Hiriirra mormii tokkumma baratoota Oromoo caayaa ABO fi hawassa Oromoo
waliin gageffame irratti roorroo ummata Oromoo irra gahaa jiru balaaleffataniiru.

Mormii hirirraa kana irratti namootaa hedduun irra qoodaa fudhataniiru. Keessumaa dhalonii qubee heduminnan kan argamanii fi gara fulduratiis qabsoon keenyaa daraan akka jabatuu fi bilisummaan keenyaa gonfanuuf hundumtuu gahee mataa mataa isaa bahachuu akka qabuu dhamsii waalii galaa dabree jiraa.

Mormiin hirirra kun eddo fi bakka barbachisoo tahaan hundaa kan demamee fi iyyannon xalayyan kan galfamee yerroo tahuu ,dhimmaa mormii motumaa abba irree halaan balaleffachaa olamee jirra.

Qabsoon Uummataa bal´aa Oromoo degartoota kayyoo fi dandii siyasaa ABOtti warrii amman dhabileen adda addaa heduminaan irra qoodaa fudhataaan jiruu.

Dhaadanolee fi ejjennon TBOJ caayaa ABO fi hawassaa qabsoo bilisumma oromoo degaraan ,

Ø Heerrii fi seerri Oromoof hin hojjenne, Oromoorattis hojjechuu hin qabu.

Ø Master plan , finfinne hangaa oromoon lafaa irraa jirutti hojji irra oluu hin qabu.

Ø Ajjeecha fi sanyii dugugga icittiin Oromoota irratti gageeffama jiruu hatataaman dhabachuu qaba.

Ø Hidhaa siyassaan mana hidhaa kessatti gidirfamaa jiran gadhifamuu qabu.

Ø Saamichi lafaa fi toftaalee adda addaan qe´ee irraa buqiifaamaa jiraan dhabachuu qabaa

Ø Gaaffiin Oromoo gaaffii abbaa biyyuummaa ti

Ø Sarbamuu mirgaa namummaa fi reebichaa garaa jabinaan irraa gaha jiruu dhabachuu qaba .

Ø Akkasumaas rakkolee adda addaa Saba keenyaa irraan otoo waal irraa hin citiin gahaa jiruu kun dhabachuu qaba.

Ø Itti dabalataan baatiin Sadaasaa qabsa´otaafi saboontotaa Oromoo biratti baatii adda tahee dha , kanaafuu fincilaa diddaa gabruumma (FDG) kan biyyaa jarmaan bara 2015 mormii hiriiraa waaliin waal qabsisuun qabsa´otaa keenyaa wareegamaan yadatamee oleraa.

Korri waggaa kan Miseensotaa ABO biyya UK fi walgahii hawaasaa Oromoo biyya UK kun Sadaasa 14, 2015 magaalaa Bolton (naannoo Manchester) tti geggeeffame.

Walgahiilee kanarratti miseensotni, deeggartootnii fi hawaasni Oromoo haala yaroo amma biyya Oromoo keessa jirtuu fi qabsoo bilsummaa ABO karaa adda addaa geggeessaa jiru irratti bal’inaan erga mariihatanii booda ibsa ejjennoo armaan gadii baafataniiru.

1. Mootummaan Itoophiyaa kan wayyaaneen hogganamaa jiru itti fufinsaan ummata, saba fi sablammiiwwan biyyattii keessatti argaman irraan cunqursaa daangaa hin qabne irraan gayaa jiru akka dhaabu​.​
2. Lammiiwwan Oromoo sirna cunqursaa wayyaanee jalaa baqatanii biyyoota ollaatti jiran jala basaastota bobbaassun ukkamsanii dhabamsiisuu, ajjeessu fi jireenya isaanii balaaf saaxiluu ni balaaleffanna​.
3. WBOn hundee qabsoo bilisummaa keenyaa fi gaachana Oromoo ta’uu isaa hubannee caalaatti kan bira dhaabannu ta’uu keenya ibsanna.
4. Dhaabni keenya ABOn qabsoo bilisummaa gama hidhannoo fi karaa adda addaa taasifmaa jiru caalaatti jabeessuuf jecha Tumsaa Ummatootaa Bilisummaa fi Dimokrasiif (TUBD/PAFD) Onkoloolessaa 24, 2015 ummatoota cunqurfamoo biroo walii taasifame ni deeggarra; hujii irra ooluusaafis waan nurraa eegamu ni goona.
5. Motummaan wayyaanee gama tokkoon sirna hannaa fi saamichaa biyyattii keessatti diriirsuudhaan, ummata lafa fi qabeenya isaa irraa buqqisuu, bosona ciruu fi summeessuudhaan haalli naannoo balaa keessa galee ummatni beelaaf akka saaxilamu gochuun yakka raawwatamaniif sirnichi ittigaafatamummaa akka fudhatu fi hojii balaafamaa kana irraa akka dhaabatu gaafatna​.
6. Mootummaan wayyaanee baqattoota Oromo biyyoota ollaatti baqatan jala deemanii ajjeesuu, yakkuu fi hawaasa baqataa gidduutti wal jibbaa fi wal shakkii ijaaruu irraa akka of qusatu, ummatnis kana irratti dammaqee ergamtoota sirnichaa dura dhaabatu.
7. Jaalatamaa fi beekaa Oromoo Obbo Dabbasee Guyyoo biyya baqaa keessaa utuu jiranii wayyaanee ukkaamsitee miliqisuu ishee ni mormina; namni kun haal duree tokko malee gadhiifamee maatii isaatii akka deebi’u gaaftna.
8. Miseensotni ABO UK gidiraa mootummaan ummata Oromo irraa gayaa jiru hundee isaa irraa buqqisee bilisummaa Ummata Oromoo mirkaneessuuf sochii godhamu keessatti shoora keenya cimsinee akka itti fufnu irra deebinee mirkaneessina.
9. Nu hawaasni oromoo UK keessa jiraatnu hundi umriin, saalaan, amantaa fi naannootiin otoo hin qoqqoodamiin shira wayyaaneen biyya keessaa fi alatti ummata keenya qoqqooduuf asiif achi fiigdu dura dhaabbatna, namoota beekaas ta’e gowwomsamanii badii kana keessatti hirmaatanis akka hojii balaafamaa kana irraa of qaban cimsinee hubachiifna.

Injifannoon kan ummata Oromoo fi Saboota cunqurfamoo ti!

Bolton, UK – Sadaasa 14, 2015

Finfinnee, 15 Sadaasa 2015, ‪Gazexxaan Afaan Oromoo Leelloo jedhamu Oromiyaa keessatti Sambata kaleessaa gabaatti bahuun beekame.
Gaazexaan kun aadaa fi eenyummaa Oromoo guddisuuf akeeka akka qabau beekameera.

Qopheessitooti gaazexixhaa akka jedhanitti aadaa,’ duudhaa, safuu, haqaa fkkf Ummata Oromoo irratti hojjachuuf murtii jabaa qabu.

Akka qopheessitooti jedhanitti Leelloon akka guddattee sadarkaa addunyaatti beekamtuuf birmannaan ummata Oromoo hedduu abrbaachisaa dha.

(QEERROO, NAQAMTEE, 14 Sadaasa 2015) Barattooti Oromoo 19 Yuunibarsiitii wallaggaa irraa akeekkachiisaman; lama immoo ari’aman.

Qubsuma, beekumsaa, buufataa fi dawoo ogummaa ilmaan Oromoo ta’aa kan jirtu Yuunibarsiitiin wallaggaa, barattoota Oromoof ardaa rakkinaa ta’aa jira.

Akka kanaa guyyaa FDG gootota wareegamanii yaadachuu isaaniitiif, barattooti lama barumsa irraa aryataman. Isaanis,
1. Barataa Waaktolee Raggaasaa Gamteessaa barataa Joornaalizimii waggaa Sadaffaa

Ababaawu Kabbadaa barataa Veterinary Laaboraatoorii Waggaa Sadaffaa

2.  Ababaawu Kabbadaa barataa Veterinary Laaboraatoorii Waggaa Sadaffaa akka taán beekameera.

Kana malees, Barattooti accounting Waggaa lammaffaa baratan 19 irratti akeekachiifni kenname.

Barattoota 19n akeekkachiisi itti kenname keessa muraasi
Barattuu Iftuu Margaa
1.  Barataa Caalaa Tarfaa
2. Barataa  Caalaa Baqqalaa
3. Barataa Dachaasaa Biddiiqaa
4. BArataa Kennawaaq
5, Barataa Caalaa Dhugumaa akka taán beekameera.

Yeroo ammaas barattooti hedduun diddaa isanii itti fufanii akka jiran beekameera.

Qeerroo, Giincii, 13 Sadaasa 2015, Qeerroon Oromoo Fincila Diddaa Garbummaa kaasan; Wayyaanee barattootaa fi sabboontota hordofaa jirti.

Qeerroon akka gabaasetti, Fincilli ammaa kun Godina Shaggar Lixaa keessatti ka’ee dhaadannoo fi mormiidhaan adeemsisame.

Guyyaa kaleessaa Sadaasaa 12/2015 Yaadannoo FDG Sadaasa 9/2005 Waggaa 10ffaa waliin wal qabatee fincila deemaa ooleen sagaleen Oromoo akka kabajamu, Oromoo hidhuu fi ajeesuun akka dhaabbatu ifatti gaafataniiru.

Fincilaa fi yaadannoo fincilaa haala ho’aa ta’een Kabajamaa jiruun walqabatee Gootoni Barattootaa Oromoo Mana Barumsaa Giincii Sadarkaa 2ffaa fi Qophaa’ina fi Sadarkaa 1ffaa FDG dhoosuun warraaqsa gaggeessaniiru.

Mormiin jalqabe kun, mooraa mana barumsichaatiin alatti babal’atee daandii magaalaa gubbatti deemaa oole.

Mormiin Qeerroo Oromoo kun, mormii bara darbeetiin kan wal fakkaatuudha.

“Nuti, Qeerroon Oromoo, seenaa wareegama qabsaa’ota Bilisummaa Oromoo haga yoonaatti galmeeffameef kabajaa guddaa kennaa, nutis akka dhaloota haaraatti wareegama bilisummaa baasuuf kaanee jirra.”
Dhaamsa Qeerroo Bilisummaa

Qabsoon itti fufa! Garboonfataan ni kufa!!