Caamsaa 4,2015 Gabaasa Qeerroo Magaalaa Buusaa

Godina Kibba Lixa Shaggar Aanaa Daawoo magaala Buusaa keessatti gaaffiin mirgaa uummanni kaasaa jiru daraan kan isaa sodaachisee dhaamsuuf mootumman Abbaa Irree  Wayyaanee hidhaa fi dararaa ilmaan Oromoo irratti duulaa jira. Qeerroon Aanaa Daawoo magaala Buusaa sodaa tokko malee mirgaa Abbaa biyummaa Oromoo yaa kabajamuuf gaafata jiran dhaamsina duulaa jedhuun ilmaan Oromoo Oromummaa isaaniin yakkuun dargagoota Oromoo 16 gaafa Caamsaa 1 bara 2015 mana hidhaatti guuree jiraachuu fi dararaa hamaa irraan gahaa jiraachuu Qeerroon gabaasa.

Dargaggoota Oromoo hidhaman keessaa:-

1. Zarihun Kaasahuun kan yeroo dheeraaf mana hidha Maikalawii fi Qaallittiiti dararama ture .
2. Darajjee Qananii
3. Asbiree Qananii .
4. Ayyaanaa(Admasuu)Abbabaa mana isaa waa takkaa osoo hin hambisiin sakkata’iinsa gocha seeraan ala irraatti rawwaatanii turaan.
5. Wasihuun Qananii
6. Darrajjee Hayilee
7. Shittoo Hayilee
8. Damisuu Hayilee
9. Abbabaa Getahuun
10. Warquu Gurmessa
11. Guddisaa Baayechaa
12. Shamballii Margaa
13. Dajanee Gaarii

Kanneen jedhaman akka keessatti argaman Qeerroon Magaala Buusaa irraa gabaase

Gabaasa Qeerroo Amboo,Caamsaa 3,2015

Godina Lixaa Shaaggar Aanaa Calliyaa Geedoo, Iluu Galaanii fi Aanaa Midaa Qanyiitti FDG Uummataan itti fufe, Uummatni hojii idilee isaa dhaabuun dabballoota, basaastoota fi kaabinoota Wayyaanee fi Ergamtuu wayyaanee OPDO ergama diinummaa butatanii gandoota keessa fiiguun nu filadhaa jechaa jiran dura dhaabbachuun uummatni FDG irratti kaachisuun isin hin barbaadnu jechuun mormii guddaan dura dhaabbatan, Mootummaan Wayyaanee EPRDF/TPLF/OPDOn sochii uummataa irraa naasuu guddaa keessa seenuun humna hoomaa Waraanaa Uuumatatti bobbaasuun uummata goola jira. Warannii guddaa wayyaanee dhihaa Oromiyaa magaalotaa fi Aanawwaan sochiin uummata keessatti jabachaa jiruu irra qubsiifamaanii uummata goolaa jiran kun sadarkaa afuuritti qoodamu:

1ffaa Humna Waraanaa raayyaa Ittisaa biyyaa

2ffaa. Humna waaraanaa Addaa kanneen ( liyyuu Hayiilii fi special kumandoo)

3ffaa. Kora bittinneessa kan maqaa addaa (Ademaabetanyii) jedhamuun beekamuu fi

4ffaa Humna Poolisii Federaalaa kaanneen jedhaman dhihaa Oromiyaa magaalotaa fi Aanotaa garaagaraa irra qubsiifamuun uummata goolaa jiru. Keessattuu guyyaa haraa mormii guddaa uummatni Oromoo guyyaa hardhaa sirna abbaa irree wayyaanee EPRDF/TPLF/OPDO jalatti hin bulluu jechuun Uummatni fi goototni dargaggootni qeerroon barattootni Oromoo Aanaa Calliyaa Magaalaa Geedoo, Iluu Galaan Magaalaa Ijaajjii, fi Midaa qanyii Magaalaa Baallaammii fi gandoota baadiyyaa keessatti uummatni fi darggaggootni Oromoo waliitti dabalamuun Mootummaan bara darbee guyyaa saafaa dhukaasee nu ajjeesaa ture, seeratti dhiyaachuun utuu itti nuuf hin gaafatamiin, yeroo amma kana immoo kabinoota dabballootaa, basaastoota isaa nutty bobbaasuun yoo nu filachuu baattaan hin jiraattan jechuun haalan kan uummata dheekkamsiise waan taeef Mootummaan yakkamaan filannoo dimookiraasii gaggeessuu hin dandauu gaggeessees hin beeku, waan taeef seeraatti nuuf dhiyaachuu qabu malee ololaa filannoo fakkeessiin gurraa keenyaa duuchuun dhaabbachuu qaba, nuti dimookiraasii barbaadanna, mirgii keenya waraanaan ukkanfamuu hin qabu, jechuun uummatni sagalee mormii sirna wayyaanee irratti dhageessisa jiraachuu madden Qeerroo Geedoo irraa gabaasan

Haaluma Walfakkaatuun dorgomtootni paartii KFO uummatni baee mirga isaa akka kabachiifatuuf guyyaa haraa magaalaa Geedoo irratti walgaii uummata akkuma waamaniin Magaalaan Geedoo kaleessa galgala irraa eegaluun humna waraanaa guddaan qabamtee bulte.

Gabaasa Qeerroo Lixa Shaggar,Caamsaa 3,2015

Mootummaan wayyaanee mormii uummataa fi diddaa dargaggoota qeerroo barattoota Oromoo irra FDG itti qabsiifamaa jiruun muddama keessa seeneen ammas dargaggoota Oromoo mirga uummata Oromoo kabachiisuuf Onnatan irratti tarkaanfii gara jabinaa fudhachuu egalee jira. Yeroo amma kanatti, keessattuu Ebla 30/2015 irraa eegaluun yakki suukaneessaa barattoota dargaggoota Oromoo fi uummata Oromoo jiraattoota magaalaa Giincii irratti fudhatamaa jiraachuun ibsame jira. Dargaggootni barattootni Oromoos balleessa tokko malee hidhattis darbatama jiraachuun ibsame jira. Haaluma kanaan dargaggootni barattootni Oromoo hidhaatti darbamuun dabbasaa(Rifeensii) mataa isaanii humna poolisoota Federaalaa fi dabballootaan irraa haadamaa jiraachuun gabaafamera. Kanneen haala kanaan dararamaa jiran keessaas:

1. Barataa Kumaa Tuujjoo m/b Giincii sadarkaa 2ffaa fi qopha’inaa
2. Barataa Leellisaa Ifaa m/b Giincii sadarkaa 2ffaa fi qopha’ina kan ta’aan barattootni Oromoo kun lamaan badii tokko malee humna poolisii Federaalaan ukkanfamuun wajjiraa Poolisii magaalaa Giinciitti darbamuun mataan isaanii kanneen irraa haadamee fi dararaaman yoo ta’u
3. Addee Giddiittuu Kitaabaa dubartii gannaa 60 kan hojii dhunfaa isaanii hojjetanii Magaalaa Giincii keessa jiratan ilmi kee uummata nurratti kakasaa jira kanaan booda mucaa kee haaduudhaan qallaa, mana kees sirratti gubna  jechuun qabanii wajjiraa poolisii galchuun doorsisuun kan gadi gadhifaman
4. Obboo Tukkummaa Daksiisaa jiraataa magaalaa giincii kan ta’ee uummata nurratti kakaasaa jirta jechuun hidhaman,
5. Barataa Obsaa Abdiisaa m/b Giincii sadarkaa 2ffaa fi qophaa’ina irra humna poolisii federaalaan qabamee hidhatti kanneen darbaman keessatti kan argamu, dabalatee barattootni Oromoo fi uummatni magaalaa giincii humna Poolisii Federaalaa fi poolisoota ergamtuu wayyaanee EPRDF/TPLF/OPDO’n dararamaa jiraachuu maddee qeerroo Magaalaa Giincii irraa gabaasa jiru.

Yakka suukanneessaa Ummata Oromoo nagaa jiraattoota  Aanaa Dandii magaalaa Giincii  gaaffii mirgaa karaa nagaa fi dimookiraasii gaafachaa jiran irraatti dabballootni fi basaastootni wayyaanee ergama diinummaa butachuun uummata dararsiisa jiran:

1. Taaddalaa Humneessaa dabbalee wayyaanee ergama adda fudhachuun barattoota Oromoo dararuuf kan bobba’ee fi nama barattoota Oromoo hidhamanii jiran irraa mataa gogaa haadaa jiruu fi yakka gara jabeenya ilmaan Oromoo irratti fudhachaa jiru.
2. Mardaasaa Margaa itti gaafatamaa waajjira milishaa Aanaa Dandii maagaalaa Giincii, fi dabbaallee OPDO olaanaa Aaanicha.
3. Mulgeetaa Dabbabaa, yeroo ammaa kana OPDO bakka bu’uun filannoo fakkeesii fi sobaa wayyaanee keessatti wayyaanee TPLF/EPRDF/OPDOf kan dorgomaa jiraniifi uummata hidhaa, reebichaan dararaa kan jiru.
4. Handaarsaa kan jedhamuu dabballee mootummaa abbaa irree wayaanee beekamaa fi yeroo garaagaraatti uummata Oromoo dararaa kan ture,  ta’uun uummatni Oromoo Aanaa Dandii irratti dammaquun ergamtoota diina kana irraa of eeggachuun mormii guddaan akka dura dhaabbachuuf jiran dhaamsa dabarfatan.

Caamsaa 3,2015 Ayyaanni irreessaa uummata Oromoo magaalaa Naqamtee fi barattoota Oromoo biratti bifa addaan kabajamaa jira.Barattooti Yuuniverstii Wallaggaa fi Qeerroon magaalaa Naqamtee jiraatan walleelee warraaqsaa fi dhadatnoon diiddaa mootummaa Wayyaanee irraa qaban dhageessisaa akka jiran Qeerroon gabaase.

Guutuun gabaasaa kanaa ni dhihaata.

Oduu,Gabaasa Oduu sirna yaadannoo waggaa 1ffaa dhumaatii magaalaa Amboo fi sanaan walqabatee sochiilee jiran, dhimmuma kanaan walqabatee gaaffii fi deebii barattuu mana barumsaa sad.2ffaa Amboo Ayyaantuu Caalaa waliin gaaffii fi deebii geggeeffame akkasumas Qophiilee adda addaa…

Gaaffii Mirgaa Ummatni Oromoo Kaaseef Deebiin Mootummaan Wayyaanee Keenne Gocha Suukkannee Dha!!
Baatii Ebla 2014 irraa kaasee uumanni Oromoo guutummaa Oromiyaa keessaa roga maraan gaaffi mirga abbaa biyyummaa fi kan nagaa
democracy gaafachuuf jecha hiriira karaa nagaa bahan,manneen barnootaa sadarkaa ol aanoo fi gadii akkasumas magaalaa fi baadiyaa
Oromiyaa keessatti Oromoonni kitiliin lakkaawam hiriira bahuun nagaan sagalee isaanii aduunyaatti dhageessifataa turan.Uummata
meesha maleeyyii bishii coqorsaa baatee nagaan hiriira bahee mirga isaa falmatuuf mootummaan gaafatama fudhatee deebii karaa nagaa
kennu dhibnaan Wayyaanee kan uumaticha anatu si bulchaa fi anatu nageenya keetiif gaafatama jedhu uumata nagaa irratti raasaasa
roobsuun Oromoota heddumminaan fixe,kaan hidhaatti guure,garii madeesse,kaan biyyaa baqate. Gochaan kun gochaa sukkanneessaa
ta’uu irra darbee uumata Oromoo qabsoo mira dhala namaa fi abbaa biyyummaaf godhu daran jabeessee akka itti fufu taasisee jira.
Sochiilee uumati Oromo nagaan bahee mirga isaa gaafatu kanaaf deebiin rasaasa Wayyaaneen Oromoota ajjeefaman,madaayanii fi
hidhaman seenaa isaanii waliin galmeessuun itti fufee jira.Hanga ammaatti Oromoonni 2600 ol mana hidhaa jiru,hedduun wareegamanii
jiru,gariin madaayanii jiru. Dhimma kana irratti Qeerroon Bilisummaa Oromoo galmee Oromoota kanaa maqaa fi seenaa isaanii guutuu
galmeessaa jira.Hamma ammaatti warra galmaayee gabatee itti aanu keessatti kaayaa warra hafan ammo yeroo gabaabaa keessatti akka
xumuru ibsa isaa kaan addeessa. Guutuu Galmee Kanaa:- 

Galmee Oromoota FDG Irratti Wareegamanii fi hidhamanii ykn madaawanii

List of Oromos killed and detained compiled July 05 2014 compiled by Qeerroo

Caamsaa 2,2015 Gabaasa Qeerroo Naqamte.

Bara bulchiinsa Dargii keessa bara 1969 ALA   mootummaan Dargii yerosii uummata Habashoota Kaabaa irraa sababaa beelaa fi qubsuma jedhuun lafa gabbataa fi bosona kan ta’e Wallaggaa, aanaa Giddaa Ayyaanaa lafa baldhaa Hangar Guttiin jedhamu bulchiisa Oromiyaa jalaa baasanii bulchiinsa naannoo Amaaraa jala galchuuf qophii xumurachuun mootummaa Wayyaanee keessa beektota aangawoota Wayyaanee dubbatan.

Akka keessa beektonni saaxilanitti dacheen Oromoo kun aanaa Giddaa Ayyanaa jalaa bahee Aanaa Hangar Guttin jedhamee moggaafamuun itti waamama mootummaa Amaaraaf akka ta’u kan murteesse mootummaa Feedareaala Itiyoophiyaa yeroo ta’u hala kana  uummati Oromoo kan falmu yoo ta’es mootummaan Wayyaanee akka humnaan dura dhabbachuuf deemu ammaan dhadachaa akka jiru keessa beektonni ibsaa jiru.

Haalli kun akkasitti kan itti fufu taanaan uummanni Oromoo baha Oromiyaa fi Kaaba Oromiyaa irraa akka qabeenyaa fi lafa isaa dhabaa deemu beekamaa waan ta’eef  uummati Oromoo waliigalatti gaaffii master pilaanitti dabalee FDG alaa fi keessaan qindeeffachuun dachii Oromiyaa falmachuun barbaachisaa ta’uu Qeerroon gabaasa.