A.Duunyaa tiin
Wayyaaneen Umurii Angoo ishee dheereffachuuf, shirri hin gaggeessin hin jiru.keessattu , Mootummoonni , Dhaabbileen edila addunyaa, Investaroonni, Namoonni dhunfaa , waldaaleen Amantii , waldaaleen gargaarsaa kkf , Itoophiyaa keessaa akka dantaa qabaatan taasisuun, dantaa kanas kan eegsiisuuf wayyaanee qofaa akka ta’etti amansiisuun, wayyaaneen bara baraaf akka jiraatuu fi dhaabbilee mormitootaa dhabamsiisuuf shira hangana hin jedhamne gaggeessiti.TIWULIDDA ITOOPHIYAAWWIIN EENYU
Bitootessa 14,2012 Finfinnee
Bitootessa 11,2012 qabeenya investera alagaa nama maqaan Addish Gebre Yohaannis jedhamu irratti erga tarkaanfiin fudhatamee mootummaan Wayyaanee Oromoota naannoo daangaa Beneshangulii fi ona Limmuu jeqaa jira.Sababa kanaan dargaggoonni Oromoo 72 ta’an mana hidhaa Wayyaanotaatti akka guuraman beekamee jira.
Kanuma waliin lafti Oromiyaa yeroodhaa yerootti qircamaa alagootatti gurguramuu irraan darbee yeroo ammaa lafti Oromiyaa daangaa Benishaangul Gumuz Godina Wallaggaa bahaa aanaa Haroo Limmuu keessatti argamu lafa Beenishaangul Gumuz jedhame.Uummatni oromoo naannoo kana qubatan gaaffiin isaan gaafatan gaaffii ABO ti jechuun mootummaa wayyaanee dabballootaan doorsisaa jira.Ilmaan oromoo aanaa kanaas nuyi oromoodha,Haroo Limmuunis lafa Oromiyaati jechuun dura dhaabbachuun falmaa jiru.Uummatni naannoo kanaa fi qeerroon naannoo kanaa lafti oromoo akka hin gurguramnee fi daangaan ishee tikfamtu oromoon martuu iyya dabarsuu qaba jechuun dhaamanii jiru.
March 13, 2012; Finfinnee
Mr Tadiwos and Mr Addish G/Yohannes, owners of Luxury Kurruftu resort and farm land in Oromiya Benishangul region respectively have reportedly lost their property due to the work of an angry arsonist last week according to resources from the area. The arsonists are said to be victims of their extensive land grab for the past years.
Mr. Tadiwos and his Luxury y Kuruftu resort was targeted as a revenge not only for his extensive land grabbing by working in hand and glove with the brutal government of Ethiopia but also for his role in brokering countless investors land grabbing deal which in effect have forced the eviction of thousands of small farmers from their ancestral land, according to sources.
The work of arsonists are getting worse and becoming a sign of resistance against land grabbers in recent days in Oromiya region of Ethiopia.
Mr Addish have also lost 4 tractors and dozens of hectares of onsite crops, according to sources.
It is to be recalled that, a Chinese man was also killed in a related incident of land grabbing issue last month in the West Shoa zone of Oromiya.
@Qeerroo
Bitootessa 13,2012
Diddaa barattootaa yuunivarsiitii Amboo Bitootessa 12,2012 bifa addaan qabatee hanga guyyaa har’aatti haala jabaa taheen itti fufee jira. Diddaan gootota barattoota Oromoo kun ummata magaalaa Amboo kan dammaqsee jiru yommuu tahu fincila kana dhaamsuuf jedha mootummaan Wayyaanee jaarsummaa barattoota Oromootti ergate
Guyyaa har’aa waajjira muummicha minstera irraa akka dirqama fudhatanii bobba’an kan ibsan kanneen sodaan guutamanii bobba’an amanamtoota TPLF Obbo Fiqaaduu Sabbooqaa duraan Finfinnee keessatti ajajaa Poolisii federaalaa kan turee fi har’a dhimma nageenyaa keessatti argamuu fi Obbo Alamaayyoo Taganuu Ministeera Bishaanii fi albuudaa keessaa gara yuunivarsiitii Ambootti erguun barattoota Oromoo addatti kan miseensotiin Wayyaanee keessa hin jirre haasofsiisuuf yeroo yaalan gootonni barattooti Oromoo diddaa isaanii cimsuun gaaffiin keenya gaaffii mirga ummata Oromooti,mirgi saba keenyaa dhiitamaa waan jiruuf hanga akeeki gaaffii keenyaa deebii gahaa argatutti duubatti hin deebinu jedhuun dhadhannoo fi diddaan jara ergame naasisuun of duuba deebisanii jiru.
Haalli diddaa barattoota Amboo bifa kanaan yeroo jalqabaaf kan hammaate yeroo tahu hanga ammaatti waraanni mootummaa human komaandoo jedhamu 300 ol naannoo moorichaa fi keessa mooraa University Amboo qubatee akka jiru qeerroon gabaasa.
Kana malees mootummaan Wayyaanee warraaqsa qeerroon muddamaa jiru irraa kan ka’e ilmaan Oromoo poolisii federaalaa tahan adda adda baasuun naannoo naannotti jijjiiruuf karoorfachuun isaa saaxilame.Oduun poolisii federaalaa Wayyaanee keessaa bahe akka saaxiletti yeroo ammaa mootummaan Wayyaanee yeroodhaa yerootti ABO magaalota galee jira,Oromoon marti ABO tahee jira sodaa jedhuun maqaa sochii HASAASA jedhamuun yeroo yerootti naannoodhaa naannootti bobbaasuun rakkamaa poolisoota rakkisaa jiraachuun ifa tahee jira.
Sodaan mootummaa Wayyaanee poolisoota Federaalaa ilmaan Oromoo irraa qabdu daran jabaachaa kan dhufee fi amanamtootni mootummaa Wayyaanee poolisoota kanneen kana keessaa yeroodhaa yerootti marii sodaa kana irratti hirmaachaa jiraachuun ifa tahee jira.
Ilmaan Oromoo eenyummaa isaaniitti boonan ABO dhaaba ilmaan oOomoo tahuu yoomuu ni mirkaneessina jechuun shira diinaa yeroodhaa yerootti akka saaxilan bakka irraa bakkatti marii eegaluun odeessi qeerroo addeessa.
Qabsoon itti fufa! Gabummaan ni kufa!
Bitootessa 13,2012
Mootummaan Wayyaanee yeroodhaa yerootti dargaggoota Oromoo mana hidhaatti guuruun maqaa fi teessoo galmeessuun akka yakkamaatti galmee mana hidhaa keessa kaa’aa guyyaa gaaffii mirgaa Oromooti gaafatan isin ABOti jechuun mana hidhaatti deebisee guuraa turuunii fi har’as itti fufee jirachuun isaa beekamaa dha.Gaaffiin mirgaa impaayera Itoophiyaa keessatti yakka jabaa kan tahee fi yakka jabaa tahee kan taa’u yoommuu tahu qeerroon oromoo kanatti furmaata kennuuf falli falle milkaa’ee jira.
Guyyaa kaleessaa gaafa Bitooteessa 12,2012 galgala keessaa sa’a 4:30tti humni hin beekamiin mana galmee mana murtii Godina Horroo Guduruu aanaa Jaardagaa Jaartee magaala Aliboo keessaa cabsee yaasuun gubee jira.Mootummaan Wayyaanee galmee murtii dalgaa ishee kana waardiyaan qawween qacartee eegsistus humni kun mana galmee kana cabsee seenuun galmeewwan kana yaasee gubee jiraachuu gabaasi Jaartee irraa nu dhaqabe beeksisa.
Qabsoon itti fufa! Gabrummaan ni kufa!
Bitootessa 13,2012
Godina Horro Guduruu Wallaggaa aanaa Jaardagaa Jaartee keessatti
dargaggoota Oromoo sirboota siyaasaa ummata sirbisiiftaniittu ABO waliin hidhata qabdu ,dargaggoota Oromoo wallee waraaqsaan kakaaftaniittu jedhuun yakkamanii mana hidhaatti dabaman. Kanneen hidhaman keessaa
Kanneen jedhaman yeroo tahu. Dargaggootni kunneen yeroo ammaa Mana hidhaa Aanaa Jaardagaa jaartee Waajjira Poolisii keessatti dhiitamaa jiraachuu qeerroon aanaa Jaartee irraa gabaasee jira.
Aliboo keessa halkanii fi guyyaa bilisaan akka hin deemne dhiibbaa guddaa irraan gaggeessaa jiraachuunii fi qeerroowwan garii
hidhuuf barbaadaa jiraachuu gabaasni ifa godhee jira.
Kana malees magaalaa Aliboo keessatti dargaggoonni jiraatan halkanii fi guyyaa bilisaan ta’anii akka hin sochooneef jecha karaa milishootaa fi poolisoota ramadamanii eegumsi guddaa ta’aa akka jiru gabaasi nu gahe addeessa.
Qabsoon itti fufa! Gabrummaa ni kufa!
Bitootessa 13,2012
Godina Harargee bahaa Jaarsoo keessatti kan jiraatu maanguddoon kabajamaa fi ulfaataa tahe Sheek Azaakur Sheek Bakirii Ibroo mootummaan Wayyaanee ABO waliin hidhata qabda, maadheelee ABO ijaartee bobbaafta sababa jedhuun dharaan yakkee mana hidhaa buuse.
Yakka sobaan maqaa Abdullaah Jamaal jedhuun ABO waliin hidhata uumtee hojjetaa jirta, gara biyya Jibuutiitti deddeebitee hojii ABO hojjechuun ummata ijaarta kan jedhamee mana hidhaatti darbame Sheeki Azakur poolisoota Wayyaaneen reebamee hedduu miidhamee akka jiru gabaasi Jaarso irraa nu gahe addeessa.
Haaluma kana fakkaatuun naannoo Jaarsootii Oromoonni 6 sheek Azakur waliin hidhamanii akka jiran gabaasi nu gahe addeessa.
Bitootessa 12,2012
Guyyaa har’aa Bitootessa 12,2012 ganama irraa hanga sa’aa kanaatti fincilli diddaa gabrummaa barattoota University Amboo fi Qeerroo jiraattota magaalaa dabalatee mooraa Univresitycha keessatti qabate hanga ammaa sadarkaa guddaatti itti fufee jira.Gootonni barattooti Oromoo gaaffii nyaataan wal qabatee mirga ummata Oromoo fi Oromiyaa gaafachaa fi mooricha keessatti guutummaatti wal gurmeessuun dhadannoo dhageessisaa fi wallee warraaqsaan gaaffii fi yaada isaanii ibsataa akka jiran beekama.
kan jedhuu fi gaaffiileen kaan keessatti argamu.
Guutuu gabaasa kanaa wal duraa dubaan ni dhiheessina.
Qabsoon itti fufa!!
Bitootessa 12,2012 
Lammii Oromoo lafa isaanii irraa kaasuudhaan uummata Oromoo fi Beenishaangul Gumuuz yeroo dheeraaf walitti buusaa kan ture investerri Habashaa kan tahe Addish Gebre Yohaannis aanaa Haroo Limmuu keessatti ilmaan Oromoo qe’ee irraa buqqisuun qabeenya dhuunfaa kuufachaa ture.Oromoota lafa irraa buqise deebisee akka garbaatti hojjechiifachaa yoona gahe.
Warraaqsi Oromiyaa guutuu keessatti biyya ofii irratti falmuu fi mirga ofiif kabachiisuu itti fufuun qabeenya inverstera alagaa kan daangaa Benishaangulii fi Oromiyaa gidduutti argamu aanaa Haroo Limmuu keessatti argamu irratti Guyyaa Bitootessa 12,2012 warraaqsi tarkaanfii fudhateen qabeenya hedduu ibiddaan barbadeessee jira.
Qabeenyi investera Habashaa kanaa tiraakterri afurii(4) fi oomishni mishingaa heektara lama(2) oomishni boqqolloo heektarri lama(2) balaa ibiddaa kanaan guutummaatti barbadaa’ee jira.
Abbaan qabeenyaa habashaa kun naannoo kana gadhiisee hin deemu taanaan fuuldura lubbuu isaaf sodaachisaa akka tahe humni warraaqsaa xalayaa inverstera kanaaf ifatti barreessee ergeen beeksisee jira.Kana malees inversteroonni mootummaa Wayyaanee waliin ta’anii ummata Oromoo lafa irraa buqisaa jiraniif tarkaanfiin gochaa isaaniin madaalu akka itti kennamu akeekachiisi kennamee jira.
Qabsoon itti fufa! Gabrummaan ni kufa!
Bitootessa 12,2012 Gimbi 
Wallaga magaalaa Calliyaa ganda Orchoqi jedhamu keessa kan jiraatu qondaalli OPDO maqaa Beekumaa Dheerreessaa jedhamuun kan beekamu yeroo dheeraaf ummata naannoo kanaa gidirsaa kan turee fi sochii warraaqsaa bara 2011 jalqaba irratti ka’ee adda durummaan barsisotaa fi barattoota Oromoo mana hidhaatte guursisaa kan ture ta’uun beekama.
Qondaala kanaaf yeroo adda addaatti akeekachiisi kennamuun akka qabsoo ummata Oromoo dura hin dhaabbannee fi Oromoo hiisisuu irraa akka dhaabbatuuf akeekachiisi kennamaa ture,sana irra darbee maal nadhibee kan jedhuun Oromoota itti dhadachuu fi caalaatti qotee bulaatti roorrisuu waan itti fufeef jecha Bitootessa 10,2012 mana jireenya isaatti adbidda qabachuun inni lubbuun yeroo baafatu qabeenyi isaa guutuutti barbadayee jira.
Haala kanaan kan rifatee fi kan birmateef waraanni Wayyaanee poolisa gandaa dabalatee ummata jiraattota naannoo Calliyaa haalaa goolaa jiru,namoota isin shakkamoota jechuun gara 100 ta’an mana hidhaa geessanii jiraachuu gabaasi Calliya irraa nu gahe addeessa.
Namoota hidhamanii isin ergama ABO qabdu jechuun haalaan reebamaa jiran keessaa Barsiisaa Margaa Sassaabaa fi Ogeessa Fayyaa Abiyoot Eliyaas kanneen jedhaman keessatti argamu.
Qabsoon itti fufa! Gabrummaan ni kufa!
QEERROO 