Guyyaa har’aaSadaasa 7,2014 Godina Lixa Shaggar aanaa Midaa Qaanyiitti goototni barattootni Oromoo M/B Baallammii sadarkaa 2ffaa fi qophaa’ina uummata waliin ta’uun FDG bifa haaraa fi Qindoomina qabuun qabsiisan.

Guyyaa har’aa ganama sa’aa 4:00 irraa eegaluun goototni Barattootni Oromoo M/B Baallammii Sadarkaa 2ffaa fi Qophaa’inaa Mooraa mana barumsaa keessatti walitti qabamuun gaaffii isaanii karaa seera qabeessa dhiyeeffachuun addatti  gaaffii ‘’ saamichi bifa haaraan lafa Oromoo albuudaan gabbataa ta’ee Gammoojjii Garaadoo Anoonuutti argamuu hektaaraa 450 olitti kan tilmaamamu abbootii qabeenyaa wayyaaneetti gurguramaa jiru atattamaan dhaabbachuu qaba jechuun uummataa waliin walta’uun hiriirrii mormii guddaa gaggeeffame jira.

Hiriirri kun jalbultii yaadannoo Sadaasa 9 marsaa 9ffaa kabajamuuf jiru bu’uura godhachuun kan eegale yoo ta’uu kutaalee Oromiyaa keessatti haala itti fufinsa qabuun adeemsifamuuf jirachuun ibsame. Guyyaa har’aa kana aanaan Midaa Qanyii human Waraanaa Wayyaanee FDG dhaabsisuuf bobba’ee fi Uummataa Oromoo mirga isaa falmachaa jiruun raafama jirti. Bulchiinsii Aanaa Midaa Qanyiis hojii dhaabee oleera, Hojjettootni fi daldaltootnis FDG kana irraa qooda fudhataniru.  uummatni barattoota waliin ta’uun gaaffii mirga abbaa biyyummaa gaafachuun FDG baatii Eblaa 2014 irra eegaluun adeemsifama ture bifa adda ta’een jabeessuun hanga gaaffiin mirga abbaa biyyummaa deebii qubsaa argatuttii FDG wal irraa hin citneen mootummaa abbaa irree dura dhaabbatna jechuun fincila diddaa garbummaa finiinsuun sagalee guddaan dhaadannoo armaan gadii dhageesisuun hiriirrii mormii sinra abbaa irree Wayyaanee aanaa Midaa Qanyii Magaalaa Baallammii irratti gaggeeffama jira.

Dhaadannoowwaan:-

1. Oromoo qabeenyaa fi Qee’ee irraa buqqisuun, Ajjeessuun Hidhuun, Barnoota irraa arii’uun dhaabbachuu qaba!!
2. Oromiyaa falmanna, Biyyaa abbaa keenyaa Falmanna!!
3. Mootummaa hin qabnu , mootummaa mataa keenyaa haa hundeeffannu!!
4. Hojjeetaan, Poolisiin, daldalaan, qotee bulaan baraataan, barsiisaan bakka jirtan hundaa Ilmaan Oromoo hundi harka wal qabannee haa kaanu!!
5. Saamichi qabeenyaa Uumamaa lafa albuudaan badhaate abbootii qabeenyaa wayyaaneetiin Oromiyaa fi aanaa Midaa qanyii Anoonuu irraatti xiyyeeffate atattamaan dhaabbachuu qaba!!
6. Qabeenyaan Abbootii Irree qabeenya keenya saamuuf bobbaafamanii barbadeeffamuu qaba!!
7. Nuti uummaatni Oromoo maatummaa mataa keenyaa haa hundeeffannu!!
8. Qabeenya namatti hin bunee, mirga namatti hin, qabeenya keenyatu saamame, mirga keenyatu saamamee, ni falmanna, mirga keenyas ni kabachiifanna!!
9. Filannoon kijibaa kan Mootummaan wayyaanee bara 2015tti gaggeessuuf jedhee cidha qopheessa jiru nurraa dhaabbachuu qaba!!
10. Mirgii Ilma Namaa Oromiyaa keessatti sarbamaa jiru kabajamuu qaba!!
11. Mirgii dimookiraasii uummata Oromoof kabajamuu qaba!!
12. Lafa dimookiraasiin hin jirreetti maqaa Filannoon uummata gowwomsuun nurra haa dhaabbatu!!
13. Hidhamtootni Siyaasaa Oromoo haal duree tokko malee hiikamuu qabu!!
14. Mootummaan EPRDF baatii Ebla keessa Gaaffii karaa mirgaa fi nagaa gaafatneef tarkaanfii ajjeechaa duguginsa sanyii nurratti fudhateef itti nuf haa gaafatamu.!! Kan jedhuu fi kanneen kana fakkatan dhaadannoo arii fi dheekkamsaan guutame uummatni fi barattootni walitti dabalamuun sagalee mormmii guddaan sirna abbaa irree qawween biyya bulchaa jiru wayyaanee dura dhaabbatan.

Mootummaan abbaa irree human waraanaa guddaa kora bittinneessaa jedhamuu fi poolisaa uummatatti gadhiisuun sagalee uummataa ukkamsuuf yaalii guddaa keessa oluus, uummaatni poolisotaaf waamichaa FDG taasisa jira. Wayyaaneen haala kanattis rifatuu guddaa keessa seenuun uummata irratti dhukaasaa akka bananiif ajaja dabarsuun korri bittineessa wayyaanee uummata nagaa meeshaa waatuu of harkaa hin qabne irratti dhukaasaa banuus uummatni  fi goototni barattootni Oromoo mormii guddaan jala dhaabbatan guyyaa keessa  hanga sa’aa 9:00tti mormii guddaa dhageesisuun eenyummaa uummata Oromoo diinatti argisiisan.

Gabaasa Qeerroo Lixa Shaggar,Sadaasa 06,2014

Barattootni Yuunibarsiitii Amboo Department ”Agriculture and Bio-Processing Engineering” barachaa jiran Yuuniversitichatti beekamtii dhabuu Department kanaan walqabateen barattootni waggaa 2ffaa hanga waggaa 5ffatti barachaa jiran baay’inni isanii 415 olitti kan lakka’aman barnoota dhaaban.

Sadaasa 5/2014 Guddinaa fi Tiraanisfoormeeshiniin Wayyaanee EPRDF biyyatti keessatti uummata gara doofummaa, wallaalummaa, hiyyummaa bara baraa fi rakkoo jiruu fi jireenyatti geessuun biyyattiin har’a biyyaa hojiidhabdummaan keessatti dagaage, biyya mirgi ilma namaa keessatti sarbamu, biyya mirgi dimookiraasii keessatti awwalamee fi biyya mootummaa abba irree afaan qawweetti amanuun bulaa jirtudha.

Barattootni Yuunibarsiitii Amboos balaa ulfaataa sirni kun baatee deemuuf saaxilamuun barattootni Department ”Agriculture and Bio Processing Engineering” waggaa 2ffaa hanga waggaa 5ffaatti barachaa jiran Departmentii haaraa Qo’annaa fi Qorannaa Saayinsiin deegarame malee callisaniidhuma maqaan department qofti waan itti miidhageef hundeessani lammilee biyyatti balaa guddaaf saaxila jiru.

Barattootni yeroo jalqabaaf department kanaan eebbifaman hanga guyyaa har’atti ogummaa barataniin hojii irratti ramadamanii hojeechuun jijjirama ofii fi biyyaaf fidan illee dhabuun hojii dhabdeelee ta’uun jiruu fi jireenya gadadoo keessa jiraacha kan jiran ta’uu irra darbee, iyyannoo hojiin ogummaa baratne kanaaf nuuf haa kennamu hojjetnee biyyas ofis gargaarra jechuun galfataniif Ministeerrii barnoota Wayyaanee EPRDF namni Shifarraa Shuguxee jedhamu department kana nuti hin beeknu, beekamtiis hin kenineef jechuun ifatti deebii keenne ture. Haaluma kana irraa ka’uun barattootni Yuunibarsiitii Amboo wagga 2ffaa hanga waggaa 5ffatti barachaa jiran gaaffii fi Iyyannoo Promotion nuuf haa hojjetamuu malee departmentii sirni barnoota ministerii barnoota keessan hin beekne akkamiin baranna? Maaliif lammii biyyattiitti taphattu jechuun bulchiinsa Yuunivarsiitii Amboo gaafachuun deebii waan dhabaniif, Iyyannoo isaanii gara Ministera Barnoota wayyanee EPRDFtti dhiyeeffatan ,deebiin wajjira ministeraa barnoota Wayyaanee irra kennameef ‘amma atattamaan magaalaa kana gadhiisaa ba’aa, as keessatti fincila nurratti kaachisuu dhuftanii” jechuun gaaffii fi iyyaannoo barattootaa irraa fuudhuu diduun barattoota doorsisaan of irra arii’an.

Rakkoon ulfaataan kun hanga furmaata hin argannetti barnoota dhaabuu isaanii beeksisuun, barattootani Yuunibarsiitii Amboo wagga 2ffaa hanga 5ffaatti departmenicha irra barachaa jiran guutummaatti barnoota dhaabani jiru. Rakkoowwaan mootummaan garboomsaa waliigalatti uummata keenyaa irran ga’aa jiruu fi haala sarbinsa mirga namummaa fi sarbamuu dimookiraasii fi mootummaa abbaa irree aangoo
irra maqsuun mootummaa dimookiraatawaa hundeessuuf yeroon gamtaan qabsa’an amma jechuun goototni barattootni Yuunibarsiitii Amboo midhaa isaan irra ga’aa jiru uummataaf ibsuun dhaamsa waliigalaa FDG itti fufsiisuuf uummataaf waamicha gochaa kan jiran ta’uu hoggansii Qeerroo Godina lixa Shaggar gabaase jira.

Sadaasa 04 Bara 2014 Jiituu Lammii Irraa

Barri 1998, bara Afaan Oromoo yeroo jalqabaatiif qormaata biyyoolessaaf dhiyaate tauun buaalee dhiigni ilmaan Oromoo magarse keessa isa hin dagatamne taa. Barri kun bara hojiin Oromoo fi Oromummaa qalbii dhalootaa keessatti deebisanii magarsuuf taasifame hundee jabaa horachuu mallattoon eeru itti mulatee dha. Dhaloonni haala kana keessa cayaa Oromummaa jalatti, harka Oromoorrattii fi foolii Oromummaa keessatti guddate dhaloota gadoo sabaa baasu, madaa lammii dhinsu (fayyisu), dhaloota seexaa fi murannoo addaa qabu, dhaloota gabrummaa hadheeffate taeetu guddate. Dhaloota ormaaf hin jilbeeffanne kan ofii dabarsee hin laanne, dhaloota fincilaa tauu hojiin mulise. Hojii dhaloota kanaatu dhimmi Oromoo dubbii abbaa jabaa qabu tauu mirkaneesse. Fiixee dubbii addunyaatti olbaasee toora qabsiise. Kanatu xiyyeeffannoo dubbii koo haraatii na waliin turtuu laata!!

Bitootessa, 2000 bosonni Oromiyaa Booranaa fi Baalee torbanneeniif birmachuu tokko malee gubachuun dhugummaa dubbii kanaaf mirkana tae. Kan Oromiyaaf birmatu Oromoo tauutu hubatame. Manneen barnootaa Oromiyaa keessatti argaman hunda keessaa sagaleen gurmuu jabaarraa dhagahame dhugumattuu dhaloonni roorroo bara dheeraatti xumura tolchu qeee Oromoo keessaa biqiluu akeeke. Sana booda Fincila Diddaa Gabrummaa (FDG) otoo walirraa hin cinne arguu fi dhagahuun adaa tae.

Jiituu fi Yaadannoo FDG 2014.doc

Mootummaan Abbaa Irree Wayyaaneen Murtii Dabaa Barattoota Oromoo Yuuniversitii Dirree Dawaa 21 Irratti Dabarse Ilaalchisee Ibsa Qeerroo Bilisummaa Oromoo Irraa Kenname.

Mootummaan Wayyaanee afaan qawweedhaan erga aangootti olbahee kaasee hidhaa, ajjeechaa, biyya  irraa arii’uu fi darara dhala namaaf hin malle barattoota Oromoo irratti gaggeessaa as gahe. Barattootni  Oromoo dhiibbaa mirga namummaa fi Dimokiraasii Uummata Oromoo irratti gahaa ture dura  dhaabbachuun wareegama qaalii kaffalaa turan. Mootummaa wayyaanee abbaa irreef murtiin dabaa  hidhaa fi ajjeechaan QBO duuba kan deebisu itti fakkaachuudhaan itti fufinsaan daba daangaa hin  qabne gaggeessaa as gahe.

Gaaffii abbaa biyyummaa barattootni Oromoo gaafatan dura murtii hidhaa fi ajjeechaa dabaan  dhaabbachuun kan beekamtu wayyaaneen barattoota Oromoo Yuunivarsiitiilee keessaa mana hidhaatti  guurte irratti murtii dabarsite. Sabboontota Barattoota Oromoo 21 kan Yuunivarsiitii Dirree Dawaa  keessaa baratan irratti himannaa dharaa kan bane abbaan irree Wayyaaneen mana murtii sadarkaa 1ffaatti murtii  hidhaaf dabarsuun murtii dabaa itti murteessite. Barattootni kunneen ji’a jaha guutuuf mana hidhaa  mootummaa Wayyaanee gidduu galeessaa Maa’ikelaawwii fi Dirree Dawaa gidduu naannessuudhaan  rukkuttaa hamaa irraan kan geessu yoo tahu ammas murtii hidhaa waggaa fi qarshii 500 eegalee hanga  waggaa shanii fi qarshii 500tti itti murteessitee jirti. Barattootni kunneen

1. Barattuu Daraartuu Abdataa Araarsoo
2. Barataa Mootii Baanjuu Ayyaana
3. Barataa Dheeressaa Simee Qumbii
4. Barataa Dassaaleny Beeksisaa Imaanaa
5.  Barataa Abdii Birraa Baqqalaa
6. Barataa Gadaa Baanetaa Gannaalee
7. Barataa Leencoo Teediroos Dheeressaa
8. Barataa Darajjee Tasfaayee Mokonnin
9. Barataa Ifaa Geetachoo Obsaa
10. Barataa Amaanu’eel Ittafaa Sirneessaa   Guutummaan ibsa kanaa:- Barattoota Oromoo Yuuniversitii Dirree Daawaa Ilaalchisee Ibsa Qeerroo Bilisummaa Irraa Kenname. 1