Hagayya 17,2012 Gullisoo

Godina wallagga lixaa Gullisoo keessatti dabballootni mootummaa wayyaanee ilmaan oromoo maqaa miseensota ABO jedhuun hidhuu itti fufanii jiran.Jiraataa Kabroon Diillaa gogolaa kan tahe Obbo Tarfaasaa Jireenyaa jedhaman qabamuun mana hidhaa Wayyaanee Gullisoo keessatti reebamaa jira.Qeerroon naannoo kanaa hidhaa fi doorsisa mootummaa Wayyaanee jala dhaabbachuun waraqaalee dhaadannoo bulchinsa Gullisoo fuulduratti bittinsanii jiran.Waraqaalee hedduumminaanis gara gandaatti raabsuun mootummaa wayyaanee dhiphisuu irratti argamu.Dhaadannoowwan

1. Diinaaf hin jilbeeffannu

2. Garboomfataan kufa

3. Oromia shall be free

Jedhan qalama diimaa magariisa diimaan barreeffamuunii fi kompiteraan barreeffamuun hedduumminaan raabsamanii jiran.Mootummaan wayyaanee gocha kanaan kan baarage halkanii guyyaa dargaggoota oromoo hojii dhaban isin miseensa keenya hin taatanii jechuun kadhaatti seenuuf dirqamee jira.Uummatni naannoo kanaas wal gahii wayyaanee guutummaan guutuun lagatee jira.

Qabsoon itti fufa! Gabrummaan ni kufa!

Hagayya 17,2012 Finfinnee

Sochiin Dargaggoota Biyyoolessaa kan Bilisummaa fi Dimokiraasii(Qeerroo)n Dargaggoota Sidaamaa waliin walitti dhufuun dhimma qabsoo irratti marii taasise.Diina waloo jiru mootummaa wayyaanee hundeen buqqisuuf gumaatni sabawwan cunqurfamoo marti barbaachisaa akka tahe hubachuun Qeerroon Dargaggoota Sidaamaa waliin walitti dhufuun dhimma qabsoo irratti haalaan erga mariiatamee booda hojii fuulduraa jabinaan waliin akka hojjetamu irratti walii galuun ibsawwan ejjennoo armaan gadii kun baafamee jira.

1. Diinni keenya mootummaa wayyaanee tahuu hubachuun qabsoo hanga dhumaa tokkummaan ni gaggeessina

2. Bakka rakkoon ilmaan oromoo mudatee fi uummata sidaamaa mudatetti wal tahuun ni furra

3. Sagaleen sabawwan cunqurfamee addunyaatti akka dhagaamu tokkummaan ni hojjenna

4. Sabawwan cunqurafamoo Impaayera biyyattii keessatti carraa wal fakkaataan isaan mudate waliin tahuun ni hojjenna

5. Humna mootummaa wayyaanee diiguuf akka tahutti diddaa wal fakkaataa waraana mootummaa wayyaanee tasgabbii dhabsiisu Oromiyaa fi Sidaamaa keessatti ni qabsiifna

6. Uummatnii fi biyyi keenya bilisa hanga bahutti qabsoo itti fufna

7. Odeeffata diddaa uummataan jiruu fi shira mootummaa wayyaanee yeroodhaa yerootti quba wal qabaachifna

8. Quunnamtii bua qabeessummaa tolchuun Waadaa keenya hanga dhumaa ni tikfanna

Kan jedhan baafachuun yeroodhaa yerootti quunnamtii jabaan akka itti fufamuu fi diddaa wal fakkaataa mootummaa abbaa irree baleellaffamu irratti hojjechuuf murtii irra gahamee jira.

Hagayya 17,2012 Amboo

Hidhaaa fi ajjeechaan haamilee nu cabsuu hin danda’u jechuun Hagayya 16,012 Qeerroon Amboo walitti dhufruun dhimma qabsoo oromoo irratti marii baldhaa taasisan.Qeerroon Amboop wareegama dargaggootni oromoo qabsoo oromoo irratti gumaaataa turaanii fi itti jiran yaadatanii jiran.Gaaffii mirgaa gaaafachaa jirru irratti wareegama barbaachisaa ni kaffalla jechuun qeerroon Amboo ibsa ejjennoo armaan gadii lafa kaaa’atanii jiran

1. Gaaffii mirgaa gaafannu jabeessinee itti fufna
2. Dirqama oromummaan nutti kenname haal duree tokko malee ni baana
3. Diina keenyaa yoomuu ni mormina,Hanga Injifaanoos wareegama barbaachisaa kaffaluun ni mormina
4. Saaminsa lfaa maqaa Investimentiin nutti dhufe ni mormina,Jalas ni dhaabbanna
5. Sabawwan Cunqurfamoo waliin tahuun diina waloo irratti qabsoofna
6. Ilmaan oromoo mana hidhaatti dararamaa jiraniif Adunyaatti ni iyyanna
7. Bilisummaa biyya keenyaa saffisaaan dhufaa jiru dabarsinee aalagaaaf hin kenninu
8. Akeekaa fi Gumaa gootawwan keenyaa ni baafna

Kan jedhan baafachuun qeerroo Oromiyaa bakkeewwaan biroo jiran irratti jabinaan akka hojjetan irratti walii galanii jiran.

Hagayya 15,2012 Naqamte

Hagayyaa 14/2012 Onaa Diggaa Saasiggaa bakkaa bishaan Ukkee jedhaamuu fi Magaalaa Neqemtee irraa 44km fagaatee kan argamuttii Tarkaanfiin haleellaa Qaabeenyaa fi lubbuu Investeroota Wayyaanee irratti fudhatame.

Naannoo kana  irraattii Investeraa Wayyaanee nama maqaan Aksiidoom G/Mikaa’eel fi jedhamuun Qabeenyii ummaataa samamaa,qotee bulaa Oromoo lafa isaa irraa buqisaa fi mindaa xiqqaan Oromoo hojjechiifataa kan ture ta’uun beekama, Haala kanaan  roorroo saba isaa irraa kan ittisu humni Addaa WBO  hagayyaa 14/2012 galgalaa tarkaanfii maayyii konkolaataa mi’aa hojii  fi manaajeera nama maqaan isaa Taageenyii G/Masqaal Aksiidoom manaajera  G/Mikaa’el kan keessaattii irraatti tarkaanfii haleellaa fudhatameen dhabamsiifamuu gabaasi nu gahe addeessa. Namnii kun hojii  manaajerummaa hojjetu irratti dabalee mootummaa Wayyaaneedhaaf basaasa beekama ilmaan Oromoo kan basasuun hiisisaa ture ta’uun beekama.

Tarkaanfii fudhatame kanaan kanaan konkolaachiisaan isaa namni maqaan Gaalahuu Mokonnon jedhamuu  akkaa malee madaayuun haleellaa irraa akka hafe beekama. Konkolaataan  FSR jedhamu kunis mi’a fe’ee deemu waliin manaajera dabalatee barbadaayuu isaa gabaasi naannicha irraa nu gahe addeessa

Hagayya 15,2012 Shaashamannee

Biyya uummatni abbaa irreen jilbeeffamee bulu keessatti guyyaa uummatni tole jedhee bulu hi jiraatu.Abbaa irree of irraa ittisuufis ciisee hin bulu.Mootummaan Wayyaanee aangoo abbaa irrummaan erga qabatee booda uummata Oromoo fi carraan wal fakkaataan isaan mudate yeroodhaa yerootti hidhuun,saamuun,hojii irraa arii’uun,biyyaa arii’uun waan barame dha.Uummatni Oromoos hidhaa fi ajjeechaan haamilee nu hin cabsu jechuun yeroodhaa gara yerootti FDG gaggeessaa ture.Har’as daran jabeessuun mootummaa Wayyaaneetti xumura gochaa jira.Wwayyaanees gaaffii mirgaa uummatni Oromoo gaafatu yeroodhaa yerootti hidhaan deebii kenna.Haalli kun yeroodhaa gara yerootti hammaachaa dhufuun hordoftootni amantaa musliimaa Oromoo tahan isin ABO dha,Akeeka ABO fiixaan baasuuf deemtu malee gaaffii amantii gaafattu miti jedhamuun Godina Arsii Shaashimannee dhaa tika mootummaa Wayyaaneen yakkamuun mana hidhaatti darbamanii jiran.Ilmaan Oromoo
1. Sheik Sultan Ibraahim qotee bulaa naannoo magaala shaashimannee
2. Ziyaad Usmaan daldalaa fi
3. Dargaggoo Jamaal
Jedhaman tika Wayyaaneen qabamanii mana hidhaatti darbamanii jiran.Namootni kunneen wayi sooma ramadaan keessa jiranitti mootummaa wayyaaneen kan yakkaman yoommuu tahu Wayyaaneen diddaa gama hundaan isa muddaa jiru dura dhaabbachuu dadhabee olii fi gadi fiigaa fi ijibbaata nama gama hidhaatti funaanaa jiraachuun isaas beekamaa dha.

Hagayya 14,2012 Gidaamii
Gabaasaa Qellem,Ona Gidaamii,ganda Alchayyaa Jiilloo irraa har;a Hagayya 13,2012 addeessuun hojjetootni mootummaa Wayyaanee keessa walitti dhufuun haala sochii siyaasa yeroo ammaa irratti malii bal’aa erga deemsifataniin booda sadarkaan qabsoon Oromoo irra jiruu fi hojjettooti mootummaa kanneen sabbontota ta’an ammo qoodi isaan sochii warraaqsaa keessatti qaban maal akka ta’e ifatti mariyatanii of erga gamaa gamaniin booda qeeqa mataa isaanii irratti kennuun gara fuula duraa sochii warraaqsaa biyyattii keessatti deemu mara iyyuu faana bu’anii akka galmaan geessisuu dandayan irratti walii galuu isaanii gabaasaan qeerroo naannicha irraa addeessa.
Hojjetootni kunis barsiisota, ogeessa fayyaa, H/dirree misoomaa, mana murtii ganda sanaa,milishoota, fi poolisoota ona sanaa murtaa’oo ta’an, qeerroo keessaa ofitti dabaluun yaada wal jijjiiraa akka oolan gabaasaan qeerroo addeessa. Hojjetootni kunis keessumaa kan irratti xiyyeffatanii maree godhatan keessaa akka miidiyaan addeessaa jirutii sochiin bakka bakkaa kan nama onnessuudha, garuu nuti maaliif qabsoo eegallee mootummaa ilmaan Oromoo hidhaatti guuraa jiru kana dura hin dhaabbannuu? Miindaan isaa yoo nutti hafe waan nu miidhu hin qabu, toora tooran walitti dhufnee uummata keenyaa fi dargaggoota keenya ijaaruudhaan, fakkeenya taanee yoo kaane ummata keenyaaf duree taanee hojjechuu fi waliin hiriiruu hin dadhabnu kan jedhu mariyatanii jiru.
Gama biraan walgahii kamuu Wayyaaneen yaamtuu fi ummata walitti qabdee kijia amata 20 ammas itti duskuruu yoo feete ummanni kamuu akka walgahii dabballoota Wayyaanee hin deemne,kan kan deeme ammo akka farra warraaqsaatti ilaalamuu qabu murtee dabarfatan.
Kana malees waraqaan qeerroos ganda kana keessatti har’a galgala kana hedduminaan raabsamee jira. Uummannis waraqaan kun eessaa fi daandii kamiin dhufee osoo hin qorannee akka saamichatti wal harkatti qabanii fixan jedha,akka gabaasaan addeessutti uummata 1200 itti tilmaamamutu waraqaa kana fudhate, qeerroon waraqaa kana ganda sanatti dhiyeessee jiru akka wal hankaakee jiru waraqaan qabsoo kun addeessa. Keessumaa qooda guddaa fudhatee hojii qabsoo kanaaf adda duree ta’ee uummataa fi dargaggoota, qote bultoota ganda kanaaf fakkeenya ta’ee QBOtti nama dadammaqsaa jiru milishoota ganda sanaa akka ta’e qeerroon gabaasee jira. Waraanni wayyaanee har’a ganama gara itti socho’e hin beekamne, ganda sana keessa kan ture garamitti akka ergame hin beekamne,kunis akka qeerroon gabaasutti sodaa uummataatiin waraanni achirra jiru kanmagaalaa keessa ture gara cina cina magaalaatti, magaalaa gadi dhiisuudhaan daandii fi daggalatti siqee akka jiraatu godhee jira, kunis shakkii waraanni ABO akka jiru waan shakkamuuf kana irratti hundaa’uudhaan waraana isaa magaalaa keessaa baasee cina cina magaalaatti galche jedha qeerroon ona Gidaamii irra gabaasu.

Hagayya 12,2012 Gabaasa Qeerroo Beegii

Hagayya 11,2012  milishoonni gandaa fi ummanni Oromoo aanaa  Beegii ganda GAbaa Dafnoo jedhamu keessa jiraatan walitti bu’uun miidhaa geessisuu qeerroon gabaase. Sababaan walitti bu’iinsa kana kaasees sabboonta Oromoo naannicha jiran maqaa maadhee ABO dha jedhuun mootummaan Wayyaanee yakkee waan hidheef jecha ummanni akka warri hidhaman gadhiifamaniif jabeessanii gaafatan haala kanatti kan rifatan milshoonni gandaa ummata of irraa deebisuuf jecha  meeshaa waraanaan waan sodaachiseef jecha ummanni meeshaa mana keessaa qabu mara fudhatee of irraa ittisuuf jecha bahe.

Haala kanaan walitti bu’iinsa ta’e keessatti milishoonni Wayyaaneef ergaman keessaa namni 10 gara malee yeroo madaayan kanneen hafan naannicha gadhiisanii baqachuun ummanni lafa walitti bu’iinis kun itti ta’e Gabaa Dafinoo lukkee irraa bilisa baafachuun gammachu dhibsate.Haalli kun kan ta’e ganama keessaa sa’aa 11:00AM irratti ta’uu qeerroon gabaasa. Haalli kun akkas ta’ee yeroo oolu galgala humni waraanaa Wayyaanee heddumminaan birmannaa taasisuun  naannicha qubatee ummata nagaa mana irra deemee goolaa akka jiru beekame.

Guutummaa sochiin kanaa faana bu’ee akka gabaasu Qeerroon addeessee jira.

Hagayya 13,2012 Dirree Daawa
Erga mootummaan wayyaanee aangootti bahee uummatni oromoo guyyaadhaa guyyaatti sababa oromummaa isaaf hidhamaa turuu fi ittis jiru ifa guyyaa saafaati.Oromootni Oromiyaa keessa naanna’uun hojii dhuunfaa yoo hojjetan dabballoota ABOti,WBOtu gale maqaa jedhuun yeroodhaa yerootti hidhamu.Odeeffata wal fakkaatuunis ilmaan oromoo hojii dhuunfaa isaanii hojjechuun magaala Dirree Dawaa keessa jiraatan
1. Dargaggoo Efreem Waaqoyyaa wallagga bahaa irraa
2. Dargaggoo Tashaalaa Fiqaaduu Wallagga bahaa irraa
3. Dargaggoo Turii Badhaasaa Amboo irraa
Magaala Dirree Dawaa keessatti hojii daldalaa hojjechuun osoo jiraachaa jiranii isin eessaa dhuftan? Dirree Dawaa keessaa maal hojjettu? Isiniin ABOtu leenjisee as isin galche jedhamanii yakkamanii mana hidhaa mootummaa wayyaanee Dirree Dawaa keessatti ukkaamsamanii jiran.Haaluma wal fakkaatuun Godina wallagga lixaa Gullisoo keessaa ilmaan oromoo
1. Obbo Nugusee Tasammaa
2. Obbo Margaa Jaalal
Jedhaman mootummaa wayyaaneen isin ABO nurra ijaartu jedhamanii yakkamuun mana hidhaatti darbamanii jiran.Hidhaa fi ajjeechaan mootummaa wayyaanee irraa daran jabaachaa dhufus qeerroon diddaa magaala Finfinnee,Amboo,Mattuu,Jimmaa,Shaambuu fi Dirree Dawaa keessatti haalaan jabeessee qabuun mootummaa wayyaanee cinqaa jira.

Hagayya 13,2012 Finfinnee
Gabaasaa Godina Addaa Naannoo Finfinnee,Aanaa Sulultaa Ganda Akaakoo Manabbichi irraa Hagayya 12 addeessuun dhimmoota saamamina lafaa fi buqa’iinsa ummataan wal qabsiisanii ummanni walitti dhufuun Hagayya 11 walgayii guddaa godhatanii jiru. Uummanni walgayii kana irratti argamanis namoota 220 akka ta’an qeerroon ganda Akaakoo Manabbichi addeessa gabaasa.
Walgahii walitti dhufuun godhatan irratti uummanni murteeffatee ka’e lafa keenya yeroo adda addaatti samamenii fi kana ammaan booda samamuuf ykn buqa’iinsi nurra gahuu maraaf inveesiteroonni mootummaa kamiinuu waliin walii galanii yoo dhufan, warshaan fedhes irratti haadhabatu,manneen akka kondominyeemis haata’u ijaarsa garagaraaf mootummaa abba irree waliin kan walii galee gara keenya dhufu dura dhaabbanna malee lafa keenya irratti falmachuun haqa keenya waan ta’eef amma irraa gurmuun hawaasaa fi tokkummaan ummataa barbaachisa kan jedhuun walii galanii akka jiran qeerroon gabaasa
Akkasuma ona kana keessatti ganda Galaanoo Soboraa jedhamu keessa dargaggoonnii fi uummanni ganda kana keessa jiraatu guyyaa dargaggoota Addunyaan wal qabsiisanii barnootaa fi gorsa waliif kennaa akka oolan qeerroon gabaasee jira. Keessumaa gorsi isaanii kan irratti xiyyeeffatu jimaa irraa wal dhorkuu, buttaa, quunamtii seeraan alaa, wal kabajuu, daandii kamiinuu gadda uummata keenyatti dhufu dura akka dhaabbannu,seer-luga Afaan Oromoo wal barsiisuudhaan,Aadaa Oromoo wal yaadachiisuun,qabsaa’ota darban seenaa isaanii kaasuun yaada keessa wal bulchaa,kanneen kana fakkataniin guyyaa kaleessaa walgayii kanaan akka xumuran, akkasuma QBOttis hirmaannaa akka godhan qeerroon isaan waliin jiruuf waadaa isaanii akka haaressan uummanni ganda kana keessa jiru, uummanni 532 ta’u waadaa kana galuu isaanii gabaasaan addeessa.