Qeelloo Daakaa Irraa
Q Qee Abbaa keenyaa Oromiyaa deeffachuuf!
E Eenyummaa Saba keenyaa Tikfachuuf!
E Ejjennoo hin daddaaqabne qabannee!
R Roga hundaan QB finiinsinee!
R Roorroo diinaa ofirraa mancaafnee!
O Oromiyaa wala-boomsuuf Irbuu senne!
O Oromoo saba keenya bilisoomsuuf waadaa lammiif seenne!
Namni Muka hin yaabne,
Kan miilli Tokkootii,
Namni /Lammiin/ biyyaaf hin duullee,
Kan qomoof hin dirmannee,
Gara dhablee ofi hin beeyne
Marrataan kottee hin qabuu,
Barruusaati Jaatamaa,
Dabeessii onnee hin qabuu,
Marrumaantuu raafamaa!
Abbaya malkaa siree,
Nooraa karaa bidiruu,
Ani yooman garaa hiree,
Yartuu ykn gadhee kan garaa hirtuu!
Baddeessaa muka faachaa,
Oomii muka Waaqayyoo,
Anoo kan namaan faachaa,
Koo ammoo yoomi laata Waaqayyoo?
Qiqqiriixaniitii jiddu lamaan uruu,
Maal maqaan qaqqallii,
Qabsoo finiinsaanii,
Diina mo`aniitii gita namaa buluu,
Maal maqaan gabbarrii!
Yeroo Iriyyaan kee mana qayyifattuu,
Mana gubdi seetee? jettee gamanni daalleen jedhe Oromoon mammaakee!
Dhiroo bakka jirruu fi waan nutti jiru haabeeknu!
Bakka jirruu haajabaannu!
Muddee 09,2012 Mattuu
Muddee 8/2012 University Mattuu fi Godina Iluu Abbaa Booraa keessattii Ayyaanaa Sabaa fi Sablammotaa Wayyaaneen qopheesse irraattii Qeerroon fincilaa kaasuun gabaafame. Guyyaa ayyaanaa sabaa fi sablammiin kabajichsaa jechuun olola afaan fajjeessaa Wayyaaneen gaggeessaa turee bifaa garaagaraan Ummaanni mormii kan irraattii kaasee ta’uun beekama.
Baratootni Oromoo University Mattuus guyyumaa kana nuti mirgi keenyaa fi walumaa gala kan ummata Oromoo sarbamee jira,baroota 20f cunqursaan akkaanii fi gadi qabaan ummata Oromoo irra jiru haaka’u. mootummaan ukkaamsaa fi ajjeechaa Oromoo irraan gahu akka dhaabu jechuun iyyaa fi sagaleen jabaan diddaa isaanii dhageessifatanii jiru. Kana malees gaaffiin nuti kaafne hamma deebii argatutti nyaata qulqullina hin qabne hin nyaannu jechuun lagatan.
Kana Malees yeroo Ammaa kana rakkinaa nyaataan wal qabatee baratootni mooraa University Mattuu irraa barachaa jiran rakkoo Ulfaataa Keessaa jiraachuun gabaafame. Baratootni Oromoo 16ttii lakkaa’aman nyaata summaa’ee fi qulqullinaa isaa hin eggatne nyaachifamanii dhibee garaa kaasaa hamaan qabamanii rakkoo ulfataa keessaatti kan argaman ta’uun yeroo amma kana akka malee dhukkubsachuun Hospitalaa galanii waldhaansa gahaa dhabuun du’aa fi jireenyaa gidduu jiraachuun gabafamera. Haala kanaan gutummaan baratootaa University Mattuu dhakkubaa garaa kaasaan qabamanii gargaarsaa yaalaa guddaa kan barbaadaan ta’uun gabafame.
Muddee 09,2012 Arba Minc
Gabaasaa Qeerroo yuunivesitii Arbaa Mincii irraa addeessuun Muddee 8,2012 barattootni Oromoo ayyaana Sabaa fi Sab-lammii magaalaa Arbaa Mincitti gaggeeffame waltajjii wayyaanootaa sirba qabsootiin lafa itti dhiitanii fesheleessanii akka jiran qeerroon mooraa sanii gabaasee jira.Sirba qabsootti dabaluudhaan waraqaan dhaadannoo faajjii dhaabaatiin qophaaye bakkeewwan waltajjii isaanitti kan bittimfame yoo tau barattootni oromoo mooricha keessa jiraataan gammachuudhaan wal gayanii mooraa keessatti sirbaniitu jiru. Sirba kanaanis mufannaan wayyaaneedhaa kan jabaate barattoota kana waltajjii isaanii irraa arihuu malanillee waan hin dandeenyeef barattoota oromoof gadi dhiisanii deeman jedha qeerroon mooraa.
Itti fufee qeerroo yuuniversity Adaamaa irraa addeessuun guyyaama ayyaana kanaa irratti barattootni walgayanii sirba qabsootiin waltajii irratti poolisoota moorichaa fi barsiisota oromoo moorichaa akkasuma hojjettoota kaaffewwanii dhalaa dhiira utuu hin jedhin sirba qabsootiin akka dabarsan gabaasaan qeerroo addeessa.
Muddee 08,2012 Finca’aa
Godina Horroo Guduruu Wallaggaa aanaa Horroo keessatti fincilli qotee bulaa dhalate. Aanaa Horroo Ashaayyaa keessaa mootummaan Wayyaanee maqaa hidhaa Laga Nasheen qotee bultoota kumaatamaan qe’ee irraa buqisee kaasaa isinii kaffalla jechuun sossobee hanga yoonaa xumuruu dhabuu irra darbee naannoo Dotii jedhamutti bakka uummatni dhukkuba busaan rakkachuu irra darbee tajaajilawwan hawaasaa kanneen akka mana barumsaa,Hospitaalaa,gabaa fi bishaan dhugaatii qulqulluun hin jirre galchuun rakkisaa jiraachuun beekame.
Qotee bultootni qe’ee isaanii irraa humnaan buqa’anii naannoo amma qubsiifaman kanatti dirqamaan kan galan yoommuu tahu Wayyaaneen yeroodhaa gara yerootti waadaa galuun wanneen barbaachisaa xumura jedhus uummatni obsaan eegee dhabuun irra deddeebbiin gaafatus deebiin waan hin kennamneef gamtaan falamatti seenanii jiran.Yeroo ammaa uummatni Oromoo naannoo kanaa dhukkuba busaa fi kanneen biroon haala hamaa keessatti kan argama.Qotee bulaan naannoo kanatti dhukkubaa fi rakkoo shira Wayyaaneen dararamaa jiru mootummaan Wayyaaneen yoomuu hiika nuu kennuu waan hin dandeenyeef ilmaan keenya akka nuu birmattan jechuun dhaammachaa jiran.
Haala kanaan rakkoon dabballoota Wayyaanee fi qotee bultoota jidduutti dhalate hammaachaa deemuu fi gamtaan qortee bulaa fi barattooti naannoo adda addaa irraa diddaa jalqabame kanatti birmachaa akka jiranis gabaasi nu gahe addeessa.
Gama biraan yeroodhaa gara yeroottis rakkoon qotee bultoota kanneen irratti taasifamu akka dhaabbatu kanneen gaafatanus isin Seelii diinaati jedhamuun qoratamaa kan turan yoommuu tahu yeroo ammaa qorannoo diinaan hedduu rakkamaa jiru.Hidhattootni naannoo kanaas isin uummata waliin jirtu malee mootummaa waliin hin jirtan jedhamuun qorannoo fi walgahii olola wayyaaneen rakkachaa jiru.
SOCHII DARGAGGOOTA BIYYOOLESSAA KAN BILISUMMAA FI DIMOKIRAASII(QEERROO)
Barattootni,barsiisotni,Qotee bulaan,Daldalaan,Dafqaan bulaan,Hojjetaan,Hojii dhabaa,…Uummata Impaayera biyyattii maraaf!
Mootummaan wayyaanee guyyaa sabaa fi sablammii shira bittaa isaa dheereffachuuf tolfate tahuun ifatti beekamaa dha.Impaayera Itoophiyaa keessatti uummatni biyyattii keessaa halkanii fi guyyaa wayyaaneen osoo walitti buusaa jiruu,gaaffiiwwan mirgaa gaafataman ukkaamsuuf hidhaa fi ajjeechaan uummata osoo rakkisaa jiruu wayyaaneen uummata biyyattii TV fi raadiyoo siyaasaaf tolfateen gowwoomsuuf waan jiruuf akka dura dhaabbattan dhaammana.Keessumaa erga muummichi ministeeraa mootummaa abbaa irree wayyaanee Mallasaan du’ee wayyaaneen ofitti amanamummaa dhabee keessi isaa duwwaa wayita tahetti gaaffii bilisummaa kaasuun qeerroo cinaa akka dhaabbattan waamicha dabarsina!
Waraqaan kun akka isin dhaqqabeen nama shanii fi isaa olii dabarsuun dirqama lammummaa baanu!
የኦሮሞ ወጣቶች ብሔራዊ ንቅናቄ ለነፃነትና ለዲሞክራሲ(QEERROO)
ለተማሪዎች፣አስተማሪዎች፣አርሶ አደሮች፣ነጋዴዎች፣ላብ አደሮች፣ሥራ አጦች…ለኢምፓየሪቱ ሀገር ህዝብ በሙሉ!
አምባገነኑ የወያኔ መንግስት የብሔር ብሐርሰቦች ቀን እንድከበር ያቀደዉ የስልጣን ዕድሜዉን ለማራዘም እንደሆነ ግልፅ ነዉ፡፡
ሀገርቱ ዉስጥ የሚገኙትን ብሔር ብሐረሰቦች እርስበርስ እያጋጨ፤የመብትና የነፃነት ጥያቄ የሚያነሱትን እያሰረና እየገደለ እያለ በተቃራኒዉ ደግሞ የራሱ የሆኑትን ሚዲያዎች በመጠቀም ህዝቡን እያታለለ ስለምገኝ እንድታወግዙት መልዕክታችን እናስተላለፋለን፡፡
ከመለስ ዜናዊ እረፍት ወዲህ ወያኔ በራስ መተማመኑ ጠፍቶ ዉስጡ ባዶ ስለቀረ ሁላችሁም ለነፃነት ጥያቄ ተባብራችሁ እንድትነሱ ጥሪያችንን እናስተላልፋለን፡፡
ይሄን መልክዕት ለአምስት ሰዉና ከዛ በላይ በማስተላለፍ የዜግነት ግደታችንን እንወጣ!
Muddee 07,2012 Mattuu
Godina Iluu Abbaa Booraa aanaa Mattuu ganda Diizii keessatti uummanni Oromoo godina kana aanaa garaa garaa keessaa walitti dhufuun ayyaana irreechaa yeroo 7ffaa haala ho’aan ayyaanessan. Ummanni Oromoo aadaa,seenaa fi amantii keenya guddisuun dirqama Oromummaati jechuun qophii ayyaana kanaa irratti uummatatti beeksisaa kan turan milkaa’un uummatni kumaatamaan lakkaa’amu walitti tokkummaan ayyaanessee jira.
Tokkummaan ilmaan Oromoo yeroodhaa gara yerootti mootummaa Wayyaaneetti yaaddoo kan uumu yoommuu tahu mootummaan Qeerroon gaaffii mirgaa uummatni akka kaasuuf cinaa dhaabbata sodaa jechuun basaastotaa fi waraana bobbaasus uummatni shira mootummaa wayyaaneef osoo hin jilbeeffatiin tokkummaan ayyaanessee jira.Waamicha oromummaa Koree Gidduu Galeessaa DH.D.U.O irraa miseensota DH.D.U.O biiroo aadaa fi Tuurizimii dhaqqabeen miseensotni DH.D.U.O shira mootummaan wayyaanee ayyaana kana fashaleessuuf godhu saaxiluu isaaniin qeerroon galateeffatee jira.Hojiiwwan Mooraa QBO gabbisuuf godhamus tokkummaa saba Oromoon jabaachuu akka qabu Qeerroon waamicha dabarsee jira.Ayyaana irreechaa kana iratti qophiiwwan garaa garaa kan dhiyaatan yoommuu tahu walleewwan gootawwan Oromoo faarsanii fi kutannaa uummatni qabsoo keessatti qabu guddisuuf qeerroon wallisuun uummata hubachiisee jira.Uummatnis gaaffii mirgaa qeerroon kaasaa jiru cinaa dhaabbachuuf murtii dhumaa irra akka jiranis ibsanii jiraachuun gabaafame.
