08 | July | 2015

Kibba Godina Sooddoo, Walqixee Fi Bakka Garagraatti Diddaan Uummataa Itti Fufe

Aside

Adoolessa 08,2015 Walqixxee

Godina Soddaa Walqixxee jiraattoni Takaakatu, Zoobimollaa , Fiqaaduu fi Rakkaa kan jedhaman keessa jiraatu uummanni daandii konkolaataa bakka adda addaatti cufuun shamarran, daa’imman umurii 10 olii osoo hin hafiin mormii fi diddaa sirna mootummaa Wayyaanee dhageessisuun sirnicha dura dhaabbachuutti akka hirmaatan taasisuudhaan har’a Qeerroon Sooddoo irraagabaasee jira.

Kanumaan waraanni Wayyaanee uummata naannowwan kana keessa jiraatu irrattu dhukaasa banuun beekame.Ummannis dhukaasa Wayyaanotaa kana osoo hin dheessiis gootummaan dura dhaabbatanii sirna mootummaa Wayyaanee fi filmaata sobaa gaggeefame guutuutti balaaleffataa akka turan Qeerroon gabaase.

Dubreen Oromoo Barnootaan Qaroo Taate Qalbii Sabaa Himaa Ameerikaa Hawatte

Aside

July 8, 2015

Jaallannee Gammadaa

WASHINGTON DC (VOA Afaan Oromoo) – Ijoollee Oromoo bara kana barnoota sadarkaa adda addaatiin xumuruun as Yuunaayted Isteetis keessatti eebbifaman keessaa tokko kan taate Biiftuu Dureessoo kutaa New Yoork magaalaa Raacheste keessatti kan argamu mana barnootaa sadarkaa lammaffaa “Wilson magnet High school” jedhamu keessatti qabxii ol aanaa galmeessisteen guyyaa eebba sanaatti haasaa “valedictorian” ykn haasaa guyyaa ayyaana eebbaa akka gootu filatamtee haasaa dhageessistee turte.

Jaallanneen Biiftuu Dureessoo fi kan yeroo dheeraa dhaaf maamila radiyoo sagalee Ameerikaa sagantaa Afaan Oromoo ta’an abbaa ishee obbo Jamaal Abdullaahii haasofsiistee jirti.
http://voaafaanoromoo.share.voanews.eu/externalaudio-FLRM/Audio/2852382.html