Onkololeessa 1,2015 Jimmaa

Mootummaan Wayyaanee maqaa walga’ii Leenjii Barattoota jechuun Yuunibarsiitii Jimmaatti  eegalee guyyoota afuriif  goototni barattootni Oromoo gaaffii mirga abbaa biyyummaa fi mormii master Planii Finfinneetiin hudhanii waan qabaniif har’a irraa eegaluun  fashaalee jiraachuu Qeerroon gabaase.

Onkololeessaa 01/2015 Goototni Barattootni Oromoo Yuunivarsiitii Jimmaa guyyaa har’aa barruulee warraaqsaa gaaffii mirga abbaa fi mormii master planii Finfinnee qabu facaasuun  leenjii walga’ii Wayyaanee guyyoota afuriif mormii guddaa barattootni godhan cabsuuf  akkataa department barattootaatiin bakkoota 22 olitti qooduun teesisuuf yaaliin wayyaaneen goote milkii malee kan fashalaa’ee fi  mootummaan Wayyaanee yaaddoo keessa seenuun  waan qabee gadhiisuu dhabuun FDG narratti ka’aa jira jechuun walga’iin leenjii barattoota kun guyyaa har’aa irraa eegaluun akka dhaabbatu godhee jira. Yaaliin Mootummaan Wayyaanee walga’ii barattootaa Yuunivarsiitii Jimmaa teesisuun olola siyaasaa afaan faajjii isaan barattoota burjaajessuuf godhee bu’aa tokko malee dura dhaabbannaa qeerroon barattootni Oromoo godhaniin  guyyaa har’aa fashalaa’uun dhaabbatee jira. Mootummaan Wayyaanee Abbaa irree yakka duguuginsa sanyii ilmaan Oromoo irratti rawwachaa jiruu soda guddaa barattoota Oromoo Yuunivarsiitii Jimmaa irraa waan qabuuf  walga’iin Leenjii Wayyaanee kun bu’aa tokko malee gaaffii ka’eefis deebii tokko utuu hin kenniin fashalaa’ee jira.

Gaaffiiwwaan gootota barattoota oromoo Yuunivarsiitii Jimmaan dabballoota Wayyaanee irratti finiinfaman keessa:

1. Walga’iin kamuu Oromiyaa keessatti Afaan Oromoon kan gaggeeffamuu yoo ta’ee malee hin dhaggeeffannu!!
2. Labsii fi karoorri duula duguuginsa sanyii uummata Oromoo irratti baroota dheeraa dalagamaa ture bara darbe 2014 ifatti as ba’ee maqaa ‘’Master Plan Finfinnee’’ kan jedhu kun akeekaa diinaa fi Oromoo fi Oromiyaa balleessuu waan ta’eef atattamaan akka uummata keenya irraa dhaabbatu gaafanna!!
3. Gaaffii mirga Abbaa biyyummaa isin gaafachaa turreef dursa deebiin sirnaa fi seeraa qabeessii yoo nuuf kenname malee walga’ii keessaan hin fudhannu jechuun dura dhaabbatan.
4. Barattootni, dargaggootni fi Waliigalatti uummatni Oromoo gaaffii mirgaa Finfinnee fi Master Plan Finfinnee mormuun karaa nagaa gaaffii waan dhiyeeffanneef rasaasan reebamne ajjefamnef mootummaan kun seeraatti nuuf dhiyaachuu qaba, Uummata keenyaa ajjeefamaniif ifatti gumaan kanfalamuu qaba, kanneen hidhaman gaaffii tokko malee hiikamuu qabu!!
5. Gaaffiin mirga abbaa biyyummaa, kabajamuun mirga namummaa fi mirga dimookiraasii uummata keenyaaf haa kabajamuu!!
6. nuti uummatni oromoo mootummaa mataa keenyaa nu bulchaa jiru hin qabnu!!
7. OPDO’n dhaaba uummata oromoo bakka bu’uu hin dandeenye dhaaba maseeneedha,mirga uummata oromoo sarbisiisuu malee kabachiisuuf aangoo hin qabu!!
8. Sobdanii ABO hin abaariina, ABO carraa biyya bulchuu argatee qabeenyaa Oromoo saamsiseeraa? Oromoo hidheeraa? Barattoota Oromoo itti dhukaasuun kan ajjeesaa jiruu loltuu mootummaa TPLF mitii?ABO sobaan arrabsuu fi jibbuun akka Uummatni Oromoo jaalatuu fi abdatu godha malee hin miidhu,  ABO’irree ,abdii fi gaachana uummata Oromooti!! Kana beeka.
9. Yeroo mootummaa ce’umsaa 1991 illee ABO murtiin aangoo harka uummataa waan jiruuf filannootti seenee sagalee uummataan mirgi uummataa kabajamee mootummaa ijaarranna jedhe malee maal balleesse?? Shira xaxuun dhiibee ABOn biyya akka ba’uu kan godhee wayyaanee mitiree? Dhugaa dubbadhaa jechuun dabballee wayyaanee ABO arrabsuu fi maqaa balleessuuf karoorfatte afaan qabachiisan.
10.  nuti uummatni Oromoo akka bay’ina keenyaa fi qabeenyaa keenyaa fi baldhina lafa keenyaatti
11. qooddannaa aangoo siyaasaa hin qabnu!!
12. humna raayyaa itti biyyatti keessatti aangoo hoggansa hin qabnu!
13. qoodannaa dinagdee hin qabnu!, balaa beelaaf saaxilamneerra!!

4   Waliigalatti walga’iin leenjii barattootaa fi barsiisota jechuun oftan kun mootummaa uummata Oromoo bakka hin buuneen waan qophaa’ee fi gaggeeffamaa jiruuf qabsoo Oromoon mirga isaa kabachiisuuf godhu danquuf kan qophaa’ee malee uummata Oromoo fayyaduu fi biyyaa guddisuuf kan qophaa’ee waan hin taaneef hatattamaan nurraa dhaabbachuu qaba jechuun guyyoota 4f itti fufinsaan haala wal fakkaatuun barattootni oromoo Yuunibarsiitii Jimmaa department garaagaraatti qooduun bakka 22 olitti hirtee wayyaaneen tessisuuf yaaltullee guyyaa hardhaa gaaffii barattoota irraa itti dhukaafamaa jiru jala dhaabbachuu dadhabuun guutummatti dhaabbatee, fashalaa’ee jiraachuu madden Qeerroo Bilisummaa Oromoo Yuunibarsiitii Jimmaa gabaasan.

Okoloolessa 1,2015 Haaruu

Mootummaan Wayyaanee Ebla bara 2014 keessaa kaasee mormiin Master Pilaanidhaa oormiyaa guutuu kan hirmaachise keessatti dura dhaabbachuudhaan uummanni oromoo FDG finiinsaa ture. Haatahu malee godinaalee garagaraa keessatti farra FDG kan tahan poolisootaa fi jalee OPDO keessatti addatti nama qindeeffatee of dura dhaabaa jira.
Gara madden gabaasaa keenyaatti yoo deebinu yeroo mormii Master pilaanii qonnaan bulaa hedduun hidhamani mana hidhaa keessa jiraachuun waan ifaadha. Kanumaan godina Lixa wallaggaa aanaa Haaruu irraa hidhamanii kan bahan asitti isin ABO deggertu jechuudhaan halkanii guyyaa uummata Oromoo kan rakkisan irrayyuu mana jireenyaa keessan gubna jedhanii doorsisa uummata irratti banaa fi dargaggoota Oromoo
reebichaan yeroodhaa yerootti dhiphisaa kan jiran tahuu madden gabaasa Qeerroo achii nu gahe ibsa. Kanneen uummata dararan akka walii galaatti aanaa Haaruu irraa:
1. Abshiruu Tolaa
2. Tolaa Haayiluu
3. Habtaamuu Bushuraa
4. Zakkaariyaas Kabbadee
5. Rattaa Atoomaa
6. Abbabee Taakkalee
7. Abarraa Besendaa
8. Miratuu Qalbeessaa
9. Diinee Mohaammad,
10. Abaadir Abduu
Isaan jedhaman kun uummata Oromoo jiraattoota godina Wallagga lixaa aanaa Haaruu keessaa kan dararaa jiranii fi hidhan  yoommuu tahu isaan keessatti addatti uummata oromoo balaa guddaa kan tahanii fi qonnaan bulaan jiraachuu hanga hin dandeenyetti kan dararaa jiran Magaalaa Guyii fi Naannowaa isheetti an beekamoo tahan ammoo namootuma kana keessaa Diinee Mohaammad kan jedhamu qonnaan bulaa, maanguddoo oromoo irraa ulfina kan fuudhu aangoo qabu poolisummaatti fayadamuu kan reebu fi kanneen ifatti Maaster Pilaanii Finfinnee morman ammoo isin balleessina mana keessan gubna jechuudhan itti dhaadatuudha.

Mormiin Murtii Master Plan Finfinnee Irreecha Hora Arsadii Irratti Ni Ka’a Sababaa Jedhuun Mootummaan Wayyaanee Irreecha 2015 Bacancarsuuf Shiroota Gurguddaa Wixinachuu Isaa Qeerroon Saaxile.

Shiroota mootummaan Wayyaanee EPRDF Ayyaana Irreechaa Bara 2015 Hora Arsadii Bishooftuutti Kabajamuuf jiru bacancarsuuf wixinatee itti jirtu keessaa akka armaa gadii ta’a.

1. Uummataa Oromoo Aadaa, Duudhaa ,amantaa, fi eenyummaa isaa kabajachuu fi Addunyaatti beeksifachuuf hedduminaan socho’aa jiruu irraa naasuu guddaa keessa seenuun heddummina uummataa sirna kana hirmaatanii xiqqeessuuf sadarkaa Godinaa, Aanaa, fi magaalotaatti baayinni namoota sirna kana irratti argamuu karaa Waajjira aadaa fi Turizimii OPDO’n hundeessiteen waraqaan kennamee fi konkolaataan
   ramadameefii sadarkaa Aanaa fi Magaalotaatti namoota 120 hin caalleef akka eeyyamni hirmannaa sirna kanaa kennamuuf shirri ukkaamsaa Uummata keenyaa irratti dalagamaa jiraachuun beekamee, Namoota Waajjirrii Aadaa fi Turizimii OPDO’ Wayyaanee galmeessanii ergan malee Uummatni Oromoo guddaan akka hin hirmaanneef akka dhorkamuuf shirrii ulfaataan akka Uummatni Oromoo Waaqaa isa Uumme illee hin kadhannee fi hin galateeffanneef ukkaamsaan ulfaataan uummata keenya irra kaa’ame jiraachuun saaxilame!!
2.  Maqaa sakkatta’insa jedhuun Kellaawwaan Oromiyaa cufaa fi Kellaawwaan xixxiqoo haaraa uumuun humna Waraanaa fi Loltuu Raayyaa Waraanaa fi Poolisii maqaaf Kora Bittinneessaa Oromiyaa jedhamu kellaawwaan kana irra qubsiisuun Uummata Oromoo nagaan uffata aadaan Faayaamee gara Irreechaatti Sochoo’uu danquun akka hin hirmanneef, kaan qabanii daandii irra tursiisuu, kaan hidhuu fi kaan immoo ittisuun deebisuuf kan boba’ee ta’uu maddeen saaxilan. Shirrii uukkamsaa fi mirga namummaa/Mirga uumamaa Oromoon qabuu fi mirga Dimookiraasii Oromoon qabu ukkaamsuu kunis haala armaan gadiin sakkaatta’insa irraa eegaluun kan hojii irraa olchuuf Wayyaaneen fiigaa jirtuu ta’uu madden gabaasan.
3.  Uummata Oromoo Godina Lixa Oromiyaa Wallaggaa Lixaa,Wallaggaa Bahaa, Horroo Guduruu Wallaggaa fi Aanaa Midaa Qanyii
   irraa gara Irreechaatti socho’an AANAA CALLIYAA MAGAALAA GEEDOO irratti sakkatta’insaa, hidhaa fi qabanii deebisuuf kan jiran ta’uun
   saaxilame.
4.  MAGAALAA AMBOO bakka Awwaaroo jedhamutti Kellaa Haarawaa dhaabuun uummata ukkamsuu, hidhuu fi Irreecha irraa hambisuuf kan
   karoorfatan ta’uun saaxilame.
5. MAGAALAA HOLOOTAA irratti sakkatta’insaa ulfaataa, uummata ukkaamsuu fi Ayyaanaa irreechaa irratti akka hin argamneef Kellaa
   3ffaa Dhihaa Oromiyaa irratti shira guddaaf qopheessan ta’uun Saaxilamee jira.
6. Godina Kibbaa Lixaa Oromiyaa bakkeewwaan Sakkaattaa’insii shirrii kellaawwaan diinaan xaxamaa jiran keessaa kanneen Saaxilaman keessa:
   – Magaalaa walisoo
   -Magaalaa Tafkiii
   -Magaalaa Sabbataa kanneen jedhaman irratti sakkatta’insaa guddaa gochuun Uummata ukkamsuu, hidhuu fi Qabanii deebisuun Sirna kabaja
   ayyaana irreechaa irraa hanqisuuf karoorfachuun saaxilamee jira
7. Godina Salaalee Irraa uummata Oromoo Ayyaana Irreechaaf bobba’u danquuf Magaalaa Sulultaa irratti kellaa haarawaa banuun Uummata
   Oromoo gara sirna Irreechaatti Aadeemuu danquuf,Ukkamsuu fi hidhuuf karoorfachuun saaxilame jira.
8. Kaaba Oromiyaa Magaalaa Shanoo fi Sandaafaa irraa kanneen gara Sirna Irreechaatti socho’an Laga Xaafoo Laga Daadhii irratti
   sakkatta’insa ulfaataa gochuun Uukkamsaa,hidhaa fi uummataa Qabanii deebisuuf qophii gochuun saaxilame!!
9. Magaalaa FinFinnee fi Magaaloota Naannawaa Finfinnee irraa kanneen socho’an immoo Kellaawwaan haarawaa MAGAALAA GALAAN fi DUUKAM irratti Sakkatta’insa gudaa gochuun sirna Ayyaana irreechaa irraa Uummata gooluuf qophii ta’uun saaxilamera!!
10. Uummata Oromoo Bahaa Oromiyaa irraa gara aayyaana irreechatti Socho’an MAGAALAA ZIWAAY fi MAGAALAA ADAAMAA irratti sakkatta’insa guddaa gochuun Uummata gara Irreechaatti Socho’uu ukkaamsuu, hidhuu fi Burjaajeessuun gara qe’ee isaatti deebisuuf shira ulfaataa uummata keenya irraatti dalagamaa jiruu ta’uu madden Qeerroo bilisummaa Oromoo Saaxilan.Qeerroon Bilisummaa Oromoo Shira ulfaataa Uummatni Oromoo waaqa isaa Uumee kadhatee AADAA,DUUDHAA, SEENAA , AFAA, EENYUMMAA fi Oromummaa isaa illee akka hin jabeeffanneef DUULA DIINUMMAA FI SHIRA SANYUMMAAN QOPHAA’AA JIRU IRRA AANUUF GAMTAAN WALQABATEE Gara Irreecha Hora Arsadee bara kanatti akka socho’uu fi Shira Diina dura gamtaan akka dhaabbatnu jechuun Uummata Oromoo hundaaf Dhaamsa dabarsee jira!!

Fulbaana 30,2015  Gabaasa Qeerroo Jimmaa

Gootootni Barattootni Oromoo Yuunivarsiitii Jimmaa, Walga’ii Wayyaanee hin fudhannuu, ololli siyaasaa maqaa leenjiin gaggeeffataa jirtan barnoota keenya waliin wal hin argu, maqaa leejiin fedha uummata Oromoo dura dhaabbachuu hin dandeessan sababaa jedhuun dura dhaabbatan.Gama biraan barsiisoti Yuuniversitii Jimmaas akkaataa walgahichi gaggeeffamu irratti  Walga’ichii Oromiyaa keessatti :
1ffaa afaan Oromoon gaggeeffamuu qaba.
2ffaa Gaaffii Mirgaa abbaa biyyummaa gaafannuuf deebiin sirnaa nuuf kennamuu qaba, yoo kana hin ta’iin duula Oromoo ukkamsuuf nurratti gaggeeffamu waan ta’eef hin fudhannuu jechuun Barattootni fi barsiisoti Oromoo Yuunivarsiitii Jimmaa dura dhaabbachaa jiru.

Barattoota yuunivarsiitii Wallaggaa, Amboo, Walqixxee, Mattuu, Harammayyaa, Madda Walaabuu, fi Bakkeewwan kaaniis gara Mooraatti Waamamanii deebi’aa jiru. Haalaa yuuni Barsiitii Jimmaa fi walii Gala Walga’ii Barattoota Wayyaaneen gaggeessa jirtuu irratti gabaasaa guutuun Qeerroon ni dhiheessa,

Fulbaana 30,2015 Finfinnee

Mootummaan Wayyaanee Uummatni Oromoo Waaqaa Uumaa uumamaa ayyaana Irreechaa kan bara dheeraa Oromoon wareegama qaalii itti kanfaluun asiin ga’ee Uummatni Oromoo akka hin hirmaanneef jecha shiroora adda addaa raawachaa jira.

Yeroo ammaa raayyaa ittisa biyyaa fi human maqaaf kora bittinneessaa Oromiyaa jedhamuu Kellaawwaan garaagaraa Oromiyaa keessatti argamanii fi kellaawwaanduraan hin jirree kellawwaan haaraawaa illee banuun uummata Oromoo dararuu fi akka uummatni Oromoo heddumminaan sirna Irreecha Hora Arsadii irratti Argamuuf jiru akka hin argamneef qabanii karaatti deebisuu fi ukkaamsuuf karooraa dinummaa xummurachuun saaxilamee jiraachuu Odeessii keessa Wayyaanee bahee saaxilee jiraachuu Qeerroon Bilisummaa Oromoo gabaase.