Waraaqaalee dhaadannoo Godina wallagga lixaa aanaa Ayiraatti maxxanfamaniin wayyaaneen darggaggoota yakkuun hidhaa jira

Aside

Gurraandhala 1,2013 Gimbii

Godina wallagga lixaa aanaa Ayiraa Gullisoo keessatti mootummaan wayyaanee dargaggoota oromoo mana hidhaatti guuruu itti fufgee jira.Magaala Ayiraa Gullisoo keessatti waraqaalee dhaadannoo qalamaan barreeffamuun maxxanfaman mootummaan wayyaanee dargaggoo oromoo Barakat Efreem kan maxxansiise sidha jechuun mana hidhaatti ukkaamsuun reebicha irraan gahanii jiran.Dhaadannooleen mootummaa wayyaanee balaaleffatan magaala kana keessatti kana maxxanfaman yoommuu tahu dhaadannooleen kunneen 1. ABO haqa 2. Kai Qeerroo 3. Wayyaaneen Garboomsaa dha 4. Bilisummaan dhufe,Garbummaaan Hafe Kan jedhan qalama diimaa magariisa diimaan kan barreeffaman yoommuu tahu jala deemtotni mootummaa wayyaanee magaala kanaa 1. Obbo Taammiree Hirqee fi 2. Obbo Margaa Qajeelaa kaabinee magaala kanaa Kan tahan dargaggoota oromoo hojii dhaban isintu gocha kana hojjechaa jira jechuun mana hidhaatti guuruuf karoorfachuun olii fi gadi fiigaa jiraachuun isaaniis saaxilamee jira.Jala deemtotni kunneen hojii gocha farrummaa kana irraa hin dhaabbatan taanaan tarkaanfiin gatii isaanii madaalu akka isaan eeggatu qeerroon dhaammatee jira.

Seife Nebelbal Radio Interviews Jemal Ibrahim on minorities’ right in Oromia

Aside

“Waraabettiin Biyya Ishee Hin Beekne Deemtee Gogaa Naa Afaa Jetti”

Posted on February 1, 2013 by Qeerroo

Daawwii Ibraahim miseensa EPRP darbees DARGI ,Wayyaanee fi Gimbot 7 booda ammoo WMO ta’uun farrummaa daangaa hin qabne ABO fi qabsoo Oromoo irratti barootaaf kuufate gadi baafachuun media irratti ABO fi qabsoo Oromoo salphisuu fi xiqqeessuun dhagahamee ture.Haalli kun sabboontotaa fi Oromoota hedduu biratti dheekkamsa guddaa yoo kaasee ture illee galati Raadiyoo Afuura biyyaaf haata’u malee eenyummaa Daawii Ibraahim ummata Oromoof dhiheessee jira hordofa. Daawwii Ibraahim eenyuu??? Raadiyoon Afuura Biyyaa irraa hubadha.

“Waraabettiin Biyya Ishee Hin Beekne Deemtee Gogaa Naa Afaa Jetti”

Geerarsa Oromoo_ Kedir Said

Bakka Bu’ootiin Qonnaan Bultooti Oromoo Godina Horroo Guduruu fi Shawaa Lixaa Walitti Dhufuun Dhimma QBO Irratti Mari’atan.

Aside

Gurraandhala 1,2013 Baakkoo

Qabsoo Bilisummaa oromoo galmaan geessisuuf wareegamni qotee bultootaan gaggeeffamaa ture daangaa hin qabu.Yeroo ammaa kanas QBO gaggeeffamaa jiru galmaan geessisuuf qotee bultootni Godina Shawaa lixaa magaala aanaa Baakkoo keessaa gochaa hammeenyaa ummata Oromoo irratti ta’u dura dhaabbachuuf jecha qotee bultoota Horroo waliin walitti dhufuun marii gaggeessan.Qotee bultootni kunneen

Ilmaan keenya akka bineensaa manneen barnootaa keessatti adamsamuun hanga yoomiitti?,
Nuyi qe’ee keenya irraa buqqaanee qe’ee dhabeessa kan taanu hanga yoomiitti?
Gibirri humnaa ol kan nutti fe’amuu fi gabaa bilisaan dhorkamnu kun xumurri yoomi?

qabxiilee jedhan kaasuun tokkummaan ilmaan oromoo murteessaa akka tahe ibsuun mootummaan wayyaanee yeroodhaa gara yerootti qotee bultoota gowwoomsuun maqaa misoomaan bittaa umrii isaa dheereffachuu ibsatanii jiran.Fuulduratti quunnamtii bu’a qabeessummaan itti fufuun qotee bultoota Oromiyaa mara hammachuun gaaffii mirgaa kaasuuf murteessuun ibsa ejjennoo armaan gadii kana baafatanii jiran.

Mootummaan wayyaanee hanga aangoo irraa darbamutti qabsoo keenya cichinee itti fufna
Ilmaan keenya mana hidhaa mootummaa wayyaaneetti ukkaamsaman akka gadhiifaman ni gaafanna
Gibira mootummaa wayyaanee hin kaffallu
Waraana Bilisummaa Oromoo ni nyaachisna,Obaasna,Iccitii isaaniis ni tiksina
Dabballoota mootummaa wayyaanee ilmaan oromoo garbummaa jalatti hambisuuf kurukuran ni balaaleffanna
Mootummaan wayyaanee badii balleessaa turetti seeraan akka gaafatamu ni iyyanna
Qe’ee irraa buqqa’uu fi saaminsa ni mormina

Kan jedhan erga baafatanii Koree Hojii raawwachiistuu ”BIIFTUU JAALLAN QOTEE BULTOOTAA” jechuun moggaasanii dirqama wal irraa fuudhuun galmaan gahuuf waadaa seenuun milkiin xumuranii jiran.