Adoolessa 7,2016 Baha Oromiyaatti FXG jabaatuun yeroo wal irraa hin cinneen gabaasuun keenya ni yaadatama.  Odeessa Qeerroon Harargee lixaa
–       Aanaa Boordadee
–       Mi’eessoo
–       Ciroo
–       Meecataa
–       Hirnaa
Akkasuma Harargee Bahaatti
–       Qarsaa
–       Haromayyaa
–       Awwaaday
–       Kombolchaa
Godinaalee Hararge lamaan aanaalee kanatti Waxabajii 2/2016 qophi ramaadanaan kan wal qabateen Qeerrroon akkuma gabaasaa turre FXGf haala mijeessuun daandiwwan onoota kana keessaa cufuudhaan alaabaa fannisee tureen alaabaan keenya (ABO) torban tokkoo oliif ona kanneen keessatti waajjiraalee garagaraa fi mannen barnootaa birattis akkasuma magaalaa keessatti fannifamee kan ture yoommuu tahu kaleessa akkuma
gabaasne uummannis dabalataan kaleessa guyyaa Edi Mubarak onoota kanneen irraa alaabaa qabatee bahee jira. walumaa galatti Qeerroon
onoota kanneen irraa akka karooraatti kan milkaawen injifannoo guddaa gonfatuun olaantummaa isaa kan beeksifate Qeerroon bulchiinsa diinaa
haga diigamutti bulchiinsa mataa isaanii dhaabbatuun uummanni ofiin of bulcaa akka jiru har’a Qeerroon gabaasee jira.
Godinaalee lixa Oromiyaa Shaggar  lixaattis FXG itti fufuun wayyaaneen manneen jireenyaa uummataa sakatta’uun Qeerroon gabaaasera. Har’a
daandii gara wallaggaa geessuu shawaa lixaa keessatti kan cufamee ture  humni diinaa banachuunis Qeerroon gabaasee jira.
Barruun warraaqsaa “OROMIYAAN NI BILISOOMTI” jedhus Amboo fi bakkoota garagaraatti darbatamuunis kan mul’ate waraana wayyaanee naannicharra jiruun funaanamuunis gabaasni Qeerroo achirraa nu gahe addeessa.

Adoolessa 7/2016 Magaalaan Finfinnee fi Magaalotni Addaa Naannawaa Finfinnee Waraana Agaazii fi Poolisii Federaalaan Shororkeffamaa jiru, Addatti Magaalaa Finfinnee Keessatti Guyyaa Ha’aa Waraanni Agaazii, Poolisiin Federaalaa fi Poolisootni Magaalaa Finfinnee Fageenyaa 1km tokkoo hin Caalleen wal irraa fagaachuun fi Hidhannoo guutuun  Daandii qabatanii uummata shororkeessa kian olaanii fi Guutummaan Magaalaa Finfinnee fi Magaalota Addaa Oromiyaa naannawaa Finfinneetti argaman raafama guddaa keessa galanii  jiraachuun ibsame!!
Mootummaan Abbaa Irree Master pilaanii Finfinnee fi Magaalota Oromiyaaf qopheesse dirqamaan hojiirra olchuuf kan carraaquu yoo ta’uu, Waraanaa humnaa oliii Oromiyaa Keessa Bobaasee ilmaan Oromoo Manguddoonnii fi hawwaan illee ulfina dhorkuun dhaabaa sakkaatta’insaa
seeraan alaa gaggeessa jira. warraaqsii biyyooleessa oromiyaa FXG golee Oromiyaa garaagaraa fi addatti Bahaa Oromiyaa fi naannoo Finfinnee fi Finfinnee  keessatti jabaachuun  sirnicha caalmatti raafama keessa kan galche jiru ta’uun hubatame jira.

Adoolessa 6,2016 Kutaa Bulchiinsii Magaalaa Finfinnee Hannaa furiitti Poolisootni Federaalaa 6 Dhiiga uummataa dhangalaasuu fi Sochii Warraaqsaa Biyyoolessaa Oromiyaa FXG Dura dhaabbachuuf bobbaafaman Humna Ittisa uummataan Haleelamuun  Du’aan Adabaman, Reeffii Poolisoota kanaas Bakkeetti gartamee Bargamoo keessa kan Argame ta’uu mirkanaa’era.

Guyyaa har’aa Adoolessa 6,2016, Harargee Bahaa Magaalaa Dadar keessatti FXG gaggeefamaa jiru itti fufuun daa’immaan Oromoo rasaasa Wayyaaneen wareegamaa jiru. FXG gaggeefaa jiru keessatti daa’imi Oromoo umurii waggaa 9 kan ta’e Seyfuddiin Abdallaa loltoota Wayyaaneen wareegamee jira.

Adoolessa 6,2016 Sabboonaa Oromoo Lachiisaa Beenyaa Namni Jedhamu  Oromummaa isaatti Yakkamee Bakka jireenya isaa Magaalaa Naqamtee Keessaa Achi buuteensaa dhabame jira .Maqaan isaa Lachiisaa Beenyaa jedhama.Bakki Dhaloota isaa Godina Shaggar Lixaa  Baakkoo yeroo ta’u.

Sabboonaa lachiisaan Yeroo baayyee Magaalaa Gimbii keessatti humnoota tikaa Wayyaaneen adamoon waan itti cimeef imala isaa Oromiyaa keessa oliif gadi deemuun hojii guyyaa hojjetee nama of jiraachisaa tureedha.Akkasumas sabboonaa lachiisaan hojii qophee qulqulleessuu ,asoosamoota garaa garaa oliif gadi deemuun nama gurguree ittiin jireenyasaaf jiraachisaa tureedha.Haa ta’u Malee Adoolessa 06/07/2016 Magaalaa Naqamtee keessaa osoo kophee qulqulleessaa jiruu Humnoota tikaa Wayyaaneen butamee achi buuteensaa dhabamee jira.

Adoolessa 5,2016 Wayyaaneen barattootni gara maatii isaaniitti boqonnaaf galan ergama Qeerroo fi ABO fudhatanii galan jechuun barattoota baadiyaalee fi magaalota Oromiyaa keessaa hidhaa jirti.

Akka odeessi Qeerroo nu gahaa jiru ibsutti barattootni bara kana manneen barnootaa irraa boqonnaaf galan godina shawaa lixaa aanaalee hedduu irraa addatti ona Gindabarat irraa barattootni gara qe’eetti galaa jiran hedduun mana hidhaatti darbamaa jiru. Guutummaan dargaggootaa ona kana keessatti dhalatee guddatee Qeerroo fi ABO dha jechuun gaaffii tokko malee dhaabbilee barnootaa olanoo irraa kan gara qe’eetti galan yeroon boqonnaa isaanii amma mana hidhaa wayyaanee tahaa jira. bakka kana qofa miti ona fi godina hedduutti kun mul’ataa jira.

Qellem, Jimmaa Horrootti miseensa WBO jechuunis Qeerroon ona Jimma Horroo keessa jiratus duuchaatti hidhaatti guuramuu fi qabamaa akkasuma reebichi suukkanneessan irra gahaa jiraatuunis himame. Kana malees shamarran hedduunis humnaan waraana wayyaaneen gudeedamaa jiraatuunis odeessi achi nu gahe addeessa.

Barattootni yeroo ammaa boqonnaaf gara maatii galaa jiran dabalatee kan bara kana eebbifamanis yeroon kun wayyaaneef dhumaatii waan taheef hidhaa gaaffii malee kanaan dura akka itti barattoota argatuu dhabee amma akkaataa ittiin barattoota kana qabu maatii biraa tikoota isaatiin waan qabataa jiruuf of eeggannoo taasifamuu qabu waliin socho’uudhaan FXG itti fufuu Qeerroon asumaan  gadi jabeessee dhaama.