Gurraandhala 03,2013 Jimmaa

Gaaffii mirgaa barattootni mooraa Yuunivarsiitii Jia darbe keessa dhaabbatan mootummaan Wayyaanee doorsisaa fi waraanaan dura dhaabbachaa turuun isaa ni yaadatama.Yeroo ammaa kanas mootummaan wayyaanee gaaffii mirgaa barattoota irraa mudachaa jiru dura dhaabbachuuf barattoota mooraa kanaa isintu qindeessa,gaaffii akka gaafatab barattoota kan kakaasu isini jechuun barattoota sadii waggaa tokkoof barnoota irraa yoommuu ariiu barattoota 4 tti ammo akeekkachiisa dhumaa dabarsee jira.Mootummaan wayyaanee yeroodhaa gara yerootti barattoota ariiuu fi hidhuu kan jabeessaa dhufe yoommuu tahu barattoota kanneen ariiuu fi akeekkachiisuun gaaffii mirgaa hin dhaabu jechuun qeerroon yuunivarsiitii Jimmaa ibsee jira.Barattootni ariiaman barattota eebbifamtoota yoommuu tahan isaanis

Yoommuu tahan mootummaan wayyaanee gaaffii mirgaa hidhaa fi barnootaan dura dhaabbachuuf akeekkatus yeroodhaa gara yerootti gaaffiin mirgaa mootummaa wayyaanee cinqaa jiraachuun isaa beekamaa dha.Jala deemtotni mootummaa wayyaanee harka mirgaa mootummaa wayyaanee tahuun sabboontota dabarsitanii diinaaf kennaa jirtanis akka of qusattan qeerroon dhaamsa jabaa dabarsa.

Gurraandhala 1,2013 Finfinnee

Mootummaa Wayyaanee aangoo irraa darbuuf tokkummaan sabaa fi sablammii biyyattii keessaa murteessaa dha.Diina waloo waliin loluu irratti kan xiyyeeffate Qeerroo fi dargaggootni sidaamaa dhaadannoolee garaa garaa magaala Hawaasaa fi aanolee Godina Sidaamaa garaa garaa keessatti maxxansuun isaa ni yaadatama.Mootummaan wayyaanees gocha kanaan kan baarage ilmaan oromoo fi sidaamaa mana hidhaatti guuraa turuun isaa ni yaadatama.Haala kanaanis Godina Sidaamaa aanaa Harbegoonaa keessaa namoota Jumlaan mana hidhaatti guuraa kan ture yoommuu tahu yeroo ammaa kanas murtii dabaa murteessee jira.Ilmaan oromoo fi Sidaamaa yeroo ammaa daba mootummaa wayyaaneen adabbiin hidhaa jia 6 itti murtaaee jira.Isaanis

Yoommuu tahan yeroo ammaa kanas mana hidhaa mootummaa wayyaanee Godina kanaa aanaa daallee magaala Yirgaalem mana hidhaa mootummaa wayyaanee magaala kanaa keessatti argamu.Mootummaan Wayyaanee yeroodhaa gara yerootti dhiibbaa daangaa hin qabne nurraan gahus qabsoon keenya daran jabaattee itti fufti jechuun dargaggoon Sidaamaa fi qeerroon ibsanii jiran.

Gurraandhala 1,2013 Gimbii

Godina wallagga lixaa aanaa Ayiraa Gullisoo keessatti mootummaan wayyaanee dargaggoota oromoo mana hidhaatti guuruu itti fufgee jira.Magaala Ayiraa Gullisoo keessatti waraqaalee dhaadannoo qalamaan barreeffamuun maxxanfaman mootummaan wayyaanee dargaggoo oromoo Barakat Efreem kan maxxansiise sidha jechuun mana hidhaatti ukkaamsuun reebicha irraan gahanii jiran.Dhaadannooleen mootummaa wayyaanee balaaleffatan magaala kana keessatti kana maxxanfaman yoommuu tahu dhaadannooleen kunneen 1. ABO haqa 2. Kai Qeerroo 3. Wayyaaneen Garboomsaa dha 4. Bilisummaan dhufe,Garbummaaan Hafe Kan jedhan qalama diimaa magariisa diimaan kan barreeffaman yoommuu tahu jala deemtotni mootummaa wayyaanee magaala kanaa 1. Obbo Taammiree Hirqee fi 2. Obbo Margaa Qajeelaa kaabinee magaala kanaa Kan tahan dargaggoota oromoo hojii dhaban isintu gocha kana hojjechaa jira jechuun mana hidhaatti guuruuf karoorfachuun olii fi gadi fiigaa jiraachuun isaaniis saaxilamee jira.Jala deemtotni kunneen hojii gocha farrummaa kana irraa hin dhaabbatan taanaan tarkaanfiin gatii isaanii madaalu akka isaan eeggatu qeerroon dhaammatee jira.

Gurraandhala 1,2013 Baakkoo

Qabsoo Bilisummaa oromoo galmaan geessisuuf wareegamni qotee bultootaan gaggeeffamaa ture daangaa hin qabu.Yeroo ammaa kanas QBO gaggeeffamaa jiru galmaan geessisuuf qotee bultootni Godina Shawaa lixaa magaala aanaa Baakkoo keessaa gochaa hammeenyaa ummata Oromoo irratti ta’u dura dhaabbachuuf jecha qotee bultoota Horroo waliin walitti dhufuun marii gaggeessan.Qotee bultootni kunneen

1. Ilmaan keenya akka bineensaa manneen barnootaa keessatti adamsamuun hanga yoomiitti?,
2. Nuyi qe’ee keenya irraa buqqaanee qe’ee dhabeessa kan taanu hanga yoomiitti?
3. Gibirri humnaa ol kan nutti fe’amuu fi gabaa bilisaan dhorkamnu kun xumurri yoomi?

qabxiilee jedhan kaasuun tokkummaan ilmaan oromoo murteessaa akka tahe ibsuun mootummaan wayyaanee yeroodhaa gara yerootti qotee bultoota gowwoomsuun maqaa misoomaan bittaa umrii isaa dheereffachuu ibsatanii jiran.Fuulduratti quunnamtii bu’a qabeessummaan itti fufuun qotee bultoota Oromiyaa mara hammachuun gaaffii mirgaa kaasuuf murteessuun ibsa ejjennoo armaan gadii kana baafatanii jiran.

1. Mootummaan wayyaanee hanga aangoo irraa darbamutti qabsoo keenya cichinee itti fufna
2. Ilmaan keenya mana hidhaa mootummaa wayyaaneetti ukkaamsaman akka gadhiifaman ni gaafanna
3. Gibira mootummaa wayyaanee hin kaffallu
4. Waraana Bilisummaa Oromoo ni nyaachisna,Obaasna,Iccitii isaaniis ni tiksina
5. Dabballoota mootummaa wayyaanee ilmaan oromoo garbummaa jalatti hambisuuf kurukuran ni balaaleffanna
6. Mootummaan wayyaanee badii balleessaa turetti seeraan akka gaafatamu ni iyyanna
7. Qe’ee irraa buqqa’uu fi saaminsa ni mormina

Kan jedhan erga baafatanii Koree Hojii raawwachiistuu ”BIIFTUU JAALLAN QOTEE BULTOOTAA” jechuun moggaasanii dirqama wal irraa fuudhuun galmaan gahuuf waadaa seenuun milkiin xumuranii jiran.

  Firehiwot Guluma Tezera Irraa

   Keetimdhufeera@yahoo.com

Amajjii 19,2013

Tokkumman Haa Kanuu

Sareen ofii wal nyaattuu

Waraabessa ofirraa ittistuu

Yoo wal hin taane

Ilaa umrii gabroomne

Hangi dhumes dhumu

Hangi fedhes hidhamu

Oromoon hin dhumu galaanaa

Gaafa waltaane takkaa irra baana

Oromoon hin baduu hogguu margaa

Kana namuu beeka dubbinsaa aagaa

ABO nurraa dhiqi xurii gabrummaa

Kan dharraane nuu fidi bilisummaa

Gabrumma keessa akkamiin teenya

Labooba qabsoo waliin geenya

Walaaloo.docx