QEERROO

Sadaasa 3,2015 Najjoo

Wallagga lixaa aanalee garagaraatti ummanni rakkoo ibsaa fi jireenya hawaasaaf barbaachisa tahee dhabuun rakkina keessa seenee jiruun gaaffiin
dhiyaatee jirus deebiin rukuttaa fi hidhaa tahuun Qeerroon gabaasee jira.
Yarootti torbanoota lamaan sadan darban kanatti deggertoota ABO, Qeerroo Bilisumma fi uummata diddaaf kan qindeessan jedhamuun dargaggootni reebamaa dhaanicha wayyaanee jala baduunis kan hammaate godina wallagga lixaa aanaalee Najjoo, Gorii, Manasibuu, Mandii, Gimbii fi Haaruu fi kkf keessatti wayyaanee xiyyeeffannoo guddaa kennuun soda qabuun dargaggoota irratti tarkaanfii reebichaa fudhachiisaa jirun sababa guddaan tahu isin ABOdha, hojjetoota ABO jechuunis hidhaatt guuraa jira. haaluma kanaa ammo Wallagga aanaa Hoomaatti ji’a tokkoo ol kan tahuuf ibsaa ummata irraa kutuun uummanni iyyatee dhabuu irras deebiin gaaffii uummataa reebichuma tahaa jiraachuun gabaafame. Hanga har’aattis jiruun hawaasaa dhabamuu ibsaa irran kan ka’e rakkina keessa seene ibsachaa jira. Rakkoo keenya nuuf birmadhaa, uummata isaa rakkina keessaa baasuuf kan dhaabbatee falmaa jiru ABO(WBO) nuuf waamaa jechuudhaan uummanni iyyaa jira. sababa kanatti rakkoon uummanni keessa jiruun gaaffiiwwan ka’aa jiran olka’aa dhufuun Wayyaaneen ammas hawaasicha kan rakkisu malee kan fayadu akka hin taanee jala muramee hubatamee jira.

Wallee Warraaqsaa Wallisuun Roorroo Uummata Oromoo Himaa fi Gootummaa Oromoo Muldhisuun Kan Beekame Dargaggoon(Qeerroon) Beenyaa Dirbabaa Mana Hidhaa Wayyaanee Keessatti Dararama Guddaa Erga Irraan Gahamee Gadiifame.

Artist Dargaggoon kun qooda wallee warraaqsaa keessatti sadarkaa guddaan kan beekamu dhalataa Qeerroo(Qubee) dha. Walleelee isaa you tube irraa heddumminaan argachuu ni dandeessu.