Yaadannoo FDG uummata Oromo waggaa kanaa Kuta Iskaandinaaviyaatti sadaasa (Nov) 9 bara 2013 magaalaa Oslootti walgahii hawaasaa fi qophii aadaatiin yaadatamee oolee. Keessummaan J/ Daawud Ibsaa HD- ABO fii Hoogganoota adda addaa; kan irratti argaman milkiin xumurammee jirra
Gamtaa Qeerroo YSTA( Y.Adaamaa
MAANDHEE LEENCA GAARA MUUL’TAA.
Kabaja Waggaa 8ffaa (2005)FDG ilaalchisee Ibsa ABOn baase bu’ura godhachuun sagantaan keenya akka armaan gadii kana fakkaata.
BARUMAAN RAKKOO HIMACHUUN SALPHINA,MATUMTI ISAA RAKKINA
(Dhaamsaa fi Dhaadannoo Qeerroo YSTA)
Gita bittoonnii mootonni murni habashaa,dhimma aangoo ykn taayitaa walin wal jijjiruu irraatti waliif galuu yaa dhaban malee ilaalchi farrummaa ummata Oromoof qaban akka tokko tahe firaa miti diinumte shira kana tolchullee adda durrummaatti beeka,imaammata dulloomaa Abboonni isaanii dheengaddaa fi kaleessa bocanii addunyaa kanarraa daaraa tahan yeroo dhaloonni isaani akkuma kaleesaa udaan irra taa’anii waan gara fuulduraa tokko tarkaanfatamee gara boodaa tarkaanfii sadii deemuuf daddaaqan qalbii guutuu argaa jirra.kunnimmoo dadhabina osoo hin taane diinummaa addaa farrummaadha.Qqabxii gurguddoo diinaa farrummaa ummata Oromoorraatti raawwataa ture,ammallee haala suukanneessaa fi hedduu gaddisiisa yeroo inni itti bahaa jiru uumama hundatu ragaa taha. jabaannee,gurmoofnee,yoo falmanne malee borullee akka kana caalaa daraan dabalaa adeemuu eenyuu tilmaamuun isa hin dhibu(haa falmatu abbaan roorroon dhibe jennan).
Farrummaa mootota habeshaa Miliilik hangaa Wayyaanee mee haa ilaalluu :– Gamtaa Qeerroo YSTA. Yuuniversitii Adaamaa
Sadaasa 12,2013,Adaamaa
Yuunivarsiitii Adaamaa Damee Asallaa keessatti barattootni Oromoo gamtaan gaaffii mirgaa kaasan. Mootummaan wayyaanee bara dhufaa darbu ilmaan Oromoo addatti ammo barattoota Oromoo reebaa, hidhaa fi ajjeesaa as gahuun ishee nurraa haa dhaabbatu jechuun diddaa dhageessisaa jiran. Mooraa Yuunivarsiitii kana keessatti barataa Oromoo sababa tokko malee jala deemtotaa fi ilmaan habashaan rukkutameef mooraan Yuunivarsiitii fi mootummaan wayyaanee itti gaafatamummaa haa fudhatu jechuun sagalee diddaa dhageessisaa jiran. Mootummaan abbaa irree wayyaanee gaaffiiwwan mirgaa gaafataman hidhaa fi doorsisaan dura dhaabbachaa kan ture ammas jabeessuun waraana hedduumminaan galchee doorsisa gaggeessaa jira. Doorsisni qabsoo bilisummaa Oromoo fi gaaffii mirgaa finiinu galma gahumsa hin dhorku jechuun qeerroon Yuunivarsiitii Adaamaa dame Asallaa addeessee ilmaan Oromoo maraafis waamicha dabarsee jira.
Finfinnee,Oromiyaa
Gabaasaa Galmee Sabboontota Oromoo Kanneen Bara Tokko Keessatti Hidhaman,Ajjeefamanii fi Bakka Buuteen Isaanii Dhabamee.
( Sadaasa 2012 Irraa Hanga Sadaasa 2013)
Uummatni Oromoo sirna bittaa Wayyaaneef tole jedhee guyyaatti gabrummaa of irratti ilaale hin qabu. Uummanni Oromoo diddaa sirna cunqursaa kanaaf wareegama baroota 21 keessatti baase kan lakkaawamee dhumu miti. Oromiyaa keessatti sabboontota gaaffii mirgaa kaasan yeroo irraa yerootti mootummaa Wayyaaneen adamfamanii mana hidhaa adda addaa keessatti ugguramuun aadaa bulchiinsa EPRDF ta’uun beekama.
Bara tokkoo as Sadaasa9,2012 irraa eegalee hamma Sadaasa 9,2013 waggaa tokko keessatti sabboontotiin Oromoo FDG gaggeessaa jirtu jechuun mana hidhaatti ukkaamfaman lakkoofsaan hedduu ta’anis, gariis ajjeefamanii,gariin ammoo bakka buuteen isaanii dhabame. Walumaa gala Sadaasa 9/2012 irraa hanga sadaasa 9/2013tti FDG hedduun guutuu biyyaatti gaggeeffamaa bahe. Wayyaaneenis darara hidhaa fi ajjeechaa gaggeessaa ture. Bara kana keessa qabsoo bilisummaa Oromoof jechaa kanneen hidhaman, ajjeefaman yaadachuu fi sabni keenya adduunyaa irra jiru mirga qabsaawota kanaa bakka hundatti akka falmuuf jecha Sochiin Dargaggoota Oromoo Biyyoolessaa(Qeerroo Bilisummaa) galmee qabsaawota hidhamanii,ajjeefamanii fi bakka buuteen isaanii dhabamanii yeroo fi bakka irraa hidhaman waliin akka armaa gadiitti gabaasa.
Ilmaan Oromoo Godina shawaa lixaa aanaa Ejeree keessatti gaaffiilee abbaa biyyummaa gaafattan jedhamuun hojii irraa dhorkaman ( sadaasa 11-2012)
1.Obbo Girmaa Araarsaa Gargaaraa Hakiima beeyladaa aanaa Ejeree
2.Obbo Abbabaa Giddiiraa gargaaraa Hakiima beeyladaa aanaa Ejeree
3.Obbo Dhaqqabaa Tafarraa Gargaaraa Hakiima Beeylaa
Godina Iluu abbaa Booraa aanaa aanaa Cooraa keessatti gaaffiilee mirgaa gaafataman ABO waliin tahuun kan qindeessu sidha jechuun Barsiisaa Abbabaa Takkaa mana hidhaatti wayyaaneen ukkaamsitee turte. (Sadaasa 14-2012)
Gaaffiiwwan mirgaa itti fufinsaan Yuunivarsiitii keessatti gaafatamaa tureen wal qabatee ilmaan Oromoo Yuunivarsiitii Madda walaabuu isin jibbinsa mootummaa wayyaanee qabdu jechuun Yuunivarsiitii irraa arii’amanii jiran. (Sadaasa 15-2012)
Gutummaan Ibsaa fi Galmeen Sabboontota Hidhamanii :– Sadaasa 9 Ilaalchisuun Ibsa Qeerroo Bilisummaa fi Galmee Sabboontota Hidhamanii
Sadaasa 9 Guyyaa Yaadannoo FDG hundeeffamma yeroo 8ffa Oromiyaa bakka adda addaatti kabajame oolera. Madda gabaasaa adda addaa Yuuniversitiiwwan irraa nugahan walitti qabaadhaan kan dhiyaatu yuuniversitii Finfinnee fi Yuuniversitii Amboo irratti guyyaan haraa guyyaa itti barataan Oromoo qabsoodhaaf waamicha waliif godhee jiruudha. Kunis yaadannoo yeroo 8ffaa FDG gaggeeffame mootummaa abbaa irree umurii isaa guutuu uummata biyyattii addatti uummata Oromoo garboomsee jiraachuuf akeekkatee jiru dura dhaabbachuuf buuureffame yoo tahu,kana yaadachuudhaan gabaasota guyyaa haraa Sadaasa 9 kabajamee oole irraa dhiyaatu wal duraa duubaan:
1. Yuuniversitii Finfinnee irratti-yuuniversitii kiiloo4, 5 fi 6 bakka tokkotti walitti dhufuudhaan guyyaa guutuu kabajaa kana irratti kan hirmaataniidha. Hirmaattootni Sadaasa 9 ilaalchisee guyyaa yaadannoo FDG kana irratti argaman barataa,barsiisaa fi hojjetoota garagaraa yuuniversitii keessaa hojjetan nuufis yaadannoodha jedhanii yeroo jalqabaaf kan irratti hirmaatanis kan jiraniidha. Walii galatti guyyaa yaadannoo kana irratti kan argaman namoota hanga 242 kan taaniidha. Guyyaa kana ibsoota.waadaa qabsootti hiriiruu fi mootummaa abba ahirree dura dhaabbachuuf yeroo itti murteeffannaadhaan kanneen irratti argamaniidha.
Gutummaan Gabaasa Yuuniversitii Finfinnee fi Aboo kanatti hidhatee jira:- FDG Sadaasa 9.docx
Gabaasa Qeerroo Finfinnee Sadaasa 10,2013
Guyyaan yaadannoo FDG sadaasni 9 guutuu Oromiyaa keessatti haala addaan yaadatamee oole. Uummatni Oromoo gamtaan walitti dhufuun ilmaan Oromoo wareegamaniif yaadannoo sammuu erga taasisanii dungoo diimaa magariisa diimaa ibsuun alaabaa qabachuun guyyaa kana yaadatanii oolanii jiran. Guyyaan yaadannoo FDG Yuunivarsiitiilee Oromiyaa keessatti haalaan kan yaadatame yoommuu tahu Yuunivarsiitiiwwan Haramaayaa, Finfinnee, Amboo, Kotobee, Wallaggaa, Jimmaa, Mattuu, Amboo, Arbaminc, Hawaasaa fi kanneen biroo keessatti haala addaan yaadatamee oolee jira. Miseensotni qeerroo fi deeggartootni QBO walitti dhufuun ayyaana kana irratti dhimma QBO irratti marii kan gaggeessan yoommuu tahu gumaata maallaqaa dhimma QBOtiif oolus gumaatanii jiran. Manneen barnootaa sadarkaa lammaffaa fi gad aanaa keessattis haalaan yaatamuun oolee jira. Qotee bultootni Oromoos guyyaa yaadannoo kana irratti dhimma QBO irratti marii gaggeeffatanii jiran. Koollejjiiwwan dhuunfaa fi mootummaa keessatti barattootni Oromoo baratan, Hojjettootni, daldalaan akkaataa mijateen guyyaa kana yaadatee oolee jira.
Walumaa galatti Oromiyaa Golee Oromiyaa garaa garaa caasaa uummataa keessatti guyyaan yaadannoo FDG haalaan yaadatamee jira.
