Bitootessa 11,2012

Mootummaan Wayyaanee  gaaffii mirgaa ilmaan Oromoof deebii kennuu dhiisee hidhaa fi ajjeechaan saminsa lafaan ummata Oromoo miidhaa waan jiruuf.Kana irratti dabalees yeroo ammaa caalaati ummata Oromoo gabrummaa jalatti hambisuuf jecha halkanii fi guyyaa kan tattaafatu  haala kanaan jireenya fi abbaa biyyummaa Oromoo mirkaneeffachuuf jecha warraaqsi bilisummaa Oromoo eegale tarkaanfii gochaa mootummichaan madaalu fudhachuu dha.

Haala kanaan  guyyaa har’aa Bitootessa 10,2012 sa’a 9:57tti Oomisha shonkoraa Waarshaa sukkaaraa Fincaa’aa magaala Xiqqoo ‘’I’’ jedhamtuun waamamtuu fi Nashee gidduutti argamu karaa Konkolaataa laga Nasheetti geessu irraa gama mirgaatti kan argamu guutummaatti  ibiddaan barbada’ee jira.Mootummaan Wayyaanee lafa ilmaan Oromoo irratti horee Oromoo bitaan kana booda abjuu isaaf haa tahu jechuun tarkaanfiin kun jabaatee akka itti fufu warraaqtonni gabaasanii jiru.

Baatii lamaan kana keessatti tarkaanfiin inveesiterootaa fi qabeenya mootummichaa irratti kan fudhatame kan jalqabaa malee kan dhumaa akka hin taane gootonni Oromoo  ni mirkaneessu. Washaanlee fi lafa qonnaa shukkaara Finca’aa haala eegumsi isaa waraana wayyaanee jabaate keessatti gootonni warraaqsa gaggeessan tarkaanfii akkasii fudhachuun wayyaanee guddoo naasisee akka jiru argama.

Mootummaan wayyaanees baatii darbe keessa oomisha shonkora Finca’aa kan hektaara 7 tahu sababaan gubateef hojjettoonni warshichaa fi kan oomisha irratti hojjetan Oromoota waan taataniif diddaa keessan muldhisuuf akkana gootan jechuun nama 27 kan tahan mana hidhaatti dabarsee kanneen 200 ta’an ammo hojii irraa ari’uun isaa ni yaadatama.

Guyyaa har’aas haala kanatti kan rifate mootummichi human waraanaa gara oomisha sanitti yeroo guuree bobba’ee jira.

Haala kanatti aanu jala bu’ee qeerroon ni gabaasa.

Qabsoon itti fufa! Gabrummaan ni kufa!

Bitootessa 11,2012

Warraaqsa Biyyattii keessatti jalqabe galmaan gahuu irratti sabboontotni Oromoo yuunivarsiitii Madda Walaabuu marii gaggeessan.Marii isaanii keessattis humni nama baratee qabsoo galmaan gahuu keessatti qooda guddaa fudhachuu akka qabu erga wal hubachiisanii dirqamni cimaan akka isaan irra jiru lafa kaa’anii jiru.Qeerroon qabsoo Oromoo boqonnaa haaraatti tarkaanfachiisaa akka jiru erga dubbatanii haala qeerroo waliin tarkaanfachuu danda’an irrattis marii gaggeessuun tika qeerroo fi qeerroowwan diddaa qindeessan koree qindeessituu diddaa filatanii jiru.

Qeerroon yuunivarsiitii kanaa galii mootummaan Wayyaanee bakkeewwan seena qabeessa ilmaan Oromoo kanneen akka Dirree sheek Huseenii fi paarkiiwwan baalee fi bakkeewwan biroo Oromiyaa keessaa irraa funaanuun bittaa umrii isaa itti dheereffatu adda durummaan kan morman ibsuun uummatni Oromoos bakkeewwan kana irraa faayidaa tokko illee akka hin arganne ifa gochuun uummata qabatanii qabsoo ilmaan Oromoo ABOn durfamu cinaa akka hiriiran lafa kaa’anii jiru.

Barattootni Yuunivarsiitii Madda Walaabuudhaa arii’aman sababa Oromummaan tahuu fi ilmaan Oromoo miseensa OPDO hin taane yuunivarsiitii kana keessatti akka diinaatti kan ilaalamu tahuu isaa ifa godhanii jiru.

Xumura marii isaanii irrattis ibsa ejjennoo armaan gadii baafachuun marii isaanii irbuun goolabanii jiru

1.Qabsoo ilmaan Oromoo ABOn hoogganamu hanga bilisummaa waliin ni hiriirra

2.Gahee nurraa eegamu haala kam keessattuu ni baana

3.Gocha diinaa yoomuu ni mormina,Gaaffii mirgaa gaafachuu irraas hin dhaabbannu

4.Ilmaan Oromoo marti wal tumsee garbummaa jalaa akka bahutti ni barsiisna.Qooda keenyas ni baana

5.Hirmaannaa shamarran Oromoo qabsoo keessatti qaban ni babal’isna.

6.Diinni diina waan taheef  Wayyaaneef yoomuu hin bitamnu,hin ajajamnu

7.Waadaa keenya hanga xumuraa haala kam keessattuu ni tiksina kan jedhani dha.

Jechuun ejjennoo isaani ibsatanii jiru.

Bitootessa 10,2012

Gaaffiin ilmaan oromoo hin deebi’u taanaan;Ilmaan oromoo baratanii hojii hin argatan taanaan barachuun maaliif barbaachisa kan jedhan Barattootni Oromoo Bitootessa 09,2012  sa’aa 8:27 tti Godina Shawaa lixaa aanaa Ginda Barat  Mana barumsaa sadarkaa lammaffaa Gindabarat keessatti gaaffii mirgaa waan kaasaniif jecha dabballoonni Wayyaanee  tahe jedhanii karaa biraa mana barumsaa san keessatti ibiddaa  qabsiisuun qabeenya mana barumsaa barbadeessan.Tuffiin mootummaa ilmaan Oromoof qabdu diiddaa keenya jabeessuun mirga goonfanna kan jedhan barattooti Oromoo diddaa isaanii itti fufanii jiru.

Qabeenyi mana barumaa sadakaa lammaffaa kun barbadaawuu irraan kan ka’e humni waraanni Wayyaanee dabalata yaammatee naannoo san qubatee ummata jeeqaa akka oole qeerroon ni gabaasa.

Haaluma wal fakkaatuun Godina Harargee bahaa keessatti karaan Qullubbiidhaa Harar geessu Wayyaaneetti dhagaan cufamuun Wayyaaneen haala kana irraa rifatee waraannii fi dabballoonni Wayyaanee dhagaa san deebisanii guuruu dirqamanii jiru.

Qeerroon oromoo tarkaanfii kana raawwachuuf kan dirqame bakkeewwan kunneen bakka uummatni itti fayyadamu irra bakka garboomfataan mootummaa Wayyaanee itti ilmaan Oromoo dhiituu fi gaaffiin ilmaan Oromoo bakkeewwan itti hin deebine akka tahe uummatni oromoo jabeessee akka hubatu dhaamee jira.

Tarkaanfiin kun Golee Oromiyaa guutuu keessatti hanga gaaffiin ilmaan Oromoo deebi’u jabaatee akka itti fufu qeerroon gadi jabeessee dhaammata !

Bitootessa 09,2012

Manni Kitaaba  yuunivarsiitii Arbaaminc kan Main campus keessa jiruu fi bara 1986 itti ijaarame guutummaatti saamamuu Qeerroon Arba Minci gabaasa.

Manni kitaabaa kun kan saamame jeequmsa mooraa Universitycha keessatti tahe sababeeffachuun dabballooti Wayyaanee saamicha godhan tahuu qeerroon addeessa

.Qabeenyi guddaan yuunivarsiitii Arbaminci  mana kitaabaa kana keessaa saamame kan horii laayyootti lakkaawamu akka hin taanee fi komputera kitaabota qaqaalii fi waanneen adda addaa kan jiran yeroo tahu haala kanatti dabalee sababaa jeequmsatu mooraa keessa jira jedhuun mootummaan Wayyaanee barattootni yuunivarsiitii Arbaaminc waggaa tokkoffaa baratan wayita qormaataa ibsaan(current) irratti dhaamsuun barattoota ifaa dhokatanii hedduu dararaa jiraachuun beekame.Gaaffii bulchinsa mooraa yuunivarsiitiitti dhiyeessaniifis deebiin kennamu dhibamee barattootni FDG kaasu sababa jedhuun human poolisaan mooricha eegaa akka jiranii fi sochii ka’a jedhame akka ittisaa jiran beekame.

Sodaa Mootummaan Wayyaanee ilmaan Oromoo Qeerroo irraa qabuun manni kitaabaa qeerroon saamame jechuun sodaatee Ashaaraa barattootaa funaanuuf marii gaggeesseen irrattis wal dhabdiin marii keessatti uumamee jira.Ashaaraan funaanamnaan diddaan barattootaa waan jabaatuuf dhiisna jechuun marii akka goolaban qeerroon arbaaminc gabaasee jira.

Haaluma walfakkaatuun Godina Arbaaminc aanaa Cheenchaa keessatti mootummaan Wayyaanee uummata amantiin walitti buuse.Uummatnis walitti bu’insi kun wayyaanee irraa kan dhufe hubachuun dabballoota Wayyaanee irratti halkanii fi guyyaa mana reebaa akka jiru gabaasi nu gahe addeessa.

Bitootessa 10,2012

Sochii dargaggoota Oromoo naannoo garaa garaatti tahaa jiru dura dhaabbachuuf jecha warri Wayyaanee fala isaan hin faliin hin jiru, gaaffii ummata Oromoof deebii gahaa kennuu waan hin dandeenyeef jecha saba Oromoo hidhuu,ajjeessuu,biyyaa ari’uu fi hiyyoomsuun furmaata itti fakkaatee haalleen akkasiin ummata Oromoo guraa lubbuu isaanii dheereffatu,

Haalli kun xumura argatee ummanni Oromoo abbaa biyyaa fi abbaa qabeenyaa tahuun biyya isaa irratti abboomee akka jiraatuuf sochiin dargaggoota biyyoolessaa eegalee umurii wagga tokko hin geenye keessatti qaanqeen isaa Oromiyaa guutuutti qabachuun mootummaa Wayyaanee haala kana hin jedhamneen jeeqaa fi sodaachisaa jira. Sochii kana dura dhaabbachuuf jecha human poolisa naannoo irraa hanga feederaalaa sanas darbe loltoota mootummaa naannoo lee sochiin qeerroo jiru maratti erguu fi university Oromiyaa keessaa mooraa waraanaa taasisanii jiru,kanaan diddaan dargaggoota Oromoo murteeffatoo kun dhaabbachuu didee Wayyaanee raasaa jira.Fuula durri keenya abdii bilisummaatu jira jechuun qeerroon warraaqsa eegale kun dabballootaa fi qondaalota OPDO keessaa kanneen dammaqanii ummata Oromootti deebi’uu barbaadan ofitti dabaluun sochiileen itti fufee jira.

Haala kanaan sochii University lee dhaamsuu kan jedhuun qondaaloti TPLF ol aanoo fi kanneen OPDO ta’an  Bitootessa 09,2012 University Hawaasaatti walitti dhufuun walgahii godhatanii jiru.Walgahiin isaanii kun irra guddaa ummata Oromoo fi dargaggoota Oromoo akkamitti akka of irraa dhahuu qaban irratti xiyyeefatee kan haasayame yeroo tahu gaaffii barattooti gaafatan gaaffiin dhugaa dha dura deebiin kennamuu qaba kan jedhu yaadi qondaalota TPLF itti dhihaannaan jeequmsi eegale, haala kanaan  wal dhabdiin gidduutti uumamuun mariin isaanii guutummaatti fashaluun adda diigamuu isaanii odeeffati isaan keessaa Qeerroo gahe addeessa.

Ammaan dura sochii Qeerroo tumsuuf jedha Oromoonni human Poolisa Federaala keessa jiran magaala Finfinneettii fi qondaaloti OPDO gariin Jimmatti,baatii darbes miseensonni isaanii mooraa University Finfinneetti sochii qeerroo akka degeran ibsa baasaniin beeksisanii jiraachuun ni yaadatama.

Qabsoon itti fufa! Gabrummaan ni kufa!!

Bitootessa 09,2012

Yeroo ammaa Qeerroon Oromoo diina ummata Oromoo kan tahe mootummaa Wayyaanee lafa irraa galchuf qabsoo godhu keessatti gama hedduun milkaa’aa jira.Godina Shawaa lixaa yuunivarsiitii Amboo keessatti Guyyaa har’aa Bitootessa 09,2012 qeerroon Oromoo gaaffiin uummata Oromoo qabsoo ilmaan Oromoo fi qoda diddaa ummati Oromoo goduun galmaan gaha jechuun barattooti Oromoo University Amboo diddaa kaasan,diddaa kana ukkaamsuuf jecha mootummaan Wayyaanee human waraanaa gara magaala Ambotti yeroo dabalutti dargaggoonni Oromoo ykn Qeerroon maagaalaa Amboo keessa jiran wal gurmeessuun tumsa barattoota University barataniif bahanii jiru,tumsa kana bittinnneessuuf humni waardiyyaa fi poolisa naannoo wayita dura dhaabbatanitti qeerroon waardiyyaa darbatee darbee gara mooraa University Amboo seenuun barattootaaf tumsa qabu muldhisaa olanii jiru.Mootummaan wayyaanee waraanaan qeerroo kana yuunivarsiitii keessaa baasuuf yaaltus Amboon kan Oromiyaati jechuun jala dhaabbachuun dhagaan waraana qabanii jiru.

Sochii kanaan booda waanna tahe qeerroon akka gabaasu dhaammateera

Bitootessa 09,2012

Guyyaa kaleessaa Godina Wallaggaa Bahaa Eebantuu keessatti mootummaan Wayyaanee diddaa itti jabaate barattootaa fi barsiisota Oromoo waliin jeequmsa guddaa kaasuun qeerroon Eebantuu irraa gabaase. Sababaan diddaan kun ummata naannoo fi barsiisota dabalatee ka’e kun fincila diddaa gabrummaan naannoo saniif yeroo dheeraaf deemaa jiru dura dhaabbachuuf jecha mootumaan Wayyaanee fiilmii kijibaa manneen barnootaa keessatti agarsiisuuf kan yaale  guutummaatti Qeerroon  filmii kijibaa hin laallu,mootummaan Wayyaanee ammaan booda nu bulchuu hin dandayu jennee yeroo adda addaatti himannee jirra jechuun harkatti fashalchiisee jira.

Haaluma kanaan Qeerroon Oromoo Eebantuu diddaa daran jabeessuun Wallee warraaqsaa

“Qeerroo hin kaatuu akka abbaa kee

Wayyaaneetu saame biyya haadha kee”

Jechuun wallisaa oolee jira.Mootummaan Wayyaanees didda halaan qeerroo irraa itti jabaachaa dhufe jala dhaabbachuuf waraana gama Goojjam irraan seenu waliin uummata irratti goolii uumaa olee jira jechuun gabaafame.Qeerroon Wallagga bahaas hanga bilisummaa diddaan jabaatee akka itti fufu gabaasa waliin ibsee jira.

Haaluma wal fakkaatuun Diddaan Godina shawaa bahaa fi Lixaa keessatti mootummaa wayyaaneetti jabaachaa dhufuun waraana federaalaa aanoleetti bobbaasuuf diqamee jira. Mariin namuusaa sodaa qeerroof yuunivarsiitii Finfinnee Damee hundaa keessatti gaggeeffames milkaa’ina malee xumuramee jira.Barattootni Yuunivarsiitii Finfinnee Damee Bishooftuus Gaaffiin ilmaan Oromoo Gaaffii Bilisummaati jechuun dabballoota Wayyaanee mataa dhukkubsanii jiru.

Qabsoon itti  fufa!Gabrummaan ni kufa!!

Bitootessa 08,2012 

Ilmaan Oromoo garbummaa keessatti hambisuuf tattaaffii mootummaan Wayyaanee godhe keessaa inni tokko lafa ilmaan Oromoo irraa fuudhuun maqaa investimentii jedhuun abbootii qabeenyaa habashaa fi biyyoottan alaatti kennuun qabeenya kuufachuu dha. Sabni Oromoo qe’ee isaanii irraa buqqa’an gaaffii isaaniif deebii yoommuu dhaban filannoo jabaa fudhachuu dirqaman.

Godina Shawaa bahaa Aanaa Ada’aa Kurruuftuu keessatti Hoteelli miliyoona guddaan ijaaramee  KURRUUFTUU REZOOLT jedhamu lammiin Oromoo bakka bashannana kanaaa seenuuf illee kan balfatamaa turanii fi  yoo seenanis kaffaltii guddaa itti gaafatama turn, Gaafa Bitootessa 05,2012 guutummaa guutuutti barbadaa’e.

Manni maqaa investeriin ijaarame kun ilmaan Oromoo keessatti bara hedduu quuqama uumuun irraan darbee abbaan qabeenyaa kanaa Lammii Habashaa Amaara kan tahe Taadiwoos kan jedhamu yeroo tahu bakkeewwan hedduutti mootummaa waliin hidhata uumuun saba Oromoo lafa irraa buqqisuuf tattaaffiin inni godhee fi tattaaffii inni gochaa jiru baay’ee gaddisiisaa ta’uu isaatiini.

Manni Abbaa qabeenyaa kanaa lammiiwwan alaa biyyattii keessatti lafa ilmaan Oromoo akka saamaniif haala mijataa kan uumee yeroo ammaa kana investrootaa fi keessummoota alaatti gufuun kan uumame dha. Haaluma kanaan  abbaan qabeenyaa kanaa jibbiinsaa fi soda ummata Oromoo irraan qabu muldhifachuuf jecha qabeenya kiyya kan gubu Oromoota malee kan biraa miti jechuun mootummaa Wayyaanee waliin olii fi gadi fiigaa dargaggoota oromoo naannoo sanaa barbaachisaa jira.

Abbaan qabeenyaa kanaa yeroo dheeraaf Amerikaa turuun maqaa investimentii jedhuun gara biyya Itoophiyaa seenee Finfinnee fi Bahir Dar keessatti namoota harka qalleeyyii lafa isaanii irraa arii’aa kan turee fi itti jiru tahuu qeerroon qorannoo godheen ifa godhee jira.

Walumaa galatti maqaa investimentii jedhuun abbootiin qabeenyaa ilmaan Oromoo qe’ee irraa buqqisaa jirtanii fi Biyya alaa taa’uun namoota harka qalleeyyii qe’ee irraa buqqisuuf karoorfattaniif tarkaanfiin akkasii akka isaan eeggatu haala amma Oromoon itti jiru irraa tilmaamuun nama hin rakku.

Qabsoon itti fufa! Gabrummaan ni kufa!!