(Hagayya 09, 2015 Sulultaa) Shaggar Sulultaa Galma Tulluu Guddootti Ayyaanni Amantii Waaqeffannaa  kan Hundeeffama Waggaa 1ffaa Sirna Miidhagaan Kabajamuu Qeerroon Gabaase.

Waldaan Amantaa Waaqeffannaa dhaabbachuun uummata Oromoo kallattii hundaan sochoosuun tokkummaa cimaa uumaa jira.

Haaluma kanaan galmoota Waaqeffannaa Oromiyaa keessatti ijaaruuf sochii guddaan taasifamaa kan jiruu yeroo tahu galmoota naannawa Shagar Sululta keessattu hundeeffaman keessa GALMI TULLU GUDDOO isa tokko yoo tahu guyyaa har’aa Hagayya 08,2015 kan jila hundeeffama waggaa tokkoffaa haala hoo’aa fi bareedaa taheen kabajamee oolee jira.

Ayyaana kana irratti hordoftoonni abbootiin amantaa Waaqeffannaa Oromiyaa guutuu irraa walitti dhufuun ayyaanicha irratti argamaniiru.

Deeggarsi maallaqaa qarshii kuma diigdamaa ol 20000 walitti qabamee jira. Akka waliigalaatti haalli sochii Amantaa waaqeffannaantiin jiru hedduu kan nama boonsu waan taheef deeggarsi hawaasa oromoo biyya alaa jiranii nu waliin haa tahuun ergaa keenyaa galatoomaa ulfaadhaa.

Miidiyaalee Oromoo Hundaaf

Malkaa Caffee irraa

Carraa guddinni ‘technology’ yeroo ammaa argamsiise irraa Miidiyaaleen Oromoo muraasni kan dhimma Oromoo tajaajiluu irratti hundeeffaman horatamuun waan nama gammachiisaa ti. Isaan kun hundi akka tokkotti firii Qabsoon Bilisummaa Oromoo argamsiise tahuunis hin falamsiisu. Kan ummatni Oromoo isaan irraa eeguu fi kan isaan himatanis galma gahiinsa QBO milkeessuutti waan gumaachu hojjechuu dha. Dhimma kana irratti jabinaa fi hanqina jiru qalbii guutuudhaan hordofanii jabinni jiru akka daran guddachaa deemuu fi hanqinni mul’atu akka guutamaa fi wayyaawaa deemuuf yaada kennuudhaan haa tahu akka danda’ame hundatti qooda gama ofii bahachuun dirqama sab-boontota Oromoo maraa ti. Miidiyaalee keenya nuutu guddifata amantii jedhu irratti hundaawuudhaanin yaada kiyya kan dhimma kana ilaalu akka armaan gadiitti gabaabsee dhiheessa.

Miidiyaan tokko waan hojjetu hunda irrattuu safuu fi ulaagaa ittiin hojjetu qabaachuun barbaachisaa dha. Safuu fi ulaagaan Miidiyaaleen Oromoo ittiin masakamuu qaban ammoo kan dantaa Oromummaa tiksuu fi jajjabeessuu irratti hundaawe tahuu qaba. Akkumaan olitti jedhe kan ummatni Oromoo isaan irraa eeguu fi isaanis himatan galma gahiinsa QBO milkeessuun kaayyoo hundeeffama isaanii tahuu waanin abdadhufin kana jedha.Miidiyaalee Oromoo Hundaaf

Hagayyaa 10,2015 Sabboonaan Oromoo Dhaloota qubee Artistii Galaanaa Gaaromsaa wallee haarawaa(Albeema Haarawaa) Haala Afaan,
seenaa,Aadaa, Eenyummaa fi Sabbonummaa fi Qabsoo bilisummaa Oromoo jabeessuu danda’uun qopheese.
Guyyaa Boruu bakkaa Uummatni Oromoo 4000 ol argaman Magaalaa Finfinnee kiiloo 6 Caffee Araaraatti ebbisiisuuf Qophiin dursaa xummuramee jiraachuun hubatameera. Uummatni Oromoos guyyaa kanaa aadaa,Afaan, Seenaa, Gootummaa, fi Sabboonummaa Oromummaa isaa jabeeffachuuf bakka kanatti argamuuf guyyaa har’aa Godinaalee Oromiyaa garaagaraa irraa albeema artistii sabboonaa Oromoo Galaanaa Gaaromsaa Eebbisiisuun Eenyummaa isaa jabeeffachuun magaalaa Finfinnee galaa jiraachuun ibsame jira.Guyyaa Boruu akka L.Htti Hagayyaa 3/2007 Magaalaa Finfinnee keessatti uummatni Oromoo kumaan lakkaawamu kan tilmaamamu argamee eenyummaa, Oromummaa fi sabboonuummaa isaanii jabeeffachuu fi seenaa fi Afaan ofii dagaagsuuf kan wal argan ta’uun ibsamee jira.
walleen Artistii Galaanaa Gaaromsaan qophaa’ee kunis kan Gootota Oromoo faarsuu fi Seenaa fi aadaa Uummataa Oromoo faarsuun tokkummaa fi jaalala Oromummaan kan guutame Guyyaa boruu Uummata Oromoo hundaaf gadi Lakkifamuuf jira. Artistii saboonaa Oromoo dhaloota qubee keenya cina dhaabbachuun aadaa,afaan, seenaa,Duudhaa, Sabboonummaa, tokkummaa fi Oromummaa keenyaa qophii kana irratti argamuun haa jajjabeeffannu!!

Haggayya 08,2014 Naqamte

Guyyaa kaleessa Hagayya 7,2015 mootummaan abbaa irree Wayyaaneen/Tigray  Uummata magaalaa Naqamtee dhaloota irraa dhalootatti naannicha jiraataa turan maqaa Investeraaf bakka kennuu fi plilaala malee mana ijaaraa turtan sababa jedhuun seeraan ala mana jiraattootaa diigaa jiru.

Kutaa bulchiinsa Bakkee Jamaa  naannoo Yuunibarsiitii Wallaggaa ganda 07 fi naannoo masaraa Kumsaa morodaa maqaa green area jedhuun manneen dhibba afurii ol diiguuf saganteessan itti fufee Hagayya guyyaa 6 fi 7, 2015 duulli faccifannaa ykn qabsoon warraaqsa bilisummaa uummataa kutaa Bakke Jamaarraa kan Wayyaanee fi  ergamtoota isaanii OPDO kan isaan mudate  yeroo ta’u  kana irrattis  yeroo ta’u amma naannoo Yuunibarsiitii 07 manneen pilaastikaan ijaaraman kan diigamaniifi manneen biroo haala qindawaa ta’een ijaaramanis akka diigamuu qaban akeekkachiisi itti kennameera.
Keessaayyuu kan nama dhibu immoo utuu humna waraanaa isinitti hin bobbaasin diigaa jechuun akeekkachiisaa jiraachuun Wayyaanee dhumashee ta’uuf mallattoo fi Abdii kutannaa cimaa ta’uu ilmaan Oromoo walabummaa fudhanne tti himuu barbaanna.
Manni Abbaa fi haadha ofii yeroo diigamu callisan ilaaluun qaanii waan taa’eef Tokkummaa kaanee yaafalmannu falmachuutu nuuf furmaata!

Waraabessi bineesa gaaraa, yeroo haadhaafi abbaakee qorxxomsee nyaatu yoo agarte, atis waraabessa sana wajjiin foon warrakee nyaattamoo, akka inni hin nyaanne irraa ariitaa?

 (Hariiroo Jorgootiin-Qeerroo Bilisummaa, Oromiyaa!!)

Qabsoon abbaa biyyummaaf gaggeeffamu qawwee qofaan hin adeemsifamu.

Diyaaspooraan Oromoo irra guddaan isaa seenaa qabsoo Oromoo keessatti ga’ee ol aanaa qabaachaa akka tureefi jiru eenyullee kan haalu miti. Yeroo ammaa yeroo kamiyyuu caalaa diyaaspooraan Oromoo qabsoo Walabummaa Oromiyaafi Bilisummaa Oromoof taasifamu cinaa dhaabbachuufi gochaa diinaa saaxiluun shira mootummaan abbaa irree wayyaanee Oromoo irraan gahaa jirtu uummata addunyaatti agarsiisuun, eenyummaan Oromoo har’aan tana uummata addunyaa fuula duratti bahee mula’achuuun hanga moototii addunyaa keenyaa kanaafi dhaabbilee mirga dhala namaaf falman mara walgaafachiisaa jiraachuutti ga’uun ifa galaadha.

Qabsoon Oromoo yoomiyyuu caalaa biyya keessaafi alaan wal quba qabaatee, bifa qindaayeen adeemaa jira. Sabni Oromoos yeroo kamiyyuu caalaa dammaqee argama. Akkaataa kanaan wayyaaneen lama buluu akka hin dandeenye sirriitti of argitee jirti!

Adeemsi qabsoo biyya keessaafi Sochiin diyaaspooraan Oromoo taasisaa jiru naasuu guddaa kan itti uume wayyaaneen cinqamtee kan qabdee gadhiiftu wallaaltee tibirbiraa jirti!

Keessaafuu Oromoo irraa odeeffannoo laguun, akka hin dammaqne ukkaamsanii bituuf, akkasumas uummatni addunyaa eenyummaa Oromoo akka hin beekne aguuganii kaa’uuf jecha toftaa isaan fayyadamaa turan, awwaalli isaa Miidiyaalee akka OMN tiin jalaa diigamee Oromoon sagaleensaa dhagahamaa jira. Tarkaanfii diinni Oromoo irratti fudhatu battalatti saaxilamaa jira.Waraabessi bineesa gaaraa

Hagayyaa 06,2015 Godina Horroo Guduruu Wallaggaatti Hojjettootni Warshaa Sukkaaraa Fincaa’aa keessaa hojjechaa turan Oromummaan yakkamuun hojii irraa ari’aman ilaalchisuu uumanni bilchiinsa warshaa Shukkaata Finca’aa irratti hiriira bahe.

Oromoonni yeroo dheeraa warshaa Sukkaaraa Finca’aa hojjechaa turan dhibbaatamaan  tilmaaman badii tokkoo malee hojii irraa arii’atamuun walqabatee Hojjettootni warshaa sukkaaraa Fincaacaa’aa Hojjettootni arii’aman balleessaa hin qaban waan ta’eef mirgi hojjettoota kanaa kabajamuu qaba jechuun Hojjeettootni Warshaa Sukkaaraa Fincaa’aa hojii dhaabuun Sagalee mormii sirna mootummaa abbaa irree irratti gaggeessan. Gaaffiin bu’uura hojjettootni Warshaa Shukkaaraa Fincaa’aa kaasaan :
1. Mirgi namummaa fi dimookiraasii nuuf kabajamuu qaba,
2. Mirgii biyyaa abbaa keenyaa keessaatti nurraa sarbamee nuuf kabajamuu qaba.
3. Haal duree tookko malee hojjeettootni warshaa Suukkaaraa Fincaa’aa irraa Oromummaan yakkamanii arii’aman hojiitti deebi’uu qabu.
4. Oromummaan yakkamuun hojii irraa arii’atamuun, hidhamuu fi doorsifamuun atattamaan dhaabbachuu qaba.
5. Mootummaan wayyaanee Ilmaan Oromoo hojjettoota warshaa Sukkaaraa Fincaa’aa hojii irraa arii’uun , ilmaan saboota biiroo ulaagaa tokko
malee namoota 250 fidee bakka ilmaan Oromoo arii’amni qacaree yeroo gabaabaa keessaatti carraa guddinaa fi sadarkaa kennaafi jiruu
atattaamaan dhaabuun tajajillii seeraa qabeessi hojjetoota hundaaf wal qixa kenaamuu qaba.
6. Daballiin miindaa hojjettoota warshaa Sukkaara fincaa’aa haalaa hin eegamnee gadi bu’ee waan jiruuf hojjettootni Warshichaa haala jiruu fi
jireenyaan dararamaa waan jiraniif daballiin miindaa jiruuf jireenya hojjeettootaaf mijataa ta’ee akka kennaamuuf kanneen of keessaa qaban
gaaffii mirgaa kaachisuun hiriiraa ba’uun sagalee mormii guddaa dhageesisaniru.
Mootummaan abbaa Irree Wayyaanee afaan qawween biyya bulchaa jiruu gaaffii Uummataaf deebii sirnaa kennuu dadhabuun, Akkuma Amala isaa
humna poolisii federaalaa fi kora bittinneessaa jedhaman uummataa gaaffii karaa nagaa dhiyeeffataan irratti bobbaasuun Uummata nagaa
dararuu fi gooluu irratti argama. humni waraana wayyaanee fi hojjettootni Warshaa Sukkaaraa Fincaa’aa gaaffii mirgaa kaachiisaa
jiran waliin waldura dhaabbatan, ilmaan Oromoo hedduun hidhamuu fi dararamaa jirssnyaa madden qeerroo Bilisummaa Oromoo Magaalaa
Fincaa’aa irraa gabaasan. Ilmaan Oromoo hedduun hidhamuu fi reebamuun addaa baasuun kan isiniif erginu ta’uu ni hubachifna.