Monthly Archives: August 2012

SBO Hagayya 19 Bara 2012

Aside

Oduu Ammee: Kadir Martuu hidhaa gadhiifame; hiraarsaan irra gahe Birmannaa guddaa barbaada.

Aside

(Qeerroo, Finfinnee, 19 Hagayya 2012) Mana hidhaa Maa’ikalaawwii keessatti gochaan sukkaaneessaa kan irratti raawwatamaa ture, artistii beekamaa Kadir Martuu mana hidhaatii gad-dhiifame.

Kadir Martu (File)

Oduun amma nu dhaqqabe akka addeessutti, wallisaa Kadir Martu  lukkeelee fi basaasota Wayyaanee biyya Sudaan jiraniin qabamee mana hidhaa Sudanittii darbatameen booda gara Itoophiyaatti deebifame.

Mana hidhaa addaddaa keessattis gidiran olaanaa irra gahaa kan ture yoo ta’u dhuma irratti, gara mana hidhaa maa’ikalaawwii kan ilmaan Oromoo keessatti hiraarfamaa jiran keessatti hiraarsaa fi torchariin irra gahaa ture.

Bakka maatii, firrii fi ogeeyyiin seeraa beekanii gaafachuu hin dandeenye keessatti hiraarfamaa kan ture, Wellisaan kun reebichaa fi hiraarsaa irra gahaa tureen qaamni isaa hedduu ergaramee jira.

Akka odeessa arganetti, yeroo ammaa kan waan isa mudate illee namaaf ibsuuf afuuraa fi yaadannoo jabaa hin qabu.

Laalaan reebichaa fi hiraarsaa akka malee akka isa hube kan eeran madden keenya, Kadir yeroo hagamiif maal keessa akka ture sirriitti yaadachuu hin dandeenye.

Keessaayyuu, biyya  Sudaanitti baatii sadiif hidhamuu malee guyyaa isaa addatti akka hin yaadanne kan ibsan madden keenya deemanii ijaan isa argan, achii booda Gondoriittii baatii lamaaf, Maa’ikalawwiitti immoo baatii afurii oliif  hidhamee hiraarfamaa turuu isaa addeessanii jiran.

“Sababaa dararamaa humnaa olii keessaa tureef yaadaa isaa illee sirnaan kennuu hin dandeenye” kan jedhan madden oduu keenyaa, “dararamni qaama hormaataa saalaa isaa irraa ga’ee jiruus  hedduu kan nama gaddisiisuu dha,” jedhanii jiru.

Yeroo ammaa kanattis gargaarsa ilamaan Oromootiin gara mana yaalattii deddeebi’ee wal’aansa fudhataa kan jiru yoo ta’u, rakkina hedduu keessa waan jiru birmannaa guddaa akka barbaadu illee dhaamsa nuuf dabarsanii jiru.

“Amma illee hiraarsaa isa irra gahaa ture irraa damdamachuu hin dandeenye,” kan jedhe maddi Qeerroo biros, “rakkinni mallaqaa ulfaataa waan qabuuf  sirnaan yaalchisuun hin danda’amne;hamma tokko  namoota irraa liqeeffaannee yaalchiisaa jirra. Garuu, miidhaa isa mudate kan wayyeessu  miti,” jechuun haalli isaa hedduu yaaddessaa ta’uu nuuf himanii jiru.

Artiistiin kun akkaa manaa hidhaa maa’ikalaawwii keessa ture jotuu hin beekamiin ji’aa saddeetii[8] boodaa, Hagayyaa 8/2012 gaafa Mana Hidhaatii  gadhiifamee jira. Haata’uutii reebichaa fi hiraarsaa isa irra gahaa tureen miidhaan qaamaa fi qalbii akkasumas miira isa isaa irra gahee jiru fayyuu fi dandamachuuf brimannaa sabboontotaa akka barbaadu dhaamsi nu dhaqqabe ni hubachiisa.

Weellisaa Kadir Martuu maa’ikalaawwiitti hiraarfamaa jira;ilmaan Oromoo ukkaamfaman hedduunis maa’ikalaawwii dhiphisanii jiran.

Aside

(Qeerroo, Finfinnee, 18 Hagayya 2012) Yeroo dheeraaf eessa buuteen isaa dhabamee kan jiru, Artisitiin Oromoo beekamaa fi jaalatamaa Kadir Martuu mana hidhaa Maa’ikalaawwii keessatti hiraarfamaa akka jiru saaxilame.

Kadir behind the bar

Oduu mana hiraarsaa Maa’ikalaawwii keessaa Qeerroo dhaqqabe akka saaxilutti,wallisaa beekkamaa Artiistii Oromoo Kadir Martuu lukkeelee fi basaasota Wayyaanee Biyyaa Sudaan keessa jiraataniin qabamee mana hidhaa Sudanittii darbatamee ture.

Artisitiin kun yeroo dheeraaf erga ergaramaa tureen booda basaasota Wayyaaneetti kennamee akka hiraarsaa saaxilamu godhame.
Akka Seera baqattummaa addunyaatti namni dahannaa siyaasaa gaafate tokko fedhii isaa malee gara biyya irraa baqateetti deebifamuu hin qabu.
Haata’uutii, hireeen baqattoota Oromoo bakka iyyuutti fedhii isaanii malee biyya keessaa baqatanitti humnaan deebifamaa jiraachuu kan dhiyeenyatti hubachiise humnaan butamuu fi ukkaamfamuun Kadir Martuu haga yeroo odeessi kun argameetti achi buuteen isaa dhabamee ture.

Akka odeessi maa’ikalaawwii keessaa argame kun dabalee hubachiisutti, Kadir Martuu erga Sudaan irraa gara Mana Hidhaa biyyaattii kan ilmaan Oromoo irraattii gochi dhala namaa irraattii hin dalagamne dalagamu, mana Hidhaa Maakalawii keessatti tumamaa fi hiraarfamaa jira.
Yeroo ammaa kanas qaamni isaa hedduu miidhamee kan jiru yoo ta’u, waa’ee isaa akka nmni biraa hin argineef dhoksaatti hidhanii akka jiran beekamee jira.

Ilmaan Oromoo hedduunis kanneen biyyoota akka Somaalii laandi, Jubutii fi kanneen biroo keessaa humnoota tikaatiin ukkaamfamanii deebifaman mana hidhaa maa’ikalaawwii keessatti gochaan gara jabinaan guutame irratti raawwatamaa akka jiru beekameera.

Dhimma kana irrattis Liigiin Mirga Namoomaa Gaanfa Afrikaa baatii Guraandhala 2012 keessaa ibsa baasee fi ergaa pirezidaantii Sudaan, Omar AlBashiritti ergeen baqattooti Oromoo gara 15 caalan baatii humnaan qabanii mootummaa Itoophiyaatti kennamuun kan isa yaaddesse ta’uu ibsuun, keessaayyuu kannneen dahannaa siyaasaa gaafatan biyyatti humnaan deebisuun seera addunyaa kan cabse ta’uu isaa ibsuun, yoo Itoophiyaatti deebifaman, tarii, torturii fi hiraarsaan jabaa isaan mudachuu akka malu yaadachiisuun isaa kan yaadatamuu dha.

Hin Bariitu Seetee Dukkanaan Dahattee,(Walaloo SBO)

Posted on by
2

Hin Bariitu Seetee SBO

GADAA + 150 – GADAA Kutaa Xumuraa

Aside

YY.GMD(2005)
Aadaa Wal-dhaggeeffachuu, Jaarsummaa , Angafummaa , safuu , seeraa fi heera, Araaraa Abbootiin keenya nu dhaalsiisan of irraa mulqinee gannee, Aadaa wal fonqolchuu habashootaan masakamuun, Goobanummaa Namoota of hin beekne miliyoonootatti ol guddisuu qofaa odoo hin taane, Mooraa Qabsoo Oromoo keessatti rakko umaa jiraachuun haqa eenyullee arguu dandauudha.

30=GADAA 150 GADAA kutaa 2ffaa.docx

Ayiraa Gullisoo keessatti mootummaan Wayyaanee ilmaan Oromoo hidhuu itti fufe.Diddaan daran jabaachuun Alaabaan ABO magaala Gullisoo keessa balaliite!‏

Aside

Hagayya 18,2012 Gullisoo

Godina Wallagga lixaa aanaa Gullisoo keessatti diddaa qeerroo deemsifamaa jiruun wal qabatee alaabaan ABO magaala Gullisoo bakka Gabaa sambataa jedhamutti fannifamuun balalii’e.Qeerroon aanaa Ayiraa fi Gullisoo yeroodhaa yerootti diddaa jabeessuun waraqaalee dhaadannoos hedduumminaan kan maxxansan yoommuu tahu Alaabaan bakka Gabaatti fannifamuun ilmaan oromoo naannoo kanaa hedduu gammachiisuun ililchanii jiran.Qeerroon naannoo kanaa jabinaan waraana mootummaa jala dhaabbachuun hidhaa mootummaa wayyaanee osoo hin sodaatiin Alaabaa ibsituu ifa baasuun dirqama oromummaa waan taheef jechuun ilmaan oromoo marti mirga isaa falmachuuf lafaa akka ka’u dhaammatanii jiran.Kaabinootni,Waraanni mootummaa wayyaanee naannoo kanatti diddaa qabbaneessuu waan dadhabeef qoratamaa akka jirus gabaasni ifa godha.

Haaluma wal fakkaatuun Ayiraa keessatti poolisootni mootummaa Wayyaanee tajaajilan sadii qawwee mootummaa wayyaanee guurguruun qabsoo uummataatti ida’aman.Poolisootni kunneen qawween nuyi baannu diina keenya wayyaaneef taha jechuun murteeffatanii akka raawwatan qeerroof ibsanii jiran.Mootummaan wayyaanees diddaa naannoo kanaa dhaamsuuf ilmaan oromoo mana hidhaatti guuraa jira.Ilmaan oromoo
1. Dargaggoo Gaaddisaa Beekaa
2. Dargaggoo Margaa Qajeelaa
3. Dargaggoo Mariyaam Dhaabaa
Jedhaman diddaa deemsifamaa jiru adda durummaan kan qindeessuu fi gaggeessu isini jedhamuun mana hidhaatti ukkaamfamuun dararamaa jiran.Kaabinootni mootummaa Wayyaanee QBO cinaa dhaabbachuun bilisummaa akka gonfannu dhaammanna jechuun qeerroon naannoo kanaa waamicha dabarsee jira.

 

Tarkaanfiin sirreessaa fudhatamuun itti fufe; Qeerroo fi ummatis ergamtota gaaga’umsa geessisan adabuu itti fufan.

Aside

(Qeerroo, Naqamtee, 17 Hagayya 2012) Oromiyaa dhiyaa onoota garaagaraa keessatti diddaa fi tarkaanfiin ergamtootaa fi basaasota wayyaanee irratti fudhatamu jabaate itti fufe; wayyaaneenis rfaatuu guddaa keessa galuun humna waraanaa guddaa bobbaaste akka jirtu beekame.

Gabaasaan Qeerroo onoota diddaa fi tarkaanfiin sirreessaa keesssatti fudhatamaa jiru keessa naanna’ee akka hubatetti humni addaa fi ummati walta’uun naannoo isaanii ergamtoota, lukkelee fi basaasota wayyaanee irraa qulqulleessuutti jiran.
Akka kanaan Hagayyaa 16/2012 Godinaa Wallaggaa Bahaa Onaa Giddaattii tarkaanfiin Haleellaa lukkeelee wayyaanee ummatatti roorrisaa jiranii fi tarkaanfii ummati fudhachaa jiru ijaa bahuuf sochiitti jiran irratti fudhatamee jira.
Hagaayyaa 14/2012 Tarkaanfii maayyii basaasa wayyaanee maqaa investimeentiin Oromoo hiisisaa fi ajjeechisaa ture,Taageenyii G/Masqaal irraattii fudhatameen wal qabatee, lukkeeleen biroo finfinnee irraa dhufanii ummata irratti ijaa bahuuf otuu sochiitti jiranii humni addaa fi ummati walta’uun lukkeelee lama irratti tarkaanfii maayyii fudhatee jira.
Lukkeeleen kunneen ifatti bahanii “gumaan Gootichaa keenyaa Tagenyii G/Masqal hin hafu; tokkoon tokkoon ummata naannoo kanaa gatii baasu qaba!” jechuun dhadachuun alatattis, ilmaan Oromoo sabboonoo ta’an hiisisuuf otuu sochiitti jiranii Onaa Giddaa Guttiin bakka mandaraa 11 jedhamutti humni addaa fi ummati haxxee hidhuun tarkaanfii maayyii irraattii fudhachuun adabee jira.
Kun kanaan otuu jiruu, Gotichii Humni Addaa WBO Oromiyaa Godina Dhiyaa keessatti tarkaanfii boonsaa fudhachaa jiraachuun kan isaan gammachiise ta’uu ummatii fi Qeerroon ibsachaa jiran. Karaa hundaan WBO cina akka dhaabbatanii fi akka qabsoo diddaa fi fincila finiinsanis dhaamsa dabarsan keessatti hubachiisanii jiran.
Tarkaanfii maayyii Gootichii Humna Addaa WBO Godina dhiyaa Oromiyaa keessatti fudhachaa jirutti akka malee, naatee kan barragde mootummaan wayyaanee, gama ishiitiin humna Waraanaa addaa ummataa keessa qubsiisaa jiraachuu beekamee jira.
Akka Qeerroon ijaan argee mirkaneessetti, mootummaan wayyaanee ttarkaanfii lukkeele eisaa irratti fudhatamaa jiruun shororkaa keessa seenee waan jiruuf ummati of eeggannoo cimaa akka godhu dhaamsi darbee jira.
Hoggaansi Qeerroo Godinaa Dhihaas, ummati of-eeggannoo fi waltiksa jabaa akka waliif godhu dhamee, yeroo qabsoo jabaachaa adeemutti ergamtooti diinaa gaaga’umsa akka hin uumneef waan deemaa jiru jala bu’anii akka waliif dhaamanii fi odeessaa fi iccitii isaanii jabeessanii akka eeggatan dhaamsa hatattamaa facaasee jira.

Garbummaan ni kufa; injifannoon itti fufa!!

Seife Nebelbal Radio Program, August 17, 2012 – Interview with Judge Teshale Abera

Aside

Ayiraa Gullisootti dabballootni Wayyaanee hedduu cinqamuun ilmaan Oromoo hidhaa jiru.Waraqaaleen dhaadannoo hedduumminaan maxxanfame!

Aside

Hagayya 17,2012 Gullisoo

Godina wallagga lixaa Gullisoo keessatti dabballootni mootummaa wayyaanee ilmaan oromoo maqaa miseensota ABO jedhuun hidhuu itti fufanii jiran.Jiraataa Kabroon Diillaa gogolaa kan tahe Obbo Tarfaasaa Jireenyaa jedhaman qabamuun mana hidhaa Wayyaanee Gullisoo keessatti reebamaa jira.Qeerroon naannoo kanaa hidhaa fi doorsisa mootummaa Wayyaanee jala dhaabbachuun waraqaalee dhaadannoo bulchinsa Gullisoo fuulduratti bittinsanii jiran.Waraqaalee hedduumminaanis gara gandaatti raabsuun mootummaa wayyaanee dhiphisuu irratti argamu.Dhaadannoowwan

1. Diinaaf hin jilbeeffannu

2. Garboomfataan kufa

3. Oromia shall be free

Jedhan qalama diimaa magariisa diimaan barreeffamuunii fi kompiteraan barreeffamuun hedduumminaan raabsamanii jiran.Mootummaan wayyaanee gocha kanaan kan baarage halkanii guyyaa dargaggoota oromoo hojii dhaban isin miseensa keenya hin taatanii jechuun kadhaatti seenuuf dirqamee jira.Uummatni naannoo kanaas wal gahii wayyaanee guutummaan guutuun lagatee jira.

Qabsoon itti fufa! Gabrummaan ni kufa!

Sochiin Dargaggoota Biyyoolessaa kan Bilisummaa fi Dimokiraasii Dargaggoota Sidaamaa waliin walitti dhufuun dhimma qabsoo irratti marii bal’aa taasise.Ibsa ejjennoos lafa keewwate!

Aside

Hagayya 17,2012 Finfinnee

Sochiin Dargaggoota Biyyoolessaa kan Bilisummaa fi Dimokiraasii(Qeerroo)n Dargaggoota Sidaamaa waliin walitti dhufuun dhimma qabsoo irratti marii taasise.Diina waloo jiru mootummaa wayyaanee hundeen buqqisuuf gumaatni sabawwan cunqurfamoo marti barbaachisaa akka tahe hubachuun Qeerroon Dargaggoota Sidaamaa waliin walitti dhufuun dhimma qabsoo irratti haalaan erga mariiatamee booda hojii fuulduraa jabinaan waliin akka hojjetamu irratti walii galuun ibsawwan ejjennoo armaan gadii kun baafamee jira.

1. Diinni keenya mootummaa wayyaanee tahuu hubachuun qabsoo hanga dhumaa tokkummaan ni gaggeessina

2. Bakka rakkoon ilmaan oromoo mudatee fi uummata sidaamaa mudatetti wal tahuun ni furra

3. Sagaleen sabawwan cunqurfamee addunyaatti akka dhagaamu tokkummaan ni hojjenna

4. Sabawwan cunqurafamoo Impaayera biyyattii keessatti carraa wal fakkaataan isaan mudate waliin tahuun ni hojjenna

5. Humna mootummaa wayyaanee diiguuf akka tahutti diddaa wal fakkaataa waraana mootummaa wayyaanee tasgabbii dhabsiisu Oromiyaa fi Sidaamaa keessatti ni qabsiifna

6. Uummatnii fi biyyi keenya bilisa hanga bahutti qabsoo itti fufna

7. Odeeffata diddaa uummataan jiruu fi shira mootummaa wayyaanee yeroodhaa yerootti quba wal qabaachifna

8. Quunnamtii bua qabeessummaa tolchuun Waadaa keenya hanga dhumaa ni tikfanna

Kan jedhan baafachuun yeroodhaa yerootti quunnamtii jabaan akka itti fufamuu fi diddaa wal fakkaataa mootummaa abbaa irree baleellaffamu irratti hojjechuuf murtii irra gahamee jira.