Raadiyoo Simbirtuu Adoolessa 26,2012

Oromo – Seife Nebelbal Radio Program, July 27, 2012

Declaration

The Peoples’ Alliance for freedom and Democracy

(OLF, ONLF, SLF and some candidates of AFD)

The aforementioned peoples’ alliances of Ogaden Somalis, Oromo, Sidama and the new candidates of AFD:

After deliberating on the current situation in Ethiopia and carefully observing the level of struggle against the current regime and the apparent confusion created by the sudden disappearance of Meles Zenawi, the “strong man” ruling Ethiopia for the past twenty one years;

Being apprehensive of the current regimes attempts to delude the peoples in Ethiopia regarding Zenawi’s fate and their attempt to maintain the status quo in order to continue their ruthless suppression of all peoples in Ethiopia;  Read More :Ibsa AFD 25 07 2012

“Tolaan Dhabnaan Gaaffii Irreen Mirkanfanna”

Adooleessa 27,2012 Mi’eessoo

Harargee Bahaa, Ona Mi’eessoo keessatti shakkii maqaa ABOtiin barattootni hidhamanii akka jiran gabaasa qeerroo yeroo darbee keessatti gabaafamee jira.Haalli kun ummata naannoo fi maatii baratoota kanaa kan yaaddessee fi biyya dhalatanii jiraatan irratti ilmaan isaanii akka loonii qabamanii hidhamuun kan isaan aarse ummanni barattootaa maatii ijoollee hidhamanii waliin wal qindeessuun Adoolessa 25,2012  barattooti hidhaman hatattamaan akka gadhiifamanii maatii isaaniiti deebi’aniif jecha fincila kaasaniin uummataa fi hidhattoota wayyaanee gidduutti walitti bu’iinsa uumuudhaan lukkuulee Wayyaanee keessaa namni sadii harka uummataan reebamee hojiin ala ta’ee mana yaalaa magaalaa Mi’eessoo akka galan gabaasaan addeessa. Lukkuuleen diinaa irree ummataan adabaman kunis :

1.Abbichuu Daagim

2.Waasihuun Mengeshaa

3.Ifreem Zawuduu

Haalli kun jabaatee waan itti fufee uummannis diddaa jabeessuun gaaffii barattooti kun akka gadhiifamanii waan kaaseef Adoolessa 25/2012 galgala keessaa naannoo sa’a 12:00 AM irratti barattooti kun akka gadi dhiifaman ta’ee jira. Diddaan ummaataa kun roorroo if irraa ittisuu waan ta’eef guutuu Oromiyaa keessatti bifa kana fakkaateen akka deemu qeerroon dhaamsa waliif dabarsee jira.

Adoolessa 27,2012 Naqamte

Adooleesaa 24,2012 Godina Wallaaggaa Bahaa Onaa Haroo Limmuutti tarkaanfiin maayyii jabaatee itti fufe.

Onaa Haroo Limmuu bakka Darbaa jedhamee beekamu dangaa Gimbii(Haaroo Limmuu Fi Lixaa Wallaaggaa Gimbii)gidduutti waraanaa Wayyaanee Humna Addaa WBO sakkata’uuf bobbaa’ee, gara Gimbiitti cee’uuf naannoo laga dhidheessaa yeroo gahanii lagicha ce’uuf sodaachuun bakka Darbaa jedhamu qubatanii utuu jirani Humni Addaa Tarkaanfii haleellaa irraatti fudhatee waranaa Wayyaanee shan hojiin alaa taasisee jiraachuu gabaasi nu gahe addeessa.

Hanganumaan kan baarage waraannii Wayyaanee dhukaasaa of irraatti banee sagalee meeshaa gurguddaa kan akka Materayesii reebaa turuun saawwaan qonnaan bultootaa nannoo sanaa Afur(4) ajjeesan,kanuma waliin basaasa waraanaa Wayyaanee kan ta’ee miseensii OPDO tokko namni maqaan “Taakkalaa Amantee jedhamuu warannii lagatti rukutamee namnii du’ee jiraa jedhee utuu Haroo Limmuu irraa gara Poolisotaa Gimbiitti bilbiluu”gareen Humna Addaa Haroo limmuu keessaa jiruu siin immoo maltuu sii galchee jechuun akka malee reebani caccabsanii akka jiran qeerroon gabaasa.

Haaluma kanaan yeroo ammaa Gimbii fi Haroo limmuu gidduu Humnaa Addaa Sakkata’uuf jedha olii fi gadi kan raafamaa jirtu humni waraana Wayyaanee abdii kutachuun garatti goran dhabanii jiran.Poolisoonni naannoo sochii waraan Wayyaanee kana irraa mormii fi mufii waan qabaniif haamleen mootummichaaf hojjechuu irraa dhaabbachaa kan jiruu fi gara diddaa ummataattis makamaa akka jiran gabaasichi addeessa.

Adoolessa 25,2012 Amuruu
Godina Horroo Guduruu Wallagaa Onaa Hammuruuttii polisonni qajeelfamaa karaa hoggaantotaa isaanii mootummaa Wayyaanee irraa isaan dhaqabe mormuun fincilaa diddaa garbummaa egalaan.
Adoolessaa 23,2012 poolisoota Onaa Ammuuruuf walgahiin taasifame irratti poolisoonnii fi bulchitoonni naannichaa dirqama karaa mootummaa itti kenname ifatti bahaa akka hin jirree fi kan mootummaan itti kennu waan akka ummata nagaa yakkanii hidhuu irratti waan hin bobbaaneef jecha ceephoon irratti bu’eef poolisoonni aanicha guutummaatti ceephoo karaa aangawoota mootummaa isaan irratti bu’e akka hin fudhanne ibsan.
Aangawoonni mootummaa gara magaala Amuruu deemuun qeeqa ykn ceephoo Poolisoota naannoo irratti dhiheessaniif yeroo poolisoonni naannichaa deebii kennan
• Nuti hojiin keenya poolisii dha, hojiin poolisaa ammoo yakkaa uummataa irraa ittiisuu dhaa, isiin garuu Ummataa keessaa humna addaatu jiraa dhaqaa sakkatta’aa jettaanii ummataa nu jeeqsisaa jirtuu, humni addaa WBO yoo naannicha jiraate sadarkaa duraatti humna ittis biyyaatu ittisa godha malee nuti poolisoonni hojii keenya miti.
• Karaa biraa ummanni osoo takkaa hin iyyatiin humna addaatu naannoo kanaa ummata goolaa jira jettu,garuu ummanni naannichaa takka dhufee waan kana poolisatti hin himanne isin maal irraa kaatanii ummanni goolamuu argitan?
• Nuti poolisoonni ummata keessa deemnee ummata hin jeeqnu,yoo ummanni ani rakkadhe na dhaqabaa jedhee iyyate ummata gargaarra malee callifnee goolii uumuun namoota nagaa hiraarsuuf hin eeyyamnu.
• Ummanni humni addaa nu rakkisaa jira hin jenne,mootummaan maaliif rakkatee waan ummanni hin iyyatiin bakka biraa irraa dhufee naannicha jeeqaa?
Fi kkf jechuun sagalee mormii guddaa dhageessisaa akka turanii fi diddaa kanaan akka itti fufan erga himatanii booda galma walgahichaa gutummaatti dhiitanii bahanii jiru.
Haala kanatti kan rifate mootummaan Wayyaanee Adooleessa 24,2012 waraanaa isaa mooraa leenjii waraanaa Buree irraa konkolaataa Oraalii 3 itti fe’ee ona Kiiramuu irra Qubachiisee akka jiru gabaasi naannicha irraa nu gahe addeessa. Umanni naannichaas eda galgala qubachuu waraana Wayyaanee kanaa mormuun iyyannaa isaa gadoota naannichaatti dabarfachaa akka jiran beekame.

Adoolessa 25,2012 Muggii
Gabaasaan Qellem, Ona Anfilloo irraa addeessuun har’a,Adoollessa 23/2012 hojjetoonni OPDO namni 12 hojii irraa akka ari’aman Qeerroon naannicha irraa gabaaseee jira. Kunis diddaa baatii tokkoo oliif osoo wal irraa hin citiin ona Anfilloo keessatti qabateen hamma har’aatti itti fufuudhaan humni waraanaa fi dabballooti Wayyaanee dhaamsuu waan hin dandeenyeef jecha. Hogganoonni Wayyaanee ol aanoon naannoo sanatti bobba’anii bulchitoota naannichaa isin sochii ummataa fi addatti Qeerroon taasisu keessaa harka qabdu,ABOn ijaaramtanii jirtu jechuun yakkamanii namoonni 12 Adooleessa 23,2012 hojii isaanii irraa ari’amanii jiru. Kanneen kunis:-
1. Ogeessa Fayyaa; Abarraa Waaqjiraa
2.Ogeessa fayyaa; Ayyaanaa Sanbatoo
3.Barsiisaa Marabbaa Foggii
4.Hojjetaa dirree misoomaa ganda gargeedaa, Abdii Furgaasaa
5.Bulchiinsa ganda Yattii, Solomoon Jaallataa
6.Bulchiinsaa fi Faayinaansii aanaa Anfilloo, Masqaloo Higguu
7.Barsiistuu M/B sadarkaa 2ffaa Muggii; Caaltuu Tufaa
8.Itti Aanaa Bulchiinsa aanaa Anfilloo, Suphaa Naga’oo
9.Barsiisaa M/B qophaayina Ashii; Nugusee Hirphaa
10.Barreessaa Ganda Yattii, Phaawuloos Irkaasaa
11.Barsiisaa M/B sadarkaa1ffaa Yattii, Kennasaa Lammeessaa
12.Ittisa ganda Yattii, Roobaa Tulluu
Kanneen jedhaman ABOn shakkamanii ari’amuu Qeerroon magaalaa Muggii irraa gabaasa guutuun addeessa. Warreen hojii irraa ari’aman kunis akka jedhanitti osoo Wayyaaneen nu hin ari’iin duratti ofii keenyaatii hojii sirna bittaa kanaa dhiisuuf akka murteeffannee jirra ifaa waan ta’eef haala kanatti ni gammadna malee homaa gadda adda hin qabne ifaa dha jedhu. Ummanni naanichaas warra hojii irraa ari’aman kana waan qabnuun gargaarrii waliin qoodachaa jireenyaa keenya itti fufuun haalli gochaa wayyaanee kun ammo akka nurraa dhaabbatuuf qabsoo fuula duratti nu eeggatuuf karaa fi aanjaa guddaa nuu bana kan jedhu yaada dhiheeffatanii jiru.
Qabsoon Itti fufa! Gabrummaan ni kufa!

Adooleessa 25,2012 Fantaalle.
Gabaasaa godina Baha Shawaa,Ona Fantaallee keessaatti gaafa Adoollessa 23,2012 ummanni diddaa isaa muldhisuun gabaafame. Hojii dabballoota Wayyaanee fi bulchitoota naannoo mormuu fi diddaa isaa muldhisuuf jecha wayita ummanni walitti bahee wallee warraaqsaa fi kan gootota Oromoo faarsu yennaa faarsaa turetti alaabaan ABO ammo konkolaataa hin beekamiin tokko irratti fannifamuun konkolaatichi ona sana keessa balaliisaa qaxxaamuruudhaan barreeffama “BILISUMMAAN SABA OROMOO FI OROMIYAAF!!” jedhu bifa alaabaatiin barreessanii konkolaataa kana irratti kallattii hundaan irratti maxxansuun magaalaa fi qaxxaamura baadiyyaa keessaa asii fi achi yeroo deddee’ibaa turuu qeerroon gabaasa
Haalli kun guyyuma kana hamma galgalaatti itti fufee ummanni rorroo irra jiru muldhifachuuf jecha sirboota warraaqsaan yeroo naannicha dhuufamtu lukkuulee Wayyaanee afaan qabachiisanii akka jiran gabaasaan addeessa.
Kana malees humni poolisa Wayyaanee nama alabaa ABO konkolaataa irratti hidhee olii fi gadi balaliisaa ture kun sabboonaa Obbo Lammii Surruuqaa nama jedhamu dha jechuun shakkanii bakka inni jirutti qabsoof barbaacha irratti yeroo argaman maatii isaas mana itti cabsanii seenuun dararaa yeroo irraan gahan ,uummanni Oromoo magaalichaa nama kana yoo qabdu taatan nutis nama kanaa fi maatii isaa waliin jirra, isin biraa hafaa hin jirru amma hatattamaan dafaatii magalaa kana gadi nuuf dhiisaa jechuun hidhattooni Wayyaanee sabboonaa Oromoo kana qabuudhaaf naannicha deeman akka magalaalicha gadi dhiisanii bahan taasisanii jiru. Haala kanaan ummanni gootummaa qabsoon lammii Oromoo harka lukkee diinaa irraa buufatee nagaan naannoo isaa keessatti jiraachuuf murannoo muldhisuu gabaasi naannicha irraa nu gahe addeessa.

Adoolessa 24,2012 Ona Mi’eessoo
Gabaasaan Adoolessa 23/2012 godina Harargee Bahaa,Ona Mi’eessoo irraa nu gaheen barattootni maqaan isaanii armaan gaditti jiran guyyaa har’aa aanaa san irraa ABO waliin quunnamtii qabdu jedhanii lukkuulee Wayyaaneetiin qabamanii mana hidhaa hin beekamneetti geeffamuun beekame. Armaan gaditti gabaasaan jiru sadarkaa barnoota Qeerroolee hidhamanii waliin addeessa.

1. Galataa Nagaasaa , Yuuniversity Adaamaa
2. Hawwaa Jamaal , Yuuniversity Hawaasaa
3. Adunyaa Waaqoo , M/B Qophaayinaa
4. Mohaammad Aman , Kutaa 11ffaa
5. Kamala Yusuuf , Yuuniversity Amboo

Kanneen jedhaman kun karaa basaastota wayyaanee OPDOtiin maqaan isaanii kanan dura kennamee jiruun akkuma isaan mana barumsaa irraa galaniin maatii isaanii biraa kaleessaa fi har’a qabamuu isaanii Qeerroon aana sanii gabaasee jira. Mootummaan Wayyaanee yeroo itti dhiyee jiru kanatti barattootni keenya mana hidhaa seenuu jedhuun waan nama aja’ibsaati waan ta’eef diddaa keenya jabeessinee cimsuun yeroo bilisummaa fi walabummaa as kaleessuun dirqama seenaati jechuun isaanii qeerroon gabaasa.
Qabsoon itti fufa!!
Gabrummaan ni kufa!!

Adoolessa 24,2012 Gabaasa Qeerroo Buree

Gabaasaa Godina Iluu Abbaa Booraa,Ona Buree irraa nu dhaqabe akka addeessutti kaabinootiin OPDO sirana Wayyaaneef hojjetan 3 ifii isaaniin dalagaa sirnichaa gadhiisuun ummata cunqurfamaa Oromootti makamuu isaanii beeksisan.
Sirna mootummaa Wayyaaneef bitamuun ummata ifiitti cubbuu fi yakka hiriyyaa hin qabne hojjechuu waan ta’eef fedha keenyaan muudama hojii sirna kana dhiifnee akka ummati keenya ta’etti jiraachuu murteessine jedhu kabinootiin kun. Yeroo dheeraaf sochii warraaqsaa naannicha keessatti deemaa ture irratti keessaa qooda qabdu jedhamanii humnoota tikaa Wayyaanee gurguddaan yeroo adda addaatti kanneen qoratamaa turan kaabinoonni ummata keessa ta’anii ummata isaanii keessatti qormaati nurratti raawwachuu irra hojii Wayyaanee dhiifnee gaaffii mirgaa keenya ummata Oromoo waliin kaasuun karaa dha jedhanii jiru.
Gabaasaan nu gahe akka addeessutti Kaabinoonni OPDO Ona Buree irraa sirnichaaf hojjechuun nu gahe jedhanii Adoolessa 23,2012 hojii isaanii dhiisan kun:-
1. Teessoo Urgeessaa itti aanaa bulchiinsa aanichaa kan ta’ee
2. Baqqalee Tolaa itti gaafatamaa waajjira qusannoo aanichaa fi
3. Faantaa Simoon itti gaafatamaa waajjira OPDO
Kanneen jedhamani yeroo ta’u uummanni naannichaa akka ibsanitti erga isin warri kaabinee sirnichaa taatanii mootummicha dhiiftanii ummata keessanitti dabalamtanii barataa,daldalaa,qotatee bulaa,hojjetaan hundi harka wal qabannee tokkummaan bilisummaa keenyaaf haaqabsoofnu jechuun gammachuu isaanii ibsataa akka jiran Qeerroon naannicha irraa gabaasa.
Kana malees barruun warraaqsaa qeerroon facaasu magaalicha keessaa fi manneen sagadaa adda addaa keessatti Adoolessa 23,2012 baldhinaan faca’e, shofeeronnii fi barattooti waraqaa Qeerroo kana bakkoota ummanni heddumminaan jiranitti yeroo bittimsan ummanni gammachuun akka fudhataa ture gabaasi kun dabalee addeessa.
Qabsoon itti fufa! Bilisummaan ni dhufa!