Gabaasa Qeerroo Finfinnee Adoolessa 08,2013

Adoolleessaa 8,2013 Sirnii EPRDF fi TPLF Saamichaa qabeenyaa fi qoodinsaa aangootiin Oromoo moggaattii baasuun angoo maleessaa taasisee biyyaatti akka fedhiiisanitti aangoo waliif qooduun umrii bittaa abbaa irrummaa dheereeffachuuf kutaatee kan ka’ee ta’uu torbeewwaa darban kanaa keessaa ifatti beeksifatee jira.

Sirni Wayyaanee TPLF fi EPRDF akkumaa duraan meeshaa micraphone
godhatee dhaaba jalee isaa kan taatee fi kan maqaa uummataa Oromoon daldaluun bu’aa uummataa Oromoo gama dinagdee, Siyaasaa, fi hawaasummaa dabarsitee gurguruun Oromoon akka cabee garbummaa jala turuu gochaa jirtuun yeroo irraa gara yerootti mirga sabaa mitii mirgaa dhaabaa ishee OPDO’ illee kabachiisuun hafee yeroo TPLF fi EPRDF aangoo waliif qooduu afaan cuqqallatanii taa’anii ilaaluu qofa akka furmaatatti fudhachuun OPDO’n jarmiyaa Siyaasaa dadhabduu, Ummataa Oromoo kan bakkaa hin buunee fi dantaa saba Oromoof kan hin dhaabbanne  akkasumas mayibaasii  EPRDF fi TPLF ta’uu isaanii ifaan ifatti mirkaneessee jira.

Wayyaaneen sammichaa qabeenyaa Oromiyaa cimsachuuf magaalaawwaan Nannawwaa Finfinneetti argamaan kanneen akkaa Sandaafaa Bakkee, Lagaa Xaafoo Lagaa Daadhii, Duukaam, Galaan, Sabbataa, Burraayyuu, Holotaa, fi Suulultaa bulchiinsaa Magaalaa Finfinnee jala galchuuf seeraa mataa ofii itti tolfachuun bulchiinsaa Federaalaa jala galchuun qabeenyaa Magaalotaa kana irraa argamuu sammaachuuf qophii dursaa xummuruun kan itti deemaa jirtuu ta’uun mirkaneeffaame jira. hallii kun uummataa Oromoo magaalaawwaan kanneen keessaa jiraan akka malee arsuun gaffii caaluutti seensisaa jiraachuun gabaafamee jira,
Ammaa gaffiin guddaan sammuu dargaggotaa, Barsiisota, Baratootaa, hojjetootaa, poolisotaa, dafqaan bultotaa, qonnaan bultootaa fi uummata Oromoo cufaa Oromummaan isaatti dhagaa’amuu keessaatti kanneen caalaatti uummamaa jiru:
1. Ummaannii Oromoo Aangoo biyyaattii EPRDF fi TPLF dabaree waliif qoodaa jiraan keessaa maliif moggeeffaame?, mee akka Oromiyaatti Ministeerotaa meeqatu uummataa Oromoo miliyoonaa 40’ol bakkaa bu’ee
jiraa?
2. Magaalaan Guddoo Oromiyaa kami? Mootummaan Federaalaa Wayyaanotaa Magaalaa Finfinneef maqaa beekamtii dhorkatee Addis Abaabaa jechuun maqaa Finfinnee jedhamuu golgee jiraataa? maqaan Finfinnee jedhuu fi
Addis Abaabaa jedhuu hiikaa walii waan hin taaneef kun atattamaan Maqaan Addis Abaabaa jedhuu hafee Finfinneettii soroorfamuu qaba gaffii jedhuu sammuu keessaa nu bulchee jira. .
3. Wayyaaneen Seeraa ishee keessaatti Magaalaan Finfinnee teessoon Oromiyaa keessaatti waan argamtuu fi dachee Oromiyaa irratti waan argamtuuf Uummaannii Oromoo Magaalaa Finfinnee irraa faayidaa Addaa( special Interest) argachuu qabaa jedha. Faayidaa Aaddaa (Special Interest) jechuun maal maalfaa of keessaa qaba? wantii lafaa kaa’amee jiraa? moo gowwomsaadhaaf jedhamee? faayidaa hanga ammaa Oromoon gama qooddannaa aangoo bulchiinsaa, dinaagdee fi siyaasaa Oromoon Finfinnee irraa argachaa jiruu ni jiraa? gaaffiiwwaan jedhaan sammuu uummataa keessaatti uummamee uummaannii dammaqee jira.

4. Magaalotaa Nannoo Finfinnee isaa Wayyaaneen bulchiinsaa Ofii jalaa galchuuf seeraa irraatti tolfachaa jirtuu irraatti uummaannii Oromoo yeroon itti dammaqee mormii cimaan duraa dhaabbaachuuf qophaa’aa ta’uu ibsachaa jira.

5. Guuttuummaattii Ummaannii Oromoo magaalaa Finfinnee fi magaalotaa nannaawwaa Finfinnee keessaa jiraachaa jiraan bittaa sirnaa garbummaa ija baasaa dhufee fi bulchiinsaa fakkeessituu kan ofiif iyyuu angoo hin qabnee jalee Wayyaanee OPDO’f hin bitamnu yeroon Ummatni Oromoo waliitti dirmannuu fi gamtaan abbotii irree TPLF fi EPRDF irraatti qabsoo FDG gaggeesinuu amma jechuun dhaamsaa dabarfata.

KORRI GAMTAA MISEENSOTA ABO KUTAALEE  AMERIKAA FI KANAADAA ADOOLESSA 04- 05, 2013 TI MAGAALAALEE LAKKUU  MINISOOTAATTI  KEESSATTI GEGGEEFAMAA TURE  MILKIII FI INJIFANNOON XUMURAME.

Nuti miseensotni ABO kutaa Kanaadaa fi Amerikaa  walitti dhufnee kora gamtaa  bakka tokkotti geggeeffanne  kora kana irratti ibsa hoggana  ABO irraa  haala yeroo dhimmoota QBO, haala jaarmiyaa fi siyaasaa ,haala sochii WBO, haala sochii Qeerroo biyya keessaa fi haala yeroo ammaa QBO keessa jiru akkasumas dhimmoota hawaasa keenya biyya keessatti diinaan iraarfamaa jiru irratti ibsi bala`aa fi ifaa ta`e  hogganoota keenyarraa  nuuf kenname irratti hundoofnee  gaaffii fi deebii erga  geggeeffanneen  duuba  haalaa fi akkaataa  gara fuula duraatti Qabsoo hidhannoo jabeessinee itti fufuu qabnuu fi  WBO jabeessuuf I  cimsuu, Dhaaba keenya ABO  fi jaarmiyaa keenya biyya keessaa fi alaan  jabeessuu fi  ijaaruu irratti  marii bal`aa geggeeffachuun Korri  gamtaa ibsa ejjennoo   armaan gadii  baafachuun milkii fi injifannoon xumuranne:

1. Sirna bittaa mootummaa Itoophiyaa/wayyaanee   ofirraa kaasuuf   filmaanni tokkichaan jiru Qabsoo hidhannoo cimsinee itti fufuu ta`uu  korri kun sagalee tokkoon murteeffanne.
2. WBO bifaa fi sadarkaan  ijaarree  cimiisuun  murteessaa fi fardii ta`uu isaa  korri kun erga mariyateen  booda waan barbaachisu hundaan  bira dhaabbachuun hanga QBO  ABO durfamtu bilisummaan fiixa baatutti waan  dandeenyu maraan  bira ni dhaabbanna.
3.  Jaarmiyaa keenya jabeessuu fi cimsuuf  sadarkaa QBO amma irra  jiru irraa gara fuula duraatti tarkaanfachiisuuf murannoo fi kutannoon  hojjechuun qabsoo fiixaan baasuuf murteeffanneerra.
4.  Sochii qeerroon Oromoo biyya keessatti geggeessaa jiru dinqisiifataa barattootni, Barsiisotni, Qotee bulaan, Daldalaan, hojjetaan  Oromoo , Hayyootnii fi beektotni, Shammaranii fi Dargaggoon  Oromoo Sirna  gabroofataa Mootumma wayyaanee ofirraa  fonqolchitee Biyya keerratti abbaa  biyyummaa  keetii mirkaneeffachuuf gamtaa fi gurmuun kaatee QBO tti akka dirmattuu fi Sochii Qeeroo  waliin akka  hiriirtu waamchi lammummaa isiniif dhaamna.
5.  Ilmaan Oromoo kanneen Mootummaa Gabroofataa waliin  hojjetaa jjrtan, Humna Poolisaa, Humna waraanaa fi hojii addaa addaa keessa  hojjetaa jirtan, Haalli yeroo ammaa  mootummaan Itiyoophiyaa/Wayyaanee  unmmata Oromoorratti  hidhaa fi ajjeechaa  daangaa hin qabne  geggeessaa jiru kan  saba keenya Hundeen dhabamsiisuuf  saganteeffatee  hoijjetaa  jiru ta`uu hubattanii QBOtti makamuun ga`ee   keessan akka baatan dhaamsa lammummaa fi Oromummaa isiniif dabarisna.
6.  Shira Mootummaan wayyaanee ummata Oromoo fi  saboota qubsumaan ollaa Oromiyaa   jiran walitti buusuun  tasgabbiin akka  hin  uumamne godhaa jirtu itti dammaqxani  wal dhabbii  fedhe kamiyyuu akkuma aadaatti sirna  ilaa fi ilaameen akka  hiikamuu fi ollummaa gaarii fi nagaan akka waliin  jiraattan  jabeessinee isiniif dhaamna.
7.  Dhumaatii Ilmaan Oromoo Godina baha Oromiyaa  naannoolee adda addaa qubatani jiran irratti duula shanyii duguuggii  humna addaa mootummaan Wayyaanee  bobbaaseen raawwatamaa jiru  jabeesinee   balaaleffanna. Llubbuu ummata keenya galaafatamee fi qabeenyaa saamame  maraaf  kan  itti gaafatamuu fi yakkamu mootummaa Itoophiyaa/wayyaanee ta`uu isaa  jabeesinee hubachiisna.
8.  Maqaa Investment  fi gurgurtaa  lafaa/dachiitiin  Qotee bulaa Oromoo  qa’ee isaarraa  buqqisuun akka hatattamaan dhaabbatu Jabeessinee  gaafanna.
9. Ilmaan Oromoo kanneen gidiraa mootummaa Wayyaanee dheessuun biyyoota adda addaatti baqatanii  jiran irratti roorroo raawwatamaa jiru ni balaaleffanna. Mootummoon itti baqataniis akka mirga baqattummaa isaanii kabajan gaafanna.
10. Gochaa diinummaa  Mootummaan Itiiyoophiyaa/wayyaanee  ummata Oromoo irratti  gaggeessaa   jirtu  sadarkaa  duguuggii shanyiitti kan  tilmaamamu jannee waan amannuuf  Mootummootaa fi  hawaasni addunyaa  falmaa ummatni  keenya  mirga isaatiif geggeessaa jiran bira akka dhaabbattan sagalee tokkoon waamicha goona.
11. Biyyootni fi sabootni  ollaa Oromiyaa martinu Sabni Oromoo saba nagaa barbaadu fi mirga namuu kan hin tuxyne tahuu hubatanii, akka qabsoo/sochii mootummaa nama nyaataa kana irratti gochaa jiru bira dhaabbatan waamicha goona.

Gadaan Gadaa Bilisummaati!

Injifannoo Ummata Oromoof!

Kora Gamtaa  Miseensota ABO Kutaa Kanaadaa fi Amerikaa.

Adoolessa 2013.