Bitootessa,3,2016
Gochi mootummaa shororkeessaa keessaattuu erga Uummata bal’a Oromootti Waraanaaf gocha diguuggaa sanyii raawwachuu eega Warraaqsi
uummata hudhee kan qabe yoo ta’u gabroonfattoota TPLF Itti xumura gochuuf sochiin Qeerroo rog-arfanirraa sodaaf raafama guddaa keessa galcheera
Haaluma kanaan diddaan Qeerroo Yuunibarsiitii Jimmaa Har’a haaromfamee eegale kun guutummaa moorichaa jechuun humna diinaa mooraa sana keessaa raafama guddaa keessa galcheera.dhukaasii gurguddaan hamma magaalaa Jimmaa socio I sitti barataatti dhukaafamaa
jira.gurmuun Qeerroowwanii sodaa tokko malee dhaadannoo jajjaboo dhageesisaa jiru
_Humni waraanaa Oromiyaatti ramadame nuuf haa had-dhiisu
_mootummaa xinnaaf guddaa keenya ajjeesu nii balaaleffanna
_Gochi duguuggaa sanyii nurratti lallabame haa dhaabbatu
_Nuti abbaa qabna abbaankeenya ABOn nu haa bulchu
jechuun dhaadannoo jajjaboof walleewwan warraaqsaa gurguddaan akka itti fufetti jira wallee warraaqsaa tuuta Qeerroo irraa dhaga’amaa jiru
#Sifan lola Oromo narra hin gorttu
Siifan lola Yaa WBO narra hin gortu
Blog Archives
Naannawaa Finfinnee Aanaa Sullultaa Keessatti Abbootiin Qabeenyaa Oromoo Ta’an Loltoota Wayyaaneen Dararamaa Jiru.
Aside
Bitootessa 03,2016 ,Naannawa Finfinnee Aanaa sulultaa keessatti mootummaa faashistii Wayyaanee abbootii qabeenyaa dhuunfaa konkolaataa qaban mana hidhaatti guuruun dararaa garaagaraa irraan gahaa jira.
Akkuma beekamu guyyoottan lamaan darbe konkolaachisttoonni magaalaa finfinnee mormii isaanii hojii dhaabuun dhageessisaa turaniin walqabatee mootumamaan wayyaanee raafama keessa galuun namoota konkolaataa qaban mana hidhaatti guuraa jiru.
1ffaa ob. Birhaanuu Taklee
2ffaa ob. Takkaalegn Mangistuu
3ffaa ob.Birhaanuu Addunyaa
4ffaa ob Salamoon fayyisaa
5ffaa dar. Xilahuun Birhaanuu fi namoota bioo nam 12 dabalatee guyyaa harraa kana mana hidhaa Aanaa sulultaa magaala caancotti darbatamuun dararaan garaagaraa irratti raawwatamaa jira.
Hiriira Mormii Sirna Wayyaanee Irratti Qabeenya Mootummaa Badeef Ummanni Akka Deebisee Kafalu Jechuun Dabballooti Wayyaanee Duula Jalqaban.
Aside
Bitootessa 3,216 ,Wallaggaa Bahaa Aanaa Nuunnuu Qumbaa magaalaa Adareetii keessatti mootummaan Wayyaanee uummata keenya ajjeese seeratti dhiyaachuu dhabee, konkolaataa miliyoona kudha lamaatti herregamutu caccabe diinagden bades kanaa oli jechuun waan kanaaf ammo uummanni baadiyaa fi magaalaa mootummaaf bakka buusuu qaba jechuun horii guuraa akka jiru beekamee jira.
Kanaaf uummati keenya nutuu qabeenyaa keenya waggoota hedduuf saamameen kan hin himatin,lubbuu nama du’eef illee utuu hin gaddiin kaabinooti mi’a yoomuu caccabuun hin hafneef uummata keenya gidirsan guyyaa “bara birraan barii’e” jedhanii Hayyoonni akka darban booru gaafatama seenaa keessa akka nama buusu hubachiisuu feena
ቄሮ: የኦሮሞ: ወጣቶች: ለነፃነት:ንቅናቄ: ድምፅ: የሳም:ንቱ: ዜና:: (SQ )March 2, 2016
Aside
Aside
Godina Wallaggaa Aanaa Jaarsoo keessatti Motummaan namaa nyaata… Warrannaa isaa ummaataa nagaa irraattii bobasuun ilmaan Oromoo akka bineessatii reebama jiru.. Eda galgalaas ummataa reebuun meeshaa irraattii dhukkasaa bulanii jiru…yeroo darbees namoota manaa
isanii itti cabsuun reebichaa hammaa kaneen isaan irraattii fudhatan gabaasun keenya ni yaadatama! Ummannii yaaddoof sodaa guddaa keessa
jira
Aside
Ibsa Walgahii Gumii Sabaa Adda Bilisummaa Oromoo
Gumiin Sabaa Adda Bilisummaa Oromoo haala Dhaaba ABO fi waliigala Qabsoo Bilisummaa Oromoo yeroo ammaa irratti kan xiyyeeffate walgahii hatattamaa Gurraandhala 27, 2016 gaggeeffatee milkiidhaan xumuratee jira. Walgahii kana irrattis dhimmotni fardiin adda addaa dhihaatanii irratti mari’atamuudhaan tarkaanfiileen fudhatamuu qabanis qajeelfamanii jiru. Akka kanaanis: Haala Ummata Oromoo kan yeroo ammaa ilaalchisee Itti-fufa Qabsoo Diddaa Gabrummaa fi falmaa mirga Bilisummaa fi Abbaa-biyyummaa Saba Oromoo waggoota dheeraadhaaf gaggeeffamaa dhufee kan tahe falmaan hadhaawaa fi seena-qabeessi Ummatni keenya baatiilee afran dabraniif osoo addaan hin citin walitti fufiinsaan belbelchaa jiru (Fincilli Xumura Gabrummaa) akeekaa fi galiin isaa Bilisummaa Sabichaa mirkaneessuu dha. Ummatni Oromoo sochii kana kan gaggeessaa jiru harka qullaa karaa nagaa osoo mirga Ummata biraa tokko illee hin tuqin roorroo fi hacuuccaa mootummaa Itoophiyaatiin isa irra gahaa turee fi jiru mormuudhaan mirga ofii gaafachuudhaani. Mootummaan Itoophiyaa gaaffii haqaa fi sochii karaa nagayaa Ummatni keenya gochaa jiru akka weerara alagaatti ilaaluudhaan humna waraanaa maqaa Ittisa Biyyaatiin ijaarrate itti bobbaasuudhaan afaan qawweetiin dura dhaabbatee Ummata karaa nagaa mirga isaa gaafatu fixaa jira. Tarkaanfii faashistummaa Wayyaanee kanaan baatiilee afaran dabran keessatti qofa lubbuun ummata nagaa dhibbootaan lakkaawaman galaafatamee kanneen kumootaan lakkaawaman madaawuu fi kuma kudhanootaan kan lakkaawaman hidhaatti guuramanii jiru. Gochaan suukanneessaan kun ammas akkuma itti fufetti jira. Haa tahu malee Ummatni keenya ajjeecha fi hidhaa dabalatee miidhaa bifa kamiinuu Wayyaaneen irraan gahuuf osoo duubatti hin jedhin murannoo ol’aanaadhaan wareegama bifa hundaa baasee mirga isaa kabajsiifachuuf guutuu Oromiyaa keessatti tokkummaadhaan sochii isaa finiinsaa jira.Ibsa Gumii Sabaa ABO
Sagalee Qeerroo Bilisummaa Oromoo (SQ) Gurraandhala 29,2016
Aside
GUYYAAN QOPHII TUMSA QEERROO BILISUMMAA KUTAA KANAADAA MAGAALAA KALGAARIITTI QOPHAA`E HIRMAANNAA UUMMATAAN HAALAAN MIIDHAGAAN TAASIFAME
Aside
Qophiin Tumsa Qeerroo Bilisummaa Kutaa Kanaadaa magaalaa Kalgaariitti Gurnaadhala 27/2016 Koree Qopheessitootaa Qeerroo Kalgaariitiin magaaala Kalgaariitti qophaa`ee haala miidhagaa fi seena qabeessaan geggeeffameera. Qophii kana Akkuma aadaa Oromootti Eebba maanguddootaan banamee. Itti aansuun Faaruun Alaabaa Oromoo farfatamee, Bakka Bu`aan Qeerroo Kalgaarii Dargaggoo Ifaa Asaanaa ummata Oromoo galma keessatti argamanin baga nagaan dhufatna jechuun erga simannaa godhaaniif Sagantaan duraa duubana akka itti fufu ibsan.
Koreen Qopheessitootaa Tumsa Qeerroo Kalgaarii Haalaa miidhagaa fi nama hawatuun uffata aadaa Oromoo fi Qomee Qeerroo Uffachuun waltajjiitti ba`uun Ummata Oromoof galataa fi kabajaa Guddaa waliin simannaa howwaa godhaniiruu.
Itti aansuun Itti gaafatamaan dhimma Qeerroo Biyyoolessaa Obbo Tashoomaa Dimee Bakka jiru irraa karaa Iskaayippiitiin Haala Hundeeffama Qeerroo, Akeekaa fi kaayyoo Qeerroon Bilisummaa ijaaramee fi yoom akka ijaarame, eessatti akka ijaarame, erga ijaaramee hanga ammaatti hojii Qeeroon Bilisummaa Biyya Abbaa isaanii Oromiyaa Weerara diinaa jala bilisa baasuuf Qabsoo FDG diina irratti Bara 2014 kaasanii hojjetaa turanii amma ammoo bifa haraan bara 2015 ji`a Sadaasaa keessa Qabsoon FDG eegalamee yeroo ammaa kana keessatti FXG tti jijjiiramee hojiilee Ji`a 4 kana keessaatti hojjetanii fi injifannoollee diina irratti galmeessan irmaatotaaf ibsaniiru. Akkasumas Qeerroon Biyyoolessaa sadarkaa Guutuu Addunyaatti erga ijaaramee Waggaa fi ji`a 2 keessaatti hojii ijaarsaa fi babal`isuu sochii Qeerroo Biyyoota 3ffaa fi biyyoota 2ffaa keesaatti deemaa jiru bal`inaan akka itti fufee jiru ibsa bal`aa ummata Oromoo walga`ii kana irratti irmaataniif ibsa kennaniiru.
Koreen Qeerroo Kalgaariis jalqaba Qeerroon yeroo hundeeffamu akkamitti akka ka`ee fi maaliraatti hundaaa`ee Qeerroon dhaabbatee, Diinni Biyya Abbaa keenyaa keessumatti Lafa Oromoo irratti waan Diinni gootee Ragaa qabatamaa fi mul`ataa ta`ee Viidiyoon Waan Qeerroon waraabee ol kaa`ee dhiyeessaniiru. Miidhaa fi Roorroo ummata keenya irraan diinni dhaqqabiisaa jiru kana dura dhaabbachuun Qeerroon Bilisummaas saba isaaf ittisaa fi Baamsii inni godhaa turee fi ammas tarkaanfii Qeerroon Fudhataa jirus Viidiyoon Ummataaf dhiyaateera.
Keessumatti Guyyaa ha`aa Gurnaadhala 27/2016 Ummatni Oromoo Kutaa Kanaadaa keessa Jiru Guyyaan inni Tumsaa fi tinisa Qeerroo Bilisummaaf gochuuf walitti dhufe kun Guyyaa Seena qabeesaa fi yoomuu yaadatamaa afudha jedhaniiru. sababni isaas Guraandhala 26/2016 Mootummaan Wayyaanee Bulguun Oromoo fi Oromiyaa Humna qawweetin buchuuf Bulciinsa Naannoo Oromiyaa diiguun Ajaja Waraanaa jala galchuun Ummata Oromoo fi Gutummaa Oromiyaa iratti lola labsuun ishee ni yaadatama. Ummatni Oromoo labsii Waraana ummata Oromoo irratti godhame kanaaf Naasuu fi sodaa tokko malee Ummata Keenya Biyya keessaa diinaan dhumaa, ajjeefamaa fi hidhamaa jiru bira ni dhaabbanna! Jechuun aantummaan Onnee guutun Qeerroo Bilisummaa fi Ummata Oromoo bira dhaabbachuu fi gargaarsa godhuuf Tumsaa fi dirmannaa qabsoo godhu isaaniif galata Guddaa qabdu jedhaniiru.
Ummatni Oromoo lola waraanaa Ilmaan Tigiraayii Wayyaaneen irrati labsame kana Gamtaa fi tokkummaan Sabni Oromoo kan biyya keessa fi biyya alaa jiru Diina Nu weeraraauuf Lola nurratti labse kana ofirraa qolachuu fi dura dhabbachuuf qophii ta`uu isaa tokkummaa fi gamtaan mul`see jira.
Ummatni Oromoos Yaada Wal ga`ii kana irratti kennataniin, Nuti sabni Oromoo nagaa barbaanna. Qee fi qabeenya keenya tikfannee biyya Abbaa keenyaa Oromiyaa keessaatti nagaa fi tasgabbiin jiraachuu barbaadna. Nuti Sabni Oromoo saba qee isaa fi ollaa isaafillee nagaa hawwudha.
Ammoo Mootummaatni Habshaa wagaga 150 ol ummata Oromoo qee isaatti ajjeesaa, hidhaa, qabeenya isaa saamaa biyya isaa irraa fudhachuun ummata Oromoo qee dhabilee godhanii Iyyoomsaa jiru.
Mootummaan wayyaanee ilmaan Tigiraayiin durfamu kun yeroo ammaa Oromiyaa irratti waraana labsee ummata Oromoo Dubartii garaa qabdu ykn Dubartii Ulfaa rasaasaan galaafatee ilmoo gaaratti lubbuu baasaa, haadhaa fi ilmoo rasaasaan bakka tokkotti galaafataa jira. Addunyaa kana irratti waan ilmi nama a hin raawwanne Wayyaanee Ummata Oromoo irratti raawwataa jirti. Kun gochaa Bineessummaa malee waan dhalti namaa raawwatuu miti jechuun balaalleffataniiru.
Hawwan Waggaa 60 fi maanguddoota wagaga 70 ajjeessaa jirti. Haadhaa fi ilmoo walirratti rasaasaan fixaa jirti. Daa`iman wagaga 4 fi 7 ajjeessaa jirti. kun ta`e jedhee Lola sanyii duguuggaa fi Ummata Oromoo lafarraa balleessuuf Akka Saganteeffatee hojjetaa jirti Gochaan wayayanee kun ragaa dha. Seenaafis kan dagatamuu miti. Kanaaf nuti Ummatni Oromoo biyya alaa jirru akka saba Oromootti Ummata keenya Ala jiraniif waamichi goodhuu fi dhaamsi lammummaa dabrsinu,
1. Ummatni Oromoo kan biyya alaa jirtan kan dhiigaan Oromoo taatan hundi keessan har`a yeroo ummatni keenya Biyya keessaa Lolli waraanaa irratti labsamee Waraanni irratti deema a jiru Nuti kan biyya alaa jrru ummata keenya dhumaa jiruuf Waan dandeenyuun dirmachuu qanna.
2. Dhaabilee siyaasaa Oromoo kan biyya keessaa fi biyya alaa jirtan Lola Wayyaaneen Ummata Oromoo irratti labsite kana Qolachuuf utuu oolee hin buliin gamtaa fi tokkummaa uumatanii daftanii Ummata Oromo keessaa fi alaan qindeessuun FXG kanaaf akka dirmatanii fi Qeerroo Bilisummaa waliin hiriiran akka gootanii fi ga`ee fi qooda Hoganuummaa fi ga`ee hogummaa fi dandeettii keessanii akka gumaachitan isniif dhaamna.
3. Ilmaan Oromoo kan biyya keessa jirtan nagaa fi qabbanaa qee fi mana keessan keessa jiraachuu hin dandeenye. Harka duwwaa Diina meeshaa waraanaa hanga fudhaaniitti hidhatee Lola isinirratti labse kana Gootummaan dura dhaabbataanii Bilisummaa saba keessanii fi walabummaa biyya keessaniif wareegama ulfataa baasaa jiratna Guddoo waan lammii boonsee dha! Diina Waaroo salphinaa aguuggachiise dha. Kanaaf Ammarraa kaaftanii Eeboo, Mancaa, Qottoo fi waraana qabdan hund a qabattanii kaatanii Diina Lola isinirratti labse kana akka ofirraa ittifatnii fi gootummaa Aabbootii keenya durii seenaa aarromsitan ininiif dhaamna.
4. Gootota Qeerroo Bilisummaa, Gootota Barattoota Oromoo, maanguddoo fi Hawwan Oromoo walumaa gala hawaasni Oromoo biyya keesaa tokkummaan Bilisummaa saba keensanii fi Walabummaa Biyya keessaniif wareegama hanga ammaa baaftan keessaatti gamtaa fi Tokkummaan waan hojjettaniif Diina injifattani. Tokkummaan saba Oromoo biyya keessaa Ummata Oromoo biyya aalaafis fakkii gaariid ta`uu qaba jenna.
Akkasumaa Ummatni keenya bakka jiruu Gamtaa fi tokkummaa saba Oromoo cimsatee Diina kana ofirraa kaasuuf bakka jirruutti waan dandeenyu akka Hojjennu waamicha lammummaa fi Oromummaa isniif goona.
5. Abdiif i Gaachana Ummata Oromoo WBO! yeroo ammaa Ummatni Oromoo dhumaa jira. Yeroon ati akeekaa fi kaayyoo kaleessa baatee fi irbuu saba keetii itti dhugoomsitu yeroon isa amma jenna. kanaaf WBO bakka jirtuu Ummata kee dhumaa jiruuf akka dhaqqabduuf jechuun kabajaan isin gafanna.
6. Ilmaan Oromoo kan humna waraana Wayyaanee keessa jiratn, humna Poolisa Oromiyaa, walumaa gala Hojjetaa Mootummaa kan taatan, Mootummaan wayyaanee Sirna bulchiinsa Oromiyaa diigdee Oromiyaa Bulchiinsa waraanaa jala galchuun ishee ummata Oromoo lafa irraa fixuuf akka ta`e ifaa dha. Egaa isinoo Motummaa saba keessan ajjeesaa, jiru kana waliin jiraattu moo? Qawwee baattan Gara diinaatti galagalchitu? Ummatni Oromoo akka ilmoo isaatti, akka qomoo isaatti Akka isin Saba keessan waliin iriirtanii Diina ummata keessa ajjeesaa jiru kana irraa ajjeeeftanii fi gummaa Qomoo keessanii baaftan isinirratti abdataa, saba keessan waliin Qabsoo FXG tti dabalamtanii Bilisummaa saba keessanii fi walabummaa biyya keessaniif akka waliin qabsoofnu waamicha keenya jabeessinee isniif dabarsina.
Xummuura irratti wal ga`ii kana irratti Miseensotni WBO duraanii , shammarran WBO, Nutis Qeerrummaa keenyaan QBOtti dabalamne. Qeerrummaa fi Qarrummaan humna Horiitoo akka qabuu fi waan fedhe godhuu akka danda`u ni beekna. Kanaaf Qeerroon Bilisummaa Kolonii fi Gabrummaa Ummata Oromoo irraa buqqisee bilisummaa Oromoo fi Oromiyaa akka mirkaneessu badii guutuu qabna! jechun dhaamsa Qeerroo Bilisummaaf dabrasanniiru. Guyyaa wal ga`ii kanaa galgala wallisoottotni Oromoo kabajamo fi jaallatamoon, Adam Haaruun, Callaa Carcar, Amartii Waarii, Elemoo Alii, Saaliyaa Saamii, Habtaamu Lamuu, Duulaa Adabaa irratti argamuun Galagala guutuu ummata Warraaqsaa fi kakaasaa turan.
Sabboontotni Oromoo Konyaa Albartaa, Edimeenten, Buruuksii fi Kalgaarii Baayyinaan tumsa Qeeroo Bilisummaa kana irratti argamuun Tumsa Dinagdee Guddaa Qeerroo Bilisummaaf gumaachaniiru.Tumsi kunis gara fuula duraatti jabaatee akka itti fufuu qabus dhaamaniiru.
Wal ga`iin Dhaamsa Qabsoo fi jajjabinaa Ummatni Oromoo waliif dhaamee fi Dhaamsa Jajjabainaa Qeerroo Bilisummaa bira haa dhabbaannu jedhuun! jedhu walitti dhaammachuun Xumuurameera.
Finfinnee Har’a Rakkoo Geejibaan Uummanni Osoo Hin Jaallannee gara FXGtti seenee Jira
Aside
Magaalli Finfinnee har’a ganama irraa kasuudhan haala suuraa kana ibsuun bakka hundaatti mul’attee jirti. Geejjibni tajaajila dhaabuu irraan kan ka’e magaalaan FF haala kana keessa kan seente yoo tahuh humni waraana wayyaanee bakka jiruu bahee daandii guutee jira uummata eegaa jira. Uummanni lafa barii ganama sa’a 12 irraa kaasuun haala kana keessa jira. Bakka hedduuttis mormiin uummataa itti fufaa gaaffiin uummataa jiraattoota magaalaa Finfnnee keessaa hojjetoota dabalatee mootummaa mudduu irratti argamti. Godinoota addaa kanneen akka Sabbataa, Laga Xaafoo fi Sulultaa kanaan wal qabsiisuun uummanni gara FXGtti makamee jira. Magaalli finfinnee guutummaatti waraana wayyaanee fi poolisii Finfinneen dhuunfatamtee jirti.gabaasa addaaf waliin walitti deebina.
12767356 1703431036580555 1252228667 n 1
12767356 1703431036580555 1252228667 n
12788030 1703431123247213 862752413 n 1
12788030 1703431123247213 862752413 n
Fincila Barattoota Yuunibarsiitii Wallaggaa
Aside
Wallaggaa Yunversiitii keessatti fxg dhohee jira. Dhaadannoollee jajjaboo ta,anis dhaga,amaa jiru.Baratoonnis tokkummaadhaan ka,anii mootummaa faashistii wayyaanee balaaleffachaa jiru.Mootummaan wayyaane Fincila kanaan rifannaa guddaa keessa galuudhaan baratoota gaaffii mirgaa gaafachuuf ba,an irratti dhukaasa banuun baratoota haaduu madeesseera.Baratoonnis yeroo ammaan kana mooraa gadi lakkisuudhaan gara uummataatti baqachaa jiru.
QEERROO 