaggaa aanaawwaan: Siree, Waamaa Hagaloo , Billoo Boshee, Bonayyaa Boshee, Saasiggaa, Giyyaa Ayyaanaa, Giddaa Kiiramuu, fi Godina Horroo Guduruu Wallaggaa : Jimmaa Gannatii fi Haratoo, Jimmaa Raaree Waayyuu, Habaaboo Guduruu fi Daduu, Guduruu, Fincaaaa, Shaambuu, Hamuuruu, Jaartee Jaardagaa kanneen Jedhaman hunda irratti haala walfakkattuun uummatni filanoo waliin dhahaa Wayyaaneen mirgii keenyaa sarbamaa jira, Dimookiraasiin hin jiru, lafa dimookiraasiin hin jirreetti filannoon dharaa gaggeeffamuun gatii hin qabu jechuun uummatni mormii isaa buufata filannoo wayyaanee biratti argamuun dhageesisa jira. Keessattuu filannoon wayyaanee dabbalootaa fi kaadiroota isaatiin halkaan raawwate, korojoon wayyaanees ganamaan guutamee waan jiruuf uummatni Filannoo wayyaanee ni balaaleffannaa jechuun sagalee akka dhageesisuu eegaletti wayyaaneen loltoota itti bobbaasuun kan bittinneessa olte tauu madden keenya gabaasan. Bakkeewwan eeramaan hunda irraa taajjabduun sagalee kan paartii mormitoota KFO ganaamaan Ariiamuu fi kanneen reebamanii kaan immoo hidhamuun filannoon wayyaanee abbaan irrummaa gaafaa baasuu uummatatti argisiisee jira.
Yeoo amma kana Godinaalee Lamaan irratti guyyaa boruu FDG Qeerroo dargaggootaa Oromoo fi uummata Oromootiin nurraatti jabaachuu mala sababaa jedhuun humni Waraanaa gurguddaan kellaawwaan hundaa fi Gandoota baadiyyaa irraa qubsiifamaa jiraachuu madden keenya bakkoota lamaan irraa iyyuu gabaasan.

Filannoo Mootummaa Wayyaanee Har’a Caamsaa 24/2015 Ilaalchisuudhaan Akkaataa Adeemsa Filinnichaa, Farra Kijiba Filannoo Ta’uun Sochii Taasifame fi Mootummichis Filannicha Sobaan Milkeessuuf Shira Xaxe.

1. Filannoo kana milkeessuudhaaf mootummaan wayyaanee daba garagaraa qopheessaa bahe, naannoo itti milkaahee tokkollee hin qabu, filannoon silas kanuma isa filuuf qophaayeedha biyyicha keessatti kanumaanuu har’a oromiyaa keessatti filanoon gaggeeffame gara FDGtti jijjiiramee oole, mootummaan wayyaanee kana dursee waan beekuuf humni waraanaa naannoo biraa irraa kaafamee dhufee dachee oromiyaa uummata oromoo gidduu diriirfatee oole, dabaa fi shira xaxetti dabalataan humni waraanaa bobbaafamuu fi filannichuma sagalee isaa olkaasuuf waa hedduutti fayadame tokko namoota jaamaa,dadhaboo ta’an kaardii filannoo irraa fuudhee ofiin filuu, lammata baadiyaalee keessatti uummata doorsisuudhaan kaardii humnaan irraa fuudhanii of filuu fakkeenyi kanaa Harargee keessa, kan kaardii dhorkate ciree gate, dhugaadha erga isa hin fayyannee ciree gatuu qaba,kaan ammoo taajjabdoota kan ta’an walakkaa guyya buufata filannoo keessaa ariyuudhaan akka fedhanitti waan fedhan guuttachuu fakkeenyatti kan fudhatamu Qellem aanaa Anfilloo ganda Dollaa jedhamu keessatti kan raawwateedha. Sadaffaan qonnaan bulaa baadiyaa keessaa kaleessa irraa kaasuudhaan caasaan mootummaaf dhaabbatee hojjetu sun maal filatta kanniisa yoo filte tajaajila addaa mootumma irraa argatta, misoomni ni ariifata, maatiikeetti nagaa argatta, hojiin siif kennama,…. Waa hedduu ittiin jechuun gowomsuu, naannoo sodaan jirutti doorsisuma tikaan,waraanaan kaan qabanii hidhuun sa’a muraasaaf tursiisuu irratti bobbahanii hojjetaa bahan kun akeekni filannoo jedhamu sun gara FDGtti jijjiirame diddaa ka’een godina shawaa lixaa Gindabarat keessatti dhukaasni hanga uummata irrattid huka’uu deemsisu, FDG isin hin fillu jechuudhaan fuula isaanii duratti kaardii ciranii gatuu fi mootummicha arrabsuun xiqqeessuu,dhaadannoo garagara dhageessisuu Lixa shawaa aanalee garagaraa, Qellem Anfilloo aanaalee garagaraa, Finfinnee fi Godina addaa, shawaa bahaa, wallagga lixaa fi dhaabbilee barnootaa keessatti itti filannoon mootummaan wayyaanee gara duddaatti jijjiirame miseensotni paartilee mormitootaas kan nu baasu diddaa gaggeessuudha jechuudhan keessattuu naannoo Iluu A/Booraa fi Jimmaa aanaalee adda addaa keessatti taajjabdootni dhiisanii bahuudhaan fincila kaasuun Filannoodhuma kijibaa kanayyuu itti milkaahuuf shirri mootummaas isa hin baasne uummanni ammas kan furmaata tahu FDG tahuu hubatee godinaalee adda addaa keessatti fincilli finiinaa jira. kun akkaataa adeemsa filannoo wayyaaneen itti gaggeeffatee fi shirri inni xaxes isa milkeessuu dadhabee uummata gara fincilaatti kaasuu walii galatti gabaasota bakkeewwan olii xuqaman irraa nu gahe ibsuudha. Guutummaa Gabaasa Kanaaf:-  Filannoo Har’aa

https://youtu.be/KzUWhLxSAhY

Guyyaa har’aa ganama barii lafaa irraa eegaluun qeerroowwan dargaggootni oromoo fi uummatni Oromoo walta’uun dimookiraasiin jira jechaa qawween nu ajjeesaa jirtuu, korojoo ofiin saamaa fi utuu uummatni ba’ee hin filatiin dursitanii itti guutaa jirtuu, biyya bilisummaan, dimookiraasii fi mirgi ilma namaa hin kabajamnetti filannoo dimookiraatawaa gaggeessuun sobadha jedhuun warraaqsa FDG dhoosuun waraana wayyaanee fi milishoota wayyaanee korojoo saamuun fiiga jiran waliin kan waldhansoo qabuu eegalee sochiin Qeerroo Bilisummaa Oromoo fi uummata Oromoo daran jabaachuun mootummaa wayyaanee raasee qabuun filmaatichi fashalaa’ee battalumatti dhaabbatee jira. Waranni Wayyaanees Sochiin uummataa hin eegamne waan isa mudateef battalumatti dhukaasa irratti banuun barataan oromoo tokko rasasa wayyaaneen rukutamee jiraachuun ibsamee jira.barataan kunis :
1. barataa Baqqalaa Hulluuqaa barataa kutaa 10ffaa yeroo amma kana rasaasa waraana wayyaanee irra uummatatti dhukaafamaa jiruun rukutamee du’aa fi jireenya gidduu jirachuu maddeen Qeerroo Bilisummaa Oromoo Aanaa Midaa Qanyii baallammii irra gabaasa jiru, barattan kun waraanaaf batalatti illee mana yaalaa utuu hin qaqqabii kan jiruu ta’uu maddee dabalanii gabaasa jiru.

Caamsaa 24,2015Midaaqenyii

Goototni Qeerroon dargaggootni Oromoo uummata waliin ta’uun filannoon kun filannoo umrii garbummaa dheeressuu malee filannoo biyyaafis, Oromoo fi Oromiyaafis furmaata qabu miti jechuun dura dhaabbachaa kan turan yoo ta’uu guyyaa hardhaa kana wayita Filannoon gaggeeffammaa jirutti AANAA MIDAA QANYII bufatalee Ffilannoo hunda irratti milishootni Wayyaanee korojoo butachuun wayita fiigaa jiranitti uummatni iyya guddaa kaasuun waldaksee dabballoota wayyaanee meshaa waraanaa hidhatanii korojoo fudhatanii fiigaa jiran irratti UUmmatni FDG guddaa kaachisuun Adeemsii filannoo Wayyaanee dhaabbatee yeroo amma kana guutummaatti FDG Uummataa fi qeerroo dargaggoota Oromoon jabaatee finiinaa jira. Waraannii wayyaanee AANAA MIDAA QANYII irra qubsiifamee jiruu meeshalee gurguddaa uummata rifaasisuu danda’u dhukaasaa jiraachuu madden QEERROO BILISUMMAA OROMOO Baallammii irraa gabaasan.

QEERROON BILISUMMAA OROMOO uummata isaa kaafatee  dhaadannoo jabaa dhageessisa jira . uummatni gamtaan walta’ee dimookiraasiin hin jiruu, Filannoon hin jiru,gaaffiin mirga abbaa biyyummaa kabajamuu qaba, Referendum, Dimookiraasii barbaadna,   abbaan irree nu hin bulchu, wayyaanee jalatti hin bullu jechuun hiriiraan dhaadannoo dhageesisaa jira. Filannoon Wayyaanees Guutummaatti AANAA MIDAA QANYII irratti dhaabbate jira. Waraabbii sagalee dhaadannoo uummata akka nu qaqqabeen isin qaqqabsifna.

Caamsaa 24/2015 Gabaasa Qeerroo Jimmaa,

Jimmaa

Qeerroon Bilisummaa Oromoo barruulee warraaqsaa belbetuu qabxiiwwaan armaan gadii of irraa qabduu Mooraalee Yuunibarsiitii biyyaatti hundarra facaasuun mootummaa Wayyaanee raafama guddaa keessa galche jira. waraanni wayyaanees bifa lamaan mooraa Yuunibarsiitii seenaa jira, inni tokko uffata sivilii uffachuun, inni lammaffaa immoo hidhannoodhan, barruulee qeerroon facaasaa jiruu adamsuufis lafa waranni kun hin seeniin hin jiru, qabxiiwwaan barruu qeerroo irra jiru muraasni isaa: 1. Dimookiraasiin hin jiru, filannoon hin jiru (No Democracy in Ethiopia and no fair and free election in Ethiopia)
2. Gaaffii mirga abbaa biyyummaa uummata Oromoof deebiin kennamuu qaba.
3. Ilmaan Oromoo jumlaan hidhaman gaaffii tokko malee hiikamuu qabu.
4. Mootummaan Ce’umsaa hundeeffamee, filmaanni demookiraatawaa ta’ee fi haqaa fi bilisa irratti hundaa’ee akka gaggeeffamu jabeessinee gaafatna.
5. Nuti Qeerroon dargaggootni barattootni Oromoo bilisummaa fi dimookiraasii barbaadna, hanga Oromoon bilisoomuu fi Oromiyaan Walaboomtutti FDG jabaatee itti fufa.
6. Waranni nagaa biyyaa,fi daangaa biyyaa eeguuf ijaarame malee dhaaba siyaasaa tokkitti EPRDF/TPLF eeguuf hundeeffame diigamuu qaba.
7. Humni waraanaa Mooraa Yuunibarsiitii seenee barattoota gooluun yakka. waraannii uummata keenya irra qubsiifame kaafamuu qaba, barruun jedhuu mooraalee dhaabbilee barnootatti raamsuun wal qabatee wayyaaneen lafa seentuu dhabuun humna waraanaa guddaa mooraalee Yuunibarsiitiitti ol seensisuuf dirqamtee jiraachuun gabaafame.. gabaasaan itti fufa!!

img101861

img101361