Gaafa Fulbaanaa 30/2012 Hidhamtoonnii Oromoo Mana Hidhaa Qalliittii Zoonii garaagaraa keessaa jiraanii fi Mana Hidhaa Aqaaqii Keessaattii Argaman Ayyaana Irreechaa Kabajatan,Kabajaa Ayyaana Irreechaa kanaan wal qabatee namoonnii hedduun loltoota Waayyaanee hidhamtotaa egaa jiraniin dorsifamaan, Keessaattuu warra sirnaa Ayyaanichaa irraattii adda durummaan dubbatanii fi akka kabajaataniif haala mijjeessaaniin mootummaan Waayyaanee isiin akka hidhamtoonnii cabsanii badaaniif haalaa mijeessaa jirtu jechuun dorsisaa jiraachuun gabaafame, Haalumaa wal fakkaatuun hidhamtonnii Oromoo mana hidhaa Ziiwwaayitti hidhamanii jiraan guyyuma Irreechaa kanaa Ayyaanaa irreechaa wayita kabajatan mirgi akkasii isiniif hin kennaamne jechuun poolisonnii sirnicha hidhamtotaa doorsisuu irra darbanii dararaa akka jiran beekame. Haata’uu malee cichoominaa fi dura dhaabbaannaa hidhamtotaatiin kabajachuu danda’aniru.

Haala kana keessatti hidhamtoonni dhaamsa dhaammatan keessatti yaa ilmaan Oromoo jabaadha,hidhaa fi ajjeechaan qabsoo irraa nu hin deebisu,tokkummaa keessan cimsaa yoo jabaanne ni bilisoomna. fi kkf dhaamsa dhaammachuu isaanii gabaasi achi irraa dhufe addeessa.

Onkololeessaa 2/2012 Godina Lixaa Shawaa Aanaa Midaa Qanyii keessatti diddaa barattooti Oromoo gandoota gara garaa keessatti kaasaniin wal qabatee nammoonni nagaa sadii maqaa ABOn shakkamanii hdihamuu gabaasi qeerroo naannoo sanii nu gahe addeessa.Kanneen keessaa.

1. Barataa Hundaa’ol Dhugaasaa

2. Batataa Bantii Dalasaa

3. Barsiisaa Xuurii Bantii

Badii tokkoon malee waajjiraa Poolisaa Aanaa Midaa Qanyiittii hidhamanii akka jiran gabaasi addeessa. Naannoo kanatti ilmaan Oromoo yeroo gara garaa hidhamuun isaanii beekamaa dha, barata Hundaa’ol Dhugaasaa ammaan dura duraa mana Hidhaa Godina Lixaa Shawaattii hidhamee dararamaa kan ture, fi yeroo amma kana yoo
Miseensaa OPDO taatee malee hin barattu jechuun barnotaa irraa dhorkamee kan jiru, ta’uun beekamadha.

Onkoloolessa 5,2012

Godina Wallagga bahaa aanaa Giddaa keessatti diddaan ilmaan Oromoo itti fufuun wal dhabdeen Poolisoota federaalaa ummata dararuuf bobba’anii fi Poolisoota Oromiyaa gidduutti uumame.Poolisootni Federaalaa naannoo kanatti bobba’an Poolisii Oromiyaa fi Bulchinsa gandaa kan tahan wayita walitti bu’insi ilmaan Oromoo fi Uummata Beenishaangul Gumuz bu’insi turetti isintu meeshaa waraanaa Oromootaaf kenne jechuun qorannoon rakkisaa jiran.Qorannoo kanaanis Poolisiin Oromiyaa gurra hin kenninu jechuun wal dhabdeen uumamee jira.Haala kanaanis Poolisootni Federaalaa Komaander Asaffaa Gannatii kutaa qorannoo yakkaa kan tahe Tika mootummaa Wayyaanee naannoo kanaa Shallamaa jedhamu waliin qorannoon rakkisaa jiran.Miseensotni Poolisii Oromiyaas kanaaf bakka hin kenninu jechuun diddaa mul’isaa akka jiran gabaasi naannicha irraa nu gahe addeessa.

Onkoloolessa 3,2012 Mattuu

Diddaa biyyattii keessatti deemsifamaa jiruun wal qabatee Godina Iluu Abbaa Booraa aanaa Haluutti diddaan barsiisota sadarkaa lammaffaa dhalate mootummaa Wayyaanee cinqe.Wayyaaneen TPLFs diddaa kana dura dhaabbachuuf barsiisaa Takiluu Biinee fi hojjettoota hedduu mana hidhaatti ukkaamsee jira.Aanaa Buree keessattis hojjettootni mootummaa Gammachuu fi Dagafaa jedhaman mootummaa wayyaaneen qabamanii ukkaamsamanii jiru.Aanaa Bachoo keessattis ilmaan oromoo 15 sababa amantiin kan wal qabate murtii tokko malee mana hidhaa keessatti rakkachaa jiraachuun isaanii ni beekama.Mootummaan Wayyaanee diddaa kana dura dhaabbachuuf hidhaa fi hojii irraa ariiuu itti fufus hanga bilisummaa qeerroon gaaffii mirgaa kaasuu duuba akka hin deebine qeerroon naannoo kanaa dhaamee jira.