Gabasaasa Qeerroo Adoolessa 4,2012

Adoolessa 3,2012 Maadheeleen Qeerroo “Isituu Barii”n yaamamtu naannoo Shashammannee fi Godina arsii bakka gara garaa keessaa walitti dhufuun walgaii gaggeefatan, haala qabsoo bilisummaa Oromoo fiixa baasuu fi FDG guutuu Oromiyaa keessatti qabsiisuu,akkasumas sochii dargaggoota biyyoolessaa ykn Qeerroo jabeessuu galmaan gahuu irratti ummata Oromoo mara waliin harka wal qabachuun akkaataatti sosso’uu dandayan irratti tarsiimoo fi karoora lama kaayyataniin beeksianii jiru. Gootowaan Qeeroo kun walgahii guyyaa tokkoof godhatan kana booda ibsoota ejjeennoo isaanii ibsu armaa gadii baafatan

ü Kutannoon  keenya inni duraa dhaaba ABO akka qaroo ijaatti tiksuu fi akeeka isaa bakkaan gahuu akkasumas ummanni keenya waliin hiriiruudhaan mootummaa abbaa hirree nurratti goobaa jiru of irraa fonqolchuudha;

ü Bara baayee gadi jennee ormaaf bitamnee turre, bittaa badiisa lubbuun wal qabate kana jalaa ofiis baanee lammii keenya basuudha;

ü Dhaaba waliin hiriiree abbootii qabeenyaa sochii warraaqsaa kana deggeruudhaan qabeenya isaa gumaacha godhee dhaaba harka qabu horachuudhaan/qabsootti ceesisuun qabsoo keenya finiinsuu qabna,

ü Mootummaa ofii isaatii shororkaa’ee uummata keenya maqaa adda addaatiin, shororkeessummadhaan yakkuun mana hidhaatti guuraa jiru,mootummaa yeelloo fi safuu hin beekne,ofii salphatee kan nama salphisaa deemu kana irratti harka wal qabannee ka’uun amantii fi naannoodhaan, lagaa fi saalaan utuu wal hin qoodin qabsoo keenya galmaan gahuu qabna;

ü Lammii keenya bittaa mootummaa Wayyaanee jalaa baasuu dhaadannoo godhannee haa kaanu;

ü ABO jalatti hiriiruun nuuf daandii guddinaa fi argannoo bilisummaa  akka ta’e jiraattota biyyattiitti dhageessifanna;

ü WBO gaachana qabsoo, hirkoo Uummata Oromoo,cina gorree daandii tolchuun fedhaaf hirmaannaa yaadaa fi sammuu guutuu ta’uu isaa murteeffanna;

ü Ejjeennoon keenya maadhee IBSITUU BARII irraa kanaan goolabna,

Injifannoo Uummata Bal’aaf

Qabsoon Itti Fufa!! Garbummaan Ni Kufa!!

Maadhee IBSITUU BARII irraa!!

 Gabaasa Qeerroo Adoolessa 2,2012 

Oromiyaa keessatti tarkaanfiin Ergamtoota mootummaa Wayyaanee fi namoota qabsoo Bilisummaa Oromoo dura dhaabbatanii farra qabsoo ta’aa jiran irratti jabaataa dhufee jira.Godina Wallagga bahaa aanaa Haroo Limmuu mana barumsaa sadarkaa 2ffaa Haroo Limmuu keessatti Kaabineen barnootaa kan tahe Margaa Baayisaa Mokonnon barattoota Oromoo hidha abbayyaaf buusii buusuu qabdu,hin buustan taanaan bara dhufu hin galmooftan jechuun barattoota mana barumsaa keessatti yoommuu cinqu barattootni Oromoo mana barumsaa kanaa buusii uummatni Oromoo buusaa ture bakka deeme iyyuu ni gaafanna jechuun Adoolessa 1,2012 ergamaa Wayyaanee kana reebanii jiran.Mootummaan Wayyaanees reebamuu nama isheen gadduun barattoota Oromoo mana hidhaatti guuruuf oliif gadi fiigaa jiraachuun beekame. FDG haala kanaan jabaatees itti fufee akka jiru gabaasi nu gahe addeessa.

Adoolessa 2,2012 Ona Limmu

Adooleessaa 1,2012 Godina bahaa wallaaggaa Onaa Haroo Limmuutti tarkaanfiin mayyii fudhatame. Nama maqaan Musxafaa Yaasiin jedhamuu Abbaadhaan Oromoo Haadhaan Guraagee irraa Giddaa Ayyaanaatti kan dhalatee fi Godinaa wallaggaa Bahaa Onotaa garagaraa keessaattii Poolisii Ajajaa 50 ta’uu dhaan ilmaan Oromoo daraara kan turee, kessaattuu Onotaa akkaa Limmuu galiilaa fi Haroo limmuu kessaattii yeroo garaagaraattii ilmaan Oromoo dararaa kan ture, namoota innii dararaa ture keessaa Barsiisaa Damisoo Waaqwayyaa barsiisaa M/B Limmuu  Galiilaa sadarkaa 2ffaa kan turee dararama reebichaan irra gahame kana irraan kan ka’ee bara 2012 lubbuun isaa kan darbee fi ilmaan Oromoo Onotaa Wallaaggaa Bahaa keessaa deemuun dararuun kan beekamuu, poolisii Musxafaan yeroo ammaa kanaa Onaa Haroo limmuu Bakkaa Abbaa Mo’aa fi Yaasoo dangaa warraa Gumuuz irraattii ramadamee hojii uummataa basasuu fi sakkata’insaaf Abbaa Mo’aa fi Yaasoo gidduutti hojii diinummaa hojjeechaa utuu jiru, Adoolessaa 1,bara 2012 galgala Tarkaanfii maayyiin irree ummataan  irraatti fudhatameen adabame.

kana malees qabeenyaa Guddaa inni bakka Kamishii jedhamutti waliitti qabatee Suuqiin daldalaa isaa kan magaalaa Kamishii Onaa Yaasoo keessaatti argamu Gutumaatti Ibidaan Barbaadaa;ee, ummanni Oromoo roorroo jibbee ergamtoota diinaa irratti tarkaanfii laalessaa akkasii fudhataa jiru dhaamsa dabarsan keessatti  yaa ilmaan Oromoo diinaa jala fiigdani sabaa hin nyaatiinaa. Warrii lukkee diinaa ta’uun diinaa jala kaachuun uummataa dararaa jirtan yeroo gababaa keessatti gochaa diinummaa irraa of hin dhaabdaan yoo ta’ee tarkanfiin maayyii walfakkataan kan isiin eeggatuu ta’u akeekna jedhaniru.

Qabsoon itti fufa! Gabrummaan ni kufa!!

Adoolessa 2,2012 Gabaasa Qeerroo Wallagga

Tarkaanfiin diinaa fi qabeenya diinaa irratti fudhatamu Oromiyaa keessatti daran jabaachaa dhufuun Godina Horroo Guduruu Wallaggaaa aanaa Amuruu magaala Amuruu keessatti jala deemaa mootummaa Wayyaanee yeroo dheeraa,amanamaa mootummaa Wayyaanee yeroo dheeraa kan tahe Poolisii Ajajaa shantamaa(Saajin) Mohaammed Usmaan jedhamu irratti Tarkaanfiin maayii fudhatame.Jala deemaan mootummaa Wayyaanee yeroo dheeraa Fincila diddaa Garbummaa 2006 magaala kana keessatti qabsiifame irratti barattoota oromoo rasaasaan rukkutaa kan turee fi waajjira Poolisii keessatti reebichaan dararaa kan ture dha.Kana malees ilmaan oromoo ragaa sobaan isin Miseensa ABO ti jechuun mana hidhaatti naqaa kan ture amanamaa mootummaa wayyaanee yeroo dheeraa kan tahe irraa ka’uun tarkaanfiin maayii irratti fudhatamee jira.Uummatni magaala Amuruu fi naannoo kanaa tarkaanfii kanaan hedduu kan gammadanii fi sirna awwaalchaa isaas lagatanii jiru.

Wwayyaanee dargaggoota Oromoo naannoo kanaa tarkaanfii kana kan raawwate isini jechuun qabuun dararuu jalqabanii jiran.Dargaggoo Oromoo Biqilaa Warquu ati keessa beekta baasi jechuun qabanii reebichaan dararuu irratti argamu.

Kana malees gaafa  Waxabajjii 28,2012 Godina wallaaggaa Bahaa Onaa Hammuruutti Tarkaanfiin keessaa deebii hin qabne lukkeelee diinaa namaa yeroo dheeraaf ummataa dararaa turee fi bara 2008 FDG baratota Oromoo keessaatti barataa Jireenyaa Raggaasaa Ajjeese poolisii Wayyaanee nama maqaan isaa Ahamed(Waddoo) Usmaan jedhaamuu irraatti tarkaanfiin maayyii fudhatame, poolisiin kun nanno jijiratee shira diinummaa dalagaa kan tureefi yeroo ammaa kanaa Onaa Hammuruuttii deebi’uun gochaa diinummaa dalagaa utuu jiruu tarkanfiin kun irree ummataan irratti fudhatame jira.

Godina kana keessatti uummatni diddaa daran kan jabesse yoommuu tahu mootummaan Wayyaanee miseensota isaa yakkuun maqaa qorannoon rakkisuu jalqabe.

Adoolessa 2, 2012, Mootummaan wayyaanee dhimma amantii keessa seenuun Godina Iluu abbaa Booraa aanaa Mattuu Kamisee fi Tuujjee keessatti namoota hidhuun hiraarsuu irratti argama.Aanaa Mattuu Kamisee keessatti Imaamni masgiida Kamisee Sheik Saaleh jedhaman mootummaa wayyaaneen qabamanii kan miidhaan garaa garaa irra gahaa jiru yoommuu tahu namootni gaaffii mirgaa mootummaan wayyaanee dhimma amantii keessa seenuu hin qabu jedhan mootummaa wayyaaneen ukkaamsamuu dararamuu irratti argamu.Aanaa kana Keessaa namootni hedduun mana hidhaa mootummaa wayyaaneetti kan ukkaamsaman yoommuu tahu Obbo Zeenuu Abdallaa kanneen keessatti argamu.Diddaa jabaan mootummaa wayyaanee uummata irraa kan isa mudatee fi Uummatni wal gahii kan lagate yoommuu tahu mootummaan wayyaanee diddaa kana jala dhaabbachuuf waraanaa fi dabballoota hedduumminaan bobbaasuun uummata jeequu irratti argamti.Mootummaan wayyaanee dhimma amantii keessa seenuun Arsii,Baalee fi Finfinnee keessatti uummata dararaa turuu fi itti jiraachuun isaas ni yaadatama.

Oduu Waxabajjii 29,2012 Asoosaa irraa nu gahe akka addeesstti Mootummaan Wayyaanee lafa uummata biyyattii investerootatti gurguruun uummata biyyattii keessaa hiyyummaaf saaxilaa,mana dhabdee taasisaa kan turee fi har’as itti jiru tahuun isaa beekamaa dha.Uummatni Beenishaangul Gumuz aanaa Maa’oo Koomoo keessatti argaman lafa keenya investerottaaf hin kennitu jechuun mormii jabaa dhageessisaa jiru.Hojjettoota mootummaa Wayyaanee waliin hidhata qabaachuun lafa uummataa qabeenya investerootaa taasisan uummatni itti seenuun arrabsuu fi qaanessuu irratti argama.Mootummaan Wayyaanees wal gahiif uummata walitti qabus uummatni mootummaan kun saamtuu dha,hattuu dha jechuun ifaan dubbataa jira. Godina Matakkal jedhamu keessattis diddaa wal fakkaataan mootummaa wayyaanee mudatee jira.Mootummaan wayyaanee diddaa kana dura dhaabbachuuf waraana dhibbaan lakkaa’aman magaala Asoosaa galchaa jira.
Kana malees Zoonii Oromiyaa keessatti Waxabajjii 27/2012 Hooggantotaa OPDO fi bulchiitonni Onaa Heebantuu fi Haroo limmuu tiin hojii irraa arii’atamuu qofaa mitii ni hidhamtuu qabeenyaan keessaanis mootummaadhaan akka dhaalamuu ta’aa jechuun gareen Wayyanotaan hoggaanamuu kan humni tikaa Wayyanotaa Godinicha kan maqaan isaa ‘Shallaamaa’ kan jedhamuu fi Geetachoo Gammadaa itti gaafatamaa Poolisii Go/Wal/bahaa kan ta’aan humna poolisaa Federaala deeggaramanii yeroo ammaa kanaa rakkoo keessaa lukkeelee sakkataa’uuf bobba’an lukkeelee dorsisaa jiraachuun gabaafame. Haalaa kanaan yeroo ammaa kanaa waldhibdeen cimaan keessaa OPDO fi dabalootaa wayyaanee gidduutti ciimaa jiraachuun gabaafame.

Waxabajjii 30,2012 Finfinnee
Mootummaan Wayyaanee yeroo amma kana shakkii guddaa keessaa seenuun keellaawwaan jiraan irraatti sakkatta’insaa cimsee jira, sakkata’insa kanaas hangaa waraqaa illee gadi fageessaanii dubbisuun sakkata’insa gochaa jirtii, kanaafuu sabboontotaa Oromoo University irraa gara matii deemaa jiran of eegganoo cimaa akka godhan hubaachiisuun barbaachiisadha, kaleessaa galgalaa kutaa magaalaa Finfinnee naannoo Magananyaatti halkaan keessaa sa’aa sadii irraatti poolisonni Federaalaa wayyaanee dhukaasaa wal irraa hin cinee walakka sa’atiif taasisuun gabaafame, polisonni sirnichaaf moootummaan garbofataa of sodaatee dadammaqaa jiraachuun ibsamera.
Motummaan garboofattuu Wayyaannee kun karaa dandiiwwaan gurguddaa gara Magaalaa Gudditii Oromiyaa Finfinneettii seensisuu keellaawwaan jiran iraattii sakkatta’insaa cimaa taasisaa kan jiru keessaa kellaawwaan kunis Daandii guddichaa Jimmaa gara Finfinnee geessuu, Adaamaa garaa Finfinnee geessuu, fi daandii guddaa karaa Kaabaa gara Walloo Finfinnee geessuu irraatti sakkata’insii kun daran haamatee jirachuu keessaa beektonnii saxilaniru,

Waxabajjii 30,2012 ,Godina Wallagga bahaa aanaa Sibuu siree keessatti mootummaan wayyaanee barattoota oromoo isin Miseensota ABOti,qeerroo keessatti ijaaramtanii uummata ijaaraa jirtu jechuun yakkee mana hidhaa mootummaa wayyaanee Sibuu siree keessatti dararaa jira.Barattootni
1. Gammachuu Gonfaa fi
2. Soorumaa Baqqalaa
jedhaman mootummaa wayyaaneen maqaa ABOn yakkamanii kanneen mana hidhaa keessatti dararamaa jirani dha.Mootummaan wayyaanee barattootaa fi barsiisota naannoo kanaa maqaa ABOn funaanee mana hidhaatti naqaa kan jiruu fi dargaggootni naannoo kanaa fi barsiisotni dararaa mootummaa wayyaanee jalaa miliquuf dirqamanii jiran.

Waxabajjii 28,2012 Jimma

Waxabajjii 24,2012 Guyyaa eebba Barattootaa Yuunivarsiitii Jimmaa irratti barattootni oromoo wallee gootummaa fi qeerroo faarsan dhageessisan.Guyyaa kana guyyaa sabootni garaa garaa yuunivarsiitii kana sababa eebbaaf seenanii fi sabboontotni oromoo Oromiyaa keessaa dhaqanitti Qeerroon Oromoo guyyaa kana galgala keessaa kaasee wallee garaa garaa dhageessisanii jiran.Walleewwan gargar hin baanu,Oromoon leencuma duruu fi kanneen biro kan dhageessisan yoommuu tahu uummatni eebbaaf naannoo kana dhufe waliin dhiichisaa turee jira.Guyyaan kun barattoota oromoo FBE,Health fi Natural sciencen kan itti eebbifaman yoommuu tahu mootummaan wayyaanee walleewwan kana dhaabuu dadhabuun dhaabbatanii ilaaluuf dirqamanii jiru.Barattootni Oromoo Yuunivarsiitii kanaa yeroodhaa yerootti sirboota gootummaa sirbuunii fi fiilmiiwwan afaan oromoo mootummaa garboomfataan dhorkaman dirqamaan galchuun diddaa garaa garaa yeroodhaa yerootti gaggeessaa turuun isaaniis ni yaadatama.