Amajjii 05,2012 Finfinnee

Haalli FDG Oromiyaa guutuu keessatti eegale hamma galii isaan gahutti dhaabbachuu akka hin dandeenye Qeerroon beeksisee jira.Haala kanaan diddaa Yuniversity Finfinnee mooraa Kiiloo 4 keessatti qabate irratti sochiin warraaqasaa itti fufee hanga ammaa sadarkaa mootummaa Wayyaanee yaaddessu gahee jira.Rakkoon barattoota Oromoo fi mootummaa Wayyaanee jidduutti qabate guutuu Oromiyaa keessatti daran jabaatee akka itti fufu beekamaa dha.

Diddaa mooraa kiiloo 4 keessatti ka’e irratti barattooti Oromoo 113 yeroo hidhaman kanneen keessaa barataan Gammachuu jedhamu guyyaa kaleessaa reebichaa loltoota Wayyaanee itti hammaachuu irraan mana yaalaa gahee gootummaan wareegamee jira. Waaqayyo maatii isaa fi qabsaawota Oromoof jajjabina isaa akka laatu Qeerroon dhaammata.

Kanneen hafan hidhaa keessatti yeroo ammaa rakkachaa jiran akka armaa gadiiti.

Barattoota Yuuniversitii Mooraa Kiiloo 4,Finfinne  Irraa Mana  Hidhaa Wayyaanee Galanii dararamaa Jiran!

Barattooti maqaa fi bakki dhaloota isaanii guutuutti hin argamiin 13 gara fuula duraa dhiheessina.

Qabsoon itti fufa Gabrummaan ni kufa!!

Amajjii 05,2012 

Amajjii 1,2013 Godina Wallaaggaa Bahaa Onaa Heebantuuttii Guyyaan Ayyaanaa WBO Ammajjiin tokkoo 2013 sirna Ho’awwaa ta’een Ummaannii fi Dargaggeessii tokkummaadhan kabajuun beekame.Kabaja Ayyaanaa WBO kana irraattii ummaannii fi dargaggeessii sirbaa kaasuun WBO fi ABO faarsuun ayyaanichaa ittumaa fufee kabaajachuun, Amajjii 2/2013 Sochii Ummataa kanattii rifachuun Mootummaan Abbaa Irree Wayyaanee poolisotaa isaa Uummataattii bobbaasee, halumaa kanaan dargaggeessii poolisotaa wayyaanee dhagaan tumee of irraa deebisuun , lukkeeleen diinaa 4 s irree qeerroon adabamuun beekame. 

Haala kanaan mootummaan Wayyaanee barattoota nama 5 qabee mana hidhaatti darbuun gabaafamee jira.Kanneen kunis,1. Lammeessaa Dhufeeraa, namni kun akka malee reebamee du’aaf jireenyaa giddutti argama,2. Magarsaa Dhufeeraa, 3.Getaachoo Baqqalaa, fi Barsiisaa Balaay Nagaash Amantee kanneen jedhamaan Hidhamanii reebichaan dararamaa jiraachuun

gabaafame, Ummaannii namoonnoo saniin kanneen hidhaman daddaffiin akka gadhiiaman gaafataa jiraachuun beekame.

Kana malees maadheeleen Qeerroo magaalaa Amboo jiran gandoota magaalaa bakka gara garaatti walitti dhufuun guyyaa WBO sirna howwaan kabajatanii jiru. Suuraa fi video dhimma kanaan wal qabatu maxxansuuf Qeerroon hin hayyamu.

Amajjii 03,2012 Finfinnee

Diddaan barattoota Oromoo mooraa kiiloo 4 kaleessa eegale har’as akkuma jirutti jabaatee kan itti fufeedha. Walitti bu’iinsi gamlachuu irratti ta’een har’a Amajjii 3 hidhattoota wayyaaneetiin barattootni namni 113 qabamanii mana hidhaa galanii jiru. Barattootni kunis bakka lamatti hiramanii hidhamani,73 bakka tokkotti,40 bakka tokkotti.
Isaan barattoota 73 keessaa barattootni Oromoo 56,barattootni Amaaraa 8,Tigireen 4,Kibbi 5 yoo ta’an barattoota warra 40 bakka tokkotti hidhaman keessaa ammoo 18 Oromoo,kibbi 3,Tigiree 6,Amaara 13 akka ta’an odeessaan nu qaqqabee jira. Barattoota kanneen keessaa barataa Gammachuu fi Girmaa kan jedhamanii fi kanneen hafan 4 gar malee mada’uudhaan lafeen isaanii caccabuun ogeesssi fayyaa oprasiyoonii ta’anii akka yaalaman jedhamuun mana yaalaa ciisanii jiru,barataan Gammachuu jedhamu kun sadarkaa du’aatti akka eegamaa jiru odeessaan addeessa.
Qabsoon Itti fufa!! Gabrummaan ni kufa!!

Amajjii 03,2013 Naqamte

Amajjii 1,2013 Bara Haraawaa Ayyaanaa guyyaa WBO ilaalchisuun Yuunivarsiitii Wallaaggaatti Sabboontotni baratootni Oromoo fi IlmaanOromoo haala miidhagaan guyyaa WBO kana Magaalaa Neqemtee fi Mooraa yuunivarsiitii Wallaaggaa keessaatti kabajatan, sabboontotni Oromoo mummee (department)garaagaraa irraa walittii dhufuun haalaa qabsoo bilisummaa Oromoo ABO’n durfamuu irraatti marii guddaa gochuun qabsoo bilisummaa Oromoo ABO’n durfamuu fi bilisummaa saba keenyaaf kutannee ni kaanaa jechuun waadaa isaanii haroomsatan.

Guyyaa Ayyaanaa WBO Kana sababbeeffaachuun Saboontotni baratootaa Oromoo Maadhee Oliiqaa Diingil garee ‘A’ fi ‘B’fi maqaa maaadhee ”Qeerroo qeerraansaa Biyyaa” jedhamaan jalaattii hundeeffaamanii jiraan, Amajjii 1/2013 walittii dhufuun dhiimmaa qabsoo bilisummaa Oromoo irraattii marii gochuun, karaan tokkichii karaan Oromoon ittiin Mirgaa hiree isaa murteeffaachuu danda’uu tokkumaa, beektotni Oromoo kallaattii garaagaraan ilaalchaa Siyaasaa maqaa Ummataa Oromoo golgaaa godhatee, qabattaanii hin deemiinaa, karaan tokkichii Addaa Bilisummaa Oromoo ABO(OLF] ta’uus hin dagatiinaa, ABO duukaa dhaabbaannee Bilisummaa sabaa keenyaa ni mirkaneessinaa jechuun, madheewwaan kun jajjaabinaa Qabsoo bilisummaa Oromoof kan oluu buusii maallaqaa qarshii 400 walittii qabachuun gumaachaa qabsoof taasisaan. FDG garbummaa biyyaa keessaatti qeerroon gaggeeffaamaa jiruus jaabeesinee itti fufuun waanjoo garbummaa of irraa buusuu qabna jechuun dhaammachuun ayyaanichaa bifa adda ta’een kabajatan.

Amajjii 03,2013 Amboo

Gabaasaa: Amajjiin 1/2013 Kabajni Baraa Haaraa guyyaan Ayyaanaa WBO Godinaa Shawaa Lixaatti sirnaa ho’aa ta’een kabajame. Baratootaa M/B Carii Amboo sadarkaa 1ffaa, Manaa Barumsuu Amboo Sadarkaa 2ffaa Fi qophaa’inaa, baratootaa Oromoo Yuunivarsiitii Amboo, Ummataa Magaalaa Amboo,baratootaa Oromoo mana barummsaa Gudaar sadarkaa 2ffaa fi 1ffaa, baratootaa Oromoo mana Barumsaa Tokkee kuttaayee sadarkaa tokkoffaa, baratootaa Oromoo mana barumsaa Babbichaa Sadarkaa 2ffaa fi tokkoffaa, baratootaa Oromoo mana barumsaa Geedoo sadarkaa 1ffaa fi sadarkaa 2ffaa fi qophaa’inaa,baratootaa Oromoo Mana barumsaa Midaa Qanyii Baallaammii sadarkaa 2ffaa fi Qophaa’inaa baratootaa Oromoo Iluu Galaan Ijaajjii sadarkaa 2ffaa fi Qophaainaa, baratoota Oromoo Xiquur incinnii sadarkaa 1ffaa, sadarkaa 2ffaa fi Qophaa’inaa,baratootaa Oromoo mana barumsaa Jalduu sadarkaa 2ffaa fi qophaa’inaa, baratootaa Oromoo mana barumsaa Meettaa Roobii sadarkaa 2ffaa fi Qophaa’inaa, baratootaa Giincii sadarkaa 2ffaa fi qophaa’inaa fi baratootaa Oromoo Gindabarat sadarkaa 2ffaa fi Qophaa’inaaf, wamichii Kabaja Amajjii 1/2013 guyyaa Ayyaanaa WBO ilaalchisuun godhameef kabajuun akkataa walittii dhufeenyaa isaanittii fi maadhee keessaatti ijaarananii jiraaniin walitti dhufuun dungoo halluu diimaa magariisaa diimaa bifaa Alaabaa ABO qabuu qabsiisuun sirnaa ho’aa ta’een kabajatan.

Akkasumas barsiisonnii fi hojjetotni manneen barnotaa Armaan olii garaagaraa irraa barsiisaanii fi Ummaannii Anotaa Godinaa Shawaa lixaa; Qotee bulaan, daldalaan, fi dafqaan bulaan bifaa maadhee fi gamtaadhaa walittii dhufuun Amajjii 1/2013 haala miidhagaa ta’een kabajataan, barreeffaamnii Amajjii tokkoo guyyaa Ayyaanaa WBO kan bara 2013 bagaa geessaan kan jedhuus guutummaa godinichaa keessaatti tamsafame. Ummaanniis baraa haaraa kana ilaalchisuun dhamsaa garaagaraa waliif dabarsee jira

Amajjii 03,2013 Hawaasaa

Barattoonni Oromoo mooraa hawaasaa Yuniversiitii kaampaasii hoospitaala Riferaalaatti argaman sagantaa Anaa Dhufuu barattoota haaraa bara kana mooraa Hawaasaa University tti dabalamaniif qophaa’e sababeeffachuun guyyaa eengaddaa Amajjii 1/2013 haala’ oo’an kabajaniiru. Ayyaanicha irratti faaruun tokkummaa sagantaa dungoo qabsiifannaa irratti barattoonni martinuu harka walqabachuun faarfatanii jiru.Saganticha irratti walaloon ,sirboonni goototaa fi jaallewwan oromoo faarsan hedduun sagantaan qophaa’e kan lammii boonsu kan diina garaa bobeessu ta’ee mul’ate.Qerroon barri kun kan tokkummaa ,kan jaalalaa , kan dagaaginaa, kan in jifannoo fi kan ummanni Oromoo itti walaboomu akkasumas biyyi Oromiyaa itti bilisoomtu akka ta’uuf ibsa ejjannoo qaban walhubachiisanii jiru. Barattoonni oromoo furtuun rakkoo ummata oromoo humna barate ta’uu qaba jechuun dhaadannoo isaanii dhageessifatanii jiru. Farreen ilmaan oromoo hedduun sagantichi akka fashalaa’uf tattaaffii barbaadan godhan illee sagantaanqophaa’e fashalaa’uu hin dandeenye.dhadannoolee qeerroon guyyaa kaleessaa dhageessisan keessaa;
OBSI CUNQURFAMOOTAA ROORROO WARRA ISAAN CUNQURSANIIT GABBISA!!
DIDDAAN GABRUMMAA HANGA BILISUMMAATTI!!
QABSAA;AAN DU’US QABSOON ITTI FUFA!!
TOKKUMMAAN JIRAANNAN GABROOMSAAN NI KUFA !!
HIDHAMUU FI DARARAMUUN ILMAAN OROMOO YOO NU JABEESSE MALEE NU HIN LAAFFISU.!!
Dhaadannoolee kanniin kan dhageessisan qeerroon mooraa hawaasaa universiitii kutannoo fi murannoo bilisummaa oromiyaa fi walabummaa ummata Oromoof qaban argisiisufi. Ummanni Oromoo waan ofii haa beeknu , of haa barru,walumaa galatti rakko jiru mariin haa furru yaada jedhu akka dhaamsatti barattoota haaraf dabarsanii jiru.