Daily Archives: July 20, 2012

Diddaan Ummataa Itti Fufee,Barruuleen Warraaqsaa Qeerroo Baldhinaan Oromiyaa Keessa Faca’e.

Video

Reply

Adoolessa 20,2012 Finfinnee
Guyyaa har’aa Adoolessa 20,2012 Diddaa hordoftoota amantaa musuliimaan wal qabatee Qeerroon waraqaalee adda addaa magaalaa Finfinnee irraa kaasanii bakkoota hedduutti maxxansanii akka jiran gabaasaan galgala kanaa addeessa. Waraqaaleen kunneen Finfinnee keessatti bakkooota Uummanni Oromoo heddummatee jiraatutti kan maxxanfame, kanneen akka Gullallee,Markaatoo,Shiro Meedaa,Kiiloo 6,Kiiloo 4, Saaris,Burraayyuu,Kaazanchiis,Faransaay,Qaallittii,faa yoo ta’u magaalota Bishooftuu,Adaamaa,Asallaa,Arsii Negellee,Amboo,Harar,Dirre Dawaa tti raabsamee akka jiru Qeerroon naannolee kanaa gabaasee jira.
Kana malees godinaalee akka Gujjii, Booranaa, Harargee Bahaa, Qellem,Wallagga Lixaa,Jimma,Illuu Abbaa Booraatti akka raabsamu copy fi print ta’ee baayyinaan godinaalee keessa akka tamsa’ee jiru gabaasi qeerroo nu gahe addeessa. Akkasuma godina Arsii Lixaa , Aanaa Adaabbaa, magaalaa isaatti barattootni waraqaa kana bittimsuu irraan kan ka’e milishoonni Wayyaanee aanichaa rifatanii akka waan humni addaa magaalicha seeneetti dhukaasa banuu isaanii qeerroon magaalaa sanii gabaasee jira. Waraqaan bittimsfamuu itti fufee, asii fi achi kaachuudhaan milishoonni wayyaanee halkan kana sa’a 2:00 irraa kaasanii sakatta’iinsa guddaa akka gochaaa jiran naannicha irraa gabaafamee jira.
Qabsoon itti fufa!!
Gabrummaan ni kufa!!

Finfinnee keessatti hordoftootni amantaa Musliimaa hiriira nagaa taasisan! humni dura dhaabbatus dhibe! Qeerroonis waraqaalee dhaadannoo bakkeewwan hedduutti maxxanse!‏

Aside

Adoolessa 20,2012 Finfiinnee

Uummatni musliimaa gaaffii mirgaa kaasne mootummaan Wayyaanee dura dhaabbachuu hin danda’u,Sababa gaaffii mirgaa kaafneefis hordoftootni amantaa musliimaa hidhamuu,ajjeefamuu hin qaban jechuun Guyyaa har’aa sa’a 1:00 pm irraa kaasee Masgiida guddaa Masgiida Anuwaar irraa jalqabuun hiriira nagaa jabaa taasisan.Hiriira kanaan waraanni mootummaa Wayyaanee irraa dirqama fudhate waan godhu dhabee ilaaluuf kan dirqame ture.Hordoftootni amanataa musliimaas barreeffamoota dhaadannoo
1. Bakka bu’aa hidhuun bakka buutota mara hidhuu dha
2. Mootummaan hordoftoota amantaa musliimaa hidhee duuba nu deebisuu hin danda’u
3. Rabbii malee mootummaan wayyaanee jabaa miti.Hin bitamnuufis
Kan jedhan qabachuunn hiriira nagaa wayita taasisanitti jilbeeffachuun Wayyaanee nu jilbeeffachiisee nu tumaa jira,Harka wal qaxxaamursuun Sirni bulchiisa Wayyaanee nu hidhaa jira,Harka itti hurgufuun mootummaan wayyaanee hurgufamee aangoo irraa haa bu’u kan jedhan agarsiisuun Wayyaanee balaaleffachaa oolanii hanga deebiin isaanii argamutti itti fufinsaan akka gaafatan waadaa seenanii jiran.Mootummaan EPRDF wayyaaneen magaala Finfinneen alatti hordoftoota musliimaa gowwoomsuun gaaffiin musliimotni Finfinnee gaafatan sirrii waan hin taaneef hiriira nagaa bahaatii balaaleffadhaa jechuun gowwoomsaa jiraachuu isaas hordoftootni amantaa musliimaa marti akka hubatan dhaammatanii jiran.Hiriira nagaa taasifameen uummatni naannoo Finfinnee marti haalaan itti gammadanii jiran.
Sochiin Dargaggoota Biyyoolessaa kan Bilisummaa fi Dimokiraasii(Qeerroo)n hiriira nagaa taasifamee gaaffii mirgaa gaafatamu kan deeggaru tahuu ibsatee jira.Waraqaaleen dhaadannoo
1. Gaaffii Hordoftootni amantaa musliimaa gaafatan gaaffii mirgaati!
2. Oromia shall be free
3. Mootummaan wayyaanee tokkummaa ilmaan oromoo diiguu hin danda’u
4. Wal qixxummaan amantiilee biyyattii keessaa haa kabajamu
5. Miseensotni OPDO qeerroo cinaa akka taatan dhaammanna
6. Mootummaan wayyaanee Abbaa Irree fi Garboomfataa dha
7. Oromiyaa irratti Oromootu aangoo qaba!
8. Saaminsi lafaa fi qe’ee irraa buqqa’uun haa dhaabbatu fi k.k.f
Magaala Finfinnee Markaatoo,Piyaassaa,Gullallee,Laga Haarii fi Qaallittii keessatti haalaan maxxanfamanii jiran.Waraqaaleen kunneen Magaala Amboo fi Dirree Dawaa keessattis Bakkeewwan garaa garaatti maxxanfamanii jiran.
Gabaasa dabalataa  itti fufnee dhiheessina
Qabsoon itti fufa! Gabroomsaan ni kufa!

Torbaan Kana Sabboontoti Oromoo Biyya Alaa Jiran Maal Jedhu

Aside

Seife Nebelbal Radio Program, July 20, 2012

Raadiyoo Simbrtuu Adoolessa 19,2012

Gootittiin Aslii Oromoo OSA 2012 irratti dhaamsa maal nuu dhaamtee?

Tarkaanfiin Diina Irratti Fudhatamu Itti Fufee Poolisoonni Wayyaanee 4 galaafataman,6 ammoo Akka malee madaayuun Hospitaala Galan. Ummannis Gammade.

Aside

Adoolessa 20,2012 Giddaa Ayyaanaa.
Adooleessaa 18,2012 galgalaa tarkaanfiin mayyii daran jaabaatee ittii fufuun pooliisota Feederaala Wayyaanee 4 galafatee 6 ammoo haalaan madaayuun humni addaa injifachuu qeerroon gabaase.
Godinaa Wallaaggaa Bahaa Onaa Haroo Limmuu bakkaa Abbaa Mo’aa Maagaalaa xiqqaa Buttuujjii jedhamuun beekamu kessaattii waraanaa mootummaa wayyaanee pooliisaa federaalaa humna Addaa WBO sakkaata’uuf qubsifamaan irratti humni addaa tarkaanfii fudhateen Poolisoonni Feederaalaa 4 battala hojii ala yeroo ta’an namni 6 ammoo madaayanii Hoptala Gimbiitti akka ergaman gabaasi nu gahe addeessa.
Poolisoonni humna addaa sakattaana jedhchuun naannichatti bobba’anii ummata hiraarsaa osoo jiranii humna sakatta’uuf deemaniin akka tasaa haleellaan irratti banameen kannen maqaan isaanii:-
1.Fisaa’aa Taarraaqenyi.
2 Zaalalem Waandimmuu,
3.Bayyanee Bertaa,
4.Zaalaleem Indeeshuu
Kanneen jedhaman tarkaanfiin maayyii kan irrati fudhatame yeroo ta’u warri hafan 6 ammoo du’aa fi jireenya jidduu akka jiran beekamee jira.
Haala kanatti kan rifate waraannii fi humni poolisa Wayyaanee ummata jeeqaa fi heddumminaan mana irraa qaqqabee akka jiru gabaafama.
Qabsoon itti fufa! Gabrummaan ni kufa!!

Godina Iluu Abbaa Booraa Keessatti FDG Ka’een Ummannii Fi Waraanni Wayyaanee Walitti Bu’e. Hidhataan EPRDF Tokkos Irree Ummataan Adabame.

Aside

Adoolessa 20,2012  Mattuu

Godina Illuu Abbaa Booraa ona Didheessaa jedhamu keessatti walitti bu’iinsi uummataa fi hidhattoota Wayyaanee gidduutti har’a( Adoolessa 19) guyyaa keessaa naannoo sa’atii  3:00wb walitti bu’iinsi guddaan akka ture qeerroon gabaasa.Sababiin walitti bu’iinsa kanaas daandii konkolaataa magaalicha keessa bahee gara Gambeelaatti kutu  diddaa ummataan waan cumfamee jiruuf humni Wayyaanee olii gadi deemu karaa darbaa dhabuu yeroo dadhabetti ture kan diddaan kun ka’e. Haala kanaan namoota daandii kana cufanii fi ummata kakaasan sakattaanan jedhanii ummata hiraarsuuf  hundi Wayyaanee bobba’e  ummanni Oromoo naannichaas waraana Wayyaanee naannichatti bobba’e dura dhaabbachuun walitti bu’iinsi guddaa ta’ee jira.

Adooleessa 18,2012 ummata haala kanatti shakkin jechuun gara mana hidhaatti geessuuf yeroo waraanni Wayyaanee bobba’e  irree uummantaan reebamuun of irra yeroo galagalu haalli kun uummata magaalichaa daran kan onneesse waan ta’eef har’a galgala kana uummanni meeshaa qabu baafachuun  Wayyaanee ifatti loluun itti fufee jira.

Haala kanaan lukkeelee Wayyaanee meeshaa hidhatanii ummata itti dhukaasaa turan irraa irreen ummata Oromoo nama  maqaan Abbayi Firaachoo   nama jedhamu tokko irratti tarkaanfii maayyii fudhatchuun meeshaa isaa guutuu irraa hiikkatanii iraachuu gabaasi Qeerroon addeessa.

Hidhattooni wayyaanee hafan kaan isaanii lubbuudhaan uummata baqatanii akka bahan, meeshaa isaan gatanii bahanis harka uummataa akka gale qeerroon gabaasee jira. Daandiin kun kan cufame magaalichaa keessa bahee gara bosonaa waan ta’eef humna addaa ABOtu jira jechuudhaan kallattii sana irratti humna waraanaa naannoo Gambeelaa irraa, akkasumas  Finfinnee irraa halkan kana geessaa akka jiru qeerroon gabaasaa nuun gahee jira. Odeeffannaan isaa akka nu gahee jirutti daandiin kun kan cufame sabboontota Oromoo shamarran nama lamaan akka ta’e gabaasaan addeessa. Sababa lukkuu wayyaanee kanaa galaafatameef walitti bu’uunsi uummataa fi mootummaa wayyaanee gidduutti ta’aa jiru akka itti fufaa jiru gabaasaan addeessa.

Karaa biraa barruuleen warraaqsaa dargaggoota magaalichaan heddumminaan faca’uu fi maxxanfamaa akka ture Qeerroon gabaasa.