Daily Archives: September 2, 2013

Dubbadhu Qaallittii/Walaloo Jaal Malkaa Seenaa

Aside

http://youtu.be/q3Uwhj3yAsE

Miseensotiin Qeerroo Bifa Wal Fakkaataa fi Yeroo Tokkicha Oromiyaa Magaalota Gara Garaa Keessatti Gooticha Injiner Tasfahun Camadaa Yaadatan.

Aside

Fulbaana 2,2013 Finfinnee

Tasfahun 2Fulfaana 1,2013 Oromiyaa goleelee adda addaa keessatti barattooti Oromoo fi dargaggoonni Oromoo naannoo adda addaa irraa walitti dhufuun gooticha qabsoo Oromoof jecha kufee dhaloota haaraaf fakkeenya ta’e Injiner Tasfahun Camadaa yaadataa oolan.

Haala kanaan gabaasi Qeerroo naannoo adda adddaa irraa dhufe akka addeessutti hanga ammaa miseensotiin Qeerroo Bilisummaa fi dagertooti Qabsoo Oromoo malgaalota keessatti sirna yaadannoo gaggeessan keessaa:-

  1. Asallaa
  2. Aamboo
  3. Dirree Daawaa,
  4. Finfinnee bakkoota adiitti qoodamuun
  5. Geedoo
  6. Naqamtee
  7. Shaambuu
  8. Gimbii
  9. Mattuu
  10. Dambi Doolloo

Kanneen keessatti bifa qindaawaan sirni yaadannoo wal fakkaataa gaggeeffamaa akka ture gabaasi nu gahe addeessa.

Gama biraan yaadannoo kana irratti Qeerroon Bilisummaa waadaa qabsoo Oromoof qaban akka haaromsanii jiran qeerroon ni addeessa.

Waadaa fi imaanaa Injiner Tasfahun Camadaa bifa sagaleen qindaawee gara fuula duraatti akka dhihaatu gabaasi Qeerroo ni addeessa.

Hin Du’u Kaayyoon Koo!! /Walaloo Jaal Abdii Waaq

Aside

Du’eera du’eera jedhu labsii walii labsuu

Lakkii ani hin duunee ofiin of goyyomsuu

Eenyu illee dandayee kaayyoo koo hin ajjeessu

http://youtu.be/bcKvYN6mrKk

Godina Harargee bahaatti waraqaaleen dhaadannoo ajjeefamuu Injinaar Tasfaahun Camadaa balaaleffatan hedduumminaan maxxanfaman

Aside

Fulbaana 1,2013 Haromayaa

Godina Harargee bahaa aanaa Haramaayaa keessatti waraqaaleen dhaadannoo ajjeechaa mootummaan wayyaanee Injineer Tasfaahun Camadaa irrattii fi ilmaan Oromoo godina Arsii irratti raawwate balaaleffatan maxxanan. Waraqaaleen dhaadannoo

1. Tokko ajjeestan malee mara hin ajjeesne

2. Gumaa Goota keenyaa ni baasna

3. ABOf wareegamuun kabaja

4. Seenaa goota keenyaa ifa baasna

5. Wayyaanee dhumte waan taateef hin dhamaiin

6. WBOn gaachana

Kanneen jedhan magaala Haramaayaa, Awwadaay, Qullubbii, Dhangaggoo keessatti hedduumminaan maxxanfamanii jiran. Mootummaan wayyaanee hojii qeerroon Godina Harargee bahaa hojjeteen kan dhiphate waraana bobbaasuun poolii elektirikii fi bakkeewwan beeksisni bahanii buqqisiisuuf dirqamee jira. Mootummaan wayyaanee dhiibbaa kamuu ilmaan Oromoo irraan gahu injifachuun Oromoo waan dhiyaateef Oromoo wal qabadhaa kaaa jechuun qeerroon Harargee bahaa addeessee jira.