Caamsaa 18,2017/Godina Arsii Aanaa Jajuu Magaalaa Arbooyyee keessatti Dubartoota maqaa koonfirasii Dubartootaa jedhuun wal gahii teessisaa jiru. Magaalaa Arbooyyee keessatti koonfiransii Dubartootaa jechuun itti gaafatamaan waajjira eegumsa fayyaa aanaa Jajuu Geetaahun Nugusaalam kaabinoota aanotarraa dhufan wajjiin ta’uun olola siyaasaa isaanii babal’ifachuuf dubartoota gandoota hundarraa walitti qabee wal gahii teessisuun.

Manneen keessan keessatti Abbootii manaa keessanii fi ujoolleen teessan humnoota badii jala deemudhaan kaayyoo Adda Bilisummaa Oromoo ABO galmaan gahuuf akka hin sochoone isin debartoonni gaheen guddaan maatii hoogganuu isin harka waan jiruuf akka maatii keessan gocha badiitirraa dhoorgitan yoo humna keessanii ol ta’anis mootummaa quba qabaachisuun akka karaa mootummaatin gorfaman godhuu qabdu ta’uu baannan maatiin keessan akkuma waggootan lamaan darbe argitan akkuma baheen isin jalaa hafuu danda’u hojiin isaanii Continue reading →

Murni shiftaa fi saamichaa fi aangoo qawween biyya Oromiyaa saamuun duroomte wayyaaneen torban kana keessa maqaa walga’ii kiraa sassaabdummaa jedhuun uummata Oromoo gidirsuuf karoora jabaa baafattee hojiirra oolchuuf qoophiishee xumurtee jiraachuun saaxilame.

Akka maddi oduu Qeerroo goleewwan Oromiyaa irraa nu qaqqabaa jiran addeessanitti sirni aangoo qawweetiin uummata Oromoo saamaa fi saamsisuun beekamtu murni hattuun Tplf maqaa walga’ii kiraasassaabdummaa jedhamu daa’effachuun torban tokkoof uummata Oromoo gidirsuuf qoophiishee xumurtee  uummata oromoo godinaalee Oromiyaa mara keessa jiranis maqaa wal ga’ii kanaatiin afanffajjeessuuf ijaabaachaa jiraachuu qeerroon gabaase. Mootummaan sirna nama nyaattuu fi saamtuun abbaa irree Wayyaanee kan ilmaan Oromoof daqiiqaa tokkoof gara laafina hin qabne tuffii fi inaaffaan kan keessa ishee nagaa dhorke dur irraa kaastee hanga hanga har’aatti karaa ittiin ilmaan oromoo irratti bara bittaa ishee dheereffattu qopheeffachuun hojiishee idileedha.Waraanni nama nyaatuu sirna afaan qawween biyya oromiyaa saamuun kan duraayyuu caalaattii fardeeffamuun ilmaan oromoo nagaan ba’anii galuun hammaatee jira. Continue reading →

Caamsaa 17/2017 Godina Arsii Aanaa Siree keessatti Rokkoolee bulchiinsa gaarii kan ummanni irraa komii kaasaa jiran ganda hundarraa qorannee adda baasuu qabna jechuun OPDOn ummata iddoo hundatti wal gahii jettee roobafii aduun qaqaa jiraachuun dhagayame.Rakkoo bulchiinsa gaarii qofa osoo hin taane ummanni tokko Shaniin deebi’ee akka ijaaramuu qabus akeekkachiifni bulchitoota gandaatiif kennamee jiraachuu maddeen oduu keenyaa gabaasanii jiru.

Kana malee Godina Addaa Oromiyaa naannawa finfinnee kutaa magaalaa Aqaaqiitti koonfiiransiin dargaggootaa gaggeeffamaa jira.

Dargaggoonni magaalattii hundi akka wal gahii kanarraa hin hafne galgalaan sagalee guddiftuun iyyaa turuun isaaniis dhagayameera