Hagayya 07,2012 Naqamte
Konkolaataan Humna Ittisa Raayyaa Biyyaa(Makkalaakayaa) jedhamee kan Wayyaaneen yaamamu tokkotti Waraanni Wayyaanee fe’amee deemu humna addaa WBOn rukutame.
Hagayya 05,2012 Ona Giddaa keessa buufata waraana Wayyaanee adda addaa keessa olii fi gadi osoo deemaa jiranii humna addaa WBOn haxxeen itti hidhamuun nannoo ona Giddaa bakka Qaaqaroo Adaree jedhamee beekamutti tarkaanfiin irratti fudhatameen loltooti Wayyaanee hedduun hojii ala t a’anii 3 ammoo bakka malee madaayanii Hosptala Naqamteetti geeffamuu gabaasi naannoo san irraa nu gahe addeessa.
Gama biraan ona Habee Dongoroo bakka Tulluu Gaanaa jedhamee beekamutti tarkaanfiin qabeenya inverstera Wayyaanee irratti ammaan dura fudhatameen Hagayya 04,2012 humni waraana feederaala Wayyaanee naannichatti sakatta’aaf bobba’e irratti tarkaanfiin fudhatameen namni maqaan isaa Fiqiresillaasee Barihun jedhamu humana addaan tarkaanfiin irratti fudhatmun beekame,kanneen hafan battalumatti naannoo san gadhiisuun akka baqatan gabaafama.
Haala kanatti kan rifate sirni Wayyaanee ,ABOn jajjabee ykn komaandoo nutti bobbaasee jira jedhuun daandii baadiyyaa irra sosso’uu sodaachuun magaalaa keessatti mooraa tikfatanii akka jiran beekamee jira.
Kana malees Hagayya 05,2012 basaasota Wayyaanee bebbeekamoo magaalaa Giddaa Ayyaanaa keessa jiraatanii fi baroota dheeraa ilmaan Oromoo hiisisuu fi dararaan biyyaa ari’uu irratti kanneen beekaman lama irratti humni addaa tarkaanfii fudhachuun beekame. Basaasa maqaan isaanii Derajjee Geetahuun jedhamuu fi basaasa biraa maqaan Efreem jedhamu osoo konkolaataa waajjira qajeelcha fayyaa godina baha Wallaagaan sosso’u irratti haleellaan ta’uu gabaafame.
Qabsoon itti fufa! Gabrummaan ni kufa!

Hagaya 07,2012 Gimbii

Godina Wallagga lixaa aanaa Ganjii ganda Kattii Gurraachaa fi Gujii Geetteree keessatti uummatni Oromoo albuuda keenya Wayyaanee hin saamu jechuun diddaa jalqaban.Baroota dheeraaf  sirni mootummootii Abshaa dhufaa darbaan albudi naannoo kanaa saamamaa kan turee fi ummanni Oromoo naannichaa ammoo hiyyummaa gadadoo fi beelaan daran harca’aa waan jiruuf jedha diddaa qabeenya isaa ittifachuuf jecha diddaa isaa muldhisaa jira.

Mootummaan Wayyaanee humnaan albuuda warqee naannoo kanaa saamuuf waraana hedduumminaan bobbaasuun uummata naannichaa goolaa jira. Haala kanan ilmaan Oromoo hedduumminaan aanaa kana keessaa uummatni albuudni keenya akka hin baanu akka jedhu kakaastaniittu dabballoota ABO tu isin keessa jira jechuun mana hidhaatti guuraa jira.Ilmaan Oromoo hedduumminaan kan hidhaman yoommuu tahu

1. Obbo Kumarraa Gaarii
2. Obbo Immiruu Baqqaanaa

Jedhaman mana hidhaa mootummaa Wayyaanee keessartti kanneen ukkaamsaman keessatti argamu.Uummatni naannoo kanaa qabeenya isaanii diinni akka saamne meeshaa qaban maraan dura dhaabbatanii jiran.Waraanni mootummaa wayyaanees Wallagga lixaa Ayiraa,Gimbii fi Dambi doolloo keessatti hedduumminaan bobba’uun dargaggoota Oromoo doorsisaa jiru.Qeerroon Oromoo naannoo kanaa doorsisni gaaffii mirgaa gaafannu duuba nu deebisuu hin danda’u jechuun dhaamanii jiran.

by Hunde Dhugassa  | Aug 5, 2012

Author Tesfaye Gebreab

Many individuals, journalists, politicians, historians, academicians and leaders; from Ethiopia, neighbouring countries and from different corners of the world have written about the Oromo. This includes its history, politics, ability, value and nature. The time, objective, nature and fact differ from person to person. The objective of this brief note is not to give analysis on the subject matter but rather to summarize an hour presentation of one of the most famous and controversial writer on the issue of the Oromo.

Any ordinary Oromo from Ethiopia can without difficulty name two important non Oromo authors from its neighbours, having a positive contribution on the history and visibility of the Oromo nation: Professor Asmerom Legesse and Tesfaye Gebreab. Both are Eritrean by birth, but hardly know the effort of one another until recently. The work of Professor Asmerom started almost half a century ago in the Borana region of Oromiya, while that of Tesfaye started after the fall of the Derg military junta. It is by chance that the professor started the most celebrated research on Gadaa Democracy of the Oromo people, but Tesfaye’s historical and artistic contribution has grown up in and with him in the beautiful city of Bishoftu. Read more:  www.Ayyaantuu.com

Hagayya 06,2012 Jimma
Godina Jimmaatti Poolisotaa dhalootaan Oromoo ta’anii fi humnaa darbatamaa(Faxinoo daraash) kanneen jedhamaan Magaalotaa fi Aanotaa duraan irraa qubsifamaan irraa kaasuun oliif gadii jijjiraa jiraachuun Wayyaanootaa beekame.
Humnaa Darbatamaa duraa Magaalaa Aggaaroo irraa ture, Hagayyaa 3/2012 gara Godinaa Bahaa Wallaaggaa Magaalaa Neqemteettii jijjiree jira, kanneen magaaalaa Jimmaa irraa turaan gara Godinaa Iluu abbaa Booraattii jijjiiree, kanneen Iluu Abbaa Booraa Irraa turaan gara magaalaa Jimmaattii fidee kan jiruu ta’uun hubatame.
Sochiin jijjiirraa humnaa waraanaa Wayyaanee xiyyeeffaannoon isaa innii guddaan ilmaan Oromoo irraattii ta’uu odeessii keessaa waraanaa Wayyaaneetii bahuu ifaa godhee jira. Poolisonnii ilmaan Oromoo bakkaa bakkaattii hin jijjiramnuu jechuun mormaaniin isiin seelii ABO tu isiin keessaa jiraa jechuun humnaa tikaa Wayyaanee kan Godinaa Jimmaa irraa jiruu Daassaalenyi Kebede jedhamuun dorsifaamaa jiraachuun gabaafame,keessaattuu waraaqaa Qeerroo Bilisummaa jedhuu kan ABO’n facaasaa jiruu utuu argitanii dhiistaan, namootaa waraqaa kanaa facaasaa jiruus ni beektuu jechuun gaaffii qaxxamuraa gaafachuun polisonnii sirnicha wal hunkuraa jirachuun ibsamera.
Gama biraan baratoonnii Oromoo University garagaraa irraa boqonnaaf galanii jiraan magaalaa Baddaallee keessaattii guyyuu humnaa poolisaa fi milishootaan eegaamaa jiraachuun gabaafame. Kanumaa keessaan diddaan uummataa akka malee jabaachaa jiraa, Hagayyaa 3/2012 Hordoftoonnii Amantaa muslimaa magaalaa Jimmaa, Aggaaroo, Sarboo,Gembee fi,Shabee naannoo masgidaa isaanittii sagalee Mormii dhageessisuun Filaannoon hoggaantotaa amantaa muslimaa,gaggeeffaamuuf jiruu, maaliif gandaa irraatti filaannaa ? Gandaa gandaa irraattii hin filaannuu kan keenyaa dhimmaa amantaa bakkaa amantaattii filaannaa, malee innii gandattii haafilatamu jedhu caasaa mootummaati malee sirna amantaa miti jedhu. Kanas ta’u mootummaan Wayyaanee waan ummanni jedhuun deemuu dhabuu irraan korojoo filmaata abbootii amantaa ta’anii gada gadatti qopheessaa jiraachuun beekame.

Hagayya,05,2012 Naqamte
Hagayyaa 3/2012 Godinaa Bahaa Wallaaggaa Onaa Giddaatti poolisotaa ummata dararuuf bobbaafamtee irraattii tarkaanfiin haleellaa fudhatame.
Onaa Giddaa Ayyaanaa Bakkaa gabaa Jaangir Dirree Guddaa jedhamuun beekamutti poolisonnii Wayyaanee Ummataa dararuu fi sabboontotaa Adamsanii qabuuf bobbaafamaan irraattii humni addaa tarkaanfii haleellaa irraattii fudhatee poolisotaa sadii haalaan madaayanee akka lubbuu baafatan beekame. Poolisoonni naannichatti ummata dararuuf bobba’anii madhaayan kuniin :-
1.Kabbadaa Ayyaanaa
2. Bantii Waaqtolaa
3. Zaarihuun Insarmuu
Jedhamaan qajeelfamaa aangawoota Wayyaanee irraa fudhataniin gochaa diinummaan lammii isaanii irratti hammeenya waan raawwataniif dalagaan akkasiin kanneen itti fufan hunda tarkaanfiin fakkaataa akka isaan eeggatu hubatamuun dandayamee jira. Poolisoonni kun yeroo ammaatti Hosptala Naqamtee akka seenanii jiran gabaasi naannicha irraa nu gahe addeessa.
Gabaasaa Hagayyaa 3/2012 Godinaa Shawaa Lixaa Aanaa Calliyaa Gandaa Jaarsoo bakkaa Telee jedhamuun beekamuttii konkolaataa humnaa basaasaa Wayyaanee code hin qabne tokko magaalaa Geedoo irraa garaa Godinaa Horroo Guduruu Fincaa’aattii deemaa jirtuu galgala Humni Addaa hin beekamnee tarkaanfii irraattii fudhachuun namaa tokkoo madeessee, Foddaa fi of-laalleen konkolaatichaa akka jirutti ccaccabee sardamaan akka humna addaa irraa miliqanii lubbuu baafatan gabaasi naannicha irraa nu gahe addeesse.

Hagayya 06,2012 Giddaa Ayyaanaa
Hagayyaa 4/2012 Godinaa Bahaa Wallaaggaa Onaa Giddaa Ayyaanaa Guttiinittii Har’aa ganamaa sa’aa 12:00 irraattii poolisonnii wayyaanee sabboonaa Oromoo Obboo Margaa Jogoraa Gammaadaa seeraan Alaa mana galmaa isaa sakkata’uun humna ABO dhoksitanii nyaachiisaa jirtu sababa jedhuun poolioonni aanaa qabanii gara mana hidhaatti yeroo geessaa jiranitti dargaggoonni ykn Qeerroo naannichaa wal gurmeessuun fincila kaasuun dhagaa fi ulee dhaan poolisoota dursanii eeguun reebanii sabboonaa Oromoo Margaa Jogoraa Gammadaa harka diinaa irraa baasanii nagaan gara mana isaatti akka galu taasisanii jiru.
Yeruma kanatti poolisoonnis rasaasaa dargaggeessaa Oromoo irraattii xaxeessaani, dargaggoonnii Oromoo sodaa tokkoo malee of irraa deebisuun poolisotaa sabboontotaa qabdee hidhuuf manaa baatee harka naannicha irraa ari’uun harka duwwaa galchuu gabaasi nu gahe addeessa.

Hagayya 06,021
Godina wallagga bahaa aanaa Haroo Limmuu keessatti waraanni mootummaa wayyaanee mana ilmaan oromoo sakatta’insatti gad taa’e.Diddaa naannoo kanatti deemsifamaa jiru dura dhaabbachuuf waraanni wayyaannee manneen lammiilee Oromoo maqaa meeshaa waraanaa qabdu jedhuun sakatta’insaan rakkisaa jira.Uummatni oromoo mana isaa seeraan ala akka hin sakattaane dura mormaa kan jiru yoommuu tahu waraanni wayyaanees meeshaa hidhannoo qabuun ilmaan oromoo dirqamsiisee sakatta’aa jira.
Aanaa Giddaa keessattis haalli wal fakkaataan kan jiru dha.Godina Horroo Guduruu wallaggaa aanaa Jaardagaa Jaartee,Horroo,Amuruu fi Guduruu keessatti uummatni wal gahii wayyaanee lagachuun diddaa jabeessee jira.Waraanni wayyaanee tasgabbii dhabes gidduu galeessa irra gara naannooleetti hedduumminaan rabsamaa akka jiru gabaasi nu gahe addeessa.
Ummanni naannoo fi barsiisonni tokko tokko akka jedhanitti dukkanaan duuba ifatu jira,har’a qe’ee fi maatiin keenya sakata’amus booru kana jalaa baanee ummata walabaan jiraatu ni taana. Mootummaan har’a ummata Oromoo salphisaa jiru yerootti ofii salphatus as dhihoo waan ta’eef nuti qabsoo keenya itti fufna jedhu.

(Qeerroo,Finfinnee, 5 Hagayya 2012) Lammilee Oromoo mana hidhaa Qaallittiitti hidhamanii jiran irratti dararaan Mootummaa wayyaaneen irra gahu hammaataa kan jiruu ta’uun bira gahame. Maddi Qeerroo akka gabaasetti, Oromoonni 69 waggaa darbee Oromiyaa garaagaraa irraa balleessaa tokkoo malee qabamanii hidhaman akka malee hiraarfamaa fi murtii malee beellamaan gidirfamaa akka jiran beekamee jira.
Keessaayyuu, lammiileen Oromoo kunneen erga qabamanii kaasee haga yoonaatti murtii tokkoo malee maqaa qoraannoo qofaan beellamamaa fi mana hidha akeessatti hiraarfamaa akka jiran beekameera. Haalumaa kanaan hidhamtotaa 69 keessaa barattootni Oromoo lamaa akka malee dhukubsatanii kan jiran yoo ta’u haga yoonaatti wal’aansa mana yaalaa dhorkamnii kan jiraan ta’uun hubatameera.
Barattooti kunneen lameenis 1. Barataa Geetachoo Iddoosaa fi 2. barataa Hirphasaa Diriirsaa kanneen jedhaman, dhukkubsatanii otuu jiranii sababa Oromoo ta’aniif yaalaa akka hin arganne godhamanii jiru.
Dhimma kanaan kan walqabates, hidhamtoonni ilmaan Oromoo mana hidhaa Qaallittii zoonii keessatti hidhamnii jiran “hangaa hidhamtoonni dhukkubsachaa jiran waldhaansaa hin argannetti, nyaataa hin nyaannu,” jechuun fincilaa nyaataa lagachuu gaggeessanii jiran.
Haalaa kanaan Mana hidhaa Qaallitii Zone 1,3,6, kessatti diddaan ilmaan Oromoo jabaachaa jiraachun kan beekame yoo ta’u, ergamtooti wayyaanee immoo sababa kanaan hidhamtoota dararaa akka jirtu illee bira gahamee jira.
Mootummaan Wayyaanee fincilaa ilmaan Oromoo kallattii garaagaraatiin belbelaa jiru dhaamsuuf ilmaan Oromoo jumlaan mana hidhaatti guuruu kan aadeffatte ta’uunis beekamaa dha.

Hagayya 05,2012 Naqamte
Ona Habee Dongoroo Bakka Tulluu Gaanaa jedhamutti Hagayyaa 2,2012 Qabeenyaan Investeraa Wayyaanee beekamaa nama maqaan isaa Aksiidoom G/Sillaaseee kan jedhamuu irratti tarkaanfii fudhatame. Ammaan dura Oromoota 1500 ol humnaan qe’ee irraa buqisee lafa cash crop area qabatee qabeenyaa uummataa Oromoo saamaa kan jiru namtichi kun humna hin beekamiiniin qe’ee Oromoota irraa buqisetti qabeenyi isaa Hagayya 1,2012 barbadaayuu gabaafame.
1. Tiraakteroota 4
2. Konkolaataa Isuse FSR lama
3. Magaazinni kuufama midhaan akka Saaliixaa,Nuugii fi gosa garaa garaa kuusee biyya biraatti dabarsu.
Guutuutti barbadaayuu gabaasi naannicha irraa nu gahe addeessa.
Waardiyyaan inveesitera kanaa maqaan Caannee Waaldee Yoohaanniis jedhaamuu tarkaanfii humnii addaa irraattii fudhateen akka malee madaa’ee du’aaf jireenyaa gidduu jiraachuun gabaafamera, Tarkaanfii boonsaa kanattii uummannii akka malee gammadee kan jiruu ta’u Oromoonni laficha irraa buqa’anii qabeenya malee ta’anii arihaman adda addaa haala kana yeroo dhagahan gammachuu irra darbanii akka booyichaan roorroo irra gahe ibsataa turan gabaasi naannciha irraa nu gahe addeessa.

Hagayya 05,2012.
Oromiyaa keessatti diddaan uummataa jabaachaa waan dhufeef waraanni mootummaa Wayyaanee tasgabbii dhabe.Waraana mootummaa Wayyaaneetti dirqamni kenname kan duraanii irra daran jabaachaa waan dhufeef waraannis gara abdii kutannaatti ce’ee jira.Godina Wallagga lixaa aanaa Ayiraa ganda Hoomii fi Kolooboo jedhamn keessatti waraanni Wayyaanee hedduumminaan bobba’uun uummata Oromoo mana hidhaatti guuraa jira.Gaaffii mirgaa uummatni Oromoo gaafatu isin ABOti,Qeerroon isini jechuun dargaggootaa fi abbaa maatii qabanii hidhuun reebichaan dararaa jiru.Ilmaan Oromoo ganda kanneen keessaa 50 ol mana hidhaatti ukkamsuun galgala galgala mana barumsaa sadarkaa 1ffaa ganda Hoomii keessatti lama lamaan guuruun reebichaan dararaa jiru. Yeroo ammaa naannichatti Oromoonni mana hidhaa Wayyaanee keessatti dararamaa jiranis

1. Dargaggoo Gammachiis Mulaatuu
2. Abbaa maatii Mitikkuu Margaa
3. Dargaggoo Efreem Ejjetaa
4. Dargaggoo Lijaalem Yaadataa
5. Abbaa Maatii Abarraa Tarfaasaa
6. Abbaa Maatii Taammiruu Tarreessaa
7. Dargaggoo Lalisaa Margaa
8. Abbaa Maatii Taayyee Tarfaasaa
9. Dargaggoo Habtaamuu Bantii
10. Dargaggoo Gammachuu Bantii
Keessatti argamu.Qeerroon naannoo kanaas hidhaa fi ajjeechaan duuba nu hin deebisu jechuun halkanii fi guyyaa diddaa itti fufanii jiran.Uummatnis wal gahii Wayyaanee lagatee jira.Waraqaaleen dhaadannoo OROMIYAAN NI BILISOOMTI!,GARBOOMFATAAN NI KUFA!, jedhanis ganda hoomii keessatti maxxanfamanii jiran.Qeerroo Oromootti diina tahuun yeroodhaa yerootti rakkisaa kan jiru jala deemaan Wayyaanee Karrasaa Toonee kan jedhamu yoommuu tahu Mana barumsaa Biiftuu keessatti barsiisummaan turee miseensummaa OPDOn liigii dargaggootaa erga seenee booda gara Ijaarsa OPDO keessa kan seene dha. Karrasaa Toonee fi kanneen isa waliin wal fakkaattan wayita Oromoon tokko tahee diina isaa buqqisaa jirutti alagaa jala kurkuruun keessan bu’aan isaa miidhaa fi taajjabbii waan taheef qabsoo Oromootti akka dabalamiin ummanni naannichaa gorsaa fi akeekkachiisa kennee akka jiru Qeerroon gabaasa.