Hagayya,08,2012 Finfinnee

Harargee Bahaa keessatti onoota  kanneen akka Baaddannoo,Baabbilee,Dadar,Giraawwaa,Gola Odaa fi Meyumuluke,Gooroo Guutuu,Gursumitti waraqaaleen heddumminaan raabsame. Itti dabaluun  waajiraalee OPDO jalatti maxxanfamee akka oole gabaasi qeerroo addeessa. Akkasumaanis  halli kun hamma ammaattis itti fufaa akka jiru gabaasaan addeessa.

Karaa biraas Godina Baalee Ona Adaabbaa, Agarfaa, Gaasaraa, Jaarraa, Naanseboo,Raytuu fi Roobee jedhamutti diddaa musiliimotaan wal qabatee qeerroon godina sana irra jiru dhaadannoo qopheessuudhaan, akkasuma waraqaalee qeerroo onoota kana keessa tamsaasaa akka jiran gabaasaan addeessee jira. Kana irratti Wayyanonnii fi jala deemtonni isaa rifannaa guddaadhaan godina sana irratti sakatta’iinsaa fi rimiddii waraanaa heddumminaan akka gochaa jiran gabaasaan naannicha irraa nu gahe addeessa. Shakkiima kanaan hidhata ABO waliin qabdu jechuudhaan barattoota koollejjii fi yuuniversity irraa galan namoota 4 ona Roobee fi Naanseboo  milishaa wayyaaneen qabamanii gara mana hidhaa utuu geeffamaa jiranii uummanni wal ta’uudhaan harkaa buusan. Barattootni kunis

1. Dammaqsaa Rabbirraa-yuuniversity Finfinnee irraa
2. Oljirraa Fiqaaduu-yuuniversity Haromayyaa irraa
3. Sulxaan Mahaammad-yuuniversitii Diillaa irraa
4. Hawwii Jiraataa-koollejjii Rift valley Adaamaa irraa

Kanneen jedhaman kaleessa shakkii qabaniin keessumaa raabsamuu waraqaa kanaaf ijoollee kana too’annoo jaa galchuu yaadan illee kaayyoon isaanii gootota sabboontota Oromoon feshelatee argame.

Itti fufuudhaann  godina Booranaa  magaalaa Booree jedhamutti abbootiin qabeenyaa walii galteedhaan kanneen konkolaata qaban, konkolaataa daldalaa isaanii irratti Alaabawwan xixiqqaa fannisuun magaalicha keessa konkolaataadhaan balaliisaa akka oolan gabaasan addeessa.  Hagayya 05,2012 Ona kana irratti abbootiin qabeenyaa qeerroon wal ta’uudhaan barruulee uummata hundumaaf akka kennamu ykn raabsamu walii galteedhaan namootni qabeenyaa qaban lakkoofsa baayina uummata isaaniitiin baayisanii akka qopheessaa jiran gabaasaan addeessa.  Akkasuma ona Booree kana keessatti   shamarran ,dargaggoonni, jaarsoliin akkaataa siqeenya isaaniitiin ijaarsa qabsootti akka wal ijaaraa jiranii fi sochii warraaqsa bilisummaa fi walabummaa keessatti akka qooda fudhachuuf waadaa galan  gabaasaan addeessa.

Milishoonni onicha keessa jiran yeroo ammaatti qabsoo ummataa degeruuf akka fedha qabanii fi gariin warraaqsa deemaa jirutti akka makamanii jiran gabaasaan qeerroo addeessa.

 

 

 

Hagayya 08,2012 Dambi Dolloo

Gabaasaa Qellem ,ona Anfilloo irraa addeessuun ammo,  Hagayya 1 irraa kaasee mootummaan Wayyaanee waraana isaa gadi dachaasaa akka jiruu fi humni WBO guddaan daangaa ce’ee biyya seene sababaa jedhuun jeequmsa guddaa keessa akka galee jiru gabaasi qeerroo yeroo darbees ta’e dabalata addeessa.

Yeroo ammaa kanatti magaalota akka  magaala Anfilloo;Muggi,Ash,Gargeeda,daandii gara Sudaanitti geessu Yaanqi bakka jedhamu fi daandii Gidaamii fi Anfilloo Gargeeda keessa kutuun wal agarsiisu waraanni Wayyaanee heddummatee namni karaa deemu illee dhabee akka jiru gabaasan addeessa. Keessumaa sochii uummata ganda Gargeedaa shakkuudhaan ganda sana keessa namni galgala sa’a 1 booda akka hin deemne ta’eetu jira. Humna addaa guyyaa lamaa asitti ona Anfilloo irratti ramadaa akka jiru qeerroon ona Anfilloo gabaaseen addeessa.

Haala kanaan gabaasi ummata keessaa qeerroo gahe akka addeessutti  sababuma kanaan humni addaa WBO ona Anfillo irra jiruu fi kan magaalaa Qellem irra jiru ummata waliin walitti dhufee bakkoota adda addaatti mari’achaa akka jiru,ummannii fi humni addaa wal keessa waan jiruuf haala itti diina Oromiyaa irraa buqisanii mirga hiree murteeffannaa ummatootaa kabachiisan irratti ejjenno fudhatanii waraana wayyaanee dura dhaabbachuuf waadaa walii galuu gabaafame.

Huni addaa ummata keessa jira,ummanni ammoo humna addaa keessa jira,mootummaa kamiinuu ta’e duulli waraana wayyaanee adda baasuu hin dandayu,hamma gaaffiin ummata Oromoo deebii argatutti qasoon itti fufa kan jedhe qeerroon waraanni Wayyaanees ABOtu daangaa ce’ee humanba guddaa biyya seene kan jedhuun jeeqamaa akka jiru addeessa.

Qabsoon itti fufa! Gabrummaan ni kufa!

Duula Daa’imman Baqataa Oromoo Gubuu irratti Xiyyeeffate,   Hagayya 06,2012

This slideshow requires JavaScript.

Oromoon dhibedee cunqursitoota sirna Habashaa jalaa bakkoottan itti baqatu keessaa takka biyya ollaa isaatti argamtu tan yeroo ammaa SomaliLand ofiin jettuu fi ummanni naannoo Hargeisa jedhee waamuu dha. Garuu biyya Oromoon miidhaa isaarraa hafuura itti baafatuu fi tan hawaasni addunyaa ilaalchaa fi tika kennuuf osoo hin tahin, biyya Itophiyaa waliin wal tahuudhaan miidhaa adda addaa baqataa Oromoo irratti geggeessaa jirtu taateetu beekkamti.
Gochaalee gara-jabeenyaa kan ammaan dura bifa qindaawe kanaan geggeeffaman keessaa nama Oromoo kan lafoota qonnaatti kuulii hojjatanii jiraatan, yeroo kaffaltiirratti waldhabanfaa, summii nyaachisanii fixaniiru, kan rasaasaan rukutanii ajjeesan herrega hin qabu, kana malees kan akkaan nama laalessu warra/maatii tokko ilmaan isaanii lamaa waliin 2010 keessa mana (dasee) duubaan itti cufuudhaan gubanii fixaniiru. Oromoo arrabsuun, xiqqeessuu fi akka hawaasni Soomalii ija diinummaatiin ilaalu gochuun hojii dhaabbataa biyya tana keessatti geggeeffamaa turee fi jiruudha. Wanni ajaa’ibaa gochaa farra ilma-namaa taate tun yeroo hojjetamtu maqumaafillee inni badii hojjatu bakka seeraatti dhihaatee kan gaafatamu hin turre.Duula Daa’imman Baqataa Oromoo Gubuu Irratti Xiyyeeffate

GADAA + 150 – GADAA

YY.GMD(2005)
Diddaan Goobanummaa odoo Biyyaa nu hin baasiin, “BOKKUUN CITTUU” Bara dheeraa booda deebi’uuf jennaan , Hojiima Gaazexessummaa kanaan, Xuqur Incinniitti argamnee gabaasu keenya nan yaadadha. Gaazexessitoonni Oromoo Raadiyoo, Gaazexaa, TV keessa hojjatan hundi , waa’ee GADAA ilaalchisee sagantaa hojjachuuf fedhiin qaban kana jedhee ibsuun na rakkisa. waa’ee aadaa isaaniis akkasuma.
Ummanni Oromoo , kan Oromummaa isaaf hubannoo qabu hundi , Gadaaf ilaalchi qabu, maaliin akka madaalamu ibsuun na rakkisa. Ummati kun Gadaan maal akka fakkaatu fi akkamiin akka ittiin bulu odoo hin dhadhamiin ni jaallata. Jaalallii kun garuu akka natti fakkaatutti , Bara Gadaan ture jabiinaa fi tokkummaa UMMATICHAA irraa ka’ee kan hawwu nattii fakkaata. Kan caalaatti na dhibaa jiraatu ammoo, dhalooti har’aa akka dhaloota duraanii keessa jiraate odoo hin argiin, argaa dhageettiin qofaa mararfachuu fi ittin buluu akka barbaadu ibsachuuf of kennee falmaa jiraachuu isaatii. GADAA 150 GADAA

Hagayya 07,2012 Naqamte
Konkolaataan Humna Ittisa Raayyaa Biyyaa(Makkalaakayaa) jedhamee kan Wayyaaneen yaamamu tokkotti Waraanni Wayyaanee fe’amee deemu humna addaa WBOn rukutame.
Hagayya 05,2012 Ona Giddaa keessa buufata waraana Wayyaanee adda addaa keessa olii fi gadi osoo deemaa jiranii humna addaa WBOn haxxeen itti hidhamuun nannoo ona Giddaa bakka Qaaqaroo Adaree jedhamee beekamutti tarkaanfiin irratti fudhatameen loltooti Wayyaanee hedduun hojii ala t a’anii 3 ammoo bakka malee madaayanii Hosptala Naqamteetti geeffamuu gabaasi naannoo san irraa nu gahe addeessa.
Gama biraan ona Habee Dongoroo bakka Tulluu Gaanaa jedhamee beekamutti tarkaanfiin qabeenya inverstera Wayyaanee irratti ammaan dura fudhatameen Hagayya 04,2012 humni waraana feederaala Wayyaanee naannichatti sakatta’aaf bobba’e irratti tarkaanfiin fudhatameen namni maqaan isaa Fiqiresillaasee Barihun jedhamu humana addaan tarkaanfiin irratti fudhatmun beekame,kanneen hafan battalumatti naannoo san gadhiisuun akka baqatan gabaafama.
Haala kanatti kan rifate sirni Wayyaanee ,ABOn jajjabee ykn komaandoo nutti bobbaasee jira jedhuun daandii baadiyyaa irra sosso’uu sodaachuun magaalaa keessatti mooraa tikfatanii akka jiran beekamee jira.
Kana malees Hagayya 05,2012 basaasota Wayyaanee bebbeekamoo magaalaa Giddaa Ayyaanaa keessa jiraatanii fi baroota dheeraa ilmaan Oromoo hiisisuu fi dararaan biyyaa ari’uu irratti kanneen beekaman lama irratti humni addaa tarkaanfii fudhachuun beekame. Basaasa maqaan isaanii Derajjee Geetahuun jedhamuu fi basaasa biraa maqaan Efreem jedhamu osoo konkolaataa waajjira qajeelcha fayyaa godina baha Wallaagaan sosso’u irratti haleellaan ta’uu gabaafame.
Qabsoon itti fufa! Gabrummaan ni kufa!

Hagaya 07,2012 Gimbii

Godina Wallagga lixaa aanaa Ganjii ganda Kattii Gurraachaa fi Gujii Geetteree keessatti uummatni Oromoo albuuda keenya Wayyaanee hin saamu jechuun diddaa jalqaban.Baroota dheeraaf  sirni mootummootii Abshaa dhufaa darbaan albudi naannoo kanaa saamamaa kan turee fi ummanni Oromoo naannichaa ammoo hiyyummaa gadadoo fi beelaan daran harca’aa waan jiruuf jedha diddaa qabeenya isaa ittifachuuf jecha diddaa isaa muldhisaa jira.

Mootummaan Wayyaanee humnaan albuuda warqee naannoo kanaa saamuuf waraana hedduumminaan bobbaasuun uummata naannichaa goolaa jira. Haala kanan ilmaan Oromoo hedduumminaan aanaa kana keessaa uummatni albuudni keenya akka hin baanu akka jedhu kakaastaniittu dabballoota ABO tu isin keessa jira jechuun mana hidhaatti guuraa jira.Ilmaan Oromoo hedduumminaan kan hidhaman yoommuu tahu

1. Obbo Kumarraa Gaarii
2. Obbo Immiruu Baqqaanaa

Jedhaman mana hidhaa mootummaa Wayyaanee keessartti kanneen ukkaamsaman keessatti argamu.Uummatni naannoo kanaa qabeenya isaanii diinni akka saamne meeshaa qaban maraan dura dhaabbatanii jiran.Waraanni mootummaa wayyaanees Wallagga lixaa Ayiraa,Gimbii fi Dambi doolloo keessatti hedduumminaan bobba’uun dargaggoota Oromoo doorsisaa jiru.Qeerroon Oromoo naannoo kanaa doorsisni gaaffii mirgaa gaafannu duuba nu deebisuu hin danda’u jechuun dhaamanii jiran.

by Hunde Dhugassa  | Aug 5, 2012

Many individuals, journalists, politicians, historians, academicians and leaders; from Ethiopia, neighbouring countries and from different corners of the world have written about the Oromo. This includes its history, politics, ability, value and nature. The time, objective, nature and fact differ from person to person. The objective of this brief note is not to give analysis on the subject matter but rather to summarize an hour presentation of one of the most famous and controversial writer on the issue of the Oromo.

Any ordinary Oromo from Ethiopia can without difficulty name two important non Oromo authors from its neighbours, having a positive contribution on the history and visibility of the Oromo nation: Professor Asmerom Legesse and Tesfaye Gebreab. Both are Eritrean by birth, but hardly know the effort of one another until recently. The work of Professor Asmerom started almost half a century ago in the Borana region of Oromiya, while that of Tesfaye started after the fall of the Derg military junta. It is by chance that the professor started the most celebrated research on Gadaa Democracy of the Oromo people, but Tesfaye’s historical and artistic contribution has grown up in and with him in the beautiful city of Bishoftu. Read more:  www.Ayyaantuu.com

Hagayya 06,2012 Jimma
Godina Jimmaatti Poolisotaa dhalootaan Oromoo ta’anii fi humnaa darbatamaa(Faxinoo daraash) kanneen jedhamaan Magaalotaa fi Aanotaa duraan irraa qubsifamaan irraa kaasuun oliif gadii jijjiraa jiraachuun Wayyaanootaa beekame.
Humnaa Darbatamaa duraa Magaalaa Aggaaroo irraa ture, Hagayyaa 3/2012 gara Godinaa Bahaa Wallaaggaa Magaalaa Neqemteettii jijjiree jira, kanneen magaaalaa Jimmaa irraa turaan gara Godinaa Iluu abbaa Booraattii jijjiiree, kanneen Iluu Abbaa Booraa Irraa turaan gara magaalaa Jimmaattii fidee kan jiruu ta’uun hubatame.
Sochiin jijjiirraa humnaa waraanaa Wayyaanee xiyyeeffaannoon isaa innii guddaan ilmaan Oromoo irraattii ta’uu odeessii keessaa waraanaa Wayyaaneetii bahuu ifaa godhee jira. Poolisonnii ilmaan Oromoo bakkaa bakkaattii hin jijjiramnuu jechuun mormaaniin isiin seelii ABO tu isiin keessaa jiraa jechuun humnaa tikaa Wayyaanee kan Godinaa Jimmaa irraa jiruu Daassaalenyi Kebede jedhamuun dorsifaamaa jiraachuun gabaafame,keessaattuu waraaqaa Qeerroo Bilisummaa jedhuu kan ABO’n facaasaa jiruu utuu argitanii dhiistaan, namootaa waraqaa kanaa facaasaa jiruus ni beektuu jechuun gaaffii qaxxamuraa gaafachuun polisonnii sirnicha wal hunkuraa jirachuun ibsamera.
Gama biraan baratoonnii Oromoo University garagaraa irraa boqonnaaf galanii jiraan magaalaa Baddaallee keessaattii guyyuu humnaa poolisaa fi milishootaan eegaamaa jiraachuun gabaafame. Kanumaa keessaan diddaan uummataa akka malee jabaachaa jiraa, Hagayyaa 3/2012 Hordoftoonnii Amantaa muslimaa magaalaa Jimmaa, Aggaaroo, Sarboo,Gembee fi,Shabee naannoo masgidaa isaanittii sagalee Mormii dhageessisuun Filaannoon hoggaantotaa amantaa muslimaa,gaggeeffaamuuf jiruu, maaliif gandaa irraatti filaannaa ? Gandaa gandaa irraattii hin filaannuu kan keenyaa dhimmaa amantaa bakkaa amantaattii filaannaa, malee innii gandattii haafilatamu jedhu caasaa mootummaati malee sirna amantaa miti jedhu. Kanas ta’u mootummaan Wayyaanee waan ummanni jedhuun deemuu dhabuu irraan korojoo filmaata abbootii amantaa ta’anii gada gadatti qopheessaa jiraachuun beekame.