(Qeerroo, Awaasaa, 16 Hagayya 2012) Hagayyi 15 Uummata Sidaamaa biratti ayyaana jabaa dha.Ayyaana waggaa ‘’Cambalaalaa’’ jedhamutu kabajama. Haala kanaan uummattoota cunqurfamoon Naannoo Sabaa fi sablammoota kibbaa keessaa uummatni Sidaamaa, ayyaana wadggaa Cambalalaa jedhamu  bifa hoo’aa fi dammaqina qabuun kabajachuun gabaasame; ayyaana kana irrattis mormii fi diddaa sirna fakkeessituu Wayyaaneef qaban ifatti ibsachuun isaanii beekame.

Qeerroon akka gabaasetti ummati Sidaamaa cunqursaa mootummaa garboomsaa wayyaanee jalatti miidhaa fi dhumaatiin olaanaa irra gahaa jiraatus karaa argatan maraan sirna Wayyaanee waliin falmaa gaggeessaa jiran. Qeerroon Sidaamaa Ayyaana kana irratti argaman Qeerroo Oromiyaaf akka ibsanitti, Mootummaan wayyaanee sirna cunqursaa isaa jabeeffachuuf diddaa ummataa gara jabinaan dura dhaabbachuuf yaalus, kutannoo fi murannoo ummati Sidaamaa mirga isaa deebifachuuf qabu dhaabuu hin dandeenye.

“Saba of baree mirga isaa falmatu humni dhaabu hin jiru,” kan jedhe Qeerroon Sidaamaa, “Hagayya 15/2012 kabajamee kan oole Ayyaana Fichee yookaan bara haaraa uummata Sidaamaa irratti diddaa fi mormiin mul’ates itti fufa diddaa ummatichaa ti,” jedhee jira.

Akka Qeerroon gabaasetti yeroo ammaa kanatti Ayyaana waggaa ‘’Cambalaalaa’’ jedhamu haala miidhagaan kabajamaa jira. Uumatni SIdaamaas aadaa fi afaan isaa osoo hin gadhiisiin uffata aadaan mimmiidhaguun ayyaana isaa kabajatee akka jiru hubatamee jira. Keessummaayyuu, Hagayya 14/2012 galgala ayyaana Fiichee kun waraanaan osoo tikfamuu kabajamee jira. Kabaja Ayyaana kanaa irrattis dargaggootni Sidaamaa aanaa garaa garaa irraa walitti dhufuun tokkummaan karaa hundaa akka jabaatu dhaammatanii jiran.

“Mootummaan wayyaanee gocha kana dhaabuuf waraana hedduumminaan bobbaasuus dargaggoota dhaabuu hin dandeenye,” kan jedhe gabaasaan Qeerroo, Waraanni mootummaa wayyaanee fi dargaggoon Sidaamaa Magaala Hawaasaa keessatti wal gaareffachaa akka jiran illee arguu isaa dabalee gabaasee jira.

Ayyaana kana irrattis sirbootni tokkummaa,Gootummaa fi kutattummaa leellisan kan weellifaman yoommuu tahu, ergamttoti mootummaa wayyaanee waan qaban dhabanii cinqamaa akka jiran beekuun danda’amee jira. Maanguddootni,Hojjettootni fi hawwan sirna san irratti argamanis sirboota gootummaa sirbamanitti gammaduun ililchaa akka oolan oduun nu dhaqqabe hubachiisee jira.

Gaafa Hagayya 8, 2012  SurraaOromiyaan maxxanfame.

Caayaa Utubaa ABO Minnesota:Haawwan fi dubartoonni Minnesotaa keessatti argaman wal gurmeessuun yeroo yerootti qabeenyaa, beekumsaa fi dandeettii isaaniin qabsoo ABOn hogganamuf gumaachan hagana hin jedhamne gumaachaa asiin gahan,ammas itti jiru.

Hagayya 06,2012 Fifinnee, Waraqaan dhaadannoo garaa garaan Magaalota Oromiyaa hedduu keessatti maxxanfame.Handhuura Oromiyaa magaala Finfinnee keessatti waraqaan dhaadannoo hedduumminaan Hagayya 04/2012 halkan keessaa sa’a 10:00 irraa kaasee haalaan kan maxxanfame yoommuu tahu Finfinnee keessatti Markaatoo,Piyaassaa,Qaallittii,Gullallee,Abinnetii yuunivarsiitiilee Kiiloo afur,shanii fi jaha biratti hedduumminaan maxxanfamanii jiran.

Waraqaa maxxanfamaniin mootummaan wayyaanee dhiphuu guddaa keessa seenuun waraanni waraqaalee poolii irraa fi bakkeewwan beeksisni itti maxxanfaman mara irra deemuun dubbisuu fi buqqisuuf dirqamee jira.Namootni hojii daldalaaf waraqaalee maxxansanis sakatta’amaa jiru.Waraqaaleen dhaadannoo
• Oromiyaan ni bilisoomti,Oromia shall be free
• Garboomfataan ni kufa,Bilisummaan ni dhufa
• Gaaffii mirgaa hidhaa fi ajjeechaan dhaabuu hin danda’u
• Lama du’uun salphina
• Mootummaan wayyaanee garboomfataa dha
• OPDON Hirkattuu dha
• Qeerroon Oromiyaa ni bilisoomsa
• WBO gaachana ilmaan oromooti!
• Dhaabni siyaasaa ilmaan oromoo ABOti!
• Bilisaan dhalatanii garboomuun salphina
• Qeerroo,Yeroon isaa amma ka’i!
• Oromiyaan kan oromooti!
• Stop killing oromo!
Jedhan hedduumminaan copy tahuudhaan magaala Finfinnee keessatti mxxanfamanii jiran.Dhaadannoowwan wal fakkaataan magaala Dirree Dawaa ganda Qoree,yuunivarsiitii fig alma magaala Dirree dawaattis hedduumminaan maxxanfamanii jiran.Waraqaaleen dhaadannoo magaala shaashimannee,Amboo,Adaamaa,Ayiraa,Shaambuu fi Mattuu keessatti maxxanfamanii jiran.

Adoolessa 20,2012 Finfinnee
Guyyaa har’aa Adoolessa 20,2012 Diddaa hordoftoota amantaa musuliimaan wal qabatee Qeerroon waraqaalee adda addaa magaalaa Finfinnee irraa kaasanii bakkoota hedduutti maxxansanii akka jiran gabaasaan galgala kanaa addeessa. Waraqaaleen kunneen Finfinnee keessatti bakkooota Uummanni Oromoo heddummatee jiraatutti kan maxxanfame, kanneen akka Gullallee,Markaatoo,Shiro Meedaa,Kiiloo 6,Kiiloo 4, Saaris,Burraayyuu,Kaazanchiis,Faransaay,Qaallittii,faa yoo ta’u magaalota Bishooftuu,Adaamaa,Asallaa,Arsii Negellee,Amboo,Harar,Dirre Dawaa tti raabsamee akka jiru Qeerroon naannolee kanaa gabaasee jira.
Kana malees godinaalee akka Gujjii, Booranaa, Harargee Bahaa, Qellem,Wallagga Lixaa,Jimma,Illuu Abbaa Booraatti akka raabsamu copy fi print ta’ee baayyinaan godinaalee keessa akka tamsa’ee jiru gabaasi qeerroo nu gahe addeessa. Akkasuma godina Arsii Lixaa , Aanaa Adaabbaa, magaalaa isaatti barattootni waraqaa kana bittimsuu irraan kan ka’e milishoonni Wayyaanee aanichaa rifatanii akka waan humni addaa magaalicha seeneetti dhukaasa banuu isaanii qeerroon magaalaa sanii gabaasee jira. Waraqaan bittimsfamuu itti fufee, asii fi achi kaachuudhaan milishoonni wayyaanee halkan kana sa’a 2:00 irraa kaasanii sakatta’iinsa guddaa akka gochaaa jiran naannicha irraa gabaafamee jira.
Qabsoon itti fufa!!
Gabrummaan ni kufa!!

The concluding statement from the Oromo community at the Park Hyatt Grand Hotel was a gracious “thank you, Australia.” This was after the more than six hours endurance of the heavy rain, chilling cold of Melbourne’s winter and chanting slogans against the Oromo People’s Democratic Organisation (OPDO) delegates that altered our pitches. The OPDO’s were sent by the Ethiopian government to destabilize a peaceful society which has been granted rights to live and prosper in a multicultural society by a sovereign state. Their main aim was purely to threaten the harmony that Oromo’s enjoy in Diaspora and continue to work to intensify human rights violations back home. They had been sent here to broker deals with entrepreneurs and well-heeled individuals to invest back home at the cost of illegally displacing peasant farmers and indigenous land owners.Diaspora Community ensures Ethiopian delegates meeting is called off