Ilmaan Oromoo karaa nagaan gaaffii mirgaa kaasaniif deebii sirnaa kennuu kan dadhabe mootummaan faashistii Wayyaanee deebii dha jedhee kan inni itti fuulleffatee jiru itti dhukaasee akkasumas haala baay’ee ulfaataa ta’een reebuudhaan ajjeesuu akka ta’e gochi isaa dhaabbatee ta’ee mul’ataa jiru ifa godha.

Waraanni Agaazii fi poolisootni Federaalaa guutuu Oromiyaa weeraranii jiranii fi bulchiinsa Oromiyaa guutummaatti dhuunfatanii jiran barattootaa fi sabboontota Oromoo meesha maleeyyii itti dhukaasanii ajjeesuu, jumlaan qabanii hidhaatti darbuun achi keessatti haala baay’ee ulfaataa ta’een tumuu fi torture gochuun ajjeesuu akka ta’e bal’inaan gabaafamaa jira.

Gochi yakkaa fi suukanneessaa loltootaa fi poolisoota wayyaanee kun tibba kana Godina Lixa Wallaggaa magaalaa Gullisoo keessattis kan mul’ate oggaa ta’u, dargaggoon Oromoo barsiisaa BLTO ta’e Magarsaa jedhamu suuraan isaa armaan olitti mul’atu kun balleessaa tokko malee loltoota Wayyaaneen qabamee tumaatiin daangaa hin qabne irratti raawwatamuu irraa Waxabajjii 01,2014 wareegameera.

Bakki dhaloota isaa Godina Baha Wallaggaa Giddaa Kiiramuu kan ta’e dargaggoo Magarsaan, haadhaa fi abbaa kan hin qabne hojii barsiisummaan Gullisoo kan jiraatu ta’uu oduun nu gahe ifa godha.

Humni waraana wayyaanee Oromoo gooluu, hidhuu fi ajjeesuuf magaalaa Gullisoo fi naannootti bobba’anii jiran, dargaggoo Magarsaa naannoo mana barnootaatti arganii bal’eessaa tokko malee qabuun ati ABO dha ittiin jechuun akka bofaatti gurmuun itti duudanii haala baay’ee ulfaataa fi gaddisiisaa ta’een reebanii akka ajjeesan beekuun danda’ameera.

Reeffi dargaggoo Magarsaa gara naannoo dhaloota isaa Giddaa Kiiramuutti akka fudhatames oduun nu gahe ni hubachiisa.

Dargaggoo sabboonaa Oromoo wayyaaneen galaafatteef gaddi isaa kan hunda keenyaa ti; biyyeen itti haa salphattu kan jedhan Qeerroo fi sabboontotni Oromoo Gullisoo fi naannoo, gumaan ilmaan Oromoo mirgaa fi bilisummaa ummata Oromoof jecha wareegama baasanii fi baasaa jiranii milkaa’ina akeeka QBOtiin akka deebi’u hin mamnu jedhaniiru.

Waxabajjii 03,2014 Finfinnee

Ajjeechaan ilmaan Oromoo keessumaa barattoota Oromoo irratti xiyyeeffatamuun tarkaanfiin fudhatamaa jiru itti fufee jira. Yuunivarsiitii Haramaayaa keessatti gaaffii abbaa biyyummaa gaafachuudhaan Mana hidhaa mootummaa Wayyaaneetti darbamuu irraan darbuudhaan barattootni Oromoo mana hidhaa keessatti ajjeefamaa jiru. Barataa Nuuraddiin (Alsan) Hasan Barataa Computer science waggaa 2ffaa kan tahee fi dhalootaan Godina Shawaa lixaa magaala Baakkoo kan tahe mana hidhaa mootummaa Wayyaaneetti darbamuun dararaa jabaan erga irraan gahaa turee Gaafa 02/06/2014 mana hidhaa keessatti lubbuun isaa darbee jira. Mootummaan Wayyaanee dararaa ilmaan Oromoo irraan gahaa jiru daran jabeessaa dhufus ilmaan Oromoo gamtaan falmatti seenuun mootummaa abbaa irree bara baraan ilmaan Oromoo keessatti ammo dargaggoota Oromoo ajjeesaa, hidhaa fi biyya irraa ariiaa jiru dura akka dhaabbatu Barattootni Yuunivarsiitii Haramaayaa fi Qeerroon Oromoo waamicha Oromummaa dabarsa.

Qabsaaaan ni kufa; Qabsoon itti fufa!!

Waxabajjii 3,2014 FDG Marsaa 2ffaa Godina Lixa Shawaa Magaalaa Amboo keessaatti jabaachuun itti fufee jira. Guyyaa har’aa sabboontootni barattootni Oromoo mana barumsaa Hoomachoo sadarkaa 1ffaa kan magaalaa Amboo ganda 06 keessatti Argamu FDG bifa haarawaa ta’een kaachiisan, goototni Barattootni Oromoo kun gaaffiin isaan kaachisanis 1ffaa, Ilmaan Oromoo hidhaman haa hiikaman, 2ffaa Ilmaan Oromoo waraanni wayyaanee ajjeeseef itti gaafatamaan moortumma federaala EPRDF dha, 3ffaa, gaaffii mirgaa fi dimookkiraasii gaafanneef deebiin nuuf kennamuu qaba, 4ffaa Dulli hidhaa uummata Oromoo irratti baname nurraa dhaabbachuu qaba, waraanni wayyaanees magaalaa Amboo gadhiisuu qaba. 5Ffaa master Plaaniin dhimma Magaalaa Finfinneetiin wal qabatu guutummatti haqamuu qaba kanneen jedhan kan of keessatti qabate gaafachuun barattootni Oromoo kunneen FDG gaggeessan.
FDG barattoota kana dhaabuuf itti gaafatamaan mana barumsaa Hoomachoo sadarkaa 1ffaa namni Tashoomaa Magarsaa jedhamu bilbila bilbiluun sabboontota barattoota Oromoo irraatti waraana waamuun battalatti dhaga’amee, sabboontotni dammaqoon irratti dammaquun situ diina uummata Oromoo ijoollee Oromoo irratti waama jechuun dirikteera mana barumsa kanaa irratti barattootni tarkaanfii reebbichaa irratti fudhachuun yeroo amma du’aaf jireenya gidduutti mana yaalaa ciisee dhiphachaa jirachuu ibsame jira.

Waxabajjii 03,2014 Dambi Doolloo

Gabaasa Qeerroo Qellem Wallaggaa Anfilloo Waxabajjii 03/2014 galgala keessaa sa’a 3:40 irratti.Mootummaan wayyaanee humna agaazii oromiyaa keessa tamsaasuudhaan gaaffii tokko malee nama oromummaa isaaf dhaabbatu rasaasaan rukuchiisaa jira.Gabaasni kun akka addeessutti kaleessa Waxabajjii 02/2014 barataa kutaa kurnaffaa qormaata biyyoolessaa fudhatee gale sabboonummaa isaatiin kan ka’e yakka tokkollee kan hin goone humna waraana agaaziitiin qabamee bosona seensisuudhaan reebicha hamma du’aatti irratti raawwatan,erga reebanii miidhanii booda sadarka du’a isaa beekuudhaan rasaasaan rukutani.
Barataa Oromoo wareega qaalii kafale kana bosona keessatti reebanii erga hamma du’aatti deemsisanii booda galgala daandiitti baasaniiti rasaasaan akka rukutan kan ijaan argan ni dubbatu. Barataan kun maqaan isaa Daawwit Waaqjira jedhama.Guyya har’aa sirni awwaalcha isaa kan gaggeeffame yoo tahu humni waraana agaazii wayyaanee jedhamu kun uummata naannessee marsuudhaan hamma reeffi mucaa awaalamee xumuramutti akka waan rukuttaadhaaf qophiin jiruutti bakka qabachuudhaan gandi Ashii jedhamtu dirree waraanaa fakkaattee ooltee jirti jedhu maddi gabaasa Qeerroo Anfiilloo!

Kana malees ganama  Waxabajjii 03,2014 dargaggoon Addisuu Aagaa jedhamu magaalaa Laaloo Qilee keessa Motorbike qabatee osoo nagaan deemaa jiruu  poolisoonni Oromiyaan reebamee Hosptala Ayiraa gullisoo galee akka jiru gabaasi naannicha irraa nu gahe addeessa.

Waxabajjii 03,2014 Ayiraa Gullisoo

Mootummaan Wayyaanee ajjeechaa ilmaan Oromoo irratti geessitu jabeessuun kan itti fufte Godina Wallaggaa lixaa magaala Guulisoo keessatti barsiisaa BLLTO kan tahe barsiisaa Magarsaa Abdiisaa jedhamu kan dhalootaan Wallaggaa bahaa aanaa Jiddaa kan tahe reebichaa loltoota Wayyaanee irraan kan ka’e wareegame.

Barsiisaa Magarsaa Abdiisaa sabboonummaan dhalatee kan guddate miindaa mootummaa Wayyaanee nyaatnee Uummata Oromoof hojjenna malee bitamna miti jechuun ejjennoo jabaa qabatee ilmaan Oromoo keessumattuu daraggootaa fi barattoota barsiisaa kan ture yoommuu tahu mootummaan Wayyaanee gaaffii abbaa biyyummaa gaafatamaa dhufeen wal qabatee mana hidhaatti kan ukkaamse yoommuu tahu reebicha addaa irraan gahuun Lubbuu isaa dabarsanii jiran. Uummatni Oromoo maal eegna?? Kana booda Uummatni martuu mirga isaaf ka’uun dirqama akka tahu waamicha jabaa dabarsina. Ajjeechaa mootummaan wayyaanee gaggeessaa jirus daran balaaleffanna. Qeerroon wareegama barbaachisaa baasee Uummata Oromoo bilisa baasuuf jabaatee kan hojjetu tahuus mirkansa.

Waxabajjii 03,2014 Amboo

Caasaan Bulchiinsa Godina Lixa Shawaa Godina hanga gandatti Angoo irraa arihamaa jiraachuu gabaasi Qeerroo naannicha irraa gabaasa. Gaafa guyyaa Waxabajjii 1,2014 Mootummaan Wayyaanee angawoota OPDO sadarkaa gandaa, Aanaa, fi Godinatti aangoo bulchiinsa fi gaafatama OPDO irraa mulquun hojii irraa arihaa jiru.

Akka kanaan godina Lixa Shawaa keessaa ABO waliin hidhata qabduu fi sochii ABOn Oromiyaa keessatti taasisuu keessatti qooda ol aanaa qabaachuun keessan bira gahameera sababaa jedhuun aangawoota bulchiisnaa fi gaafatamtoota OPDO godina Lixa Shawaa hojii irraa arihaman keessaa:-

1.Obboo Shuumii Lataa bulchaa anaa Midaa Qanyii

2. Badhaasaa Of ga’aa Dabballee OPDO fi itti gaafatamaa waajjiraa dhaabaa OPDO kan ta’ee dabalatee kaabinootni aanaa midaa Qanyii dhalootan Oromoo ta’an namootmi 8 olitti lakka’aman gaaffii tokko malee ABO waliin hidhata qabdu sababaa jedhuun aangoo bulchiinsa irra arii’ataman.

Kana malees Guutummaa Godina Lixa Shawaa kanneen akka Amboo, Gudar, Tokkee Kuttaayee, Xuquur Incinnii, Jalduu, Geedoo , Baakkoo fa’itti haala walfakkatuun Angawootni aanaalee, Godinaa, fi gandoota aangoo irraa arii’amuu irratti argamu. Bulchitootni godina Lixa Shawaa hundi yeroo amma kanatti aangoo irraa kaafamanii, Godinichi humna waraanaa guddaan bulaa jira, sochiin uummataas waraanaan eegamaa jira qabeenyaan uummataas waraanaan saamamaa jira, yakkootni akka saamichaa, humnaan dirqisiisanii gudeeduu dabaltee uummaanni jumlaan hidhatti guurama jiraachuun beekamee jira.

(RAB, Waxibajjii 1, 2014) Mootummaan Woyyaanee Hegeree Biyyaa akkasitti karaatti hambisaa jira!

Dargaggoo Nimoonaa Xilaahun bara 2007 yunversiitii Finfinneetii eebbifamee godina Kaaba shawaa mana barumsaa Shanootti barsiisaa ta’ee yeroo ramadame akkuma dargaggoo Oromoo kaanii innis ummata isa guddisee, barsiisee kanaan isa ga’e tajaajiluuf hawwii guutuudhaan ture kan inni hojii barsiisummaa eegale. Akkuma dargaggeessa kamii iyyuu mana dhaabee ijoollee godhatee jireenya gaggeessuuf abjuun isaa bara dheeraa waan bakka ga’aa dhufe itti fakkaate.

Waxibajjii 26, 2008 namni mul’ataa kun hojii barsiisummaa jalqabee reefuu baatii muraasa hojechuu isaati. Guyyuma kana akkuma guyyoota kaanii hiriyyoota isaa wojjin utuu mana barumsaa inni barsiisuu galaa jiruu konkolaataan lakkoofsa gabatee ishee 3-F taate dingata dhuuftee fundura isaa dhaabbate. Konkolaataan kun kan Poolisii Federaalaati. Konkolaataa kana keessaa namootni uffata sivilii uffatan utaalanii bu’uudhaan balleessaa tokko malee barsiisaa Nimoonaa ukkamsanii fuudhanii sokkani.

Dargaggoo Nimoonaa utuu gara wojjira poolisii anichaatti illee hingeeffamiin dabarfamee iddoo hinbeekamnetti geeffamuu isaa namootni yeroo sana ijaan argan himaniiru.

Haalli kun kan isaan yaadesse Oromootni baayyeen dhaabbileen mirga dhala namaa tiksan addunyaa dhiimma kana duukaa bu’anii lubbuu dargagoo Nimoonaa akka baraaraniif waamicha godhanii turan.

Woggaa tokko, waggaa lamaa, sadii … woggootiin 6 nilakkaa’aman………
Mootummaan Woyyaanee ilmaan Oromoo, keesummaa immoo hegeree biyyaa kan ta’an dargagoota Oromoo hamilee cabsuuf tooftaa inni itti gargaaramu keessa inni tokkoo dargaggoota oromoo sammuu cimaa qaban ukkamsee mana hidhaa buusee, achitti torchii godhee, namummaatii isaan baasee gaafa isaan qarqara boollaa irra ga’an gadi darbachuu yookanis mana hidhaa keessatti ajjeesee reeffa isaanii baasuudha.

Dargaggoo Nimoonaas carradhuma kanatu isa argate. Woggootii ja’aan darbaniif Manneetii hidhaa Mayikelaawwii, Qaallittii, Qiliinxoo, akkasumas Ziwaaytti gidiraa ilmoon namaa arguu hinqabne baayee arge. Kana irraa kan ka’es dhukkuba irra bu’e. Dhukkuba isaa kanaafis yeroo dheeraa fuundura woldhaansa haakimaa argachuun irra ture hinargatiin hafe. Bulchiinsi mana hidhaa Lubbuu dargaggoo kanaa baraaruuf gargaarsi woldhaansaa hakimaa olaanaan akka isa barbaachisu yoo beeke illee yeroo dheeraadhaaf irratti ilaaleera. Dhuma irratti guyyaa muraasa fuudura waardiyyoota poolisii federaalaa afuriin marfamee eegamaa hospitaala Xiqur Anbessaa akka seenu yoo godham iyyuu dhukkubni isaa waan baayyee irra tureef, yeroo itti gargaarsa argatutti waan hinargatiin hafeef hakiimotni kana booda waan baayee gargaaruu akka hindandeenye dubbataniir.

Umrii waggaa digdamootaa keessatti kan argamu dargaggoo xobbeen abdii borii amma guyyaa du’a isaatii eegachaa jira.

OMN: QOPHIILEE WAXABAJJII 2, 2014

Oromo Voice Radio broadcast on June 2, 2014