Gabaasa Qeerroo Finfinnee Qaama Mootummaa keessaa Saadasa 4,2014 argame akka ibsutti,Yeroo ammaa ilmaan Oromoo mana hidhaa mootummaa abbaa irree Wayyaanee keessatti dararri irra gaha jiru hedduun dhukkuba garagaraan saaxilamaa jiru, baatii Ebla 2014 irraa kaasee ilmaan Oromoo mana hidhaatti guuramaa jiraan lakkofsaan guddaa tahan baayinaan mana hidha Maa’ikelaawwii keessatti kan argaman reebicha hamaa irraan, rakkoo nyaataanis wal qabatee dhibee qaamaa fi dhukkuba garagaraan akka saaxilaman kan taasise mootummaan abbaa irree Wayyaanee ammallee dhibeedhuma qabaman keessattillee humna poolisiin reebsisaa kan jiru yoo tahu ilmaan Oromoo kutatoo tahan hanga du’aatti Oromummaa keenya gadi hin dhiisnu jedhanii hidhaa keessatti addatti ammo manuma hidhaa keessa jiraachuudhasn hidhamtoota ijaaran, maqaa waaqeffannaa jedhamuun dargaggoota ijaaraa jiran, buusii dhimma aadaa fi afaan Oromoo guddisuu jedhamuun funaanuun, akkasuma quunnamtii qaama alaa waliin gaggessuu hin dhiifne jechuudhan mootumman Wayyanee mana hidhaa Ma’ikalaawwii jedhamu keessatti dararra itti jabeessa kanneen jiran keessaa:

1.Qana’aa Chuuchee-Shgarr lixaa Amboo kan hidhame

2.Ayyaantuu Margaa-Shgarre lixaa Amboo irraa kan hidhate

3.Rabbirraa Atoomsa-Shagar  lixaa Amboo

4.Warqinaa Mul’ataa-Shar lixaa Gudar irraa kan qabamee hidhamer

Kan maqaan isaanii yeroodhaaf nun qaqqabin yoo tahu baatii caamsaa keessa mana hidhaa keessa erga galanii eegalee motummaa Wayyaaneen dararriin irraa dhaabbachaa kan hin jirree fi qaami isaanii haalaan miidhamee jiraachuu gabaasi nu gahe addeessa.

Mootummaan abbaa irree EPRDF/TPLF/OPDO Oromoo qe’ee fi qabeenyaa irraa buqqisuun lafa Oromoo albuudotan gabbataa ta’ee abbootii qabeenyaa amanamoo sirnichaa lammummaan Oromoo hin taaneen raabsamaa jira.

Sadaasa 4,2014 Godina Lixa Shaggar aanaa Midaa Qanyiitti Kan argamuu lafti gabbataan albuudota kanneen akka Warqee, Copper (Sibiila Qorqorroo), Pootasiyemii , Carbonate, Marble, Dhagaa Hoofii, Ashaboo, Hixaana , fi lafa gabbataa qonnaa midhaan gurgurtaa
akka saliixaa fi horsiisa looniif mijataa ta’ee fi horrii loowwaan dhuganii furdatan Hora bidiruu dabalatee albuudootni kunneen Aanaa Midaa Qanyii gammoojjii Garaadoo (Anoonuu Nyabar)tti kan argamuu abbootii qabeenyaa Mootummaa abbaa irree dhalootaan illee Oromoo hin ta’iinitti gurguramee jiraachuun beekamaa dha.

Abbootiin qabeenyaa Wayyaaneef ergamuun lafa Oromoo saamuuf fiigaa jiran keessa tokko kanta’ee nama maqaan Isaa “Yohaanis Ababee” jedhamu, kan gartuu waliin hojjetu 26 of jalaa qabutti harki guddaan kan gurgurame ta’uun beekamee jira. Uummatni Oromoo aanaa Midaa Qanyii jiraattootni Ganda Garaadoos qee’ee fi qabeenyaa isaanii irraa buqqifamuuf akka jiran bira ga’amera, Uummatni Oromoo wareegama qaalii baasna malee qabeenya keenyatti diinni darbee nu hin saamuu jechuun jiraattootni Ganda Garaaddoo mormii guddaa godhaa jiru.

Lafti albuuda Uumamaa kanaan gabbataa ta’ee kun argamni isaa Aanaa Midaa Qanyii Gammoojjii Garaadoo keessatti kan argamu ta’ee maqaa addaa ”Anoonuu Nyaabar” jedhamuun kan beekamu karaa dhihaa Godina Horroo Guduruu Wallaggaa aanaa Abaaboo Guduruun kan dangeffamu, karaa Bahaa Aanaa Ginda Baratiin kan daangeffamu, Kibba Bahaan aanaa waddessaa fi Tokkee Kuttaayeen kan daangeffamu tilmaanii bal’ina isaa Hektaara 80 ol kan ta’uu Abbootii qabeenyaa Wayyaanetti gurguramuun isaa erga muirkanaa’ee Uummatni Oromoo Godina Lixa Shaggar aanaa Midaa Qanyii, Gindabarat , Waddeessa, Tokkee Kuttaayyee, Gudar, Amboo, Calliyaa Geedoo, fi Godina Horroo Guduruu wallaggaa Aanoota akka Abaaboo Guduruu, Jimmaa Raaree, fi Guduruu haalaan kan dheekkamsiisee ta’uun saaxilame jira. Uummatni Oromoo jiraattootni aanota kanneeniis gachaa faashistummaa fi shiftummaa mootummaa Wayyaanee EPRDF jala dhaabbaachuun qabeenyaa ofii irratti falmachuu fi FDG irratti kaachisuun dura dhaabbannaa hadhaawaa gochuun wareegama qaalii baasuuf walitti dhaammachaa jiraachuun gabaafame jira.

Uummanni Oromoo fi Qeerroo Bilisummaa Oromoo saaminsa qabeenyaa uummataa Oromoo dhaabsisuuf fi abbootii Irree aangoo irraa darbuun uummatni Oromoo qe’eef qabeenyaa isaa irratti mirgi abbaa biyyummaa isaa kabajamee fi Oromoon ofiin akka of bulchuuf qabsoo gaggeessa jiru Sochii Fincila Diddaa Garbummaa (FDG) jabeessuun furmaata.

Odessa Qeerroo lixa wallaggaa magaalaa Najjoo, Sadaasa 3,2014

Akka odeessi Qeerroo magaalaa Najjoo irraa nu qaqqabeen ibsutti, yeroodhaa yerootti waani gabaafamaa jiru mootummaan Wayyaanee uummata Oromoo gidduutti gufuu qabsoo Oromoo kanneen ta’anii fi garaaf bultoota barbaaduun uumata irratti ramada. Haala kanaan Wallagga aanaa Najjoo keessatti sochii barattootaa fi waliigala uumata Oromoo danquuf jecha gaafatamtoota Tika naannoo ta’anii addatti hojii basaasummaa uuata keessatti akka raawataniif namni lama ramadamuu odeessi keessa mootummaa nu dhaqabe addeesse.

Kanneen :-

1. Basaa wayyaanee waggaa dheeraa ilmaan oromootti ba’aa fi diina
   jabaa ta’ee jiru Waaqgaarii Teessoo Aagaa kan jedhamu qindeessaa mana
   barumsaa Giddaa Daallee, kan jiraatuu fi bakki itti dhalate aanaa
   Najjoo ganda Amumaa Goorgiis jedhamuu fi
2. Akkawaaq Booqaa jiraataa aana Najjoo ganda Qilxuu Guluu fi
   qindeessaa mana barumsaa sadarkaa olanaa Gorii kan tahe;

Jarreen kun lamaan ammaan duras mootummaa Wayyaanee waliin hojjetaa fi ilmaan Oromoo hidhaa jiran irratti ragaalee sobaa bahaa hiisuu keessatti qooda guddaa fi amanamummaa waan muldhisaniif ramadaman jedha gabaasaan nu gahe.

Gama biraan ammoo barsiisaa Beekumaa Diinagdee kan jedhamu,qindeessaa mana barumsa Odaa Garii kan jiraatu aanaa Najjoo ganda Amumaa Goorgis yoo tahu, namni kun yeroo hedduu barsiisota Oromoo qindeessita sababa jedhamuun guutummaatti hojii isaa irraa arihamuu baasi nu gahe addeessa. Akka qondaalotiin Wayyaanee hojii irraa argihamuu isaa erga murteessanii xalayaan hojii irraa gaggeeffamuu isaa Sadaasa 01/2014 kan isa gaheedha, hojii irraa ariyamuu qofas osoo hin taanee namni kuni ammallee quunnamtii qaama biraa waliin qaba jedhanii basaastotuma dabarsanii isa kennan hojii akka ariyamu taasisan kanaan hordofamuu akka eegale, hojjetoota qofa osoo hin taanee barattoota oromoo akka aanaa kanaatti diinaaf saaxilamaa kan jiran sababa barsiisota basaastota Wayyaanee Waaggarii fi Akkawaaq jedhaman kanaan tahuu isaa gabaasni Qeerroo nu gahe addeessa.
Gama biraan  Shakkii mootummaan Wayyaanee ilmaan Oromoo waraana keessaa qabduun kan ka’e baaraginsa jabaa keessa seenuudhaan ilmaan Oromoo mana hidhaatti guuraa jirti. Fincila diddaa garbummaa deemsifamaa as gahe keessatti qooda qabdu jechuudhaan wayyaaneen ilmaan Oromoo federaalaa fi ittisa biyyaa qorannaa fi hidhaa jirti. Ilmaan Oromoo waraana ittisa biyyaa baha biyyattii irratti argaman

1. Malkaamuu Darajjee
2. Shaafii Mohaammed
3. Habtaamuu Dalasaa

Jedhaman qabamuudhaan bakka buuteen isaanii kan dhabame yoommuu tahu, Magaala Finfinnee keessaas poolisa federaalaa kaampii meeksikoo keessaa Taammiraat Jabeessaa qabamuun mana hidhaa maa’ikelaawwiitti darbamee jira. Mootummaan wayyaanee doorsisaa fi hidhaadhaan qabsoo bilisummaa Oromoo dura dhaabbachuuf yaaltus daran jabeessa malee akka duuba hin deebisne sabboontotni waraana keessaa ejjennoo isaanii ibsatanii jiran.

Gabaasa Kiyyaa Gonfaatiin

Yaadannoo Finciila Diddaa Gabruumaa (FDG) yeroo 9ffaa sadaasa 01 2014 biyya Norway magaalaa Oslo keessatti haala gaariin geggeeffamee oleera. Yaadannoo Finciila Diddaa Gabruumaa kan baranaa adda kan isa goodhu Maastar Plaanii Finfinnee isa haaraa waliin wal qabatee baratoota Oromoo univarsitii fii sadarkaa lammaffaa rasaasaa diinaa tin lubbuu isaanii dhabuu isaanitti. Motuumaan TPLF ajjeechaa baratoota keenyaa irratti raawwatee qabsoo ummanii Oromoo amma keessa jiruu yoommiyuu caalaa akka jabaatu kan godhuu ta’uu issaa hirmaatoni yaadannoo FDG irratti argaman ibsaniiru.

Hirmaatonii yaadannoo FDG kana irratti argaman, obbollewwan keenyaa biliisumaaf jeecha lubbuu isaanii dhabaniif kabaja isaaniif qaban ibsaniiru. Gaafiin isaanii gaafii kan ummata Oromoo hundaa waan taheef kaayyoo isaan kufaniif bakkaan gahuuf dirqamnii Oromummaa guddaa nurra jiraa, kanaaf tokkoo tokkoon keenyaa kana hubanee yeroo kamiyyuu caalaa haarka wal qabanee fii tokkuummaa keenyaa ciimsinee waliin hojjechuu qabnaa jedhaniiru.

Dhummara, namooni yaadannoo kana irratti argaman hundiinu dungoo qabsiisuudhaan daqiiqaa tokkoof obbollewwan keenyaa mirgaa fi bilisummaa Oromoof jeecha wareegaman yaadataniiru.

Sagantaa qabamee keessaa qophii Qeerroon qophaa`ee issa tokkoo dha. Baratoota rasaasa wayyaane tin lubbuu isaanii dhaban yaadachuuf Qeerroo Oromoo Norwayin qophiin qophaa’ee kun kan nama keessa xuqquu fii kan nama boochisuu turee.

Obbollewwan keenyaa bara baraan ni yaadatamu!
Injjiffannoo Ummata Oromoof!

Sadaasa 3,2014 Gabaasa Finfinnee
Mootummaan abbaa irree Wayyaanee olola guddina dinagdee fi Teknoolojii Guddinaa fi Tiraanisfoomeeshinii jedhamu qabachuudhaan baroota darbaniif uummata gowwoomsaa turuun ishee beekamaadha. Guddinni biyyattii haalaan akka dabale ololuudhaan jijjiirraan maallaqa biyya alaas gahaa akka tahe lallabaa turan. Jioota darbanii asitti jijjiirraan maallaqaa Baankii daldalaa Itoophiyaa keessaa dhibamuu irraa kan kae daladaltootni haala olaanaan rakkachaa jiraachuu irratti argamu. Mootummaan Wayyaanee kadhaa fi maqaa investimentiidhaan jijjiirraa maallaqa alaa argachaa kan turte biyyoottan alaa diddaa fi waamicha uummatni gochaa jiru irraa investimentiidhaaf duuba deebiaa akka jiru baramee jira.

Ibsa ABO Guyyaa Fincila Diddaa Gabrummaa Ilaalchisee

Qabsoo Bilisummaa Oromoo hirmaatnaa ummataan caalaa utubuu sirna gabrummaa xumura gochuuf bara 2005 ABOn ummata bal’aa Oromoof alagaan bitamuun nu haa gahu! Jedhee akka diina irra nciluuf waamicha dabarse. Ummatni Oromoos waamicha Dhaaba isaa ABO irraa dabreef gammachuun o fudhatee Fincilli Diddaa Gabrummaa (FDG) guutuu Oromiyaa keessa adeemsisuun tarkaani boonsaa yomiyyuu yaadatamaa jiraatu fudhate.

Fincilli bara 2005 i fufame bifa adda addaa sadarkaa adda addaa adeemsifamaa har’a gahuunis haqa qabatamaa mul’ataa dha. I fu Fincilli
Diddaa Gabrummaa bara 2005ni kunis baa-i Eblaa Bara 2011 irraa eegalee muratoo ilmaan Oromoo Qeerroo Dargaggoon haaraa bifa jarmyaa qabatee caalaa ol kaafame guutuu Oromiyaa waliin gahee akka i fufe jira. Fincilli Qeerroon Bilisummaa ol kaafame hirmaatnaa ummata bal’aa Oromoo-in tumsamuun kan mooraa diinaa raase QBO ammoo galii isaa dhiheesse tahuu FDG bara 2014 keessa adeemsifamaa turee jiru caalaa mirkaneessa.

Fincila ummata Oroomoo qooda ola aanaa Qeerroon niinaa jiru ummata Oromoo keessaa ala jiraatu irraa tumsaa deggersa ol aanaa argatuu danda’uun isaas hammeenyaa daba ummata Oromoo Oromiyaa keessa hojjatamaa jiru addunyaaf ifa gochuu dandeessiseera. Injifannoon galmeeame kunis laafaa kan hin argamne tahuun ammoo eenyuyyuu jalaa dhokataa mi-. Ummatni Oromoo bilisummaa kan barbaadu tahuu ifa mul’isuuf wareegama qaalii ulfaataa baaseera. Wareegama lubbuu, qaamaa, qabeenyaa kan biroo maallaqaan hin shallagamne irra baasaa jira.

Guutuu Ibsa ABO:- FDG Sadasa 09, 2014 Irratti Ibsa ABO.pdf

Sadaasa 2,2014 Goototni Barattootni Oromoo Yuunivarsiitii Jimmaa fi Gumiin Guddina Dagagina Seenaa, Aadaa fi Afaan Oromoo qophii “Ana Dhufuu” barattoota Oromoo haaraa bara kana gara Yuunibarsiitii Jimmaa seenaniif qopheessuun haala miidhagaa taeen simatan.
Goototni Barattootni Oromoo Gumii Guddina Dagaagina Seenaa, aadaa fi Afaan Oromoo waliin wal ta’uun qophii anaa dhufuu barattoota Oromoo haaraaf qopheessuun barattootni Oromoo haaraa fi kanneen duraan mooraa Yuunivarsiitii irra barachaa turan akka wal baratanii fi waliin socho’aniif qophii bifa adda ta’een mooraa Yuunivarsiitii Jimmaa Main Campus Gamoo Taddasaa Birruu Jedhamuun waamamu duuba galma gudduu Mooricha keessatti argamutti galgala sa:a 12:00 irraa eegaluun sagantaan haala ajaa’iba ta’een eegalame. Goototni Barattootni Oromoo qophii kana ilaalchisuun dhaamsa gurguddaa waliif dabarsuun, barattootni Orpomoo kan duraanis ta’ee barattootni haaraan reefuu gara Yuunibarsiitii Jimmaatti dhufan wal baruun Tokkummaa Uummata Oromoo jabeessuu, Aadaa ofii guddisuu, afaan ofii guddisuu, eenyummaa fi Oromummaa ofii guddisuu, Sabboonummaa ofitti boonuu fi Ofta’uu fi wal ta’uu irratti ergaa fi dhaamsa bal’aa erga waliif dabarsanii booda Walleelee Warraqsaa kanneen qabsoo bilisummaa uummata Oromoof nama onnachiisaniin wal bohaarsuun sagantichi haala gootummaa fi onnee Oromummaan guutameen itti fufe!

Barattootni Oromoo Yuunivarsiitii Jimmaa walleewwaan warraaqsaa kanneen itti aanan kana sirbuun wal jabeessuun bilisummaan uummata Oromoo hanga mirkanaa’utti qabsoo bilisummaa Oromoo fi sochii warraqsa FDG irraa duubatti kan hin deebine ta’uu diinatti argisiisan. Walleewwaan warraaqsaa kuneenis: wallee artistiii ,Caalaa Bultumee ”
Ka’ii Qeerroo hin kaana…”Ka’ii Oromoo hin kanaa Oromiyaa ciranii habashatti gurgurani…” Adinaal Mohamed ” Michuu baay’een qaba lixa biiftuutirraa… ” , Wallee Artistii Haacaaluu Hundeessaa ” kan nama nyaatutu nu keessa jira, nan siyaade yaa qeerransoo koo, yaa jajjabee koo…” jedhuu fi Walleewwaan Warraaqsaa Artistoota Oromoo wal harkaa fudhuun haala ajaa’iba ta’een barattoota haaraaf barnootni guddaan
kenname jira.

Mootummaan Abbaa irree Wayyaanee ijoolleen Oromoo qophii kamuu mooraa Yuunibarsiitii Jimmaa keessatti akka hin qopheesine, barattootni Oromoo Yuunibarsiitii Jimmaa FDG narratti kaachisuuf qophii gochaa jiru jechuun sodaa Ulfaata keessa galuun qophiin anaa dhufuu barattoota haaraaf barattootni Oromoo qopheessuun hin qaban
jechuun uggura kaa’uuf yaaliin godhames Olaantummaa gootota Qeerroo barattoota Oromootiin injifatame jira. Goototni barattootni Oromoo gaaffii tokko malee qophii anaa dhufuu barattoota Oromoo haaraa dura kan dhaabbatu eenyuu jechuun tokkummaa fi gamtaa isaanii jabeeffachuun ilmaan Oromoo godinaalee Oromiyaa garaagaraa irraa walitti qabamaniif barnoota guddaa dabarsaniru. Ergamtootni basaastotni wayyaanee qophii kana hordofuu fi hambisuuf hedduminaan haa ramadamani iyyuu malee Olaantummaa gootota barattoota Oromoon qophiin anaa dhufuu barattoota
haaraa bara kanaa gaggeeffame jira. Goototni Barattootni Oromoo Sagalee guddaadhaan walleelee warraaqsaa Mooraa Yuunivarsiitii Jimmaa keessaa dhageesisuun mootummaa abbaa irree Wayyaaneef sodaa tokko illee kan hin qabne ta’uu mirkaneessan.