Monthly Archives: March 2016

Manneen barnootaa Shaggar lixaa fi kibba lixa Shaggar dhaabbatee jira torbanootas lakkaawe‏

Aside

Bitooteessa 18,2016 /Godina lixa Shaggar aanaa Incinniitti gandoota 3 keessattu waraqoonni Qeerroodhaan bittimfamanii jiru. Halkan kaleessaa waraqaan balaliituun bittimfamee bules
– Namni kamuu gibira kan kaffalu yoo tahe tarkaanfii barbaachisaa isin irratti fudhanna
-Walgayii mootummaa irrattis kan hirmaatu kamuu adaba jala jira
-Mootummaa namni deggeru kamuu dhiiga dhangala’etu itti laaqamee jira
warra gumaa keessatti hammatamuu keessan of beekaa!
Jedhu halkan edaa bittimfamee bule har’as bifuma kanaan waraqaan kun magaala Incinnii keessatti sabboototni dargaggoonni Qeerroo bittimsanii jiru. Amma yeroon kun waraanni wayyaanee walgahuu hankaakeetu jira. Aanaadhuma kana keessatti dargaggootni 10 tahan mana barumsaa sadarkaa 1ffaa kan tahe seenuun alaabaa Itoophiyaa buusuun ibidda itti qabsiisuun diina gara gubanii jiru. Itti fufuudhaan guyyaa har’aas aanaa Gindabarat magaala Kaachis keessatti mana narumsaa sadarka 2ffaa fi qophayinaatti dhaadanooleen armaan gadii barreffamaanis tahu dhaadannoodhaan barattootni
– OMN maaliif cufame??
– Kan hidhaman haa gadhiifaman
– Wayyaaneen dhiifama gaafachuun tooftaadha
Jedhuun dhaadannoo dhageesisaa oolaniiru. Dabalatan aana Calliyaatti ganda Jaarsoo konklaataa hojii projektii daandii irratti tarkaanfii fudhatameen guutummaatti tahuu baatus humni wayyaanee qaqqabee oolfatee jira. Aaanaaleen godina shawaa lixaa hedduun kanneen akka Meettaa Roobii sadarkaa 2ffaa hojii baruuf barsiisuu dhaabanii kan jiran bubbuluu fi “ Hidhamtootni Haa Gadhiifaman” kan jedhu qabatun barumsi dhaabbatee jira. Bilisummaan dhiyaatte FXGs daran jabaatee itti fufeera.

Godina Harargee Aanaa Mi’eessoo Keessa Daandii Cufame Torban Gaheera Jedha Gabaasi Qeerroo‏

Aside

Bitootessa 18,2016/ Godina Harargee Lixaa aanaa Mi’eessoo magaala Mi’eessoo keessa daandii kutee darbu torban tokkoo ol tahuun erga cufamee Qeerroo ona Mi’eessoo irraa gabaasee jira. Odeeffannoon kun akka nu gahetti torban kana guutummaa irraa kaasee FXG Harargee lixaatti gaggeeffamaa jiruun humnootni agaazii godinicha keessa buufatee jiru ammallee uumata naga airratti miidhaa gaggeessaa waan jiruuf haala tarkaanfiin ummataa fi barattootaa haalaan bal’ate itti fufee jira. caasaan mootummaa kamuu godina oromiya kamuu keessa akka hin jraanntarkaanfin uummataa haalaan bal’atee itti fufee jira jedha qeeyroon godina hararge mi’eessoo irraa. Oromiyaa keessa hidhamtootni konkolaataadhaan fe’amanii gara itti geeffaman hin beekaman haga ammaatti hordoffiin godhamuu qabuun jala bu’amaa jira. uummanni keenya harka diinaa galan hedduun badaniiru.

Partial list of Oromos mainly students that have been killed by Ethiopian regime police, security agents, Special and armed force during peaceful demonstration of last three months (updated stand. March. 2016)

Aside

cropped-qeerroo-edit.jpgPartial list of Oromos mainly students that have been killed by Ethiopian regime police, security agents, Special and armed force during peaceful demonstration of last three months (updated stand. March. 2016)

Partial list of Oromos mainly students that have been killed by Ethiopian regime police,

Wayyaanot Yuunibarsiitii Jimmaa Qubatan Gocha Diinummaa Barattoota Oromorratti Raawwachuu Itti Fufan

Aside

Bitootessa 18,2016
JimmaaYeeroo gara yeerootti barattoota Oromoo adamsee afaan diinaa buusuun adda duree kan ta’e Mooraan Yuunibarsiitii Jimmaa guuyyoota sadeen darbe keessa mooraa Techno keessa barattoota sadii gara mana hiraarsaa Qaallittitti akka dabarse nii yaadatama har’as Beeksisa barattootarratti baasaa akka jiru dhaga’amaa jira Gocha kana adda durummaan Raawwachaa kan jiran Kaalid abbaa Tamaam yoo ta’u miidhama barataarraan gahaa jiruuf itti gaafatamaa ta’uu hubachiifna.Qeerroo
Yuunibarsiitii Jimmaarraa

Dhaamsa Hatattamaa Qeerroo Bilisummaa Oromoo Irraa Kenname.

Aside

qeerroo1“Yeroo diddaa fi mormiin Oromoo gara fincilaa fi warraaqsaatti guddachaa adeemutti, waantota armaan gadii kunneen eeguu fi eeggachuun barbaachisaa dha.
1. Manneen sagadaa fi amantii, ardaalee amantii
2. Caasaalee hawaasummaa kan akka manneen barnootaa, manneen yaalaa, tajaajila buur-misoomaa,
3. Aadaa waliin jireenyaa fi walgargaarsaa
4. Qabeenya ummataa fi biyya Oromiyaa
5. Qabeenya uumamaa tiksuun barbaachisaa dha.

Qeerroon Bilisummaa Oromoo akka amanutti, ummati Oromoo lafaa fi qabeenya isaa abbootii qabeenyaan irraa fudhatame deebifachuuf mirga guutuu qaba. Caasaalee fi ijaarsota mootummaa garboonfataa ofirraa kaasuunis mirga ummataa ti.
Namoota mootummaatti hirkatanii ummata miidhan gorsuu fi karaatti deebisuun hojii keenya innikaa dha. Garuu, yoo gorsaa fi akeekkachiisa ummataaf gurra kennuu didan barumsa malchiisu kennuufiin barbaachisaa dha.
Kaayyoon keenya Bilisummaa Oromoo akka dhugoomuuf qooda keenya bahuu dha. Kaayyoo ummata Oromoo kana milkeesuuf waan kaayyoo saba keenyaa jabeessu irratti hojjachuu dha; gama kaaniin immoo waan hundee diinaa jabeessuciruu fi balleessun akka nagaa fi bilisummaan Oromoo dhugoomu hojjachuun akeeka keenya waan ta’eef jabaatee itti fufa!”

Qeerroo Bilisummaa, Bitootessa 17 bara 2016.

Sagalee Qeerroo Bilisummaa Oromoo (SQ) Bitootessa 17, 2016

Aside

Godina Iluu Abbaa Booraa Aanaa Hurumuu Keessatti FXG Itti Fufuu Qeerroon Gabaase.

Aside

stBitootessa 17,2016, Iluu Abbaa Booraa aanaa Hurumuu ganda Soonxaa jedhamutti har’a FXG itti fufee ooleera. Uummata , qonnaan bulaa, barataa, hojjetaa mootummaa fi daldalaan jaarsaa fi jaartii utuu hin jennee gara FXGtti makamee jira.  Dhaadannoo

–          Oromiyaan ni bilisoomti

–          Abbaan biyyaa oromoodha

–          Tigree nurraa haa galtu

–          Wayaaneen hattuudha

Jechuun guyyaa guutuu dhaadannoo dhageesisaa oolaniiru.  Miseensa kora bittinneessaa keessa poolisiin lama humna uummataan madeeffamee hojiin ala tahee jira.   konkolaataan aanichaa fi waajjirri ganda soonxaas ibiddaan gubatee jira.

Mootummaan Wayyaanee EPRDF/TPLF/ Bulchiinsa waraanaan Oromiyaa shororkeessa kan jiruu humna Waraanaa Uummata Oromoo irra qubsiisee jiruun duula hidhaa jumlaa gaggeessaa jiraachuu Qeerroon gabaase .

Aside

Gabaasa Qeerroo Bitootessa 17,2016

TPLFMootummaan Wayyaanee EPRDF/TPLF/ Bulchiinsa waraanaan Oromiyaa shororkeessa kan jiruu humna Waraanaa Uummata Oromoo irra qubsiisee jiruun duula hidhaa jumlaa gaggeessaa jiraachuu Qeerroon gabaase .Warraaqsii FXG’ yakka waraanni rawwachaa jiruun dhaabbachuu hin dandeenye, daranuu jabaatee Oromoon bulchinsa waraana duradhaabbatee falmaa bilisummaa itti fufe jira.

Dulli hidhaa jumlaa kun Godinaalee Oromiyaa hundarratti gaggeeffamaa jira, Ilmaan oromoo umriidhaan illee utuu hin daangeffamiin daa’imman ganna 8 dabalatee hanga manguddoota ganna 85 olitti kan keessatti argaman godinaalee Oromiyaa cufa keessatti waraanaan dirqisiifamanii qabamuun  manneen hidhaa, sadarkaa gandaa, Aanaa,Godina fi manneen Hidhaa biyyaatti beekamoo kanneen akka Maa’ikalawwii, Qilinxoo, Qaallittii, Ziwaay, Shawaa Roobiti kanneen jedhaman keessatti haala suukaneessa ta’een ilmaan Oromoo ukkanfamanii hidhamuun manni hidha wal haqatee jiraachuun Walqabatee. magaalaa #Finfinnee Keessatti ma’ikalawwiin waan bakka itti hidhan wal hanqatee jiruuf gara Wajjiraalee bulchiinsa magaalaa Finfinnee hundarraattii fi waajjiraalee Poolisii Magaalaa Finfinnee keessa jiru keessatti  ilmaan Oromoo ukkaanfamaa jiraachuun ibsamee jira.

Bakki itti Oromoo hidhan waan wal hanqatee jiruuf Ilmaan Oromoo hedduun mooraa Waraanaa Xollaayi, Mooraa Waraanaa Magaalaa jimmaa keessa jiruu fi Dhidheessatti guuramanii hidhamani jiru.  Waraanni wayyaanee Magaallota oromiyaa kanneen akka Amboo, Naqemtee, Gimbii, Gullisoo, Walisoo,Adaamaa, Shashamannee, Roobee Asallaa, Ciroo, Harammayyaa, Gujii, Yaabelloo keessatti Yakka saamichaa, dirqisiisanii gudeeduu, fi Halkan ilmaan Oromoo ukkamsuun gara dabarsuu irratti bobba’uun yakki waraanaa ulfaataan Oromiyaa keessatti jabaatee itti fufee jira.

Yakki ajjeechaa jumlaa(#genocide),hidhaa jumlaa fi dararaa fi shoroorkeessii waraana wayyaaneen ilmaan Oromoo irratt rawwatamaa jiru kun ilmaan Oromoo sirnicha keesatti sadarkaa waraanaa hanga hojjettoota siiviliitti jiran dachaan akka uummata isaanii cina dhaabbatanii fi sirnicha gananii keessa of baasuun lammii isaanii waliin falmatan godha jira. haaluma kanaan yeroo amma kanatti milishoota gandaa hanga poolisootaa fi kora bittinneessaa dabalatee ilmaan Oromoo caasaa waraana wayyaanee keessatti argamanitti rakkoon ulfaataan dhalachaa jira. Uummatni Oromoo mirga isaa fi bilisummaa dhugaa isaaf waan karaa nagaan falmateef akka malee ajjeefamuun, hidhamuu fi madeeffamuun sabaa fi sablamoota cunqurfamoo ollaa Oromiyaa ta’anii fi Oromiyaa keessa jiran illee kan warraaqsaatti galchee jiru ta’uun beekamadha. adeemsii kun immoo mootummaa wayyaanee kufaatii isa dhumaa fi ijibbaataan ga’ee waan qabee gadhiisuu wallaalee jira.

maqaa hidhamtoota Oromoo jamlaan aanaa ,Ganda, Godina, Oromiyaa fi dhaabbilee barnoota hundaa irraa waluma hidhamanii fi wareegamanii, madeeffamanii yeroo yeroon  uummata addunyaaf tamsaasaa waan jirruuf bakka tokkotti gabaasa kana waliin kaa’uun gababbina yeroof malee kuusaa galmee qeerroo irratti save goonee jiraachuu isin hubachiifna.

 

Godina Hararge Lixaa Aanaa Habroo Magaalaa Defo Keessatti Daa’immaan Oromoo Karaatti Bahanii Wallee Warraaqsaa Wallisu.

Aside

Godina Wallaggaa Lixaa Aanaa Jaarsoo Magaalaa Jaarsoo Keessatti Manneen Barnootaa Guutummaatti Cufaman,Kaabinooti Wayyaanee Irree Uummataan Adabamaa Jiru.

Aside

12067117_588254524659800_319808063_nBitootessa 17,2016, Godina Wallagga lixaa aanaa Jaarsoo magaala Jaarsotti barattootni Bitootessa 16 fi 17,2016  kaleessaa fi har’a mana barumsaadarkaa 1ffaa, 2ffaa fi qophaayinaa guutuummatti cufamee jiraatuu Qeerroon gabaasee jira.
Misensotaa fi kaabinee Wayyaanee irratti tarkaafiin fudhatamee jira. manneen jireenyaa milishootaas gubatee jira. Tarkaanfii uummtaa fi humna hin beekamneen poolisoonni Wayyaanee hedduun madeeffamanii jiru.FXG ona kanatti halkan kanas kan itti fufee jiruudha. Humni addaa magaala Najjoo irra buufatee jira jedhu jiraattootni magaala Najjoo.