Daily Archives: May 2, 2011

Barattooti Univarsitii Jijjigaa Fincilan; Agaaziin Barataa Madeesse!

Posted on by
1

(Qunnamtii Qeerroo, Jijjigaa, Caamsaa 02, 2011) Barattoonni Uneversity Jijjigaa miidhaa fi roorroo sirna Wayyaaneen ummta irratti raawwataa jiru balaaleffachuun fincila godhan.

Barattooti Yunivarsitii Jijjigaa keessa baratan kun diddaa gocha farrummaa fi sirna bbaa Irrummaa mootummaa Wayyaanee kana kan taasisan gaafa 30/04/11 ta’uu odeessi Qunnamtii Qeerroo ifa godhee jira.

Barattoonni guyyaa kana dhaadannoolee gara garaa qabachuun yeroo isaan fincila isaanii jalqaban, waraanni wayyaanee  Agaazii jedhamu, kan duraanuu isaan marsee eegaa ture barattoota harka duwwaa gaaffii mirgaa gaafachuuf bahan irratti dhukaasa banuun barataa tokko madeessee jira.

Haata’uutii, barattoonni kunneen guchaa diinummaa wayyaanee kanaan hamilee odoo hin cabin guyyaa guutuu fincila isaanii itti fufaa oolanii waraana wayyaaneetiiniis wal dura dhaabbachaa ooluun gootummaa qaban itti agarsiisani jiran.

Mootummaan wayyaanee tan abdii kutattee barattoota harka duwwaa hiriira bahaa jiru fii ummata Oromoo kan baadiyaalee keessatti hiriira diddaa isaanii bahaa jiran irratti gara jabeenyaan dhukaasa banuun, gochaa faashistummaa isaa saaxilu, kan lubbuu barattootaa fi ummata baadiyaa galaafachuutti jiru raawwataa jira.

Qeerroonis dhimma kana irratti yaada kennaniin, kaayyoon karaa nagaa diddaa ofii ibsachuu, gochaa abbaa irrummaa sirna sanii saaxiluu  ta’uu hubachiisee, “ummata karaa nagaa hiriira bahee gaaffii mirgaa gaafate irratti dhukaasa banuun faashistummaa Wayyaanee addunyaaf saaxila,” jedhee jira.

“Barattoonni fi ummanni baadiyaa gochaa wayyaanee kuni waan itti kaanee jirru irraa xiqoollee if duuba nun deebisu,” kan jedhe Qeerroon  fincila isaanii kan diddaa sirna abbaa irrummaa eegalames kan itti fufan tahuu mirkaneessanii jiran.

Barattootis ta’ee ummati Oromoo diddaa isaanii jabeessanii itti fufuu akka qaban kan dhaame Qeerroon, “kanneen jabaatanii falmtan amni imal-nagaa dheeraa ta’u illee galii isaanii gahuun mirkana,” jedhee jira.

Akkasumas, Qeerroon hawaasa Oromoo biyya alaa jiraniifis dhaamsa dabarseen yeroo kanattis  hawaasti keenya biyya alaa akkuma kanaan dura jabinaan gochaa sirna wayyaanee saaxilaa turanitti, ammas sagalee Qeerroo fi ummata Oromoo ta’uun deeggarsa isaanii akka mul’isan dhaamee jira.

Gootota Uni Hawasaa

Posted on by
2

Abiddi Warraaqsaa Universitylee Keessatti qabate Wayyaanee Yaaddesse

(Qunnamtii Qeerroo, Awaasaa, Caamsaa 01, 2011) Barattootani mooraa yunversiiti Hawassa kessa humna poolisiitin kanan duraa fudhataaman garaa barnoota idilee isaanitti akka deebi’anifi  garaa mana yaala geffamanii taajajilaa yaala akka argataan kan jedhuufi kannen hafaan irra dorsiisni akka dhaabatuu jechuun gaffi barattotni gaafatan karaa sirri ta’ee deebisuu wantaa dadhabaniif yeroo amma kana jechuun ebla 28,2011 eegalee mooran yunversitti hawassa human poolisiin marfamtee jirti.

Yeroo barataan Oromoo,qotee bulaafi daldalaan mana hidhaatti guurama jiruu kanatti guyyuma kana jechuun ebla 28,2011 maqaa waldaa misooma Oromiyaa jedhuun wal ga’ii mooraa guddichatti(main cumpuss) kessatti beeksisa maxxansanii barataa konkolaatan garaa moora birootti gessuf yaalin isaan taasisaan jalaa fashalayee jira.

Yeroo itti sabni Oromoo daraara fi mana hidhaatti guurama jiruu kessatti Oromiyaa akkamin misoomsu akka isaan fedhaanifi qarshii hawassa fi baratta dirqisisani sassabanin deebisani sabichuma itti hidhaa jirtu jechuun baraataan fincilaa kaase jira.

Itti dabaluun yeroo hongeen loon boorana lafarra duugugee yeroo ballesse kanatti isiin hidhaa abbayyan Oromiyaa misoomsituu jechuun diddan barataa irra isaanitti ka’ee afaan qawwen dorsiisin moora waranan marsanii jaru.karaa cabee dhangala’a malee diddan keenya dorsiisan hin dhaabatuu kan jedhan qeerroon yunversitii hawassa,..dorsiifni amman booda kan nurra hin dhabbanne yoo ta’ee fi gaffi keenya fi deebi ga’ab hin laatamu yoo ta’ee,..lubbu keenya balaa irra eeggachuf jechaa tarkanfii lubbu namaa fi qabeenya mootumaa irratti dhaqqabsiisuf qophii akka ta’an beeksisaa akkeekkachisan wal maqeen addesanii jiru.

Yeroo amma kana tokko tokko bilookii biraa human waranaa 4-5 ta’eetu ramadame jira.kana jechuun waranaa 200 ol mooratti guute jiraachu mul’isaa.baratan ejjenno baafateen nyaata diduun akkasumas afaan isaa  carqiin hidhatee class barnoota seenuf murtesse jira.